ئه‌ڤرۆ نيوز:

كۆمبوونا مه‌سرور بارزانى ل گه‌ل مه‌كته‌با سياسى يا پارتى ديموكراتى كوردستان بۆ ده‌ست نيشانكرنا به‌ربژارێن وێ بۆ پۆستێن وه‌زاره‌تان ده‌ستپێكر.

سه‌ره‌دانا مه‌سرور بارزانى، ده‌ستنيشانكريێ پێكئينانا كابينا نوو يا حوكمه‌تا هه‌رێما كوردستانێ ئه‌ڤرۆ ده‌ست ب سه‌ره‌دانا لايه‌نێن سياسى كر و سه‌ره‌دانا ئێكێ ژى بۆ لايێ پارتى ديموكراتى كوردستان بوو، وه‌كو سه‌ركه‌فتيا ئێكێ يا هه‌لبژارتنان.

مه‌سرور بارزانى ب هه‌ڤالينيا شانده‌كى ئه‌ڤرۆ سه‌ره‌دانا مه‌كته‌با سياسى يا پارتى ديموكراتى كوردستان كر ب مه‌ره‌ما ده‌ست نيشانكرنا وان ناڤێن كو بڕياره‌ د كابينا نوو يا حوكمه‌تا هه‌رێما كوردستانێ دا وه‌كو وه‌زير كار بكه‌ن.

ئه‌ڤرۆ نيوز:

شيره‌تكارێ جڤاتا ئاسايشا هه‌رێما كوردستانێ وراسپارديێ پێكئينانا كابينا نوو يا حوكمه‌تا هه‌رێما كوردستانێ، مه‌سرور بارزانى ئه‌ڤرۆ شه‌مبيێ 15/6/2019 پێشوازى ل ماتيۆ توله‌ر باليۆزێ نوو يێ ئه‌مريكا ل عيراقێ وشاندێ دگه‌لدا كر.

مه‌سرور بارزانى پيرۆزباهىا ده‌ست بكاربوونێ ل باليۆزێ نوو يێ ئه‌مريكا ل عيراقێ كر وهيڤيا سه‌ركه‌فتنێ بۆ خواست وراگه‌هاند، هه‌رێما كوردستانێ وه‌كو هه‌ميشه‌ ل سه‌ر بنه‌مايێ به‌رژه‌وه‌نديا هه‌ڤپشك وسه‌قامگيرى وئاشتى وپێكڤه‌ژيانا ئاشتيانه‌ د ناڤبه‌را گه‌لان بۆ ئێكلاكرنا كێشێن ده‌ڤه‌رێ، باوه‌رى ب رێ چاره‌يا ئاشتيانه‌ ودانوستاندن يا هه‌ى.

هه‌ر د وێ ديدارێ دا به‌حسێ پرۆسا پێكئينانا كابينا نه‌هێ هاته‌ كرن، ل دۆر وێ چه‌ندێ مه‌سرور بارزانى ئاماژه‌ ب وێ چه‌ندێ كر كو پێنگاڤ يێن هاتينه‌ ده‌ستپێكرن ول ژڤانێ خوه‌ يێ دياركرى دا پێكهاتێ كابينێ دێ چيته‌ به‌رده‌م په‌رله‌مانى.

ژلايێ خوه‌ڤه‌ باليۆزێ نوو يێ ئه‌مريكا ل عيراقێ، پيرۆزباهى ل مه‌سرور بارزانى كر ب هه‌لكه‌فتا ب فه‌رمى راسپاردنا وى بۆ پێكئينانا كابينا نوو يا حوكمه‌تا هه‌رێما كوردستانێ وهيڤيا سه‌ركه‌فتنێ د ئه‌رك وبه‌رنامێ كابينا داهاتى دا بۆ خواست، هه‌روه‌سا به‌رهه‌ڤيا وه‌لاتێ خوه‌ بۆ هاريكاريێ وپێشڤه‌برنا په‌يوه‌نديان ل هه‌موو بواراندا نيشان دا.

ئەڤرۆ نیوز:

سەزایی تەمەلی هەڤسەرۆکێ گشتی یێ پارتیا دیموکراتی یا گەلان (هەدەپە) راگەهاند کو هەلبژارتنا نێچیرڤان بارزانی وەکو سەرۆکێ نوو یێ هەرێما کوردستانێ پێنگاڤەکا دیرۆکی یە و ئەم وەکو هەدەپە پیرۆزباهیێ ل جەنابێ نێچیرڤان بارزانی دکەین و هێڤیدارین د ئەرکێ خوە یێ نوو دا سەرکەفتی بیت.

ناڤهاتی ئەو یەک ژی دیار کر کو ئەم باوەر دکەین نێچیرڤان بارزانی دێ رۆلەکێ باش بۆ ئاشتیێ ل تورکیا ژی بگێریت چونکو بەری نها ژی بزاڤێن وی بۆ هندێ هەبووینە و کەسەکێ خوەدان ئەزموونە و ئەم هێڤیا سەرکەفتنێ بۆ جەنابێ نێچیرڤان بارزانی سەرۆکێ هەرێما کوردستانێ دخوازین.