ئەڤرۆ نیوز ،بارزان مزووری:
دلاوەر لەتیف،رێڤەبەرێ پەیوەندی و راگەهاندنا رێڤەبەریا هاتنوچوونا قەزا سوران بۆ ئەڤرۆ نیوز دیار كر كۆ ئەڤرۆ شهمبيێ 25/5/2019 ل سەر رێكا گوندێ مێرۆزێ سەر ب قەزا سوران ڤە ترومبێلەك ژ جورێ BMW تایبەت وەرگەریا د ئەنجام دا كەسەكی گیانێ خوه ژ دەست دا وكهسهكێ دى برينداربوو.
خویاكر هەردو ژوان پێشمەرگە بوون بناڤێ”دلدار مستەفا” گیانێ خۆ ژ دەست دا “دلگەش سەدیق” یێ بریندارە ئاكنجیێن باژێرێ سوران یێن تاخێ هەرێم دەمێ ڤەگەریانێ ژ دەوامێ ترومبێلا وان وەردگەرێت.
ئهڤرۆ نيوز:
بۆ دياركرنا رۆژا ئێكێ ژ جهژنا رهمهزانێ، لژنا بلند يا ديتنا ههيڤێ ل رۆژا 3 حوزهيرانێ دێ كۆمبيت.
نهبهز ئيسماعيل، پهيڤدارێ وهزارهتا ئهوقافێ وكاروبارێن ئاينى ل ههرێما كوردستانێ راگههاند” لژنا ديتنا ههيڤێ ل وهزارهتێ ل رۆژا 3 حزهيرانێ دێ بريارێ ل سهر رۆژ ئێكێ ژ جهژنا رهمهزانێ دهت وچو لايهنهكێ دى دهستههلاتا دياركرنا رۆژا جهژنێ نينه”.
گۆت ژى” ههكه ل ئێڤاريا رۆژا 3 حزهيرانێ ههيڤ ب بهلگه هاته ديتن، دێ 4 حزهيرانێ بيته جهژن، ههكه ههيڤ نههاته ديتن دێ ل 5 حزهيرانێ رۆژا ئێكێ يا جهژنێ بيت”.
ل چهند رۆژێن بۆرى دا وهلاتێ سعوديێ ب رێيا بهلاڤكرنا خشتێ رۆژ ژمێرا مشهختى، رۆژا ئێكێ ژ جهژنا رهمهزانى ل 5 حزهيرانێ دياركريه”.
ئهڤرۆ نیوز، نهوزاد هلۆرى:
ههیڤا رهمهزانا پیرۆز بوویه ئهگهر كو هژمارهكا گهنجان ل سهر رێیا گشتى دناڤبهرا زاویته و دهۆك ل نێزیك سكرێ زاویته بازاران د ههموو شهڤێن رهمهزانێ دا بدانن، بڤێ یهكێ هژمارهكا زور ژ خهلكى َدهۆك و دهوروبهران ب مهرهما گهشتوگۆزار و بوراندنا دهمهكێ خوش قهستا جهێن وان دكهن، خودانكارێن وان بازاران ددهن دیاركرن كو ئهو دێ پشتى رهمهزانێ ژى بهردهوام بن.
ئهڤرۆ نيوز:
رێڤهبهريا كونترۆلكرنا ئينان ودروستكرنا دهرمانان وپێدڤيێن نوشدارى ل ههرێما كوردستانێ راگههاند، تێكههلكرنا دو جۆرێن دهرزيان يان زێدهتر بێ زڤرين بۆ رێنمايێن دهرمانسازى يا مهترسيداره وئهو تێكههلكرنا دهرزيان ل كلينيكێن كولانان ل نهخوهشان دهێنه دان، د زانستى نينن.
رێڤهبهريا ناڤبرى د رۆهنكرنهكێ دا بهلاڤكر” تێكههلكرنا دو جۆرێن دهرزيان يا پهسهندكرى نينه، ژبهر نهگونجانێ وژدهستدانا كاريگهريا ئێك يان دو يان ههموو دهرمانێن د ناڤدا، ههرچهنده ل هندهك حالهتان دا تێكههلكرنا دو دهرزيان يان زێدهتر د ناڤ بوتلێ ئاڤێ دا بۆ ههلاويستنێ يان ئێك سهرنج دهێته ئهنجامدان، ئهوژى دڤێت ب بريارا نوشدارێ دهرمانساز بيت بۆ ب هێزكرنا شيانێن كاركرنا دهرمانان وهكو چاوان د دهرمانێ پهنجهشێرێ دا دهێته كرن، ب وى مهرجى دهرمان د گونجاى ل گهل ئێك”.
ل دووڤ وێ رۆهنكرنێ” تێكههلكرنا دو دهرزيان يان زێدهتر ب رێيێن زانستى وزڤرين بۆ رێنمايێن دهرمانسازى ل چاوانيا تێكههلكرنا دو دهرزيان ودياركرنا وى دهرمانێ بۆ تێكههلكرنێ يێ گونجايه، كارهكێ مهترسيداره”.
دياركر ژى” پشكهك ژ وێ تێكههليا دهرزيان ل كلينيكێن كولانان ل نهخوهشى دهينه دان ب مهرهما چارهسهركرنا ههوكرنا ڤايرۆسى وئازار وسهرمابوونێ كو تێدا دهرمانێ ئهنتى بايۆتيك وسترويد وزارشكێن پێكڤه دهێنه تێكههلكرن، ب چو شێوهكى يا زانستى نينه”.
ئاماژه كريه” ژ ئهگهرێ دروستبوونا مادهكێ نوو ل دهمێ تێكههلكرنا وان دهرمانان، مهترسى ل سهر ژيانا نهخوهشى دروست دبيت ب ژههراوى بوونا وان، لهوما بۆ پاراستنا ساخلهميێ پێدڤيه پێگيرى رێنمايێن نوشدارى ودرمانسازى بن ل چاوانيا وچهنداتيا چارهسهركرنێ”.
ئەڤرۆ نیوز:
سەیاسەتمەدارەکێ عیراقێ دیارکر پشتی ٢٠٠٣ ھەتا نوکە ھەموو سیاسیێن عیراقێ کو یێن کورد ژی دگەل دا بوون تنێ بۆ بەرژەوەندیێن خوە یێن تاکەکەسی و حزبی کار دکر تنێ سەرۆک بارزانی نەبیت.
زێدەتر میسال ئەلوسی دیارکر، سەرۆک مەسعود بارزانی ھەموو دەمان کار بۆ بدەستڤەئینانا مافێن مللەتێ کورد کریە ب تایبەتی ھەرێما کوردستانێ عیراقێ و ب ھەموو ھێز و شیانێن خوە بۆ رێبەریا مافێ دیموکراسیێ گەلێ کورد کریە و یێ بەردەوامە ھەتا ئەڤرۆ ژی بێ راوستیان.
ناڤھاتی ئەو چەندە ژی دیارکر گەلەک کەس ھەبوون ب نەفەسەکا کێم ھێرشی سەرۆک بارزانی دکر پێخەمەت دژایەتیا مافێن دەستوریێن کورد لێ بەرسڤا بارزانی ئەو بوو ب حەکیمانە و ئارامی و بەرپرسیارانە چارەسەریا دەستوریی یا سازانا نشتیمانی بکەت.
ئەلویسی ئەو چەندە ژی گۆت: سەرۆک مەسعود بارزانی ب سەربور و شارەزایا خوە شیا رولەکێ مەزن ب گێریت بۆ پاراستنا کورد و عەرەبان ژ پلانێن دەرەکی.
ئەڤرۆ نیوز:
سەرۆک مەسعود بارزانی ب هەلکەفتا ٤٣ سالیا شۆرەشا گۆلانێ پەیامەک بەلاڤ کر و د پەیاما خوە دا سەرۆک بارزانی راگەهاند کو شۆرەشا گۆلانا پێشکەفتیخواز شۆرەشا بەردەوامیا بەرخوەدانێ بوویە ل دژی زۆرداری و داگیرکەریێ، شۆرەشا گۆلانێ قۆناغەکا گرنگ ژ بەرخوەدانا گەل و پێشمەرگێن کوردستانێ بوو و ب ئاشکرایی ئەو پەیامە گەهاند کو ب پیلانگێری، ناپاکی، ئاگر و ئاسنی نەشێن گەلێ مە بێدەنگ بکەن و هەروەسا نەشێن مە نەچار بکەن کو دەستان ژ مافێن خوە یێن رەوا بەردەین. گەلێ مە چو دەمەکێ خوە ناچەمینیت و هەتا نەگەهیتە مافێن خوە دێ خەبات و شۆرەش ژی بەردەوام بن.
سەرۆک بارزانی هەروەسا دیار دکەت کو ئیرادا گەلێ کورستانێ بهێزە و سەرەرای پیلانگێری، لێ دێ خەباتا گەلێ کوردستانێ بۆ بدەستڤەئینانا مافێن خوە یێن رەوا و پێکڤەژیانێ و ئاشتیێ بەردەوام بیت.
ئەڤرۆ نیوز:
ئۆمێد خۆشناو سەرۆکێ فراکسیۆنا پارتی ل پەرلەمانێ کوردستانێ دیار کر کو هەموو ئامادەکاری بۆ هەلبژارتنا سەرۆکێ هەرێما کوردستانێ ل پەرلەمانێ کوردستانێ ب دووماهی هاتینە و دهێتە چاڤەرێکرن کو ناڤەراستا ڤێ حەفتیێ سەرۆکێ هەرێما کوردستانێ ل پەرلەمانی بهێتە هەلبژارتن.
ناڤهاتی ئەو یەک ژی دیار کر کو نها ئەم چاڤەرێی دەستا سەرۆکاتیا پەرلەمانی دکەین کو ب فەرمی داخواز ژ ئەندامێن پەرلەمانی بکەت و رۆژا کۆمبوونێ ب فەرمی بهێتە دیارکرن، چونکو چو ئاریشێن قانوونی و سیاسی ل هەمبەر هەلبژارتنا سەرۆکێ هەرێما کوردستانێ نەماینە.
ئهڤرۆ نيوز:
سهرۆكا وهزيرێن بريتانيا، تێريزا مهى، ئهڤرۆ ئهينيێ 24/5/2019 دهست ژ كاركێشا وبرياره ل 7 ههيڤا داهاتى ب فهرمى پۆستێ خوه بجه بهێليت.
تێرێزا مەی، سەرۆکا وەزیرێن بەریتانیا، د كۆنگرهكێ رۆژنامهڤانى دا ئهڤ برياره دا ژبهر سهرنهكهفتنا وى د بزاڤێن جودابوونا بريتانيا ژ ئێكهتيا ئهورۆپى، ههرچهنده ژى پتريا خهلكێ بريتانيا د ريفراندۆمهكێ دا دهنگ ب جودابوونێ ژ ئێكهتيا ئهورۆپى دابوو.
تێريزا مهى، بهرگرى ژ سياسهتێن خوه كر و ب كارهكێ دروست دزانيت، داخواز ژى ژ سهرۆك وهزيرێن داهاتى كر بهردهواميێ بدهته ئارمانجێن وێ وبرياره ل 7 ههيڤا داهاتى پۆستێ خوه ب فهرمى بجه بهێليت.
https://www.youtube.com/watch?v=_t25xAp270o
ئەڤرۆ نیوز، عەلی حاجی :
گەنجەکێ زاخۆیی بناڤێ سیھاد عەلی دژیێ ۲٦ سالیێ دایە ؍ دوھی ل روژا پێنچ شەمبێ کو کارێ تەکسیێ دکەت، چویە ھەولێرێ و ھەتا نوکە نەڤەگەریایە و چو دەنگوباسێن وی ژی نینن.
عەلی رەشید بابێ وی گەنجێ بەرزەبویی بۆ ئەڤرۆ نیوز دیارکر دوھی ل روژا پێنچ شەمبێ رێککەفتی ۲۳/٦/۲۰۱۹ ل دەمژمێر ۱:۳۰ێ پشتی نیڤرۆ کورێ من سیھادی پەیوەندی من ب ر کو ھندەک کەسان دێ ب رێیا ترومبێلا خوە یا تەکسی بەمە باژێرێ ھەولێرێ ل دەمژمێر ٦:۳۰ من جارەکا دی پەیوەندی ب کورێ خوە کرکورێ من گوتە من دێ ڤان کەسێن دگەل منادا دانمە ھەولێرێ و دێ ڤەگەرمەڤە ل دەمژمێر ۸:۳۰ شەڤ من جارەکادی پەیوەندی بۆ کر لێ موبایلا وی یا گرتی بو و ھەتا نوکە ژی یا گرتی یە و ئەم تشتەکێ ژێ نوزانین.
ناڤھاتی گوت ژی : ئەو کەسێن دگەل دا ژی ئەم نوزانین خەلکێ کیش دەڤەرێ نە و ھەتا نوکە مە چو پێزانین نینن؍مە سەرەدانا زالگەھا ھەولێرێ کر و ب رێیا کامیران ژی چو تشتەک نەھاتیە دیتن دنوکە دا ئەم یێ ھەولددەین ب رێیا کامیرەێن زالگەھا بەردەرەش بیت پێزانینەک ب دەست مەبکەڤیت و مە پولیس و ھەمی جھێن پەیوەندیدار ژی ئاگەھدار کرینە.
نيشاندان