ئه‌ڤرۆ نیوز:
ل دووڤ گوتنا نڤیسه‌ر عارف قوربانى، تا راده‌كێ زور پۆستێ سه‌رۆكێ په‌رله‌مانى و جێگرێ سه‌رۆكێ حوكمه‌تێ بۆ ئێكه‌تیێ هاتیه ئێكلاكرن و گۆت: پۆستێ جێگرێ سه‌رۆكێ حوكمه‌تێ دێ بۆ ئێكه‌تیێ بیت كو قوباد تاڵەبانی به‌ربژاره بۆ وى پۆستى و پۆستێ سه‌رۆكێ په‌رله‌مانى ژى دێ بۆ كه‌سه‌كى بیت كو ژ ده‌رڤه‌ى بنه‌مالا تاله‌بانى بیت، ئه‌ڤ یه‌ك ژى ئێكلا بوویه و رێواس فایه‌ق به‌ربژاره بۆ وى پۆستى.
ئەڤرۆ نیوز ، زنار تۆڤی:
ل ئیسپانیا گەشتیەکا رزگارکرنا کۆچبەران ب ناڤێ ئالان کوردی هاتیە ب ناڤکرن و بابێ ئالانی و پیرا وی هاتینە بانگهێشت کرن بۆ مەراسیمێن ڤەکرنا وێ گەشتیێ.
ئالان کوردی ئەو زارۆیێ خەلکێ کۆبانێ بوویە، ل رۆژئاڤایێ کوردستانێ، کو د دەریا ئیجەدا ل گەل دایک و برایێ خوە خەندقی بوون. بەری سێ سال و شەش هەیڤان ئالان کوردی ل گەل دایک و برایێ خوە ب رێیا کۆچبەریێ دا ل ناڤا دەریا ئیجەدا بەلەما وان نوقووم ببوو، د ئەنجامدا هەرسێ خەندقی بوون. تەرمێ ئالان پشتی رۆژەکێ ل کەنارێن دەریایێ دا هاتە دیتن.
ئه‌ڤرۆنیوز:
فه‌رمانده‌كێ میلیشیێن حه‌شدا شه‌عبی ئه‌ڤرۆ دوشه‌مبی 11/2/2019 راگه‌هاند، داخستنا باره‌گایێن سه‌خته یێن حه‌شدێ ل سه‌ر فه‌رمانا راسته‌وخوه یا عادل عه‌بدولمه‌هدی سه‌رۆك وه‌زیرێن عیراقێ بوو، ئاشكراكر ژی كو 100 باره‌گایێن دی یێن حه‌شدا شه‌عبی ل ڤان نێزیكان دێ هێنه داخستن.
موعین كازمی، ئێك ژ فه‌رماندێن دیار یێن میلیشیێن حه‌شدا شه‌عبی گۆت” هه‌ر ژ سالا بۆری حه‌شدا شه‌عبی ده‌ست ب جه‌ردكرنا باره‌گایێن خوه كریه و هوشداری ژی یا دایه هژماره‌كا باره‌گێن كو ب ناڤێ حه‌شدێ هاتینه ڤه‌كرن، له‌وما پشكه‌ك ژوان باره‌گایێن خوه داخستن، به‌لێ پشكه‌كا دی هه‌تا نوكه یێن ماین”.
كازمی دیارمر كو داخستنا چه‌ند باره‌گایان ل به‌غدا كو ل رۆژێن بۆری هاتبوو ئه‌نجامدان، ل سه‌ر فه‌رمانا راسته‌وخوه یا عادل عه‌بدولمه‌هدی سه‌رۆك وه‌زیرێن عیراقێ بوو وئاشكراكر ژی كو زێده‌تر ژ 100 باره‌گایێن دی یێن سه‌خته ب ناڤێ حه‌شدا شه‌عبی یێن هاتینه ڤه‌كرن ول ڤان نێزیكان دێ هه‌موو هێنه داخستن.
ئه‌ڤرۆنیوز:
ئه‌ندامه‌كا سه‌ركردایه‌تیا پارتی دیموكراتی كوردستان راگه‌هاند، ل دووماهیا ئه‌ڤ ساله یان ل ده‌ستپێكا سالا 2020، كۆنگرێ 14 یێ پارتی دێ هێته گێران وب پێدڤی ژی دزانیت پشتی پێكئینانا كابینا حوكمه‌تێ، لژنا ئاماده‌كارا كۆنگره‌ی ده‌ست ب كارێن خوه بكه‌ت.
شرین ئامێدی، ئه‌نداما سه‌ركردایه‌تیا پارتی گۆت” كۆنگرێ 13 یێ پارتی ل 11/12/2013 هاتبوو گێران وهه‌رچه‌نده بریاربوو كو پشتی چار سالان كۆنگره بهێته گێران، به‌لێ ژئه‌گه‌رێ شه‌رێ داعشێ ونه‌سه‌قامگیریێ، كۆنگره هاتبوو پاشخستن”.
شرین ئامێدی زێده‌تر بۆ مالپه‌رێ فه‌رمیێ پارتی گۆت” ده‌مێ گێرانا كۆنگره‌ی یێ هاتی وپشتی پێكئینانا كابینا نوو یا حوكمه‌تا هه‌رێما كوردستانێ، پێدڤیه لژنا ئاماده‌كاری كاری بۆ گرێدانا كۆنگرێ 14 ل دووماهیا 2019 یان ل ده‌ستپێكا 2020 بكه‌ت”.
گۆت ژی” به‌ری دو سالان دانوستاندن ل دۆر دانانا لژنه‌كێ بۆ گرێدانا كۆنگره‌ی هاتبوو كرن”.
شێخان، بارزان مزووری:
ئەڤرۆ دەمژمێر ئیڤاری رێکەفتی ١١ی شوباتێ ٢٠١٩ی شاندەکێ پارتی دیموکراتی کوردستان ب سەروکاتیا “فازل میرانی” سکرتێرێ مەکتەبا سیاسی پا پارتی دیموکراتی کوردستان پشکداری د تازیا میر تەحسین بەگ میرێ ئێزدیان کر ل قەزا شێخان.
فازل میرانی، دکونگرەکێ رۆژنامەڤانی دا بۆ دەزگەھێن راگەھاندنێ دیار کر میر تەحسین بەگ نە ژ ئێزدیان چویە بەلکو ژ ھەموو مللەتێ کورد چویە و میر ئێک ژ کەساتیێن مەزن یێ کورد بوویە و پێگەھێ وی یێ کەسایەتی ژی د ناف ھەموو مللەتێ کورد دا یێ دیاربوو.
ناڤھاتی زێدەتر گوت: ئەم وەکو پارتی دیموکراتی کوردستان ژ لایەکی ڤە ئەم غەمبارین و ژلایەکی ڤە خوشحالین کو دبینین خەلکەک بڤی شێوەی جھێ میری وەکو ھەژی راگرتی ھیڤیا مە ئەوە جڤاتا روحانیا ئێزدیان میرەکێ دی دەسنیشان بکەت ئەم ھەموو ژی دێ پشتەڤانیا وی میری بین ھەر وەکو ئەم پشتەڤانیا میر تەحسین بوینە بریارێن دوماھیێ بو چ حیزبا نینن بەلکو دێ بۆ جڤاتا روحانیا ئیزدیان بیت.
کەریم سلێمان ،شێوەردارێ جڤاتا روحانیا ئێزدیان بو ئەڤرۆ نیوز گۆت: ئەو کارێ ھاتیە کر ن بۆ تازیا میر تەحسین بەگ ھەر ژ فروکخانا نیڤدەولەتی حەتا شێخان تایبەت ژلایێ سەروکێ حکومەتا ھەرێما کوردستانێ ڤە کارەکێ مێژووی بو چ جارا ناھێتە ژبیرکرن.
ئەڤرۆ نیوز:
ئەڤرۆ رۆژا دوشەمبی رێککەفتی ١١/٢/٢٠١٩ نێچیرڤان بارزانی سەرۆک وەزیرێن ھەرێما کوردستانێ ل ھەولێرێ پێشوازی ل د.عومەر ئەلکندەری، قونسلێ وەلاتێ کوێت ل ھەرێما کوردستانێ و شاندێ دگەل دا کر.
د ڤێ دیدارێ دا ئەلکندەری خوشحالیا خوە ب ڤێ ھەڤدیتنێ دگەل نێچیرڤان بارزانی دیارکر و دەستخوشی ل حوکمەت و سەروک وەزیرێن ھەرێمێ کر پشتی ب سەرکەفتیانە ھەموو قەیران دەربازکرین و ئەو رێژەیا زور یا پەنابەر و ئاوارەیان حەواندی، دیسان بەحسا ئەوان ھاریکاریێن وەلاتێ خوە یێن مروڤایەتی بۆ ھەرێمێ ھنارتین پێخەمەت ھاریکاریا ئاوارەیێن ھەرێمێ.
ژلایێ خوە ڤە نێچیرڤان بارزانی سوپاسیا سەرەدان و ھاریکاریێن مروڤایەتی یێن وەلاتێ کوێتێ بۆ ھەرێما کوردستانێ کرن تایبەت رولێ میرێ کوێتێ بۆ دابینکرنا وان ھاریکاریان و بارسڤکرنا ل سەر ملێن حوکمەتا ھەرێمێ.
د تەوەرەکێ دی یێ ڤێ ھەڤدیتنێ دا بەحس ل پەیوەندیێن ھەرێما کوردستانێ دگەل بەغدا دیسان سەرەدانا نێچیرڤان بارزانی بۆ بەغدا و کومبوونا دگەل عادل عەبدولمەھدی سەروک وەزیرێن عیراقێ ھاتە کرن، زێدەباری پەیوەندیێن ھەرێمێ دگەل وەلاتێن جیران و پێشخستنا وان پەیوەندیان د بوارێن جودا دا.
ئەڤرۆ نیوز، عەلی حاجی:
ل دووڤ ئامارەکا رێڤەبەریا ساخلەمیا زاخۆ دیارکریە د ماوێ حەفیتەکێ دا ل سنورێ قەزا زاخۆ ١٤ کەسان ب ئەگەرێن جودا گیانێ خوە ژ دەست داینە.
ل دور ڤێ چەندێ ئەمیر عەلی ژ راگەھاندنا ساخلەمیا زاخۆ ، بۆ ئەڤرۆ نیوز گۆت: ژ رێکەفتی ٤/٢/٢٠١٩ ھەتا ١١/٢/٢٠١٩ ل سنوری قەزا زاخۆ ١٤ وەلاتیان ژ ئەگەرێ جودا گیانێ خوە ژ دەست داینە لێ پرانیا وان کەسان ژ ئەگەرێ جەلتێ بویە ، ١١ کەسان ژ دەرڤەی نەخوشخانەیێ و ٣ کەسان ژی دناڤ نەخوشخانەێن زاخۆ گیانێ خوە ژ دەست داینە.
ناڤبری زێدەتر گۆت: ل ماوەیێ حەفیەکێ دا ١٢٨ زاروک ھاتینە سەر دونیایێ ٦٥ ژوان کور بوون و ٦٣ ژی کچ بوینە ، دیسان ل نەخوشخانا زاخۆ یا گشتی و تەنگاڤیان ١٦ نەشتەرگەریێن مەزن ھاتینە ئەنجام دان و ھەمی نەشتەرگەری ب سەرکەفتیانە ب دووماھی ھاتن.
ئەڤرۆ نیوز، نەوزاد ھلۆری:
ھنارتیێ نەتەوەیێن ئێکگرتی ل عیراقێ دیارکر کو ھژمارا ئاوارێن ل باژێر و باژێرکێن عیراقێ ئاوارەبووین دگەھیتە ملیونەک و 800 ھزار کەس کو ئەو ژی دبیتە رێژا 5% ژ ھژمارا گشتی یا رونشتڤانێن عیراقێ.
ب گوەری روھنکرنەکا یونامی ل سالا 2018 ھاتیە ھەلسەنگاندن دیار دبیت کو ل دەڤەرێن کێشەدارێن عیراقێ 22% ژ وان یێن دناڤ کەمپانیان دژین ، 52% ژ ھندەک پارێزگەھان، 12% ژ وان ژی یێن ل دەرڤەیێ کەمپان دژین ژبەر مەترسیا بومب و تەقینان ناخوازن بزڤرن جھـ و وارێن خوە، ئەڤە زێدەباری وێ یەکێ کو ژینگەھەکا نە ساخلەم و مەترسی ل وان دەڤەران ھەیە.
پرانیا ئەو عیراقیێن کو ئاوارەبووین دکەڤنە دەڤەرێن سونەنشین، پشتی رزگارکرنا بەشەک ژ جھێن وان ژی، ژ ئەگەرێ نەبوونا خزمەتگوزاریان و ھەبوونا مەترسێن زێدەتر ئاوارە زوو ب زوو نازڤرن ڤە.
نوش نیوز:
پشکا دووڤچوونێ ل رێڤەبەریا گشتی یا ساخلەمیا پارێزگەها دهۆکێ دو هێلێن گەرم بو گازندێن وەلاتیان ئێخستنە کاری کو دێ بو دەمێ 24 دەمژمێران د خزمەتێ دابن.
د. سەفەر یونس عەبدوللا، رێڤەبەرێ پشکا دووڤجوونێ ل ساخلەمیا دهۆکێ بۆ نۆش نیوز دیارکر کو ئەوان دو هێلێن گەرم (07514342938-07514025338)ئێخستینە کاری و بو دەمێ 24 دەمژمێران دێ دخزمەتا وەلاتیان دابن و گۆت: هەر وەلاتیەک دەمێ قەستا دەزگەهەکێ ساخلەمیێ دکەت، یان کلینیک و جهێن تایبەت و هەر گازندەک هەبیت دشێن پەیوەندیێ بکەن و دێ ئاریشە و گازندێن وان هێنە چارەسەرکرن.
دیارکر ژی کو دیسا هاولاتی دشێن گازندە و پێشنیارێن خوە ب رێکا ئیمێلێ (E-mail:91@duhokhealth.org) بهنێرن.
ئەڤرۆ نیۆز، قائید میرۆ:
بڕیارە رۆژا 18ی شوباتێ جڤاتا پارێزگەھا کەرکووکێ وەک پارتی و ئێکەتی لسەر رێکەفتین لباژێڕێ ھەولێرێ کۆمببیت و شارەزایەکێ قانوونی ژی دبێژیت، زۆربەیا ئەندامێن جڤاتێ دشێن بڕیارێ لدۆر جھێ کۆمبوونێ بدەن.
کرمانج عوسمان، شارەزایێ قانوونی بۆ ئەڤرۆ نیۆز دیارکر” ھەرچەندە بڕیار ھاتیەدان کۆمبوونا جڤاتا پارێزگەھا کەرکووکێ ل ھەولێرێ بھێتە ئەنجامدان، بەلێ ھێشتا دیارنینە دێ کۆمبوون کیرێ و چاوا ھێتە رێڤەبرن، بەلێ ھەگەر کۆمبوون ل دەرڤەی کەرکووکێ بھێتە ئەنجامدان ئەڤە ژلایێ قانوونی ڤە ڤەدگەڕیت بۆ ئەندامێن جڤاتێ، چونکە 50+1 یا ئەندامان دشێن بڕیارێ بدەن کۆمبوونێ ل کیرێ رێڤەبچیت.
عوسمان ئاماژەکر” ئەنجامدانا کۆمبوونا جڤاتا پارێزگەھێ ل دەرڤەی کەرکووکێ پەیامەکە بۆ بەغداژی، کو رەوشا کەرکووکێ یا جێگیر نینە بۆ ئەنجامدانا کۆمبوونا جڤاتا پارێزگەھێ، چونکە ئەنجامنەدانا کۆمبوونێ ل کەرکووکێ نیشانێن نە ئارامیا رەوشا کەرکووکێ نە.
نيشاندان