ئەڤرۆ نیوز، مەحمود نھێلی

رازیبوون ھاتیە کرن ل سەر ڤەکرنا پشکەکا کولیژا تەکنیکی کارگێری ل قەزا ئامیدیێ و پێرابوونێن دەسپێکی ھاتینە کرن پشتی کو بزاڤ ھاتیە کرن ژلایێ ھەژمارەکا گەنجێن دەڤەرێ ڤە.

موراد ئامێدی ئێک ژ رێکخەرێن ھەوا کومکرنا واژویان بۆ ئەڤرۆ نیوز دیارکر، کو ئەڤە ھەیاما چەندین ھەیڤاینە بزاڤ کرینە بو ڤەکرنا پشکەکا کولیژا ئێڤاریان بۆ دەرچوویێن شەشێ و پەیمانگەھان بتایبەتی فەرمانبەران و گۆت: ئەم ب کارێ کومکرنا ئیمزایان رابووین و ب رێکا پەیمانگەھا ئامێدیێ و لقێ ھەژدە یێ پارتی وکولیژا پەیمانگەھا تەکنیکیی یا دھوکی کو ھەموو ل گەل مە ھاریکار بوونە و جھێ دەست خوشیێ و سوپاسیێ یە بۆ ھەر کەس و لایەنکێ ھاریکار لگەل مە، کو ئەم شیاین ل سەر وەرگرتنا رازیبوونێ بۆ ڤەکرنا پشکەکا کولیژا تەکنیکی کارگێری کار ل قەزا ئامێدیێ و گۆت: ئەو کەسێن حەزا خواندنا ئێڤاریا ھەبیت دشێت دناڤ ڤێ پەیمانگەھێ دا بخووینت و ئاشکرا کر، کو بۆ خێزانێن شەھیدان بێ بەرامبەرە و بۆ سالا خواندنێ 2019-2020 دێ قوتابیان وەرگریت و ل رۆژا 19/9/2019 دەست وەرگرتنا فورمان ھێتە کرن.

ئەڤرۆ نیوز، مەحمود نھێلی

سپێدەھیا ئەڤرۆ 16/9/2019 فرۆکەیێن تورکیا گوندێ سپیندار خەلفو ل سنورێ ناحیا دێرەلۆک ب سێ جاران بودومانکرن و تا نوکە زیانێن وێ نەھاتینە زانین.

سامی ئوشانە رێڤەبەرێ ناحیا دێرەلۆک بۆ ئەڤرۆ نیوز دیارکر، کو سپێدەھیا ئەڤرۆ فرۆکەیێن تورکیا ب بھانەیا ھەبوونا چەکدارێن پەکەکێ ل دەڤەرێ گوندێ سپیندار خەلفو یێ سەر ب ناحیا دێرەلۆک بورومانکرن و گۆت: د ڤێ بودومانێ دا کو سێ جاران د ئێک دەم دا ئەنجامدایە ل دەمێ دروست بوونا ئاگری بومبەکا دی ل جھێ ئاگری دایە و ئاگر کونترولکریە و نەھیلایە دارستان و رەز و باغێن ھاولاتیان بھێنە سوتن و دیار ژی کر، ژبەر کو ئەو جھێ ھاتیە بورومانکرن یێ دووری جھێ ئاکنجی بوونێ بوویە سوپاس بو خودێ زیان نەگەھشتینە ھاولاتیان و زیانێن گەریلایان ژی نەھاتینە زانین.

ئەڤ بورومانە یا ھەڤدەمە ل گەل ھندێ کو ھەژمارەکا زۆرا خەلکێ وان گوندان نوکە ب مەرەنا چاندنێ ل ناڤ رەز و باغێن خوە نە و ب ڤێ یەکی ژی ترس و دوودلی ئێخستیە دلێ خەلکێ دەڤەرێ.

ئەڤرۆ نیوز،عەلی حاجی :

د داخویانیەکێ دا ھاریکارێ سەروکێ زانکویا زاخۆ بۆ کاروبارێن قوتابیان بوۆ ئەڤرۆ نیوز دیار کر ناڤەندەکا تایبەت ب پرکرنا فورمێن سیستەمێ زانکولاین دناڤ زانکویا زاخۆ دا ھاتیە ڤەکرن و بێ بەرامبەر فورمان بۆ قوتابیان پر دکەن.

دکتور کاروان فەھمی زێدەتر گوت ژی : دگەل کاراکرنا سیستەمێ زانکولاین ، وەکو زانکویا زاخۆ رابوین ب دانانا ناڤەندەکا تایبەت بۆ پرکرنا فورمێن سیستەمێ زانکولاین بۆ قوتابیان بێ بەرامبەر،ئەڤ ناڤەندە ژلایێ ماموستا و فەرمانبەرێن زانکویا زاخۆ دھێتە ب رێڤەبرن وھەر ئەو ب خوە ژی فورمان بۆ قوتابیا پر دکەن، سالانە ژی وەکو زانکو ناڤەندەکێ دانین ب مەرەما پرکرنا فورمێ بۆ قوتابیان،روژانە ب سەدەھان قوتابی سەرەدانا زانکویێ دکەن و بێ ھیچ جیاوازیەک ئەم خزمەتا وان قوتابیان دکەین.

گوت ژی : ئەڤ ناڤەندە دێ بەردەوام بیت ھەتا ژڤانێ کاراکرنا سیستەمێ زانکولاین ب دوماھی دھێت،ئارمانجا مە یا سەرەکی ژڤەکرنا ڤێ ناڤەندێ ئەو بوو کو گەلەک قوتابی ژئەگەرێ خەلەتیەکا بچیک ناڤێ وی ل جھەکێ دەردکەڤیت کو نە ل گورەی نمرا وی بوو،ھەر دیسان مە ئەکاوەنتەک ژی دروست کری یە ل دور چاوانیا چارەسەرکرنا خەلەتیێن دپێشکێشکرنا فورمان دا ھاتیە کرن و ھەر دیسان سالانە ئەڤ ناڤەندە ژلایێ زانکویێ ڤە دھێتە ڤەکرن .