ئه‌ڤرۆ نيوز:
لژنا بلند يا ديتنا هه‌يڤێ ل هه‌رێما كوردستانێ راگه‌هاند، سوبه‌هى ئێكشه‌مبى 5/5/2019 تملمكه‌را هه‌يڤا شه‌عبانێ يه ورۆژا دوشه‌مبى 6/5/2019 ئێكه‌م رۆژا هه‌يڤا ره‌مه‌زانێ يه.
رۆژا ئێكێ ره‌مه‌زانێ هاته دياركرن
نووترين نووچه
- ماكرۆن كار دكەت باوەریێ بۆ ترەمپی دروست بكەت دا کو هێزێن ئەمریكی ژ رۆژئاڤایێ كوردستانێ نەڤەكێشیت
- مەسرور بارزانی و سەرۆككۆمارێ توركیا كۆمبوون
- ژ بودجا 2024 ژ 20 ترلیۆن دیناران بەغدا تنێ 10 ترلیۆن بۆ هەرێمێ یێن هنارتین
- پسپۆرەكێ وزێ یێ ئەمریكی: ئیراق خوە بریندار دكەت دا زیانێ ب ئابوورێ كوردستانێ بگەهینیت
- پارتێن سیاسی پشتەڤانیێ ل قۆناغا ئاشتیێ ل تورکیا دکەن
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
- پەرلەمانتارەك: ل بەغدا ب مەبەست كێشە بۆ حوكمەتا هەرێمێ و ئیراقێ دهێنە دروستكرن
- ئەمریکا داخوازەکێ ژ ئەنجوومەنێ نشتیمانی یێ کوردی ل سووریێ دکەت
- پشتی رەوشا سووریێ مەترسییا داعشێ ل سەر ئیراقێ یا زێدەتر بووی
سه‌ره‌كى نووترين نووچه
ل ڤێ ده‌ڤه‌رێ شه‌ره‌كێ گران د ناڤبه‌را له‌شكرێ توركيا وپه‌كه‌كێ روودا
ئەڤرۆ نیوز،
دەمەکێ کێم بەری نوکە ل گوندێ هەلانیا یا سەر ب ناحیا شێروان مەزن دناڤبەرا باکوور و باشوورێ کوردستانێ هێزەکا جەندرمێن سوپایێ تورکیا کو ل قەرەقولەکا دەڤەرێ دەوامێ دکەن ب مەرەما دەرکەفتنەکا سەربازی دەرکەفتوون، بەلێ کەفتنە کەمینەکا پەکەکێ و هژمارەک ژ وان هاتینە کوشتن و هژمارەک ژی برینداربوون.
ژیدەرەکێ ل گوندێ هولانیا نەڤیا ناڤێ خوە بێژیت تایبەت بۆ ئەڤرۆ نیوز گۆت: (دەمەکێ کێم بەری نوکە هژمارەکا جەندرمێن تورکیا کو ل قەرەقولەکا تورکیا لسەر سنوورێ باکوور و باشوور ل گوندێ هولانیا یا ناحیا شێروان مەزن ئاکنجینە، ب مەرەما دەرکەفتنەکا سەربازی هاتبونە ئاقارێ گوندێ ناڤبری، بەلێ کەفتنە کەمینەکا پەکەکێ).
زێدەتر گوت: (ب گورەی زانیاریێن مە سێ جەندرمە هاتینە کوشتن و هژمارەکا دی بریندارن، پشتی شەری فروکێن تورکیا ژی هاتن و دەست ب بوردومانکرنێ کر، نوکە خەلکێ گوندی مالێن خوە چولکرن و ئاوارەێ دەردوران بوون).
سپێدێ رێککەفتنا پارتی و ئێکەتیێ دهێتە ئیمزاکرن
ئەڤرۆ نیوز:
لەتیف شێخ عومەر پەیڤدارێ ئێکەتیێ راگەهاند کو سپێدی شاندەکێ پارتی ب سەرۆکاتیا نێچیرڤان بارزانی دێ سەرەدانا سلێمانی کەن و رێککەفتنا دووماهیێ یا سەبارەت ب کابینا نوو یا حوکمەتێ دێ هێتە ئیمزاکرن و گۆت: (ئەڤ رێککەفتنە تایبەتە ل دۆر کابینا نوو یا حوکمەتێ و دێ سپێدێ ب فەرمی د ناڤبەرا پارتی و ئێکەتیێ دا هێتە ئیمزاکرن).
بەری نها ژی مستەفا چاڤرەش ئەندامێ سەرکردایەتیا ئێکەتیێ دیار کربوو کو دێ رۆژا ئێکشەمبیێ ٢٠١٩/٥/٥ شاندەکێ پارتی بۆ مەبەستا ئیمزاکرنا رێککەفتنا کابینا نوو یا حوکمەتێ سەرەدانا سلێمانیێ کەت.
ده‌ستپێكرنا پرۆژان 10 هزار ده‌رفه‌تێن كارى دابينكرينه
ئه‌ڤرۆ نيوز، عەزیز ھەورامی:
ب بڕيارا سه‌رۆك وه‌زيران نێچيرڤان بارزانى سه‌رۆكێ حوكمه‌تا هه‌رێما كوردستانێ 200 مليۆن دۆلار بۆ به‌لێنده‌ر و وه‌به‌رهێنه‌ران مه‌زاختينه و ئاخفتنكه‌رێ ب ناڤێ ئێكه‌تيا به‌لێنده‌رێن كوردستانێ ديار دكه‌ت مه‌زاختنا پاره‌ى بۆ به‌لينده‌ران بوويه ئه‌گه‌رێ دابينكرنا ده‌رفه‌تا كارى و ده‌ستپێكرنا چه‌ندين پرۆژێن گرنگ.
ميران كامل ئاخفتنكه‌رێ ب ناڤێ ئێكه‌تيا به‌لێنده‌رێن كوردستانێ بۆ ئه‌ڤرۆ نيوز گۆت: “پێنگاڤێن حوكمه‌تێ بۆ دانا قه‌رێن به‌لێنده‌ران گه‌له‌ك يا باشه و كارتێكرن يا ل سه‌ر زێده‌كرنا ده‌رفه‌تا كارى و ڤه‌ژاندنا كۆمپانيا هه‌ى كو ژ ئه‌گه‌رێ قه‌يرانێن دارايى ل سالا 2004ێ دانا پاره‌ى ب به‌لێنده‌ران هاتبوو راوه‌ستاندن”.
ميران كامل گۆتژى: “ل سه‌ر ئاستێ كوردستانێ ب دو گه‌ران حوكمه‌تا هه‌رێما كوردستانێ 200 مليۆن دۆلار بۆ به‌لێنده‌ران مه‌زاختينه و ب پێنگاڤه‌كا گرنگ دزانين و ده‌ستخۆشيێ ژى ل سه‌رۆكاتيا جڤاتا وه‌زيران و وه‌زاره‌تا دارايى دكه‌ين و مه داخواز كريه كو مه‌زاختنا پارێ به‌لێنده‌ران يا به‌رده‌وام بيت”.
ناڤبرى ئاماژه ب وێ چه‌ندێ ژى كريه كو كاركرن د پرۆژان دا، 10 هزار ده‌ليڤێن كارى دروست كرينه كو حوكمه‌ت هه‌يڤانه كۆژمه‌كێ پاره‌ى ته‌رخان دكه‌ت بۆ ته‌مامكرنا وان پرۆژێ ژ كاركرنێ هاتينه راگرتن.
ب ڤیدیۆ: ھێشتا سەدان ترومبێل ل سەیرانا رەشاڤە ئاسێ ماینە
ئەڤرۆ نیوز، نەوزاد ھلوری:
دوھی ژ ئەگەرێ بارینا بارانان سەدان ترومبێلێن وەلاتیان دناڤ سەیرانا گۆندێ رەشاڤە ل زیرێن گوھەرزێ ل دێرەلووک ئاسێ ماینە. ب گورەی ئاخفتنێن شوفێر و خەلکێ دەڤەرێ ھەتانوکە ئەو چاڤەرێ دکەن جھێن شولەژێ ھاریکاریا وان بکەن داکو بشێن ترومبێلێن خوە دەربینن، بەلێ ھێشتا کەس د ھەوارێ نەچویە، تنێ زاروک و ژن و دانعەمر دناڤ ھەریێ رزگارکرینە و نوکە ژلایێ کەسوکارێن وان دھێت ڤەحەوندن.
پارتى دێ سه‌ره‌دانا سلێمانيێ كه‌ت
ئه‌ڤرۆ نيوز:
شانده‌كێ پارتى ديموكراتى كوردستان ب سه‌رۆكاتيا نێچيرڤان بارزانى، دێ سه‌ره‌دانا سلێمانيێ كه‌ت و ل گه‌ل هه‌ر ئێك ژ بزاڤا گۆڕان و ئێكه‌تيێ كۆم بيت بۆ ئيمزاكرنا رێكه‌فتنا دووماهيێ ل گه‌ل وان هه‌ردو حزبان.
ب گۆره‌ى پێزانينێن ئه‌ڤرۆ نيوز بڕياره سوبه‌هى رۆژا ئێكشه‌مبى 5ى گۆلانا 2019ێ شانده‌كێ پارتى ديموكراتى كوردستان ب سه‌رۆكاتيا نێچيرڤان بارزانى جێگرێ سه‌رۆكێ پارتى ديموكراتى كوردستان سه‌ره‌دانا مه‌كته‌با سياسى يا ئێكه‌تى نشتيمانى كوردستان و بزاڤا گۆڕان بكه‌ت و دووماهى رێكه‌فتنا ناڤبه‌را خوه ل گه‌ل ئێكه‌تيێ و گۆڕان ئيمزا بكه‌ن.
جڤاتا نوونه‌ران دێ ژكارخستنا جڤاتا پارێزگه‌ها نه‌ينه‌وا گه‌نگه‌شه كه‌ت
ئه‌ڤرۆ نيوز:
ئه‌ڤرۆ جاره‌كا دى جڤاتا نوونه‌ران دێ كۆم بيت و ئێك ژ ته‌وه‌رێن سه‌ره‌كى يێن كۆمبوونێ ژى ژكارخستنا جڤاتا پارێزگه‌ها نه‌ينه‌وايه.
بڕياره ده‌مژمێر 13:00 ئه‌ڤرۆ جاره‌كا دى جڤاتا نوونه‌رێن عيراقێ كۆم ببيت و گرنگترين برگا كۆمبوونێ ژى دانوستاندنه ده‌رباره‌ى ژكارخستنا جڤاتێن پارێزگه‌هان ب تايبه‌ت جڤاتا پارێزگه‌ها نه‌ينه‌وا.
هه‌ڤده‌م پشكه‌ك ژ شيعان دڤێت برگه‌كێ ده‌رباره‌ى ده‌ستێوه‌ردان و بن پێكرنێن ئه‌مريكا ل عيراقێ بێخنه به‌رنامێ كارێ كۆمبوونێ.
پرسا ژكارخستنا جڤاتا پارێزگه‌ها نه‌ينه‌وا ل جاددا وێ پارێزگه‌هێ بوويه بابه‌تێ رۆژێ و لايه‌ن ب سه‌ر دولايان دا پارڤه‌كرينه.
فراكسيۆنا پارتى ديموكراتى كوردستان ل جڤاتا نوونه‌ران ل گه‌ل دو فراكسيۆنێن دى يێن ناڤا جڤاتێ ڤێ پرسێ ره‌ت دكه‌ن و ب بزاڤه‌ك ل دژى ده‌سته‌لاتا شه‌رعى ل نه‌ينه‌وا ل قه‌له‌م دده‌ن.
یانا هه‌ولێر تووشى دوراندنا 11 دبیت
ئه‌ڤرۆ نیوز:
دچارچۆڤێ گه‌را ژ خۆلا پلا نایاب یا ته‌پا پێى ل عیراقێ، ئه‌ڤرۆ ئه‌ینیێ یانا هه‌ولێر بوو مێهڤانا یانا نه‌فت میسان وب ئه‌نجامێ 0-2 هاته دوراندن.
هه‌ر دو گۆلێن یانا نه‌فت میسان ل خۆله‌كێن 28 و 90 هاتن تۆماركرن.
ب ڤى ئه‌نجامى یانا هه‌ولێر ب 28 خالان ل رێزا 13 ل رێزبه‌ندیا خۆلێ دهێت ویانا نه‌فت میسان ب 38 خالان ل رێزا پێنجێ دهێت.
لژنا دیتنا هه‌یڤێ ئاگه‌هداریه‌كێ به‌لاڤ دكه‌ت
ئه‌ڤرۆ نیوز:
لژنا بلند یا دیتنا هه‌یڤێ ل وه‌زاره‌تا ئه‌وقافێ وكاروبارێن ئاینى ب مه‌ره‌ما دیاركرنا رۆژا ئێكێ ژ هه‌یڤا ره‌مه‌زانێ، ئه‌ڤرۆ ئه‌ینیێ 3/5/2019 به‌لاڤكر كو ئه‌و ل گه‌ل لژنێن پارێزگه‌هێن هه‌رێما كوردستانێ ودیوانا وه‌قفا سونى دێ ل ئێڤاریا سوبه‌هى شه‌مبیێ 4/5/2019 چاڤدێریا دیتنا هه‌یڤێ كه‌ن.
لژنا ناڤبرى داخواز ژ وه‌لاتیێن هه‌رێما كوردستانێ كر كو هه‌ر كه‌سه‌ك ب به‌لگه ل ئێڤاریا شه‌مبیێ هه‌یڤێ ببینیت، ب زووترین ده‌م یه‌كه‌یا ئیدارى ل سنوورێ خوه ئاگه‌هدار بكه‌ت.
داعشێ چه‌ندين گوندێن مووسلێ كونترۆل كرینه
ئه‌ڤرۆ نیوز:
ئه‌ندامێ جڤاتا پارێزگه‌ها نه‌ینه‌وا، عه‌بدولره‌حمان وه‌گاع ئه‌ڤرۆ پێنجشه‌مبى 2/5/2019 راگه‌هاند، چه‌كدارێن داعشێ یێن زڤرین بۆ سنوورێ پارێزگه‌ها نه‌ینه‌وا وچه‌ند گوند ل ناحیا شۆره ل باشوورێ باژێرێ مووسل یێن كونترۆل كرین.
ناڤبرى داخۆیانیه‌كا رۆژنامه‌ڤانى دا، گۆت ژى” خه‌لكێ وان ده‌ڤه‌ران چو رێیه‌كا دى ل به‌رده‌م نینه ویێن دبن ده‌ستێ داعشێ دا، پشتى كو حوكمه‌تێ پاراستنا وان پشتى گوه هاڤێتى وفه‌رماندێن ته‌ناهیێ ل پارێزگه‌هێ ب شانا هاوار هاتنێ ڤه د مژوولن وئه‌ركێن خوه یێن ب جههێلاین”.
دوهى چارشه‌مبى 1/5/2019، شێخ موزاحم ئه‌لحوێت په‌یڤدارێ ب ناڤێ عه‌شیره‌تێن عه‌ره‌بی ل ده‌ڤه‌رێن كێشه‌دار راگه‌هاندبوو” داعش مژوولى كۆمكرنا ئه‌ندامێن خوه‌یه ل ده‌ڤه‌را جه‌زیرى ل سنوورێ پارێزگه‌ها نه‌ینه‌وا ورۆژانه ئاهێن خوارنێ وسوته‌مه‌نى وپێدڤیێن دى ب رێیا قاچاخچیان دگه‌هیتێ” .
نيشاندان
WP Facebook Auto Publish Powered By : XYZScripts.com