ئەڤرۆ نیوز،عەلی حاجی :
ژ ئەگەرێ شەرەكێ ل گوندێ متیفا سەر ب قەزا زاخۆ ڤە ، ل دووڤ پێزانینێن دەستپێكی د وی شەری دا كەسەك هاتیه كوشتن و پێنچ كەسێن دی ژى بریندار بوینە.
چاڤه‌رێ پێزانینێن زێده‌تر بن.
شەرەك ل گوندەكێ زاخۆ دروست بوو
نووترين نووچه
- سەرۆك بارزانی و پارێزگارێ سەلاحەدین ڕەوشا سیاسی یا ئیراقێ گەنگەشە كر
- مەسرور بارزانی و بالیۆزێ ئەلمانیایێ دوپاتیێ ل سەر پێشڤەبرنا پەیوەندییان دكەن
- مەسرور بارزانی: دەستێ دۆستینیێ بۆ پێكهینانا حوكمەتێ مە بۆ هەموو ئالییان درێژ كریە
- سەرۆك بارزانی: هەكە ئەم ب خوە نەبین كەس مە ناپارێزیت
- د دژوارترین قووناغان دا مام جەلال دەنگێ تێكگەهشتن و پێكڤەكاركرنێ بوو
- سەرۆكێ حوكمەتا هەرێمێ و بالیۆزێ كرواتیایێ ب هێزكرنا پەیوەندییان گەنگەشەكر
- سیروان بارزانی: مووچەیێ پێشمەرگەی ناگەهیتە نیڤا مووچەیێ لەشكەرێ ئیراقێ
- ئیراق ئەگەرێ بجهنەئینانا سیستەمێ ئاسیكۆدایە
- سەرۆك بارزانی: هێزا پێشمەرگەیێ كوردستانێ هەر دێ مینیت و هەرێمێ پارێزت
- سەرۆك بارزانی و خەمیس خەنجەر دوپاتیێ ل هەماهەنگییا د ناڤبەرا هێز و ئالییێن سیاسی دا دكەن
سه‌ره‌كى نووترين نووچه
چار كەمپێن ئاواران ل زاخۆ د بێ ترومبێلێن ئاگر ڤەمراندنێ نە
ئەڤرۆ نیوز،عەلی حاجی :
رێڤەبەرێ بەرەڤانیا باژێری ل زاخۆ بۆ ئه‌ڤرۆ نیوز ئاشكرا كر ژبەر كێمیا میلاكی هەتا نوكە د شیاندا نینە كو ترومبێلێن ئاگر ڤەمراندنێ بۆ چار كەمپێن ئاواران ل سنورێ دەڤەرا زاخۆ دانین و مە پێدڤی ب زێدەكرنا میلاكی یا هه‌ى.
خالد دوسكی، زێدەتر گوت: راستە هەتا نوكە چو ترومبێلێن ئاگر ڤەمراندنێ د ناڤ كەمپێن ئاواران ل زاخۆ نینن،ژبه‌ركو میلاكێ پولیسێن مە ل بەرەڤانیا باژێری ل زاخۆ یێ كێمه و مە پێدڤی ب زێدەكرنا میلاكی هەیە، پێشتر ژی مە داخواز كریە ب رێیا رێڤەبەریا بەرەڤانیا باژێری ل پارێزگەها دهوكێ،وان ژی ب رێیا خوە جهێن بلند ئاگەهدار كرینە،هەر چەندە ڤەكرنا بنگەهێن ئاگر ڤه‌مراندنێ ل وان كه‌مپان یا گرنگە ژی، بەلێ‌مە داخواز ژ رێكخراوان ژى كریە ترومبێلان بۆ وان كەمپان دابین بكەن،زێدەباری وێ چەندێ ژی مە داخواز ژ رێڤەبەریێن كەمپان كرینە كو هندەك كەسان به‌رهه‌ڤ بكه‌ن داكو ترومبێلێن نوو بهێنە دابین كرن بۆ وان كەمپان و ئەم ژی ژلایێ خوەڤە خولان بۆ وان كەسان ڤەكەین هەتا كو فێر دبن و وەكو پولیسێن بەرەڤانیا باژیّری د ناڤ كەمپان دا كار بكەن .
گوت ژی : ئەڤ چەندە ژی پێدڤی ب ترومبێلێن نووتر هەیە هەتا كار ب دروستی ب رێڤە بچیت، دیسان مە ئامیرەیێن ئاگر ڤەمراندنێ بۆ هه‌موو كەمپ و خیڤەتگەهێن د ناڤ كەمپێ دا بەرهەڤ كرینە بۆ هەر روودانەكا بچووك یا ئاگر بەربونێ،بەلێ ئەز نوزانم بوچی بۆ هەر روودانەكا بچووك ب كار نائینن .
بەرهەڤى دهێنە كرن بۆ ڤەكرنا نڤێسینگەها ناسنامەیان ل كەمپا چەمشكو
ئەڤرۆ نیوز ، عەلی حاجی :
رێڤەبەرێ كەمپا مەشكو بۆ ئەڤرۆ نیوز دیاركر پێنگاڤێن باش هاتینە هاڤێژتن داكو د دەمەكێ نێزیك دا نڤێسینگەها ناسنامەێن عێراقی د ناڤ كەمپا چەمكشو بهێتە دانان.
مەئمون یەحیا، ئەو چەندە ژی گوت : هەر چەندە د نوكە دا نڤێسینگەها دەرئینانا ناسنامەیان ل كەمپێن بێرسڤێ و دەركارێ هاتینە ڤەكرن،مە كۆمبوونه‌ك ل گەل رێكخراوا هاریكار و UNCHR ئەنجامدایە و ڤان هەردو رێكخراوان بەرهەڤی كرینە بۆ وەرگرتنا فایلێن وه‌لاتیێن د ناڤ كەمپێ دا و ئەڤە نێزیكی دو روژایە دەستپێكری،هەر دیسان رێكخراوەكا دی ژی تایبەت ل دۆر وێ چەندێ كو خەلكێ ئاگەهدار دكەت ل سه‌ر چاوانیا بەرهەڤكرنا فایلان و كا چ پێدڤیە بكەن و هەتا دو جۆرێن فایلان ژی هاتینە دروستكرن داكو جوداهى هەبیت ب دروستكرن و ب رێڤەبرنا مامەلەێن وه‌لاتیان ب ناسنامەێن عێراقی، ئەڤ پێنگاڤە ژبەر وێ چەندێ مە هاڤێتی داكو پێشوەخت هەمی مامەلەێن وه‌لاتیان بەرهەڤ ببن و ل دووڤ را لژنە د ناڤ كەمپێ دا دەست ب كار بیت و كار ب دروستی ب رێڤە بچیت.
گوت ژی : ژبەر كو كەمپ یا مەزنە و هەتاكو هەمی مامەلە بهێنە كۆمكرن و د ئامادەبن، د وی دەمی دا لژنە دێ یا بەرهەڤ بیت و دەست ب كار بیت و ل گورەی پێزانینان ژی ئەڤ لژنه پتر ژ هەیڤەكێ دێ د ناڤ كەمپا مەدا بیت و هەماهەنگیا مە وەكو كارگێریا كەمپێ ل گەل لژنا دەرئینانا ناسنامەیان ب رێیا بوردێ پارێزگەها دهوكێ یە .
پارێزگه‌رێ دهۆكێ شیڤخوارنه‌ك ل سه‌ر شه‌ره‌فا میرێ نوو یێ ئێزدییان به‌رهه‌ڤكر
ئەڤرۆ نیۆز:
ل ئێڤاریا رۆژا 6\8\2019 ل سه‌یرانگه‌ها مالتایێ فه‌رهاد ئه‌مین ئه‌تروشى پارێزگه‌رێ دهوكێ ل سه‌ر شه‌ره‌فا میر حازم ته‌حسین به‌گ میرێ نوو یێ ئێزدییان شیڤ خارنه‌ك بو كه‌سایه‌تیێن جڤاكى و روى سپى و ماقیل و سیاسه‌مه‌دارێن ده‌ڤه‌رێ به‌رهه‌ڤكر.
ل به‌راهیێ پاریزگه‌رێ دهوكێ په‌یڤه‌ك خاند وبخێرهاتنا هه‌موو به‌رهه‌ڤبوویان كر و گوت : مه وه‌كو پاریزگه‌ها دهوكێ و حكومه‌تا هه‌رێما كوردستانێ ب فه‌ر دیت ڤێ مێهڤانداریێ به‌رهه‌ڤكه‌ین ب هه‌لكه‌فتا هه‌لبژارتنا میرێ نوو یێ ئێزدییان میر حازم ته‌حسین به‌گ و ب ناڤێ خه‌لكێ پارێزگه‌هێ پیروزباهیا میر حازم به‌گ كر و سه‌ركه‌فتن بو خواست .
پاریزگه‌رێ دهوكێ ته‌كه‌ز كر كو كارگێریا پاریزگه‌هێ و حكومه‌تا هه‌رێما كوردستانێ دێ به‌رده‌وام هاریكاریا میرێ نوو یێ ئێزدیان و ته‌ڤایا ئێزدیان كه‌ن. . هه‌روه‌سا گوت : ئه‌م دێ پشته‌ڤانییا خه‌لكێ شنگالێ كه‌ین چونكو تاوانێن مه‌زن و كێم وێنه دژى وان ژ لایێ تیرورستێن داعش ڤه هاتینه ئه‌نجامدان .
ل دوماهیێ ژى پارێزگه‌رێ دهوكێ دا خویاكرن كو دڤێت خه‌لكێ كوردستانێ هه‌موو ب هه‌ڤرا د ئێكگرتى بن بو پشته‌ڤانیكرنا حكومه‌تا هه‌رێما كوردستانێ ومیرێ نوو یێ ئێزدییان بو هندێ به‌رهنگارى هه‌موو ئاریشه‌كێ ببین و ب باشترین شێوه خزمه‌تا خه‌لكێ كوردستانێ و ئێزدیان بكه‌ین .
پاشى شێخ شاموو سه‌روكێ بنگه‌هێ لالش یێ ره‌وشه‌نبیرى وكومه‌لایه‌تى نونه‌رێ میر حازم ته‌حسین به‌گ په‌یڤه‌ك خاند و ب ناڤێ میر حازم به‌گ و جڤاتا روحانى و كه‌سایه‌تیێن جڤاكى یێن ئێزدیان سوپاسیا پاریزگه‌رێ دهوكێ و حكومه‌تا هه‌رێما كوردستانێ كر كو ئه‌ڤ مێهڤاندارییه ل سه‌ر شه‌ره‌فا میرێ نوو یێ ئێزدییان به‌رهه‌ڤكریه و گوت : ئه‌ڤ خرڤه‌بونا جڤاكى وێ چه‌ندێ د گه‌هینیت كو پێكڤه ژیان ل ڤێ هه‌رێمێ د ناڤبه‌را هه‌موو پێكهاته‌یان دا یا موكومه و ژیان ب خوشى و ته‌ڤایى دهێته ده‌ربازكرن .
هه‌روه‌سا گوت: ئه‌ڤ مێهڤانداریه رێزگرتنه ل هه‌موو ئێزدیان و ده‌ربرینا وێ گرنگیێ یه یا كو سه‌روك بارزانى و رێزدار نێچیرڤان بارزانى به‌رده‌وام دایه ئێزدیان وپه‌سنا رولێ پارێزگه‌رێ دهوكێ و هه‌موو خه‌لكێ پارێزگه‌هێ كر هه‌مبه‌ر حه‌واندنا وێ ژمارا زور یا ئاوارێن ده‌ڤه‌را شنگالێ وهیڤى خاستن هه‌موو لایه‌نێن كوردستانى پشته‌ڤانیا میر حازم ته‌حسین به‌گ بكه ن دا بشێت باشتر خزمه‌تا هه‌موو ئێزدیان بكه‌ت .
ل دوماهیا رێ و ره‌سمێن مێهڤانداریێ هه‌ردوو هونه‌رمه‌ندێن مللى ( ته‌حسین و عه‌لى كورێن فه‌قیر خدر) چه‌ند سترانێن فلكلورى پێشكێشكرن .
رێکخراوەکێ جلكێن جەژنێ بۆ ٢٠٠ زاروکێن شەھیدان دابینکرن
ئه‌ڤرۆ نيوز، مه‌نيجا ئه‌يوب:
سەرۆکێ رێکخراوا “گەنجێن بەرھەمدار ” Y.P.O سەفەر ئەیوب، بۆ ئەڤرۆ نیوز راگه‌هاند، ئەڤرۆ سێشه‌مبى ٦/٨/٢٠١٩ وەک پشتەڤانیەکا دارايی بۆ کەسێن دەست کورت رابووینە ب دابینکرنا جلكێن جەژنێ بۆ زێدەتر ژ ٢٠٠ زاروکێن شەھیدان و پێشمەرگەیان و کەسێن ھەژارو کێم دەرامەت.
گۆت ژى” ژبلێ ھاریکاریا وان زارۆكتن، رێکخراوا مە بەردەوام ھاریکاری گەھاندینە کەسێن دەست کورت”.
تاوانباره‌كێ جينوسايدكرنا ئێزديان هاته ده‌سته‌سه‌ركرن
ئه‌ڤرۆ نيوز:
وه‌زاه‌رتا به‌رگريا عيراقێ ئه‌ڤرۆ سێشه‌مبى 6/8/2019 ئاشكراكر كو تاوانباره‌كێ مه‌زن يێ رێكخراوا تيرۆرستى يا داعشێ كو ده‌ست د تاوانا جينوسايدكرنا ئێزديان وده‌ست درێژكرن ل سه‌ر كچێن كوردێن ئێزدى دا هه‌بوو، هاته ده‌سته‌سه‌ركرن.
ئه‌و تاوانبارێ داعش كو ب ناڤێ (ئه‌و هاجر) يێ ناڤداره وده‌ست د كوشتن وده‌ست درێژيكرنا راسته‌وخوه هه‌بوو ل سه‌ر كچێن كوردێن ئيزدى.
وه‌زاره‌تا به‌رگريا عيراقێ ئه‌وژى راگه‌هاند كو هێزه‌كا فرقا 20 ب هاريكاريا رێڤه‌به‌ريا پۆليسێن قه‌زا به‌عاج ل پارێزگه‌ها نه‌ينه‌وا وب پشت به‌ستن ب پێزانينێن هه‌والگيرى، شيان تاوانبار (حازم محه‌مه‌د عه‌بدولا قاسم) يێ ناڤدار ب (ئه‌بو هاجه‌ر) كو تاوانباره‌كێ مه‌زن يێ داعشه.
ب ڤيديۆ.. 12 سالان بالنده‌يان د فرۆشيت
ئەڤرۆ نیوز، نەوزاد هلوری:
گەنجەکێ باژێرێ دهۆکێ 12 سالە بالندەیان دناڤ بازاری دفروشیت، وەک ئەو ددەت دیارکرن گرانترین بالندە لدەف وی ب دوو هزار دولاران هاتیە فروتن و ئەو بالندەیێن کوردی نافرۆشن، زێدەباری بالندەیان ئەوكێتك مشکان ژی دفروشیت و بڤی رەنگی داهاتەکێ ب خوە پەیدا دکەت.
ئه‌ردۆگان: دێ په‌كه‌كێ ژ ناڤ ئاخا عيراقێ ده‌رێخين
ئه‌ڤرۆ نيوز:
سه‌رۆكێ توركيا ره‌جه‌ب ته‌يب ئه‌دۆگان راگه‌هاند، دێ په‌كه‌كێ ژ ناڤ ئاخا عيراقێ ده‌رێخين ودياركر كو ئۆپه‌راسيۆنا خواكۆركێ ب سه‌ركه‌فتى ب رێڤه دچيت ول گه‌ل به‌رپرسێن عيراقى وئيرانێ ژى ل دۆر وێ ئۆپه‌راسيۆنێ و دهه‌ڤ هه‌لويستين.
ئه‌ردۆگانى د كۆنگره‌كێ رۆژنامه‌ڤانى دا گۆت” د ده‌مه‌كێ نێزيك دا دێ كۆنسۆلخانێن توركيا ل مووسلێ و به‌سرا ڤه‌كه‌ين، بۆ ڤه‌كرنا دو كونسۆلخانێن دى ل كه‌ركووكێ ونه‌جه‌فێ، مه داخوازى ئاراسته‌ى حوكمه‌ت عيراقێ كريه”.
40 پرۆژێن پیشه‌سازی ل دهۆكێ هاتنه په‌سه‌ندكرن
ئه‌ڤرۆ نیوز:
ب سه‌رپه‌رشتیا فه‌رهاد ئه‌مین ئه‌ترووشی، پارێزگه‌رێ دهۆكێ، ئه‌ڤرۆ 6/8/2019 كۆمبوونا (43) یا لیژنا پیشه‌سازی ل پارێزگه‌ها دهۆكێ هاته سازكرن و تێدا 40 پرۆژێن پیشه‌سازی هاتنه په‌سه‌ندكرن.
د كۆمبوونێ دا به‌حسێ ره‌وشا پرۆژێن پیشه‌سازی ل پارێزگه‌هێ و چاوانیا پێشخستنا كه‌رتێ پیشه‌سازی یێ گشتی، ئه‌و ژی ب رێكا پشته‌ڤانیكرنا پرۆژێن وه‌به‌رهێنانێ یێن پیشه‌سازی ل سنوورێ پارێزگه‌هێ هاته كرن.
د لایه‌كێ دیێ كۆمبوونێ دا به‌حسێ داخوازیێن وه‌لاتیان بۆ چێكرنا پرۆژێن پیشه‌سازی ل جهێن جودا جودا ل سنوورێ پارێزگه‌ها دهۆكێ هاته كرن.
پارێزگه‌رێ دهۆكێ ته‌كه‌ز كر كو لیژنا پیشه‌سازی هه‌موو ئاسانكاریان و ل دووڤ رێنمایێن ده‌سته‌یا وه‌به‌رهێنانێ بۆ وه‌به‌رهێنه‌رێن ده‌ڤه‌رێ بكه‌ت بۆ وێ یه‌كێ خودان شیان و سه‌رمایه‌دار پرۆژێن پیشه‌سازی ئاڤابكه‌ن بۆ خزمه‌تكرنا وه‌لاتیێن پارێزگه‌هێ.
ل دووماهیا كۆمبوونێ و پشتی گه‌نگه‌شێن تێر و ته‌سه‌ل ل سه‌ر هژماره‌كا پرۆژێن پیشه‌سازی یێن داخوازكری ژ لایێ وه‌لاتیان ڤه هاتینه كرن، بڕیار هاته‌دان و رازیبوون ل سه‌ر هژماره‌كا داخوازیان هاته كرن و (40) پرۆژه ژی هاتنه په‌سه‌ندكرن.
پانزينخانه‌كا گه‌رۆك ل سلێمانيێ دهێنه دانان
ئەڤرۆ نیوز، نەوزاد هلوری:
ب مەرەما زێدەتر خزمەتکرنا شوفێران، د نووترین پرۆژەدا کومپانیەک رابوویە ب دانانا پانزينخانێن گەرۆک د ناڤا باژێرێ سلێمانیێ دا، کو دبیتە ئێکەم پانزینخانه ژ ڤی جۆری ل کوردستانێ.
هەڤال ئەبوبەکر، پارێزگارێ سلێمانیێ د کونگرەیەکێ رۆژنامەڤانی دا دیارکر کو پشتی چەندين بزاڤان ل دووماهيێ ئه‌و شيان پانزینخانێن گەرۆک ل سلێمانیێ بدانن و گوت: (ئومێدەوارین ئەڤ پانزینخانە بشێت خزمەتەکا باش بۆ خەلکێ سلێمانیێ بکەن).
دهێتە زانین کو پانزینخانا ناڤبری ژلایێ کومپانیەکێ هاتیە دانان و بهایێ لێترا وێ 50 دیناران ئەرزانترە ژ پانزینا پانزینخانێن دى و کوالێتیا وێ ژی باشترە.
نيشاندان
WP Facebook Auto Publish Powered By : XYZScripts.com