ئەڤرۆ نیوز:
ئەڤرۆ رۆژا پێنج شەمبی ١٦-٥-٢٠١٩ ل سەلاحەدین سەرۆک بارزانی پێشوازی ل جەمال کەربوولی سەرۆکێ حزبا حەل یا عیراقی کر.
د ڤێ دیدارێ دا ھەردو لا بەحس ل بارودوخێ سیاسی و ئەمنی یێ عیراقێ کر و ھەروەسا دوپاتی ل پشتەڤانیا حوکمەتا نوو یا عیراقێ کر دیسان پێخەمەت تمامکرنا کابینەیا حوکمەتا عادل عەبدولمەھدی خواست بەردەوام بن ل سەر پشتەڤانیێ، زێدەباری باشترکرنا پەیوەندیێن ھەردو لایان ژی ھاتە کرن.
ئه‌ڤرۆ نیوز ، مه‌حمود نهێلى:
مینه‌ك ب كاروانه‌كى ترۆمبێلێن میتا توركه ل ده‌ڤه‌را ئامێدیێ ڤه د په‌قیت و ژبلى زیانێن گه‌هشتینه ترۆمبێلان هه‌ژماره‌كا سه‌رنشینان ژى بریندار دبن.
كانیوار ئیسلام وه‌ك شاهد حال بۆ ئه‌ڤرۆ نیوز دیاركر، كو نیڤرۆ یا ئه‌ڤرۆ 16/5/2019 ل ده‌مێ ڤه‌گه‌ریانا كاروانه‌كى سه‌ربازى یێ میتا تورك ل گه‌لی بێتكاركى ل ناڤبه‌را ناحیا سه‌رسنكى و سیاره‌تیكا دا ، كو پێك دهاتن ژ سێ كوسته‌ران دكه‌ڤته بوسه‌یه‌كا چه‌كدارێن په‌كه‌كى و گۆت : بومبه‌كا چاندى د ڤى كاروانى ڤه د په‌قیت و د ئه‌نجامێ دا زیان دگه‌هنه دوو كوسته‌رێن ڤى كاروانى.
دیار ژى كر، كو پێنج سه‌ربازێن میتێ ژى بریندار بووینه و هاتینه ڤه‌گوهاستن بۆ نه‌خوشخانا دهوكێ.
ئه‌ڤ یه‌كه هه‌ڤده‌مه ل گه‌ل بومبه‌بارانكرنا چیایى كوره‌ژار ل سنورێ ناحیا شێلادزێ ژلایێ فرۆكه‌یێن له‌شكه‌رێ توركیا ڤه.
ئه‌ڤرۆ نيوز:
وه‌زاره‌تا ساخله‌ميێ ل هه‌رێما كوردستانێ رۆهنكرنه‌ك ل دۆر دياركرنا بهايێ ده‌رمانان ب هه‌موو جۆرێن خوه‌ڤه ل هه‌رێما كوردستانێ دده‌ت وبه‌رپرسه‌كێ وێ وه‌زاره‌تێ په‌يامه‌كێ ئاراسته‌ى وه‌لاتيان دكه‌ت ودبێژت، ئه‌و خودانێ ده‌رمانخانێن پێگير نه‌بن، دێ هێته سزادان.
خالس قادر، په‌يڤدارێ وه‌زاره‌تا ساخله‌ميێ ل هه‌رێما كوردستانێ گۆت” ئه‌و لژنێن د ده‌مێ بۆرى دا بۆ دياركرنا بهايێ ده‌رمانان هاتينه پێكئينان د به‌رده‌وامن ل سه‌ر كارێن خوه، به‌لێ هه‌تا نوكه تۆماركرنا بهايێ هه‌موو جۆرێن ده‌رمانان ب دووماهى نه‌هاتيه، به‌رنامه ب وى شێوه‌يه كو هه‌موو ده‌رمان ل هه‌رێما كوردستانێ بها بۆ بهێته دانان وب ئێك بها ل هه‌موو ده‌رمانخانه‌يان ب وه‌لايتان بهێنه فرۆتن”.
دياركر ژى” ئه‌و ده‌رمانخانێن پێگيريێ ب بهايێن بۆ ده‌رمانان هاتينه دانان نه‌كه‌ن وژ بهايێ هاتيه دياركرن زێده‌تر بفروشنه وه‌لاتيان، دێ تووشى سزايێن توند بن وبه‌رده‌وام ژى لژنه چاڤدێريا ده‌رمانخانان دكه‌ن”.
ئه‌ڤرۆ نيوز:
دادگه‌ها سلێمانيێ بريارا ده‌سته‌سه‌ركرنا شاسوار عه‌بدولواحد سه‌رۆكێ ڤه‌لڤينا نه‌وه‌ى نوو ده‌ركر پشتى كو هاتيه تۆمه‌تباركرن ل دووڤ قانوونا خراب بكارئينانا ئاميرێن په‌يوه‌نديكرنێ وده‌سته‌سه‌ركرنا گرۆپه‌كێ نێزيك ژ وى د ده‌مێ بۆرى دا.
بريارا ده‌سته‌سه‌ركرنا شاسوارى ژ لايێ دادوه‌رێ ڤه‌كۆلينێ يێ ئاسايشا گشتى هاتيه ده‌ركرن.
ل هه‌يڤا بۆرى په‌رله‌مانتاره‌كا نه‌وه‌ى نوێ ل په‌رله‌مانێ كوردستانێ راگه‌هاندبوو كو ژ لايێ شاسوار عه‌بدولواحد وگرۆپه‌كێ نێزيك وى گه‌فێن به‌لاڤكرنا فيلم ووێنێن هه‌تكبه‌ر يێن وێ لێ هاتينه كرن وسكالا ل دادگه‌هێ تۆمار كربوو، هه‌ڤده‌م ل سه‌ر بنه‌مايێ وێ سكالايێ چه‌ند كه‌سه‌ك ژ نه‌وه‌ى نوێ هاتنه ده‌سته‌سه‌ركرن ودانپێدانێن وان ژ لايێ ئاسايشا سلێمانيێ ڤه هاتبوونه به‌لاڤكرن.
ئه‌ڤرۆ نیوز، نه‌وزاد هلۆرى:
په‌رتوكخانه و قه‌هوه‌خانا روشنگه‌هـ ل شێلادزێ رابویه ب دانانا داشنگاندنه‌كا زۆر ب رێژا 40 بو 50% لسه‌ر په‌رتوكێن خوه، ب تایبه‌تى نوكه كو هه‌یڤا ره‌مه‌زانا پیرۆزه و دێ بو ده‌ما حه‌فتیه‌كێ یا به‌رده‌وام بیت.
سه‌فه‌ر شاجى، خودانێ په‌رتوكخانه و قاوه‌خانا روشنگه‌هـ ل شێلادزێ بۆ ئه‌ڤرۆ نیوز گۆت: (پشتى پترى ساله‌ك و چه‌ند هه‌یڤان، په‌رتوكخانه‌یا روشنگه‌ه دێ هێته گرتن، نوكه كو هه‌یڤا ره‌مه‌زانا پیروزه په‌رتوكخانێ داشكاندنه‌كا زۆر لسه‌ر په‌رتوكێن خوه دانایه كو ئه‌و ژى ب رێژا 40% بو هنده‌ك جورێن په‌رتوكان و رێژا 50% بۆ هنده‌ك په‌رتووكێن دى).
زێده‌تر گۆت: (ئه‌ڤ داشكاندنه بو ده‌ما حه‌فتیه‌كێ دێ به‌رده‌وام بیت، نوكه رۆژانه هژماره‌كا زور ژ خوانده‌ڤانا سه‌ره‌دانا په‌رتوكخانێ دكه‌ن داكو په‌رتوكان ده‌ستخوڤه بینن، دیسان په‌رتوكێن مه هه‌موو بابه‌ت و ناڤونیشانان بخوڤه دگرن ب تایبه‌تى ئاینى، سیاسى، رۆشنبیرى، ئه‌ده‌بى و هتد).
ئه‌ڤرۆ نيوز:
وه‌زيرێ په‌روه‌ردێ يێ ئيرانى، محه‌مه‌د بتحائى، راگه‌هاند، هه‌كه شه‌ر دژى ئيرانێ روودا، 14 مليۆن قوتابيێن ئيرانى د به‌رهه‌ڤن بۆ شه‌ركرنێ,
رێكخراوا پاراستنا مافێن زارۆيان ل ئيرانێ د به‌رپه‌رێ خوه دا ل سه‌ر تۆرا ئه‌نتستگرامى ره‌خنه‌يێن توند ل داخۆيانيا وه‌زيرێ ئيرانى گرتن وبه‌لاڤكر” باشتره ئه‌وه چاڤێ وه‌زيرى ل ديارده‌يا ب كارئينانا مادێن بێهۆشكه‌ر د ناڤ قوتابيان دا هه‌بيت”.
ئه‌ڤرۆ نيوز:
- پێنجشه‌مبى 16/5/2019 وه‌زاره‌تا ناڤخوه، جڤاتا ئاسايشێ، ده‌زگه‌هێ ئاسايش، زێره‌ڤانى، به‌رگرى فرياكه‌وتن، ره‌گه‌زناما هه‌رێمێ.
- ئێكشه‌مبى 19/5/2019 وه‌زاره‌تێن (باژێرڤانيان، كاره‌ب، ڤه‌گوهاستن وگه‌هاندن، پلاندانان، چاندن) و ديوانا چاڤدێريا دارايى، ده‌سته‌يا مافێن مرۆڤى، ده‌سته‌يا وه‌به‌رئينانێ، ده‌سته‌يا ده‌ستپاكيێ، ده‌سته‌يا ژينگه‌هێ، ده‌ڤه‌رێن ده‌رڤه‌ى ئيدارا هه‌رێمێ، ده‌زگه‌هێ گشتى مين، كۆمسيۆنا بلند يا هه‌لبژارتن وراپرسيێ ل هه‌رێمێ.
- دوشه‌مبى 20/5/2019 وه‌زاره‌تێن (بازرگانى، ره‌وشه‌نبيرى ولاوان، ئاڤه‌دانكرن) و سه‌رۆكاتيا هه‌رێما كوردستانێ، جڤاتا وه‌زيران، په‌رله‌مانێ كوردستانێ.
- سێشه‌مبى 21/5/2019 خانه‌نشينێن پێشمه‌رگه.
- چارشه‌مبى 22/5/2019 و پێنجشه‌مبى 23/5/2019 خانه‌نشينێن مه‌ده‌نى.
ئەڤرۆ نیوز:
ئەڤرۆکە رێککەفتنێ ١٥/٥/٢٠١٩ سەرۆک مەسعود بارزانی پێشوازی ل جۆن ویلکس بالیۆزێ بریتانیا ل عیراقێ کر و د هەڤدیتنەکێ دا بەحسێ رەوشا سیاسی یا عیراقێ و گوهۆرینێن ل دەڤەرێ هاتە کرن و جەخت ل هندێ ژی هاتە کرن کو نابیت ژ بەر ئالۆزیێن نوو ل دەڤەرێ شەرێ ل دژی داعشێ لاواز بیت.
د پشکەکا دی یا هەڤدیتنێ دا بەحسێ پەیوەندیێن هەولێرێ و بەغدایێ هاتە کرن و بالیۆزێ بریتانیا پشتەڤانیا خوە بۆ باشبوونا پەیوەندیێن د ناڤبەرا هەولێرێ و بەغدایێ دا دیار کر و هەروەسا د ڤێ هەڤدیتنێ دا بەحسێ رەوشا ئاوارێن نەینەوا یێن ل هەرێما کوردستانێ ژی هاتە کرن.
ئەڤرو نیوز:
ئه‌ڤرۆ 15-5-2019 به‌هزاد عەلى ئاده‌م جێگرێ پارێزگه‌رێ دهوكێ سه‌رپه‌رشتیا كومبونا لیژنا كونترولكرنا رودانێن ئاگرى وپاراستنا ژینگه‌هێ كر.
دكومبونێدا به‌حسێ هاتنا وه‌رزێ هاڤینێ ومه‌ترسیا په‌یدابونا رودانێن ئاگربه‌ربونێ وچاوانیا ئاماده‌كرنا پلانه‌كا رێكخستى دناڤبه‌را فه‌رمانگه‌هێن په‌یوه‌ندیدار وجوتیاران وخه‌لكێ پارێزگه‌هێ دا بو وێ یه‌كێ سه‌ره‌ده‌ریه‌كا بله‌ز دگه‌ل هه‌ر رودانه‌كا ئاگر به‌ربونێ بهێته كرن وئاگر بهێته كونترولكرن و زیان ل سه‌ر به‌رهه‌مێ جوتیاران وژینگه‌ها پارێزگه‌هێ نه‌خاسمه دارستانێ بهێته كێمكرن.
هه‌ر دكومبونێدا بریار هاته دان كو لیژنێن لایه‌كى ل سه‌ر ئاستێ هه‌موو قه‌زا وناحیان ژى بهێنه دورستكرن بو دوڤ چونا بابه‌تێ كونترولكرنا ئاگرى وپاراستنا ژینگه‌هێ .
جێگرێ پارێزگه‌رێ دهوكێ داخاز ژفه‌رمانگه‌هێن په‌یوه‌ندیدار وئه‌ندامێن لیژنێ كر كو هه‌موو دهه‌ڤكاربن و هه‌ر ئێك ل دوڤ تایبه‌تمه‌ندیا خو هه‌ر ژسوبه رێكه‌فتى 16-5-2019 ده‌ست بجهئینانا به‌رنامێن كومبونێ وكارێن پێ هاتینه راسپاردن بكه‌ن تایبه‌تى چێكرنا هێلێن ئاگرى ل جهێن گشتى ودارستانا وزه‌ڤیێن چاندنێ هه‌روه‌سا ته‌كه‌زى ل سه‌ر رولێ راگه‌هاندنێ وماموستایێن ئاینى ویێن په‌روه‌ردێ ژى كر كو رولێ خو ببینن وهشیاریێ دناڤ خه‌لكیدا به‌لافكه‌ن بو وێ یه‌كێ رودانێن ئاگر به‌ر پونێ په‌یدانه‌بن تایبه‌ت ل ده‌مێ ئه‌نجامدان سه‌یران وگه‌شتا وبه‌رهه‌ڤیا كارگێریا پارێزگه‌ها دهوكێ نیشان دا بو پشته‌ڤانیكرنا به‌رنامێ لیژنێ.
ل دوماهیێ گه‌نگه‌شه ب تێروته‌سه‌لى ل سه‌ر بابه‌تێن كومبونێ هاتنه كرن وچه‌ندین بوچون وپێشنیار هاتنه ئاراسته‌كرن بو كاراكرنا به‌رنامێ لیژنێ وبریار هاته دان هه‌ر دوو حه‌فتیا جاره‌كێ لیژنا ناڤبرى كومببیت ودوڤ چونا بجهئینانا به‌رنامێن خو بكه‌ت.
ئەڤرۆ نیوز ، مەحمود نھێلی
فرۆکەیەکا سیخوری یا تورکیا ل ھنداڤا دەڤەرا ئامێدیێ دەوروبەرێن دەمژمێر 11 سپێدەھیا ئەڤرۆ 15ی گۆلانا 2019 دکەڤیتە خوارێ .
ل گور شاھد حالەکێ ئەڤ فرۆکەیە ل ھندەڤا چیایی مەتینی ل دەڤەرا ئامێدیێ دکەڤیتە پشتا گوندێ بەرێ کەر نێزیک کومەلگەھا قەدشێ یا سەر ب ناحیا سەرسنکی و هەتا ئامادەکرنا ڤی پەیامی ئاگر پێڤە بوویە، لێ هەتا نوکە ئەگەرێ کەفتنا وێ فرۆکەیێ نەھاتیە زانین و چ کەس و لایەنەکی بەرپرساتیا ئێخستنا وێ نە ئێخستیە ستوویێ خوە.
دھەمان دەمێ دا ھەژمارەکا دی یا فرۆکەیێن سیخوری و یێن کەشفێ ل ھنداڤا دەڤەرێ ھاتن و چونێ دکەن.
نيشاندان