ئه‌ڤرۆ نيوز:
ئەڤرۆ نیوز، عەلی حاجی:
بەرپرسێ ئاوارە و پەنابەران ل قایمقامیا زاخۆ بۆ ئەڤرۆ نیوز ئاشکرا کر، ب رێیا بۆردێ کاروبارێن مرۆڤایەتی ل پارێزگەھا دھۆکێ دێ ھاریکاری ل سەر زێدەتری حەفت ھزار خێزانێن ئاوارێن ژ دەرڤەی کەمپان ئاکنجی ھێنە بەلاڤکرن.
خەلات ئوسمان، بەرپرسێ ئاوارە و پەنابەران ل قایمقامیا زاخۆ خویا ژی کر، پشتی ئاوارێن ژ دەرڤەی کەمپان دئاکنجی چەندین جاران گازندە ل سەر نەبوونا ھاریکاریان کرین و گۆت: “مە گەلەک بزاڤ کرن ھاریکاریا وان ژی بھێتە کرن و پشتی چەندین بزاڤان و ب ھەڤکاری دگەل بۆردێ کاروبارێن مرۆڤایەتی و رێکخراوا یو ئێن ب ھاریکاریا رێڤەبەریا کۆچ و کۆچبەران ل پارێزگەھا دھۆکێ، دێ ھاریکاری ل سەر حەفت ھزار و ٥٠٠ خێزانێن ئاوارێن ژ دەرڤەی کەمپان ئاکنجی ھێنە بەلاڤکرن”.
گۆتژی: “ھاریکاری ژ کەرەستێن خوارنێ و جلکان و پێدڤیێن ناڤمالێ پێک دھێن، پشکەکا خێزانا ژی ناڤێ وان نەھاتیە بۆ وەرگرتنا ڤان ھاریکاریان، لەورا قایمقامیا زاخۆ لژنەک بۆ دووڤچوونا ڤێ ئاریشێ پێک ئینایە و ل دەستپێکێ دێ ناڤێ وان ھێتە تۆمارکرن و ل دووڤرا ناڤێ وان بۆ رێڤەبەریا کۆچ و کۆچبەران ھێنە بلندکرن، دا کو ئەو ژی بشێن وان ھاریکاریان وەربگرن”.
زێدەتر ناڤھاتی گۆت: “ھەر خێزانەکا کارتا زیرەک نەبیت دێ بێ بەھر بیت ژ ڤان ھاریکاریان و نێزیکی چار رۆژایە دەست ب بەلاڤکرنا ڤان ھاریکاریان ژی ھاتیە کرن، ئەڤ ھاریکاری یە دێ رۆژانە ل سەر نێزیکی ٣٥٠ ھەتا ٥٠٠ خێزانان ھێنە بەلاڤکرن ھەتا کو ھەموو خێزان ڤان ھاریکاریان وەردگرن، ھەر خێزانەکا کارتا زیرەک نەبیت ماف نابیت ڤان ھاریکاریان وەربگریت”.
ئەڤرۆ نیوز، عەلی حاجی:
رێڤەبەرێ گومرکێن زاخۆ بۆ ئەڤرۆ نیوز دیار کر، زێدەتری ١٥ سالە دەرگەھێ دامەزراندنێ بۆ رێڤەبەریا وان نەھاتیە ڤەکرن و زێدەباری ھندێ ژی وان ڤالاھیەکا مەزن د میلاکی دا یا ھەی و دبێژیت: چەندین جاران مە داخوازا دامەزراندێ ژی کریە، بەلێ ھەتا نوکە چو بەرسڤەک نەبوویە و کەس ل رێڤەبەریا مە نەھاتیە دامەزراندن.
حەمید عەبدال، رێڤەبەرێ گومرکێن زاخۆ ئاشکرا ژی کر، ھەیڤانە نێزیک ٢٠٠ ھەتا ٢٥٠ ترۆمبێلێن بچووک و بارھەلگر معامەلێن دەفتەرێن گومرکان یێن ترۆمبێلێن خوە ل نک مە ب رێڤە دبەن و گۆت: “مە چەندین روتینات د ناڤ رێڤەبەریێ دا نەھێلاینە، ئەو کەسێ دھێت معامەلێن ترۆمبێلێن خوە بۆ دەرخستنا دەفتەرێن گومرکی پێدڤی ناکەت بچیتە رێڤەبەریا ھاتنوچوونێ ل پارێزگەھا دھۆکێ، ئەم ب رێیا سیستەمێ ئەنترنێتێ وان ھەموو پێزانینان بۆ رێڤەبەریا ناڤبری فرێ دکەین و پشتی رازیبوونێ ژ نوو معامەلێن وی وەلاتی ب رێڤە دچن، بو کەفالەتێ ژی ئەو پشکە ھاتیە د ناڤ رێڤەبەریا مە دا، پشتی مە شیای رازیبوونا وەزارەتێ وەربگرین، پێدڤی ناکەت ئێدی وەلاتی بچیتە دادگەھێ بۆ ب رێڤەبرنا معامەلێن خوە یێن کەفالەتێ”.
گۆتژی: “رێڤەبەریا مە رێڤەبەریا ئێکێ یە ل سەر ئاستێ گومرکان روتینات لادابن و ب سیستەمێ ئەنترنێتێ ب ھەماھەنگی دگەل رێڤەبەریێن دیتر معامەلەێن وەلاتیان ب رێڤە ببەین”.
حەمیدی ئاماژە ب وێ چەندێ ژی کر کو زێدەتری ١٥ سالایە کەس ل رێڤەبەریا مە نەھاتیە دامەزراندن و گۆت: “چەندین جاران مە داخوازا دامەزراندێ کریە ب رێیا قایمقامیا زاخۆ و وەزارەتا دارایی، بەلێ ھەتا نوکە ئەڤ دەرگەھە نەھاتیە ڤەکرن، ھەتا مە داخوازا ڤەگوھاستنا فەرمانبەران ژ رێڤەبەریێن دیتر بۆ رێڤەبەریا گومرکێن زاخۆ کریە، ل گورەی پێدڤیێن رێڤەبەریا مە، بەلێ ب مخابنی ڤە ئەو چەندە نەھاتیە کرن، دیسا مە پێدڤیەکا مەزن ب فەرمانبەران ھەیە، ژ بەر کو د دەمێ ١٥ سالێن بۆری دا گەلەک فەرمانبەر خانەنشین بووینە و گیانێ خوە ژ دەست دایە و ھیچ کەسەک ل جھێ وان نەھاتیە دانان و میلاکێ مە ژی گەلەکێ کێم بووی”.
ئەڤرو نیوز، بارزان مزووری:
ل قەزا شێخان دو روودانێن ھاتنوچوونێ روودان و د ئەنجام دا کەسەک ب دژواری بریندار بوو.
کومیسەر ئامر نامق، ژ پشکا ھاتنوچوونا شێخان بۆ ئەڤرو نێوز دیار کر ئەڤرۆ ١٦/٧/٢٠١٩ ل سەر رێیا سەرەکیا شێخان بۆ دھۆک بەرامبەری قەزا شێخان ترۆمبێلەکا ژ جۆرێ تویۆتا کامری وەرگەڕیا و د ئەنجام دا شۆفێر ب دژواری بریندار بوو بۆ نەخوشخانا شێخان یا تەنگاڤیا ھات ڤەگوھاستن د نھا دا لبن چاڤدێریا چردایە.
ناڤھاتی خویا ژی کر، ھەر ئەڤرۆ ل سەر رێیا سەرەکیا شێخان ل نێزیک ئاڤاھیێ قائیمقامیێ ترۆمبێلەک ژ جۆرێ ھوندا توکسون وەرگەڕیا، بەلێ خوشبەختانە ب تنێ زیانێن مادی ھەبوون و کەس بریندار نەبوو.
ئه‌ڤرۆ نیوز:
د چارچوڤێ وان گوهۆڕینێن كارگێری یێن به‌رده‌وام د ناڤ دام وده‌زگه‌هێن میری دا دهێنه كرن ئه‌ڤرۆ ب ئاماده‌بوونا به‌هزاد عه‌لی ئاده‌م جێگرێ پارێزگه‌رێ دهوكێ وئیسماعیل محه‌مه‌د ئه‌حمه‌د هاریكارێ پارێزگه‌ری بو كاروبارێن مروڤایه‌تی و جه‌هوه‌ر عه‌لی قایمقامێ قه‌زا دهوكێ رێورسمێن گوهورینا دو رێڤه‌به‌رێن فه‌رمانگه‌هێن خزمه‌تكاری ل سنورێ پارێزگه‌ها دهوكێ هاتنه گێران ، ل به‌راهیێ ل نڤێسینگه‌ها كوچ و كوچبه‌ران رێ ورسمێن گوهورینا رێڤه‌به‌رێ فه‌رمانگه‌هێ هاتنه ئه‌نجامدان و فه‌یسه‌ل عه‌ونی وه‌كو رێڤه‌به‌رێ نوو یێ نڤێسینگه‌ها كوچ و كوچبه‌ران ل شوینا نزار فه‌وزی رێڤه‌به‌رێ به‌رێ هاته دانان .
پاش ل رێڤه‌به‌ریا ئاڤدان و سكرا رێ ورسمێن گوهورینا رێڤه‌به‌رێ فه‌رمانگه‌هێ هاتنه ئه‌نجامدان وئه‌ندازیارێ شارستانی (هیژا عبدالواحد صالح) رێڤه‌به‌رێ نوو ب وه‌كاله‌ت ل شونا ئه‌ندازیار(زیاد عبدالله) رێڤه‌به‌رێ به‌رێ هاته دانان.
دهه‌ر دوو رێ ورسمان دا جێگرێ پارێزگه‌رێ دهوكێ بناڤێ پارێزگه‌رێ دهوكێ وكارگێریا پارێزگه‌هێ پیروزباهیا هه‌ردوو رێڤه‌به‌رێن نوو كر وسه‌ركه‌فتن بو وان خواست وپشته‌ڤانیا پارێزگه‌هێ نیشان دا بو هه‌ر هاریكاریه‌كێ هه‌روه‌سا په‌سنا رولێ هه‌ردوو رێڤه‌به‌رێن به‌رێ كر كو شیاینه ل سالێن ده‌ربازبوی خزمه‌ته‌كا به‌رچاڤ پێشكێشبكه‌ن.
پاش جودا جودا په‌یڤ هاتنه خاندن وپیروزباهی هاتنه ئاراسته‌كرن وسه‌ركه‌فتن بو هه‌ردوو رێڤه‌به‌رێن نوو خواستن وده‌ستخوشی ل رێڤه‌به‌رێن به‌رێ هاتنه كرن.
ژلایێ خوڤه هه‌ردوو رێڤه‌به‌رێن نوو یێ نڤێسینگه‌ها كوچ وكوچبه‌ران ورێڤه‌به‌رێ ئاڤ وسكرا سوزدان كو ئه‌و لجهێ وێ باوه‌ریێ بن یا پێ هاتیه راسپاردن وب وه‌فاداری خزمه‌تا خه‌لكێ پارێزگه‌هێ بكه‌ن.
ئەڤرۆ نیوز:
شاندەکێ هەرێما کوردستانێ ب سەرۆکاتیا مەسرور بارزانی سەرۆکێ ئەنجوومەنێ وەزیران ئەڤرۆکە سەرەدانا بەغدا کر و ل گەل سەرۆک کۆمار، سەرۆکێ حوکمەتێ و سەرۆکێ پەرلەمانێ عیراقێ کۆمبوو، ئالیێن سیاسی یێن هەرێما کوردستانێ ژی پشتەڤانیا بزاڤێن حوکمەتا نوو بۆ چارەکرنا ئاریشێن د ناڤبەرا هەرێمێ و بەغدایێ دا دکەن.
ماموستا جەعفەر ئەندامێ بەرێ یێ سەرکردایەتیا ئێکەتیێ دیار دکەت کو حوکمەتا نوو ب چارەکرنا ئاریشێن د ناڤبەرا بەغدا و هەولێرێ دا دشێت دەست ب قۆناغەکا نوو بکەت و سەرکەفتنێن مەزن ژی تۆمار بکەت.
ئەڤرۆ نیوز:
ئه‌ڤرو سپێدێ 16/7/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ سه‌را ده‌زگایێ خانى یێ ره‌وشه‌نبیرى وراگه‌هاندنێ دا ژلایێ به‌رێز ( احسان ئامێدى ) به‌رپرسێ نوو یێ ده‌زگایێ خانى یێ ره‌وشه‌نبیرى وراگه‌هاندنێ وكارمه‌ندێن ده‌زگاى پێشوازى لێ هاته كرن .
دهه‌ڤدیتنه‌كێدا به‌حسێ ره‌وشا دام وده‌زگه‌هێن ره‌وشه‌نبیرى وراگه‌هاندنێ ل سنورێ پارێزگه‌هێ وئه‌و خزمه‌تا پێشكێشدكه‌ن ب گشتى هاته كرن.
پارێزگه‌رێ دهوكێ ب ناڤێ خو وكارگێریا پارێزگه‌هێ پیروزباهیا به‌رێز ( احسان ئامێدى ) به‌رپرسێ نوو یێ ده‌زگایێ خانى یێ ره‌وشه‌نبیرى وراگه‌هاندنێ كر وداخازا سه‌ركه‌فتنێ بو خواست دكارێ وى یێ نوو دا .
ئه‌ڤرۆ نيوز:
چه‌نده‌كێ به‌رى نها شاندێ حوكمه‌تا هه‌رێما كوردستانێ ب سه‌رۆكاتيا مه‌سرور بارزانى سه‌رۆكێ حوكمه‌تا هه‌رێما كوردستانێ گه‌هشته به‌غدا و ل كوچكا سه‌لام ژ لايێ به‌رهه‌م سالح، سه‌رۆك كۆمارێ عيراقێ ب فه‌رمى پێشوازى ل سه‌رۆكێ حوكمه‌تا هه‌رێما كوردستانێ كر و بڕياره شاندێ ناڤبرى ل گه‌ل هه‌رسێ سه‌رۆكاتيێن عيراقێ كۆم ببيت و نها ژى ل گه‌ل سه‌رۆك كۆمارى يێ د كۆمبوونێ دا.
شاند ب سه‌رۆكاتيا مه‌سرور بارزانى سه‌رۆكێ حوكمه‌تا هه‌رێما كوردستانێ يه و هه‌ر ئێك ژ قوباد ته‌له‌بانى جێگرێ سه‌رۆكێ حوكمه‌تێ، فه‌رسه‌ت ئه‌حمه‌د وه‌زيرێ داد، رێبه‌ر ئه‌حمه‌د، وه‌زيرێ ناڤخۆ، شوره‌ش ئيمساعيل وه‌زيرێ پێشمه‌رگه، ئاوات شێخ جه‌ناب وه‌زيرێ دارايى و ئابوورى و فه‌وزى حه‌ريرى سه‌رۆكێ ديوانا سه‌رۆكاتيا هه‌رێما كوردستانێ دێ ئه‌ندامه‌تيا شاندى كه‌ن. ل به‌غدا ژى شاندێ ناڤبرى دێ ل گه‌ل هه‌رسێ سه‌رۆكاتيێن هه‌رێما كوردستانێ كۆم بيت.
به‌رنامێ كار و كۆمبوونێن شاندێ حوكمه‌تا هه‌رێما كوردستانێ ب گۆره‌يى پێزانينێن ئه‌ڤرۆ نيوز دێ ل ده‌سپێكێ سه‌ره‌دانا به‌رهه‌م سالح سه‌رۆك كۆمارێ عيراقێ كه‌ن و ديدار و چاڤپێكه‌فتنێ ل گه‌ل ئه‌نجام ده‌نو پاشان ژى ل گه‌ل عادل عه‌بدولمه‌هدى سه‌رۆك وه‌زيرێن عيراقێ كۆم بيت و پاشان ژى ل گه‌ل محه‌مه‌د حه‌لبۆسى سه‌رۆكێ جڤاتا نوونه‌رێن عيراقێ كۆم بن.
بڕياره ئه‌ڤ سه‌ره‌دانه زێده‌تر يا هه‌ڤنياسينى بيت و د هه‌مان ده‌م دا، پرسا ده‌ڤه‌رێن كێشه‌دار، بوودجه و په‌ترۆل، كه‌ركووك و ئاواره ببنه هێڤێنێ سه‌ره‌دانا شاندێ هه‌رێما كوردستانێ.
د كۆمبوونا ئێكێ يا فه‌رمى يا جڤاتا وه‌زيرێن هه‌رێما كوردستانێ دا، دوهى 15ى تيرمه‌ها 2019ێ دا، بڕيار هاته دان وه‌كو نيه‌تپاكى شانده‌كێ هه‌رێما كوردستانێ سه‌ره‌دانا به‌غدا بكه‌ت بۆ ڤه‌ديتنا رێيێن گۆنجايى بۆ كێشێن هه‌لپسارتى د ناڤبه‌را هه‌ولێر و به‌غدا دا، د چارچۆڤێ دستوورى دا.
ئه‌ڤرۆ نيوز، نيوار محه‌مه‌د سه‌ليم:
ژماره‌كا خودانێن جهێن په‌له‌وه‌ران ل ده‌ر ده‌رگه‌هێ په‌رله‌مانێ كوردستانێ كۆمبوون و داخواز كر كو ئينانا مريشكێن به‌فرگرتى بهێته قه‌ده‌غه‌كرن.
نوونه‌رێ خوه‌نيشانده‌ران ل به‌رده‌رگه‌هێ په‌رله‌مانێ كوردستانێ ياداشنامه‌ك خواند و راگه‌هاند كو هزار و 500 پرۆژێن بخودانكرنا په‌له‌وه‌ران هه‌نه و سالانه 105 مليۆن مريشك دهێنه به‌رهه‌مئينان. هه‌روه‌سا هه‌رێما كوردستانێ 44 هه‌لينه‌ر، هه‌شت سه‌ربڕخانه و 23 كارگه‌هێن ئاليكى هه‌نه”.
راگه‌هاند ژى كو سالانه 200 هزار ته‌نێن به‌رهه‌مێ گۆشتێ مريشكان هه‌يه بۆ هه‌ر كه‌سه‌كى 24 كيلۆ هاتيه دانان و هه‌كه مليۆن وه‌لاتيان ب هه‌ژمێرێن، سالانه پێدڤيا مه ب 120 هزار ته‌نان هه‌يه و 80 هزار ته‌ن ژى دێ زێده كه‌ن.
ئاماژه ب وێ چه‌ندێ ژى كر كو ژ به‌ر هه‌بوونا سيسته‌مێ بازاركرنێ و ئينانێ، شه‌ش هه‌يڤه خودان جهێن په‌له‌وه‌ران زيانێ دكه‌ن و داخوازێ ژ حوكمه‌تێ دكه‌ين رێ نه‌ده‌ت ئه‌و پرۆژه ژ به‌ر يێن ژ ده‌رڤه پووچ ببن.
ئه‌ڤرۆ نيوز:
شانده‌كێ بلندێ حوكمه‌تا هه‌رێما كوردستانێ، ب سه‌رۆكاتيا مه‌سرور بارزانى، سه‌رۆكێ حوكمه‌تا هه‌رێما كوردستانێ سه‌ره‌دانا به‌غدا كه‌ت و بڕياره ل گه‌ل هه‌رسێ سه‌رۆكاتيێن عيراقێ كۆم ببيت.
ب گۆره‌يى پێزانينان شاند دێ ب سه‌رۆكاتيا مه‌سرور بارزانى سه‌رۆكێ حوكمه‌تا هه‌رێما كوردستانێ بيت و هه‌ر ئێك ژ قوباد ته‌له‌بانى جێگرێ سه‌رۆكێ حوكمه‌تێ، فه‌رسه‌ت ئه‌حمه‌د وه‌زيرێ داد، رێبه‌ر ئه‌حمه‌د، وه‌زيرێ ناڤخۆ، شوره‌ش ئيمساعيل وه‌زيرێ پێشمه‌رگه، ئاوات شێخ جه‌ناب وه‌زيرێ دارايى و ئابوورى و فه‌وزى حه‌ريرى سه‌رۆكێ ديوانا سه‌رۆكاتيا هه‌رێما كوردستانێ دێ ئه‌ندامه‌تيا شاندى كه‌ن. ل به‌غدا ژى شاندێ ناڤبرى دێ ل گه‌ل هه‌رسێ سه‌رۆكاتيێن هه‌رێما كوردستانێ كۆم بيت.
به‌رنامێ كار و كۆمبوونێن شاندێ حوكمه‌تا هه‌رێما كوردستانێ ب گۆره‌يى پێزانينێن ئه‌ڤرۆ نيوز دێ ل ده‌سپێكێ سه‌ره‌دانا به‌رهه‌م سالح سه‌رۆك كۆمارێ عيراقێ كه‌ن و ديدار و چاڤپێكه‌فتنێ ل گه‌ل ئه‌نجام ده‌نو پاشان ژى ل گه‌ل عادل عه‌بدولمه‌هدى سه‌رۆك وه‌زيرێن عيراقێ كۆم بيت و پاشان ژى ل گه‌ل محه‌مه‌د حه‌لبۆسى سه‌رۆكێ جڤاتا نوونه‌رێن عيراقێ كۆم بن.
بڕياره ئه‌ڤ سه‌ره‌دانه زێده‌تر يا هه‌ڤنياسينى بيت و د هه‌مان ده‌م دا، پرسا ده‌ڤه‌رێن كێشه‌دار، بوودجه و په‌ترۆل، كه‌ركووك و ئاواره ببنه هێڤێنێ سه‌ره‌دانا شاندێ هه‌رێما كوردستانێ.
د كۆمبوونا ئێكێ يا فه‌رمى يا جڤاتا وه‌زيرێن هه‌رێما كوردستانێ دا، دوهى 15ى تيرمه‌ها 2019ێ دا، بڕيار هاته دان وه‌كو نيه‌تپاكى شانده‌كێ هه‌رێما كوردستانێ سه‌ره‌دانا به‌غدا بكه‌ت بۆ ڤه‌ديتنا رێيێن گۆنجايى بۆ كێشێن هه‌لپسارتى د ناڤبه‌را هه‌ولێر و به‌غدا دا، د چارچۆڤێ دستوورى دا.
نيشاندان