ئەڤرۆ نیوز:
سەرۆک مەسعود بارزانی ئەڤرۆ ئێڤاری ل سەر داخوازەکا فەرمی یا شاھ عەبدوللا شاھێ ئوردنێ گەھشتە عەمانا پایتەختێ وی وەلاتی.
سەرۆک بارزانی و شاندێ دگەل دا ژ لایێ شاھزادە فەیسەل بن حسێن ڤە ھاتنە پێشوازیکرن.
بڕیارە سەرۆک بارزانی پشکداریێ د کۆڕبەندێ ئابووری یێ جیھانی یێ تایبەت ب رۆژھەلاتا ناڤین و باکوورێ ئەفریقیا ڤە بکەت و ھژمارەکا دیدار و کۆمبوونان ل ئوردنێ ئەنجام بدەت.
A.Z
ئەڤرۆ نیوز:
پشكا چالاكیێن قوتابخانان یا په‌روه‌ردا دهۆك رۆژئاڤا پێشانگه‌ها شێوه‌كاری و كارێن ده‌ستی بۆ قوتابخانێن بنه‌ره‌ت و ئاماده‌یی ل سنورێ په‌روه‌ردێ ل هۆلا چالاکیێن وەرزشی ڤه‌كر.
کەڤر کمال به‌رپرسێ پشكا چالاكیێن قوتابخانان ل پەروەردا رۆژئاڤا دیار كر كو دۆرێن 7000قوتابیان ژ 82 قوتابخانان پشكداری د ڤێ پێشانگه‌هێ دا كریه و پترى حەفت هزار كارێن هونه‌رى ژ تابلو و كارێن ده‌ستى هاتنه نیشاندان و گۆت:( 15 قوتابخانێن سه‌ركه‌فتی هاتنه خه‌لاتكرن).
لژنا هه‌لسه‌نگاندنێ ژ ڤان مامۆستایان پێكهاتبوو:
1. جەمال سەلیم . سه‌رپه‌رشتیارێ هونه‌ری
2. ئەیاد حەجی ئەحمەد. سه‌رپه‌رشتیارێ بسپورێ هونه‌ری
3. که‌مال محەمەد صالح . سه‌رپه‌رشتیارێ هونه‌ری ل رێڤه‌به‌ریا چالاکیێن قوتابخانا
4. کەڤر کەمال به‌رپرسێ پشكا چالاکیێن قوتابخانا
5.ڤیان حسێن بەرپرسا کارێن دەستی ل رێڤەبەریا چاکاکیێن قوتابخانا
ئه‌نجامێن پێشانگه‌هێ ب ڤی ره‌نگی بوون:
—————————————
#سه‌ركه‌فتیێن قۆناغا بنه‌ره‌ت (1-6 )
1. قوتابخانا ھەکار سه‌ركه‌فتیا ئێكێ
2. قوتابخانا گەھین سه‌ركه‌فتیا دووێ
3. قوتابخانا پەیام سه‌ركه‌فتیا سیێ
4. قوتابخانا ئازا سه‌ركه‌فتیا چارێ
5. قوتابخانا سرود سه‌ركه‌فتیا پێنچێ
#سه‌ركه‌فتیێن قۆناغێن (7، 8 و 9 ئو 1 تا 9):
1. قوتابخانا سەردەم سه‌ركه‌فتیا ئێكێ
2. قوتابخانا چنار سه‌ركه‌فتیا دووێ
3. قوتابخانا کەزان سه‌ركه‌فتیا سیێ
4. قوتابخانا زانکو سه‌ركه‌فتیا چارێ
5. قوتابخانا نی رەنگ سه‌ركه‌فتیا پێنچێ
#سه‌ركه‌فتیێن قۆناغێن ئاماده‌یی:
1. ئاماده‌یا دھوک یا کچان سه‌ركه‌فتیا ئێكێ
2. ئاماده‌یا سەفین یا کچان سه‌ركه‌فتیا دووێ
3. ئاماده‌یا ئاواز یا کچان سه‌ركه‌فتیا سیێ
4. ئامادەیا کەژین سه‌ركه‌فتیا چارێ
5. ئاماده‌یا ھەڤوت یا کچان سه‌ركه‌فتیا پێنچێ
ئەڤرۆ نیوز، محەمەد عەلی نوری:
دهێتە چاڤەرێكرن ئەڤرۆ یاریزانێ تیما یانا دهۆك (كوچەر دەنون محەمەد) بكەڤیتە د هەڤركیێن قارەمانیا نێڤدەولەتی یا یاریا كیك بۆكسینگێ ل سەر ئاستێ پێگەهشیان، ئەوا دێ ب پشكداریا زێدەتر 50 یانێن جیهانی ل وەلاتێ توركیا هێتە ئەنجامدان.
سالح كەكۆ، راهێنەرێ تیما یانا دهۆك بۆ ئەڤرو نیوز گوت” بۆ جارا ئێكێ ل سەر ئاستێ كوردستانێ یاریزانەكێ پارێزگەهێ و یانا دهۆك بۆ پێگەهشتیان پشكدار بیت، ئەوا ژلایێ ئێكەتیا ئۆرۆپى بۆ یاریا كیك بۆكسینگێ سالانە دهێتە رێكخستن”.
گوت ژى” یاریزان كوچەر دەنون دژیێ 11 سالی دا ل سەر كێشا 28 كگم كو هەیڤەكە بەرهەڤیا بۆ ڤێ قارەمانیێ دكەت ئەوا دێ هەڤركیێن وێ ل دووڤ سیستەمێ (پۆین فات) شێوازێ یاریا جیهانی ل سەر ئاستێ كۆر وكچان هێتە ئەنجامدان”.
سالح كەكوی دیاركر كو باشترین دەلیڤەیە بۆ كورێ پارێزگەهێ بشێت ئارمانجا خوە بجهبینت و پلەداریەكێ بۆخوە پەیداكەت و گوت” ژ عیراقێ بتنێ هه‌ردو یانێن دهۆك و سامه‌را پشكداری قارەمانیێ بووینە”.
ئه‌ڤرۆ نيوز:
ئه‌ندامه‌كا لژنا ده‌ستپاكيێ ل په‌رله‌مانێ كوردستانێ راگه‌هاند، ل گه‌ل پێكئينانا حوكمه‌تا داهاتى يا هه‌رێما كوردستانێ دێ ده‌ست ب چاكسازيێ ل هه‌موو سێكته‌ران هێته كرن وگوهۆرين دێ ل ده‌زگه‌هێن كوردستانێ هێنه كرن.
له‌يلا عه‌بدولجه‌بار، ئه‌نداما لژنا ده‌ستپاكيێ ل په‌رله‌مانێ كوردستانێ ژ فراكسيۆنا پارتى ديموكراتى كوردستان ئه‌ڤرۆ پێنجشه‌مبى 4/4/2019 د داخۆيانيه‌كا رۆژنامه‌ڤانى دا، گۆت” ل گه‌ل پێكئينانا حوكمه‌تا نوو يا هه‌رێما كوردستانێ، ژ لايێ سه‌رۆك وه‌زيرێن نوو دێ ده‌ست ب چاكسازيێ د هه‌موو سێكته‌ران دا هێته كرن”.
ئه‌ڤرۆ نیوز:
وه‌زاره‌تا ناڤخوه ل هه‌رێما كوردستانێ راگه‌هاند، هه‌موو ترومبێلێن حكومى دێ لۆگۆیه‌كێ تایبه‌ت ل سه‌ر هێته دانان وب چو شێوه‌كى نابیت ترومبێلێن حكومى بهێنه برن بۆ مالان، به‌لكو دڤێت پشتى كارى ل فه‌رمانگه‌هێن حكومى بمینن.
سامى جه‌لال، رێڤه‌به‌رێ گشتیێ دیوانا وه‌زاره‌تا ناڤخوه، ل دووڤ رووداو، گۆت” ب گۆره‌ى بریاره‌كا وه‌زاره‌تا ناڤخوه، دێ لۆگۆیه‌كێ تایبه‌ت ب هه‌موو ترومبێلێن حكومى ڤه هێته لێدان وئه‌ڤرۆ مه ده‌ست ب وى كارى كریه”.
گۆت ژى” ب چو شێوه‌كى نابیت ترومبێلێن حكومى بهێنه برن بۆ مالان، به‌لكو دڤێت ل پشتى كارى ل فه‌رمانگه‌هێن حكومى بهێنه راگرتن”.
ئه‌ڤرۆ نيوز:
په‌يڤدارێ وه‌زاره‌تا ئه‌وقافێ وكاروبارێن ئاينى ل هه‌رێما كوردستانێ، نه‌به‌ز ئيسماعيل، ئه‌ڤرۆ پێنجشه‌مبى 4/4/2019 راگه‌هاند” عومره‌كاره‌كێ كورد ب ناڤێ (كه‌نعان جيهاد عه‌بدولرزاق) كو خه‌لكێ هه‌ولێرێ يه و ژدايكبوويێ سالا 1949 ب جه‌لتا دلى ل گيانێ خوه ژ ده‌ست دا.
دياكر ژى” هه‌ڤژين وكور وكچه‌كا وى دگه‌لدا بوون ده‌مێ وه‌غه‌ركرى وهه‌ر ئه‌ڤرۆ ل باژێرێ مه‌كه ته‌رمێ هاته ڤه‌شارتن”.
ئه‌ڤرۆ نيوز:
جڤاتا وه‌زيرێن هه‌رێما كوردستانێ چار بريار ل دۆر ده‌واما فه‌رمانبه‌ران ده‌ركرن وفه‌رمان ژى دايه وه‌زاره‌ت وده‌وگه‌هان ناڤێن وان فه‌رمانبه‌رێن زێده بۆ جڤاتا وه‌زيران بلند بكه‌ن.
جڤاتا وه‌زيرێن هه‌رێما كوردستانێ نڤيساره‌ك ئاراسته‌ى هه‌موو وه‌زاره‌تان كريه وتێدا بريار ل دۆر پێگيريێ ب ده‌واما فه‌رمى راگه‌هانديه.
د نڤيسارا جڤاتا وه‌زيرێن هه‌رێما كوردستانێ يا هژمار 1774 ل 31/3/2019 ب ئيمزايا نێچيرڤان بارزانى سه‌رۆك وه‌زيرێن هه‌رێمێ، هاتيه” ژبه‌ر باشبوونا ره‌وشا دارايى يا هه‌رێما كوردستانێ ونه‌مانا سيسته‌مێ پاشكه‌فتا مووچه‌ى وبه‌رژه‌وه‌نديا گشتى وب رێڤه‌برنا كاروبارێن وه‌لاتيان، پێدڤيه هه‌موو وه‌زاره‌ت ودامه‌ده‌زگه‌هێن حوكمه‌تێ پێرابوونێن پێدڤى بگرنه به‌ر بۆ پێگيريكرنا فه‌رمانبه‌رێن خوه ب ده‌واما فه‌رمى ل دووڤ ده‌مێن دياركرى ورۆژێن ده‌وامێ ب وى شێوه‌يێ كو قانوونێ دياركرى.
پێگيريا تمام ب بريارا هژمار ئێك يا سالا 2002 يا په‌رله‌مانى كو هه‌ر فه‌رمانبه‌ره‌ك بێ ئه‌گه‌ره‌كێ ره‌وا بۆ ده‌مێ 30 رۆژان ژ كارێ خوه بهێته دابرين، پێدڤيه فه‌رمانا ژ كار لادانا وى بهێته ده‌ركرن.
ئەڤرۆ نیوز: عەزیز ھەورامی:
گروپێن تیرورستێن داعش ل خانەقین چالاکیێن خوە بۆ سەر ھێزێن عیراقی و حەشدا شەعبی زێدەکرینە، وچەند مەفرەزێن شەرکەر ل وان جھان داناینە.
د ڤی دەربارەی دا شێخ جەعفەر شێخ مستەفا بەرپرسێ لقا ١٥ یا پارتی ل خانەقین بۆ ئەڤرۆ نیوز گۆت: تیرورستێن داعش ل خانەقین جارەکا دەست ب جموجولێن خوە کریە و چەند چالاکیێن تیرورستی دژی ھێزێن عیراقی و حەشدا شەعبی ل وێ دەڤەرێ ئەنجامداینە و نوکە چەند مەفرەزەیێن پێنج کەسی بۆ ئارمانجا شەر و رێگریێ ل ھێزێن عیراقێ داناناینە.
ناڤھاتی زێدەتر گۆت: دوھی ھێزێن عیراقی ئەمیرەکێ داعش دەستەسەر کر و د دانپێدانا خوە دا دیارکریە ئەو دگەل ١٥ کەسان کاردکەن ب ناڤێ تیرورستێن داعش و ھەموو ئەوێن دگەل وی ئیرانی و عیراقی نە کار دکەن، و دھی ب شەڤ ئەو کەسێن دگەل ڤی ئەمیرێ داعش یێ دەستەسەر کری کاردکەن ھێرشی وان کریە و دو کەس ژ ھێزێن عیراقی کوشتی نە.
ئەڤرۆ نیوز:
ئەڤرۆ رۆژا پێنج شەمبی مەسرور بارزانی شیرەتکارێ جڤاتا ئاسایشا ھەرێما کوردستانێ پێشوازی ل جنێرال سێرجون لۆریمەر مەزنە راوێژکارێن وەزارەتا بەرگریا برێتانیا ل رۆژھەلاتا ناڤین کر.
د ڤێ دیدارێ دا جون ویلکس بالیوزێ برێتانیا ل عیراقێ ژی بەرھڤ بوو بەحس ل رەوشا دەرڤەرێ ب گشتی و پشتەڤانیا برێتانیا بۆ ھێزێن پێشمەرگەی ھاتە کرن.
ژلایێ خوە ڤە مەسرور بارزانی، رولێ حوکمەت و راوێژکارێن سەربازی یێن برێتانیا ل سەر رێکسختن و راھێنانکرنا ھێزێن پێشمەرگەی بلند نرخاند و کارکرن بۆ نەھێلانا ھزرا تیرورێ و رێکێن سەرھلدانا وێ ل دەڤەرێ ب پێدڤی زانی.
ژلایێ خوە ڤە مەزنە شیرەتکارێ وەزارەتا بەرگریا برێتانیا بۆ رۆژھەلاتا ناڤین دوپاتی ل سەر پشتەڤانیا وەلاتێ خوە بۆ ھێزێن پێشمەرگەی د چارچوڤێ ھەڤپەیمانیا نێڤدەولەتی دیارکر.
نيشاندان