ئەڤرۆ نیوز:
فوتو، لاوك سلفن:
بریارە ئەڤرۆ مەغرەب کارگێریا یانا دھۆک یا وەرزشی ل دۆر ئەنجامێن خراب یێن تیما ئێکێ د خولا ھەرێما کوردستانێ یا تەپا پێ دا کومبوونەکا بلەز ئەنجام بدەت و دبیت چەند بریارێن گرنگ بھێنە دەرکرن.
ل دووڤ وان زانیاریێن دەست ب ئەڤرۆ نیوز کەفتین دەستەیا راھێنەرێن تیما تەپا پێ یا دھۆک ژی ھاتینە داخواز کرن بۆ ڤێ کومبوونێ ئامادەبن پشتی خوسارەتیا دوھی ل سەر دەستێ یانا شێروانە و ئەگەرێن ڤان ئەنجامان بھێنە دیارکرن و ل دووڤ چەند زانیاریان دبیت گوھۆرین د دەستەیا راھێنەران دا بھێتە کرن و راھێنەرەکێ دی بھێتە دەستنیشان کرن ل شوونا ھەرمان سالح.
ھەژی گۆتنێ یە بەری نوکە پشتی خوسارەتیا دگەل یانا دھۆک دگەل یانا زێرەڤانی دەستەیا راھێنەرێن یانا دھۆک دەست ژکارکێشانا خوە پێشکێشی کارگێریا یانێ کربوو لێ ئەڤ داخوازیا وی نەھاتە قەبوول کرن و خواست بەردەوام بن.
نيشاندان
