سه‌ره‌كى نووترين نووچه

ئه‌و وێنه‌گرێ كۆچا مليۆنى ب جيهانێ دايه‌ نياسين چو به‌ر دلۆڤانيا خودێ

04/03/2019 10:46

555

ئه‌ڤرۆ نيوز، نيوار محه‌مه‌د سه‌ليم:

وێنه‌گرێ ناڤدارێ جيهانى يانيس به‌هراكيس خودانا خه‌لا بۆليتزر د ژيێ 58 ساليێ دا و پشتى هه‌ڤركيه‌كا دژوار ل گه‌ل نه‌خۆشيا شێرپه‌نجێ وه‌غه‌را دووماهيێ كر.

يانيس به‌هراكيس ئێك ژ وان وێنه‌گرێن مه‌زن يێن جيهانى يه‌ يێن پتريا روودانێن سه‌رده‌مێ خوه‌ تۆماركرينه‌ و ناڤدارترين روودان ژى يێن ئورۆپا و رۆژهه‌لاتا ناڤين و ئه‌فريقيا و ئاسيا كريه‌.

ئێك ژ وان وێنه‌گران بوويه‌ يێن دوزا كوردستانێ ل كۆچا مليۆنى ب جيهانێ دايه‌ نياسين كو رۆله‌كێ گه‌له‌ك به‌رچاڤ د وى وارى دا هه‌بوويه‌.

به‌هراكيس رابوويه‌ ب وێنه‌كرنا روودانێن ئه‌ڤغانستان و شيشانێ و بيڤه‌له‌رزا مه‌زن ل كشمير و سه‌رهلدانا مسرێ ل 2011ێ، هه‌روه‌سان ژ روودانه‌كا هێرشكرنێ ل سيراليۆن رزگار بوو و سه‌ركێشا تيمێ رويته‌ر كر بۆ ب ده‌ستڤه‌ئينانا خه‌لاتێ لوليتزر ل سالا 2016ێ د وارێ قه‌يرانێن په‌نابه‌ران دا.

يانيس به‌هراكيس ل پايته‌ختێ ئه‌سينا يێ يونان ل سالا 1960ێ ژ دايك ببوو.

مووچێ سێ هه‌يڤێن پشكه‌كا فه‌رمانبه‌رێن هه‌رێمێ دهێته‌ مه‌زاختن

04/03/2019 09:56

2848

ئه‌ڤرۆ نيوز:

ژێده‌ره‌كێ نێزيك ژ د. فوئاد حسێن وه‌زيرێ دارايى يێ حوكمه‌تا عيراقێ راگه‌هاند كو حوكمه‌تا عيراقێ دێ مووچێ سێ هه‌يڤێن دووماهيێ يێن سالا 2017ێ بۆ پشكه‌كا فه‌رمانبه‌را مه‌زێخيت.

ئه‌وى ژێده‌رى بێ كو ناڤێ خوه‌ ئاشكه‌را كه‌ت دا زانين كو حوكمه‌تا عيراقێ ره‌زامه‌ندى ل سه‌ر مه‌زاختنا به‌ركه‌فتێن دارايى و مووچێ سێ هه‌يڤێن دووماهيا سالا 2017ێ بۆ فه‌رمانبه‌رێن پاسپۆرت و به‌نداڤێن هه‌رێما كوردستانێ ده‌ربڕى.

ته‌كست ل سه‌ر وێ چه‌ندێ ژى كر كو وه‌زيرێن دارايى بڕيارا مه‌زاختنا به‌ركه‌فتێن دارايى و مووچێ فه‌رمانبه‌رێن هه‌رێما كوردستانێ دايه‌ بۆ ئه‌ڤ ساله‌ ب گۆره‌ى پشكا دياركرى د قانوونا بوودجا گشتى يا عيراقێ دا بۆ سالا 2019ێ.

ئه‌ڤرۆ جاره‌كا دى پارتى و ئێكه‌تى دێ كۆم بن

04/03/2019 09:36

ئه‌ڤرۆ نيوز:

ئه‌ڤرۆ هه‌ردو مه‌كته‌بێن سياسى يێن پارتى ديموكراتى كوردستان و ئێكه‌تى نشتيمانى كوردستان ل هه‌ولێر دێ كۆم بن.

ژێده‌ره‌كى ژ مه‌كته‌با سياسى يا پارتى ديموكراتى كوردستان راگه‌هاند كو ئه‌ڤرۆ پارتى و ئێكه‌تى بۆ دانوستاندنێ ل سه‌ر پرسا پێكئينانا كابينا نوو يا حوكمه‌تێ و پرسێن كه‌ركووك و به‌غدا ل هه‌ولێر كۆم بن.

هه‌ڤده‌م سه‌عدى پيره‌، ئه‌ندامێ مه‌كته‌با سياسى يا ئێكه‌تى نشتيمانى كوردستان ئه‌ڤ نووچه‌ پشت راست كر و راگه‌هاند كو ئه‌ڤرۆ رۆژا دوشه‌مبى ئێكه‌تى و پارتى دێ كۆم بن.

ب ڤيديۆ: كه‌سه‌كى ئاگر به‌ردا بازارێ سوران

04/03/2019 09:14

238

ئه‌ڤرۆ نيوز، نيوار محه‌مه‌د سه‌ليم:

به‌رپرسێ به‌ره‌ڤانيا باژێرى ل سوران راگه‌هاند كو شڤێدى كه‌سه‌كى ئاگر به‌ردا بازارێ سوران و ل ده‌مێ به‌ره‌ڤانيا باژێرى بزاڤێن ڤه‌مراندنا ئاگرى ددان، ئه‌وى رێگرى لێ دكر.

عيماد رێكانى، به‌رپرسێ به‌ره‌ڤانيا باژێرى ل سوران بۆ ئه‌ڤرۆ نيوز گۆت: “شه‌ڤا 3ێ ل سه‌ر 4ى ئادارا 2019ێ ل ده‌مژمێر 2:45ى به‌رى سپێدێ هاتينه‌ ئاگه‌هداركرن ل سه‌ر هه‌بوونا روودانه‌كا ئاگر به‌ربوونێ ل ناڤ بازارى و ئێكسه‌ر تيمێن مه‌ گه‌هشتنه‌ جهێ روودانێ”.

زێده‌تر گۆت: “پشتى گه‌هشتينه‌ جهێ روودانێ ديار بوو كو كه‌سه‌كى ئاگر يێ به‌ردايه‌ بازارى و يێ به‌رده‌وامه‌ ل سه‌ر وى كارى و رێگريێ ل تيمێن به‌ره‌ڤانيا باژێرى دكه‌ت كو ئاگرى كونترۆل بكه‌ن”.

ئاشكه‌را ژى كر كو ئه‌و شيان ئاگرى كونترۆل بكه‌ن و ئه‌و كه‌سێ ئاگر به‌ردايه‌ بازارى و بزاڤێن رێگرى ل ڤه‌مراندنا ئاگرى دكرن هاته‌ ده‌سته‌سه‌ركرن و راده‌ستى پۆليسان كرن.

لێڤه‌رپۆل سه‌ركێشیا خۆلا ئینگلیزى ژده‌ست دا

03/03/2019 22:06

ئه‌ڤرۆنیوز:

پشتى ئه‌ڤ شه‌ڤه‌ یانا لێڤه‌رپۆل ل ده‌رڤه‌ى یاریگه‌ها خوه‌ ل گه‌ل یانا ئێڤه‌رتۆن وه‌كهه‌ڤ بووى بێ گۆل، سه‌ركێشیا خۆلا ئینگلیزى ژده‌ست دا.

ب ئه‌نجامێ وێ وه‌كهه‌ڤیێ خالێن لێڤه‌رپۆل گه‌هشتنه‌ 70 خالان كو ل رێزا دویێ دهێت پشتى مانشسته‌ر سیتى ئه‌وا ب 71 خالان چوویه‌ سه‌رێ رێزبه‌ندا خۆلا ئینگلیزى.

ب ڤیدیو- روژانێن شڤانەکێ دینارتە

03/03/2019 20:14

302

ئەڤرۆ،نیوز، نەوزاد هلۆری:

هەوار سەلیم شڤانەکێ ناحیا دینارتە یا سەر ب قەزا ئاکرێ یە و ئەڤە نێزیکێ 15 سالایە شڤانیێ ل نێزیکێ هزار سەرێن بزنان دکەت، ئەو دبێژیت بێهنا من بێ شڤانی ل چول و چیا ناهێت و هەتا مرنێ دێ شڤانیێ کەم.

ژئه‌گه‌رێ كاره‌ساته‌كێ ل توركیا ب سه‌دان هزار كه‌س دێ گیانێ خوه‌ ژده‌ست ده‌ن

03/03/2019 20:01

2896

ئه‌ڤرۆنیوز:

سه‌رۆكێ پشكا ڤه‌كۆلینێن زانستێن سروشتی ل زانكۆیا (ته‌كنیك یلدز) ل توركیا بۆ ده‌زگه‌هێن راگه‌هاندنێ یێن وه‌لاتێ خوه‌ راگه‌هاند، مه‌ترسیا روودانا بیڤه‌له‌رزه‌كا ب هێز ب گۆره‌ی 7 پلێن ریخته‌ری یا ل سه‌ر ده‌ڤه‌را مه‌رمه‌ره‌ هه‌ی.

هه‌رێما مه‌رمه‌ره‌ دكه‌ڤیته‌ باكوورێ رۆژئاڤایێ توركیا وژ چه‌ندین باژێرێن گه‌شتیاری وپیشه‌سازی پێك دهێت ئه‌وژی ستانبۆل، بورسا، ئه‌درنه‌، كیركلاره‌لی، ته‌كیرداغ، چانكاله‌، كوچا ئه‌لی، یالۆڤا، ساكاریا، بیله‌جیك وبالك ئه‌سیر وهژمارا ئاكنجیێن وان ده‌ڤه‌را نێزیكی 26 ملیۆن كه‌سن.

شوكری ئارسۆی، سه‌رۆكێ پشكا ڤه‌كۆلینێن زانستێن سروشتی ل زانكۆیا (ته‌كنیك یلدز) یا توركی، بێ كو ئاماژێ ب ده‌مێ پێشبینی كری بۆ روودانا بیڤه‌له‌رزێ بكه‌ت، پێشبینی كریه‌ ل گه‌ل روودانا بیڤه‌له‌رزێ، تسۆنامیه‌ك ژی ل ده‌ریا مه‌رمه‌ره‌ ل وێ هه‌رێمێ بده‌ت وئه‌گه‌رێ گیان ژده‌ستدانا 450 هزار كه‌سان وبرینداربوونا سێ جاركیا وێ هژمارێ یا هه‌ی.

دهێته‌ زانین ل سالا 1999 بیڤه‌له‌رزه‌كا ب هێز ل وێ هه‌رێمێ دابوو وببوو ئه‌گه‌رێ گیان ژده‌ستدانا زێده‌تر ژ 50 هزار كه‌سان.

ل دۆر هنارتنا مووچێن فه‌رمانبه‌ران ژ به‌غدا رۆهنكرنه‌ك دهێته‌ دان

03/03/2019 19:26

3039

ئه‌ڤرۆنیوز:
جێگرێ سه‌رۆكێ په‌رله‌مانێ عیراقێ، به‌شیر حه‌داد، ل دۆر هنارتنا مووچێ فه‌رمانبه‌رێن هه‌رێما كوردستانێ ژلایێ به‌غدا ڤه‌، دداخۆیانیه‌كا رۆژنامه‌ڤانی دا كو ل سه‌ر به‌رپه‌رێ خوه‌ ل فه‌یسبووكی به‌لاڤكری راگه‌هاند، هه‌كه‌ حوكمه‌تا هه‌رێمێ 250 هزار به‌رمیلێن په‌ترۆلێ رۆژانه‌ راده‌ستی به‌غدا نه‌كه‌ت، دێ حوكمه‌تا عیراقێ ژ به‌هرا هه‌رێمێ داهاتێ وان 250 هزار به‌رمیلان ژپشكا بودجا هه‌رێمێ بریت وئه‌وا دمینیت دێ بۆ مووچێ فه‌رمانبه‌ران وپێشمه‌رگه‌ی هێته‌ هنارتن.
به‌شیر حه‌داد گۆت ژی” هه‌كه‌ هه‌رێما كوردستانێ پێگیر بوو ب راده‌ستكرنێ، دێ پشكا هه‌رێمێ وه‌كو خوه‌ هێته‌ هنارتن، ئه‌و دو ئه‌گه‌رێن دقانوونا بودجه‌یا 2019 ئاماژه‌ پێ هاتیه‌ كرن هه‌كه‌ هه‌رێم پێگیری راده‌ستكرنا په‌ترۆلا خوه‌ بۆ به‌غدا بیت یان نه‌بیت، له‌وما مه‌ترسی ل سه‌ر هه‌رێما كوردستانێ نینه‌”.
ئاماژه‌ كر ژی” هه‌كه‌ هه‌رێما كوردستانێ 250 هزار به‌رمیلێن په‌ترۆلێ راده‌ست نه‌كه‌ت، به‌غدا ب گۆره‌ی قانوونا بودجێ ئه‌و ئه‌گه‌رێ دانای ووێ رێژێ دێ ژێ وه‌رگریت كو دبیته‌ داهاتێ 250 هزار به‌رمیلان وئه‌وا دمینیت بۆ مووچێ فه‌رمانبه‌ران وپێشمه‌رگه‌ی دێ هێته‌ هنارتن”.

راگه‌هاندنه‌ك ل دۆر كۆمبوونا سه‌رۆك بارزانى و شاندێ ئێكه‌تيێ

03/03/2019 12:42

451

ئه‌ڤرۆ نيوز:

ئه‌ڤرۆ سپێدێ ل پيرمام سه‌رۆك بارزانى ل گه‌ل شانده‌كێ بلندێ ئێكه‌تيێ ب سه‌رۆكاتيا كوسره‌ت ره‌سۆل كۆمبوو و به‌ياننامه‌ك ل دۆر ناڤه‌رۆكا كۆمبوونێ به‌لاڤكر كو ئه‌ڤا ل خوارێ ده‌قێ وێ يه‌:

راگه‌هاندنا كۆمبوونا سه‌رۆك بارزانى و شاندێ بلندێ ئێكه‌تى نشتيمانى كوردستان

رۆژا ئێكشه‌مبى 3ى ئادارا 2019ێ ل سه‌لاحه‌دين سه‌رۆك مه‌سعود بارزانى و به‌رێز كوسره‌ت ره‌سۆل عه‌لى جێگرێ سكرتێرێ گشتى يێ ئێكه‌تى نشتيمانى كوردستان و شاندێ ل گه‌ل دا كو پێكهاتبوون ژ ئه‌رسه‌لان پاييز و عيما ئه‌حمه‌د ئه‌ندامێن مه‌كته‌با سياسى يا ئێكه‌تى نشتيمانى كوردستان كۆمبوون.

د ديدارێ دا پرۆسا سياسى يا هه‌رێما كوردستانێ و ئاسته‌نگێن به‌ر سينگێ پرۆسا سياسى گه‌نگه‌شه‌ كر و ته‌كست ل سه‌ر وێ چه‌ندێ كر كو كارێ رژد بهێته‌ كرن و به‌رده‌وامى ب رێكه‌فتنا هه‌ردولا بده‌ن بۆ دامه‌زراندن و موكمكرنا داموده‌زگه‌هێن هه‌رێما كوردستانێ و ل به‌رچاڤگرتنا به‌رژه‌وه‌نديێن گه‌لێ كوردستانێ و گيانێ براتيێ و ب به‌رپرساتيا هه‌موولايه‌كى، ب ره‌نگه‌كى كو د ئاستێ داخوازيێن خواستێن وه‌لاتيێن هه‌رێما كوردستانێ دا بيت.

سه‌فين دزه‌ى ب فه‌رمى بهێنڤه‌دانێن هه‌يڤا ئادارێ ئاشكه‌را كرن

03/03/2019 12:07

2963

ئه‌ڤرۆ نيوز:

سه‌فين دزه‌ى ئاخفتنكه‌رێ ب ناڤێ حوكمه‌تا هه‌رێما كوردستانێ بۆ مالپه‌رێ فه‌رميێ حوكمه‌تا هه‌رێما كوردستانێ بهێنڤه‌دانێن فه‌رمى ب گۆره‌ى قانوونا په‌رله‌مانێ كوردستانێ ده‌رباره‌ى بهێنڤه‌دانێن فه‌رمى ئاشكه‌را كرن كو ئه‌ڤه‌ ژى ده‌قێ وێ يه‌:

بۆ وه‌لاتيێن خۆشتڤى يێن هه‌رێما كوردستانێ ئاشكه‌را دكه‌ين كو ب گۆره‌ى قانوونا په‌رله‌مانێ كوردستانێ ده‌رباره‌ى بهێنڤه‌دانێن فه‌رمى، بهێنڤه‌دانێن هه‌يڤا ئادارێ دێ ب ڤى ره‌نگى بن:

رۆژا سێشه‌مبى 5ى ئادارا 2019ێ، رۆژا ده‌سپێكرنا سه‌رهلدانا گه‌لێ كوردستانێ ل دژى رژێما دكتاتۆرى يا سه‌دام حسێن ل رانيه‌ و ده‌رگه‌هێن سه‌رهلدانێ.

رۆژا سێشه‌مبى 11ى ئادارا 2019ێ سالرۆژا ئيمزاكرنا رێكه‌فتناما 11ى ئادارا 1970ێ و سالرۆژا رزگاركرنا باژێرێ هه‌ولێر ل سه‌رهلدانا سالا 1991ێ.

رۆژا پێنجشه‌مبى 14ى ئادارا 2019ێ رۆژا ژ دايكبوونا بارزانيێ نه‌مر.

بهێنڤه‌دانا نه‌ورۆزێ ژى بۆ ئه‌ڤ ساله‌ ل رۆژا چارشه‌مبى 20ى ئادارا 2019ێ ده‌ست پێ دكه‌ت و هه‌تا رۆژا شه‌مبى 24ى ئادارا 2019ێ دێ يا به‌رده‌وام بيت ئانكو رۆژێن 20، 21، 22 و 23ى ئادارێ دێ بۆ بهێنڤه‌دانێن فه‌رمى بن و رۆژا ئێكشه‌مبى 24ى ئادارا 2019ێ دێ ده‌واما فه‌رمى ل داموده‌زگه‌هێن حكۆمى يێن هه‌رێما كوردستانێ ده‌ست پێ كه‌ت.

سەفین محسین دزەیی

ئاخفتنكه‌رێ ب ناڤێ حكومەتا هەرێما كوردستانێ
2019/3/3

نيشاندان 1...1,000 949950951 1,950 2,950...3,099 زێده‌تر

لاپه‌ر 950 ژ 3,099