ئەڤرۆ نیوز:
بریارە سپێدێ مەسرور بارزانی سەرۆکێ حوکمەتا هەرێما کوردستانێ ل گەل شاندەکێ ژ حوکمەتا هەرێما کوردستانێ ل گەل فراکسیۆنێن کوردی یێن پەرلەمانێ عیراقێ کۆم بیت، د کۆمبوونێ دا دێ بەحسێ رەوشا نها یا عیراقێ و ئاریشێن د ناڤبەرا هەولێرێ و بەغدایێ دا هێتە کرن.
ل گۆر زانیاریێن ئەڤرۆ نیوز سەرۆکێن هەموو فراکسیۆنێن کوردی یێن ل پەرلەمانێ عیراقێ دێ د کۆمبوونا سپێدێ دا بەرهەڤ بن.
ئه‌ڤرۆ نیوز ، زنار تۆڤى:
ره‌نج جه‌عفه‌ر ئه‌حمه‌د نوونه‌رێ راگه‌هاندنێ ل وه‌زاره‌تا پێشمه‌رگێ كوردستانێ، بۆ ئه‌ڤرۆ نیوز دیار كر: ب نڤێساره‌كا فه‌رمى كو ئیمزا وه‌زیرێ پێشمه‌رگێ كوردستانێ ل سه‌ره، تێدا داخوازى هاتیه كرن كو ده‌رماله‌یێن باوه‌رنامێ و پله‌یان بۆ هه‌موو ئه‌فسه‌ر و پله‌دار و پێشمه‌رگه‌یان بهێنه مه‌زاختن، هه‌تا راده‌كێ ئه‌ڤه دێ دۆخێ پشكه‌كێ ژ هێزێن پێشمه‌رگێكوردستانێ خۆش كه‌ت، ل ده‌مێ كو ئه‌ڤ بریاره دكه‌ڤیته د وارێ بجهئینانێ دا، هه‌ر چه‌نده ئه‌ڤ داخوازیا وه‌زاره‌تا پێشمه‌رگه‌ى رادوه‌ستیت ل سه‌ر به‌رسڤدانا جڤاتا وه‌زیران و وه‌زاره‌تا دارایى و هه‌كه ئه‌و ل سه‌ر ڤێ بریارێ رێككه‌فتن و هه‌كه بوودجه‌كێ تایبه‌ت بۆ هاته ته‌رخانكرن، پشتى هنگێ ئه‌ڤ بریاره دێ كه‌ڤیته د قۆناغا بجهئینانێ دا، هه‌تا نوكه ئه‌ڤ بریاره هاتیه پێشكێش كرن، لێ هێشتا نه‌هاتیه جێبه‌جێ كرن، هه‌روه‌سا د وێ نڤێسارا وه‌زاره‌تا پێشمه‌رگه‌ى دا هه‌موو رێژێن ده‌رمالان تێدا هاتینه دیار كرن.
ئەڤرۆ نیوز، عەلی حاجی:
ل روژا ئەینیێ رێکەڤتی ٦/٩/٢٠١٩ د چەند روودانێن جودا دا ، دو گەنجێن زاخۆ گیانێ خوە ژ دەستدان و نەھـ کەسێن دیتر ژی بریندار دبن.
حەمزە رەزیکی، بەرپرسێ راگەھاندنا رێڤەبەریا گشتی یا ساخلەمیا پارێزگەھا دھوکێ بۆ ئەڤرۆ نیوز دیار کر دوھی ل روژا ئەینیێ کچەکا ١٦ سالی بناڤێ فاتیما خشمان،کو خەلکا باژێرێ زاخۆ،د روودانەکا سوتنێ دا،ژبەر رێژەیا سوتنا زێدە یا لەشێ وێ،کو ٨٠٪ سوت بوو،دناڤ نەخوشخانەیا تایبەت ب سوتنێ ڤە ل باژێرێ دھوکێ گیانێ خوە ژدەستدا.
رائید بێوار عەبدولعەزیز بەرپرسێ راگەھاندنا بەرەڤانیا باژێری ل پارێزگەھا دھوک بۆ ئەڤرۆ نیوز گوت: د روودانەکا خەدقینێ دا ل نێزکیک گوندێ سەر ب قەزا زاخۆ ڤە،گەنجەکێ ١٩ سالی بناڤێ ئەحمەد عەبدی کو خەلکێ دەڤەرا زاخۆ بوو،ژ ئەگەرێ نەزانینا مەلەڤانیان ل دەمژمێر ٥:٣٠ خەندقیت،پشتی تیمێن مەیێن نقومەڤانی ل جھێ روودانێ ئامادە بووین،شیان ل دەمژمێر ٦:٠٠ێ ئێڤاری یا ھەمان روژ تەرمێ وی ژ ئاڤێ بیننە دەر و ھاتە رەوانە کرن بۆ پزیشکیا داد ل نەخوشخانا زاخۆ.
ژلایێ خوەڤە ئەمیر عەلی، بەرپرسێ راگەھاندنا ساخلەمیا زاخۆ گوت : شەڤا دەرباز بویی ل روژا ئەینیێ ل نێزیکی دەمژمێر ١٢:٠٠ی شەڤ،ژ ئەگەرێ شەرەکێ دناڤبەرا دو مالان د ب کێر و چەکی،سێ زەلام و ئاڤرەتەک بریندار دبن و دنوکە دا رەوشا وان یا ساخلەمیێ باشتر بویە ،پشتی نوشدارێن نەخوشخانا ھاوار ھاتنێ چارەسەریا پێدڤی بۆ وان برینداران ئەنجام دایی،ئەگەرێن وی شەری ژی بۆ ئاریشەیەکا خێزانی ڤەدگەریت.
ل دور ئامارەکا رێڤەبەریا ھاتن و چوونێ ل قەزا زاخۆ ،د دو روودانێن ھاتن و چوونێ دا ل باژێرێ زاخۆ نەھ کەس بریندار دبن و برینا سێ ژ وان برینداران ژی یا کویرە و ھاتینە رەوانە کرن بۆ نەخوشخانا ھاوار ھاتنێ ل زاخۆ،ھەر دیسان زیانێن مەزن ژی بەر ب ترومبێلێن وان کەڤتن.
ئەڤرۆ نیوز، عەلی حاجی :
سەرەرای ھندێ کو جاددەیەکا نێڤ دەولەتی یە،ل جاددەیا ئیبراھیم ھەتا نوکە رێژەیەکا گەلەک کێم یا ھێمایێن ھاتن و چوونێ ھاتینە دانان، داخازا زێدە کرنا ھێمایان و دانانا کامێرەیان دھێتە کرن.
ل دور ڤێ چەندێ موقەدەم ئازاد تەھا،بەرپرسێ راگەھاندنا ھاتن و چوونا پارێزگەھا دھوکێ بۆ ئەڤرۆ نیوز دیار کر راستە ھێمایێن ھاتن و چوونێ ل سەر وێ جاددەیا نێڤ دەولەتی گەلەک دکێمن،ئەڤ چەندە ژی بۆ چەند ئەگەرەکان ڤەدگەریت،کو ئەو ژی پرانیا وان ھێمایان ژبەر روودانێن ھاتن و چوونێ ھاتینە ژناڤبرن،ھەر دیسان بریارە جاددەیەکا رێک و پێک ژنوو ل جھێ جاددەیا نوکە یا ئیبراھیم خەلیل بھێتە دروست کرن و نەخشە و پلان ژی بۆ ھاتیە دارێشتن،ل دووف وێ نەخشەیێ ژی فێ بیتە جاددەیەکا دوو سایدی،سایدێ ھاتن و چوونێ بھێتە راکرن و دروست کرن،پشتی ئەو جاددەیە ب دوماھی دھێت ژنوو ب شێوەیەکێ بەرفرەھ دێ ھێمایێن ھاتن و چوونێ ھێنە دانان و ئەو کێماتیا ھەیی دھێمایان دا نامینیت.
گوت ژی: ھەر دیسان دو کامیرەێن ھاتن و چوونێ بو وێ جاددەیێ ژی ھاتینە بەرھەڤ کرن،بەلێ ژبەر دروست کرنا وێ جاددەیێ مە نەشیایە وان کامیرەیان دانین،ھەر دیسان ل حەفتیا بوری ژی مە ئاڤاھیەکێ تایبەت یێ ھوبا ئەندازیاری ل سەر جاددەیا ئیبراھیم خەلیل ڤەکری یە و تیمێن مە دێ بەردەوام چاڤدێریا وێ جاددەیێ کەن .
ئەڤرۆ نیوز، مەحمود نهێلی
بنگەهێ بەرەڤانیا باژێری ل دێرەلۆکێ دیار کر، کو ئەو هاتینە ئاگادارکرن لسەر بەرزەبوونا گەنجەکی ل هاڤینگەها گەلیێ شێرانە.
جیدارێ ئێکێ ئیحسان سەنعان بەرپرسێ بنگەهێ بەرەڤانیا باژێری ل دێرەلۆک ئاشکرا کر، کوئەڤرۆ تیمێن وان و نقومڤانێن شێلادزێ و دێرەلۆک و پولیس و ئاسایش ل جهێ لێ بەرزەبووی بەرهەڤ بووینە دەست ب لێگەریان و ڵێکولیان کریە و گۆت : تا نوکە چ شوونەوارەک لێ دیار نەبوویە کو ئایا کەفتیە د ئاڤێ دا یان ژی ب رەنگەکی دی بەرزەبوویە.
دوهی٦/۹/۲۰۱۹ هەژمارەکا گەنجێن خەلکێ هەولێرێ بو مەرەما گەشت و سەیرانان سەرا گەلێ شێرانە دابوو هەر دوهی ب شەڤ ئێک ژ وانا بناڤێ عیماد عوسمان کو د ژیێ ۲۲ سالیێ دایە بێ سەرووشون بوویە.
ئەڤرۆ نیوز،عەلی حاجی :
به‌رىدەمەکێ كێم ژ ئەگەرێ شەرەکێ د ناڤبەرا دو مالان دا ل تاخێ فرقێ ل زاخۆ، چار کەس بریندار دبن و رەوشا وان یا باشە.
ژێدەرەکێ ژنه‌خوه‌شخانا زاخۆ بۆ ئەڤرۆ نیوز دیارگۆت” به‌رى دەمەکێ کێم ل تاخێ فرقێ ژ ئەگەرێ شەرەکێ د ناڤبەرا دو مالان دا،سێ زەلام و ژنەک بریندار دبن، نوکە دا ئەو چار بریندارە ھاتینە ڤەگوھاستن بۆ پشکا ھاوارھاتنێ ل نەخوه‌شخانا زاخۆ و رەوشا یا وان یا ساخلەمیێ باشە و ل بن چاڤدێریا نوشداران دانه”.
وی ژێدەری گوت ژی” شەرێ وان ھەردو مالان ب کێران بوو و ھەتا نوکە ئەگەرێن وی شەری نەھاتینە زانین، رەوش ژلايێ پولیسێن زاخۆ ڤە ھاتیە کونترۆلكرن”.
ئەڤرۆ نیوز،نەوزاد هلوری:
هاڤینگەها بەنداڤا ئاشەوا ل سنورێ ناحیا سەرسنک ئێکە ژ وان هاڤینگەهێن ئامێدیێ و پارێزگەها دهۆكێ کو جودا ژ هاڤینگەهێن دی، خزمەتەکا بەرچاڤ د شەڤێن هاڤینێ دا بۆ گەشتیار و وەڵاتیان دکەت، ئەڤرۆ نیوز چەند دیمەنێن شەڤێن ئاشەوا بەلاڤ دکەت.
ئه‌ڤرۆ نیوز:
بریاره سوباهى شه‌مبیێ 7/9/2019 سه‌زاى نه‌مه‌للى، هه‌ڤسه‌رۆكێ پارتیا دیموكراتیا گه‌لان (هه‌ده‌په) ل هه‌ولێرێ سه‌ره‌دانا سه‌رۆك مه‌سعود بارزانى بكه‌ت.
ئه‌ڤرۆ ئه‌ینیێ ده‌زگه‌هێن راگه‌هاندنێ یێن توركیا به‌لاڤكر كو بریاره سوباهى شه‌مبیێ سه‌زاى ته‌مه‌للى هه‌ڤسه‌رۆكێ هه‌ده‌پێ ب سه‌رۆكاتیا شانده‌كێ بالایێ باكوورێ كوردستانێ سه‌ره‌دانا هه‌رێما كوردستانێ بكه‌ن و ل گه‌ل سه‌رۆك بارزانى كۆمبن.
مالپه‌رێ (T24) یێ توركى ئاشكراكر كو شاندێ هه‌ده‌پێ پێك دهێت ژ سه‌زاى ته‌مه‌للى هه‌ڤسه‌رۆكێ هه‌ده‌پێ و به‌ردان ئۆزتورك ئه‌ندامێ په‌رله‌مانێ توركیا و نه‌زمى گوور جێگرێ هه‌ڤسه‌رۆكێ هه‌ده‌پێ و هوشیار ئۆزسۆى ئه‌ندامێ په‌رله‌مانێ توركیا ل سه‌ر بازنا ئامه‌دێ.
هه‌روه‌سا بریاره شاندێ هه‌ده‌پێ سه‌ره‌دانا هه‌رسێ سه‌رۆكایه‌تیێن هه‌رێما كوردستانێ و چه‌ند سه‌ركردێن حزبێن كوردستانێ بكه‌ت.
ئەڤرۆ نیوز،عەلی حاجی :
گولیزار رەشید،ئەنداما پەرلەمانێ کوردستانێ بۆ ئەڤرۆ نیوز دیار کر بریارە ل رۆژا 15 ڤێ هه‌يڤێ ده‌ست ب به‌لاڤكرنا گازا سپى بهێته كرن ل دووڤ بريارا مه‌سرور بارزانى سه‌رۆك وه‌زيرێن هه‌رێما كوردستانێ كو ل ده‌ستپێكێ دێ ل ده‌ڤه‌رين چيايى هێته به‌لاڤكرن و پاشى ل سه‌نته‌رێن باژێران.
گولیزار رەشید گوت : لژنا سامانێن سروشتی ل پەرلەمانێ کوردستانێ ل ٢٨/٨/٢٠١٩ كۆمبونەک ئەنجام دا ،بەلاڤ کرنا گازا سپی ل سەر وه‌لاتیان ئێک ژ تەوەرێن كۆمبونا مە بوو،به‌رى دو رۆژان حوكمه‌تا ھەرێمێ رازيبوون ل سەر بەلاڤ کرنا گاز سپی ل سه‌ر وه‌لاتیان دا و بریارە ئەڤ ھەوا بەلاڤ کرنا گازا سپی ل دەستپێکێ ل دەڤەرێن چیایی بهێته به‌لاڤكرن ود دووڤ دا ناڤ سەنتەرێن باژێران دا ، ل گۆره‌ى وێ بریارا نوکە ھاتیە دان،بۆ ھەر خێزانەکێ دێ بەرمیلەکا گازا سپی ھێتە دان،ھەکە ھەر خێزانەک بەرمیلەکا گاز سپی وەربگریت،ب ڤی رەنگی ھەر چار پارێزگەھێن ھەرێمێ دێ پێدڤی ب ٢٥٠ ملیۆن لترێن گزا سپی بن .
گوت ژی : ھیڤیدارین ئەڤ پروسێسە یا بەردەوام بیت ھەتا کو هه‌موو وهلاتی مفادار بن ژڤێ بریارێ،ل گۆرەی پێزانینێن لبەر دەست ژی دێ ل ١٥ی ڤێ ھەیڤێ دەست ب بەلاڤ کرنا گازا سپی ھێتە کرن،ب چو رەنگێ ھەبیت ژی پێدڤیە به‌رى ھاتنا وەرزێ زڤستانێ دەست ب ڤێ پروسێسێ بھێتە کرن .
ئه‌ڤرۆ نيوز:
وه‌زاره‌تا خواندنا بلند و ڤه‌كۆلينێن زانستى ل هه‌رێما كوردستانێ خواندنا ئێڤاران ل زانكۆ و په‌يمانگه‌هێن ئه‌هلى راگرت.
وه‌زاره‌تا ناڤبرى مه‌رجێن خوه بۆ سالا نوو يا خواندنێ ل زاكۆ و په‌يمانگه‌هێن ئه‌هلى بلاڤكرن و تێدا برياردا، ده‌واما ئێڤاران ل زانكۆ و په‌يمانگه‌هێن ئه‌هلى نه‌مينيت و ده‌وام ل سپێدێ بهێته كرن.
ل دووڤ پێزانينان، ده‌واما ئێڤاران بۆ وان قوتابيان هاته راگرتن كو دێ ئه‌ڤ ساله ده‌ست ب خواندنێ ل زانكۆ و په‌يمانگه‌هان كه‌ن، ئانكۆ قۆناغا ئێكێ، به‌لێ ئه‌و قوتابيێن ل قۆناغا دويێ و سه‌رڤه و پێشتر ل ئێڤاران ده‌وام دكر، ژ نوكه و پێڤه هه‌ر دێ ل ئێڤاران ده‌وامێ كه‌ن.
ئه‌ڤه ژى ده‌قێ مه‌رجێن وه‌زاره‌تا خواندنا بلند بۆ خواندنێ ل زانكۆ و په‌يمانگه‌هێن ئه‌هلى بۆ سالا خواندنێ 2019 – 2020:
نيشاندان