ئەڤرۆ نیوز، نیوار محەمەد سەلیم:
کۆنسێرتەکا میوزیکێ ژ لایێ پشکا میوزیک یا پەیمانگەھا ھۆنەرێن جوان رۆژا سێشەمبی رێکەفتی 23ی تیرمەھێ ل ھەولێر ھاتە گێران.
نیوار سلێمان، سەرۆکێ پشکا میوزیکێ ل پەیمانگەھا ھۆنەرێن جوان د داخۆیانیەکێ دا بۆ ئەڤرۆ نیوز گۆت: “پشتی گێرانا فیستڤالا پەیمانگەھا ھۆنەرێن جوان و ل سەر راسپارد و پشتەڤانیا پارێزگارێ دھۆکێ بڕیار ھاتە دان کو پشکا میوزیکێ کۆنسێرتەکێ ل ھەولێر ژی ئەنجام بدەت”.
زێدەتر گۆت: “ستافێ پشکداری د کۆنسێرتێ دا کری زێدەتری 50 قوتابیان ژ میوزەکژەن و کورسی بوون و ب رەنگەکێ گەلەک باش ب رێڤە چوو و تێدا چەندین سترانێن نەتەوەی و دلداری و سرۆد ھاتنە گۆتن”.
ئاشکە را ژی کر کو تشتێ بۆ وان دلخۆشکەر ئەو بوو کو ژمارەکا خێزانان ل کۆنسێرتا وان پشکدار بوو ب رەنگەکی کێم جاران ب رەنگەکێ وەسان خێزان ل کۆنسێرتان دھێنە دیتن.
سەرۆکێ پشکا میوزیکێ ل پەیمانگەھا ھۆنەرێن جوان سۆپاسیا رێڤەبەریا گشتی یا رەوشەنبیری و ھۆنەری یا دھۆک و ھەولێر و پەیمانگەھا ھۆنەرێن جوان ھەولێر کر بۆ پشتەڤانیا وان د سەرکەفتنا ڤی کاری.
نيشاندان