ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو ل سه‌نته‌رێ پارێزگه‌ها دهۆكێ مه‌زنترين رێژا جوداهيا باران بارينێ تۆمار كريه‌ كو دبيته‌ 314.4ملم.

د به‌لاڤۆكه‌كێ دا كو پشكا ئامارێ ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ به‌لاڤكريه‌ و دانه‌ك ب ده‌ست ئه‌ڤرۆ نيوز كه‌فتيه‌ تێدا جوداهيا باران بارينێ ل پارێزگه‌هێن هه‌رێما كوردستانێ به‌رچاڤ كريه‌.

د ڤێ به‌لاڤۆكێ دا، دايه‌ زانين كو هه‌تا ئه‌ڤرۆ ل پارێزگه‌ها دهۆكێ 370.3ملم بارانێ بارينه‌ و سالا بۆرى هه‌تا ڤى ده‌مى 55ملم بارى بوون و ب ڤێ چه‌ندێ ژى جوداهيا ئه‌ڤ ساله‌ ل گه‌ل سالا بۆرى 314.9ملم بارانێ نه‌.

هه‌ر ب گۆره‌ى ڤێ به‌لاڤوكێ پارێزگه‌ها هه‌له‌بچه‌ ل رێزا دويێ دهێت كو ب جوداهيا 271.2ملم، سلێمانى ل رێزا سيێ دهێت ب 263.4ملم بارانێ و پاشان ژى هه‌ولێر ب 223ملم و ل دووماهيێ ژى پارێزگه‌ها كه‌ركووكێ ب 187.7ملم بارانێ.

 ئەڤرۆ نیوز ،بارزان مزووری:

رێڤەبەرا ناحیا ئەلقوش لارا زارا بۆ ئەڤرۆ نیوز ئاشكرا كر كو ل دووڤ داخوازیا 168 كەسان ژ خەلكێ‌ ئەلقوش كو پارچێن ئەردی بۆ بهێن دان ژ ملكێ‌ باژێرڤانيێ‌ ژبەركو ئەڤە 21 سالە به‌لاڤكرنا پارچێن ئەردی ل ڤێ‌ ناحیێ‌ هاتبوو راوەستاندن، مە وەك ناحیا ئەلقوش ب نڤیسارەكا فەرمی  ئاراسته‌ى “بەنگین رێكانی” وەزیرێ‌ ئاڤەدانكرنێ‌ و ئاكنجيكرنێ ل عيراقێ كر و دئەنجام دا بریار هاته‌ دان كو پشتی 21 سالان ژ راوەستانا به‌لاڤكرنا پارچێن ئەردی ل ئەلقوش دوبارە بهێنه‌ دبه‌لاڤكرن ژوانا 168 پارچێن ئەردی نە ژ ئه‌ردێ باژێرڤانيێ.

 لارايێ خویاكر كو لژنەك دێ هێته‌ پێكئینان ژ باژێرڤانيێ‌ و و ب رێيا هندەك مەرجێن باژێرڤانيێ‌ و ناحیا ئەلقوش دێ پارچه‌ ئه‌رد هێهێنه‌ به‌لاڤكرن كو ئەو كەسێ‌ بشێت ڤی پارچا ئەردی وەرگریت دڤێت چو مولك ل سەر ناڤێ‌ وی نەبیت، هه‌روه‌سا بەرامبەری دانا ڤێ‌ پارچا ئەردی دێ‌ پارەكێ‌ كێم هێته‌ وەرگرتن ،