ئه‌ڤرۆ نيوز:
ب گۆره‌يى ژێده‌رێن ده‌نگوباسان، د. فوئاد حسێن به‌ربژارێ سه‌رۆك بارزانى بۆ پۆستێ سه‌رۆك كۆمارێ عيراقێ، خوه ژ به‌ربژاريا سه‌رۆك كۆماريا عيراقێ ڤه‌كێشا.
كه‌نالێ عيراقيه يێ فه‌رمى راگه‌هاند كو فوئاد حسێن به‌ربژارێ پارتى ديموكراتى كوردستان ئه‌وێ ل رێزا دويێ هاتى خوه ژ هه‌ڤركيێن به‌ربژاريا سه‌رۆك كۆماريا عيراقێ ڤه‌كێشا.
فوئاد حسێن د هه‌لبژارتنێن گه‌را ئێكێ دا 89 ده‌نگ ب ده‌ست ڤه ئينابوون و به‌رهه‌م سالح 160 ده‌نگ ب ده‌ست ڤه ئينابوون.
ئه‌ڤرۆ نيوز:
ب گۆره‌يى ده‌نگدانا ئه‌ندامێن جڤاتا نوونه‌رێن عيراقێ د گه‌را ئێكێ يا هه‌لبژارتنێن سه‌رۆك كۆماريا عيراقێ دا، به‌رهه‌م سالح ل رێزا ئێكێ هات ب 165 ده‌نگان و فوئاد حسێن ب 89 ده‌نگان ل رێزا دويێ هات و سروا عه‌بدولواحد ژى 18 ده‌نگ، به‌لێ ئه‌ڤ ده‌نگه به‌هرا وێ چه‌ندێ نه‌بوون كو به‌رهه‌م سالح ببيته سه‌رۆك كۆمارێ عيراقێ و ده‌نگدان دێ چيته خولا دويێ.
پێشتر ئێكه‌تى رازى ببوو كو ئه‌وان به‌ربژار نه‌بيت بۆ پۆستێ سه‌رۆك كۆماريا عيراقێ به‌رامبه‌ر پۆستێ وه‌زيرێ ژده‌رڤه يێ عيراقێ، هه‌تا خوله‌كێن دووماهيێ ژنوو ئێكه‌تى ژ رێكه‌فتنا خوه لێڤه‌بوو و گۆت دێ مه ژى به‌ربژارێ خوه هه‌بيت.
راديۆيا ده‌نگێ ئه‌مريكا ل عيراقێ ئاشكه‌را كريه كو قاسم سوله‌يمانى ل به‌غدايه و نوكه ب رژدى كار دكه‌ت دا كو به‌رهه‌م سالح ببيته سه‌رۆك كۆمارێ عيراقێ و نوونه‌رێ پارتى بۆ پۆستێ سه‌رۆك كۆماريا عيراقێ شكه‌ستنێ بينيت.
ئەڤرۆنيوز ، سالار دۆسكی:
ژبه‌ر هەبوونا رێژەكا مەزن یا روودانێن هاتنوچوونێ ل سەر رێيا سەرەكی یا دناڤبەرا هەردو قەزایێن سێمێلێ و زاخۆ دا، ئه‌ڤرۆ سێشه‌مبى 2/10/2018 هژمارەكا خەلكێ سێمێلێ رێيا ناڤبری داخست و خواستن چارەك بۆ بهێتە دیتن.
حسێن خالد، قایمقامێ قەزا سێمێلێ بۆ ئەڤرۆنيوز گۆت” هژمارەكا گەنجێن سێمێلێ بۆ ده‌مێ 20 خۆلەكان رێ ل ترۆمبێلان دناڤبەرا هەر دو قەزایێن زاخۆ و سێمێلێ گرت ژ بەر دروستبوونا گەلەك روودانێن هاتنوچوونێ ل سه‌ر وێ رێ ل ده‌مێن بۆرى وداخوازكرن سازیێن پەیوەندار ب زووترین دەم چارەكێ ل ڤێ رێ كو وەك (فلكەكێ) یە بهێتەكرن و دووماهی ب ڤان روودانێن هاتنوچوونێ ل دەڤەرێ بهێتەكرن”.
قايمقامێ سێمێلێ دياركر” ل سالێن بوری بریار بوو ئەو هجهه ببیتە ئۆڤەرپاس ، به‌لێ ژبەر قەیرانا دارایی و شەرێ تيرۆرێ ئه‌وێ ل سەر مللەتێ مە هاتیە سەپاندن، پرۆژە هاتبوو راگرتن”.
گۆت ژى”دێ چارەكا بەروەخت ژلایێ سازیێن پەیوەنديدار بۆ وی جهی هێتەكرن، چونكى ئەو جهه دنەخشى دا ئۆڤەرپاسە و پلان هەیە و ڤەدیتن بۆ وی جهی هاتیە كرن و بتنێ بۆدجەك دڤێت و ب هیڤی نە ل ده‌مه‌كێ نێزیك ئەو ئۆڤەرپاسه بهێتە دروستكرن”.
ئەو ژی دیاركر كو دێ گازندا خەلكێ سێمێلێ گەهینيتە پارێزگەهێ و پێشتر ژی ڤەدیتن و نەخشێ دروستبوونا ئوڤەرپاسێ گەهاندینێ و دێ دووڤچوون ل سەر وێ گازندا خەلكی بەردەوام بن.
ئه‌ڤرۆ نيوز:
سه‌رۆك بارزانى د ده‌رباره‌يى هه‌لبژارتنێن سه‌رۆك كۆمارێ عيراقێ دا په‌يامه‌ك به‌لاڤكر و ئه‌ڤه ژى ده‌قێ وێ يه:
ب ناڤێ خودێ مه‌زن و دلۆڤان
ب رێڤه‌چوونا نوكه يا هه‌لبژارتنا سه‌رۆك كۆمارێ عيراقێ هه‌ڤدژى ئه‌وى نه‌ريتى يه كو بۆ هه‌لبژارتنا سه‌رۆك كۆمارى د گه‌رێن بۆرى دا هاتيه په‌يره‌وكرن. يان دڤيابايه كانديده‌كێ كورد د ناڤبه‌را مه‌زنترين كۆتله به‌ربژێر كربايه، يان ژى فراكسيۆنێن كوردى ئێكلا كربايه.
ئه‌و ئاليه‌تا نها ب چو ره‌نگه‌كى قابلى قه‌بوولكرنێ نينه و د داهاتيه‌كێ نێزيك دا دێ مه هه‌لويستێ خوه هه‌بيت.
مەسعود بارزانی
2ـی 10ـی 2018
ئه‌ڤرۆنيوز:
كه‌نالێ العراقيه يێ حكومى د ده‌نگوباسه‌كێ ب له‌ز دا به‌لاڤكر، سه‌رۆكاتيا په‌رله‌مانێ عيراقێ برياردا، روونشتنا په‌رله‌مانى ل ده‌مژمێر4:30 ئه‌ڤرۆ ئێڤارى بهێته ئه‌نجامدان وتێدا دێ سه‌رۆك كۆمارا عيراقێ هێته هه‌لبژارتن.
به‌لاڤكر ژى”په‌رله‌مان نوكه چاڤه‌رێ تمامبوونا نيسابا قانوونى يا په‌رله‌مانتاران دكه‌ت بۆ ده‌ستپێكرنا روونشتنا هه‌لبژارتنا سه‌رۆك كۆمارى”.
ئه‌ڤرو سپێدێ 2/10/2018 ب ئاماده‌بونا( به‌رێز فه‌رهاد ئه‌مین ئه‌تروشی )پارێزگه‌رێ دهوكێ و رێڤه‌به‌رێ گشتی یێ په‌روه‌ردا پارێزگه‌ها دهوكێ و هژماره‌كا زور یا سه‌رپه‌رشتیارو ماموستایان ل قوتابخانا نوهات ل باژێرێ دهوكێ زه‌نگا سالا نوی یا خاندنێ 2018-2019 هاته لێدان ,
دری و ره‌سمێن لێدانا زه‌نگا خاندنێ به‌راهیێ رێڤه‌به‌رێ قوتابخانا نوهات په‌یڤا بخێرهاتنێ پێشكێشكر تێدا سوپاسیا حكومه‌تا هه‌رێما كوردستانێ كر بو پشته‌ڤانیا به‌رده‌وام ل كه‌رتێ خاندنێ و دابینكرنا پێدڤیێن خاندنێ و سوز دا كو هه‌می هیز و شیانێن خو بێخنه كاری بو پێشڤه‌برنا زانستی و پێگه‌هاندنا قوتابیان و داخاز كر ده‌یك و بابێن قوتابیان هاریكارێن ماموستا بن بو پێشڤه برنا بروسا خاندنێ ,
دیڤدا( عمر علی ) رێڤه‌به‌رێ گشتی یێ په‌روه‌ردا پارێزگه‌ها دهوكێ دپه‌یڤه‌كێ دا سوپاسیا كارگێریا پارێزگه‌ها دهوكێ و رێكخراوێن خێرخاز كر بو نویژه‌نكرن و سه‌خبیركرنا هژماره‌كا قوتابخانا ل سنورێ پارێزگه‌ها دهوكێ و ئاڤاكرنا هژماره‌كا دی ب شێوازه‌كێ نوی و پێشكه‌فتی ,دیسان ئاماژه كره خولێن تایبه‌ت یێن پێگه‌هاندنا ماموستایان بو به‌رزكرنا ئاستێ وان یێ په‌روه‌رده‌یی و گوت پێتر ژ 30 هزار ماموستا هاتینه مه‌شق دان ب باشترین شیوه بو خزمه‌تكرنا كه‌رتێ په‌روه‌ردێ و زانستی ل پارێزگه‌ها دهوكێ ,
دیڤدا به‌رێز( فه‌رهاد ئه‌مین ئه‌تروشی ) پارێزگه‌رێ دهوكێ دپه‌یڤه‌كێ سالا نوی یا خاندنێ ل هه‌می قوتابیان و ماموستایێن به‌رێز پیروز كر هه‌روه‌سا پروسا ده‌نگدانێ ژی ل هه‌مێ خه‌لكێ كوردستانێ و تایبه‌ت خه‌لكێ پارێزگه‌هێ پیروز كر و گوت كه‌رنه‌فاله‌كا دیموكراسیه‌تی هاته ئه‌نجامدان پێدڤیه هه‌می لایه‌ك شانازیێ پی ببه‌ت و تایبه‌ت خه‌لكێ پارێزگه‌ها دهوكێ هه‌روه‌سا گوت پێدڤیه زاروكێن خو فیركه‌ینه دیموكراسیه‌تی و ده‌نگدانێ چونكی ده‌نگدان و ئه‌نجامێن وێ بشكه‌كه ز ئارامی و سه‌قامگیریا هه‌ر وه‌لاته‌كی و ئه‌ز بباوه‌ر ل قوتابخانێن مه بشكه‌ك ز ڤان بابه‌تا دهێنه خواندن و قوتابی دهێته پێگه‌هاندن ,
دلایه‌كێ دیدا پارێزگه‌رێ دهوكێ گوت . ئه‌م هه‌می دزانین كو بناغێ پێشكه‌فتنا هه‌ر وه‌لاته‌كی كو پێشڤه بچیت وه‌به‌هینانه دسه‌رمایێ مروڤی دا یانژی ئاڤاكرنا مروڤانه و باشترین قوناغ كو مروڤ تێدا بهێته ئاڤا كرن قوناغا زاروكینیێ یه هه‌كه ل ڤێ قوناغێ بناغه‌كێ باش بو هاته دانان دێ جڤاكه‌كێ ساخله‌م و پێشكه‌فتی و باش ژێ ده‌ركه‌ڤیت و هه‌كه پێگه‌هاندن و ئاڤاكرنا زاروكێ مه و په‌روه‌رده كرنا وی یێ باش نه‌بیت بلا پشت راست بین كو جڤاكه‌كێ ساخله‌م و باش ژێ په‌یدا نابیت , له‌وما داخازێ ژ ماموستا و كه‌رتێ په‌روه‌ردێ دكه‌م پویته‌كێ مه‌زن و باش بده‌نه بناغێ قوتابی كو سه‌ره‌تایی یه و باش پێبگه‌هینن ..دیسان گوت ئه‌نجامێن سالا بوری ئه‌م ججار ژبیر ناكه‌ین و پێدڤیه ب رژدی ل سه‌ر راوه‌ستین ئه‌م هه‌می پێكڤه وه‌كو په‌روه‌رده و ده‌یك و بابێن قوتایبان و وه‌كو حكومه‌ت .. دیسان داخازی ژ سه‌روكێ حكومه‌تا كوردستانێ و وه‌زاره‌تا په‌روه‌ردێ كر كو ب رژدی دیف چونا بابه‌تێ سالا بوری یێ ده‌رچویێن ئێكێ و رێژا ده‌رچونێ ل پارێزگه‌ها دهوكێ بكه‌ن و ئێدی په‌روه‌ردا دهوكێ نه‌بیته قوربانیا بابه‌تێن سیاسی و هه‌ر به‌لانسه‌كا هه‌بیت دنافبه‌را پارێزگه‌هێن هه‌رێمێ دا ,, هه‌روه‌سا گازنده ژ ماموستا و رێڤه‌به‌ریێن په‌روردێ ل سنورێ پارێزگه‌هێ دكه‌م دبیت نه‌شیاینه كو ژقوتابیێن ئێكێ ل سه‌ر ئاستێ هه‌رێمێ ژماره‌كا باش ل دهوكێ بیت و ژ 57 قوتایبێن ئێكه‌م بتنێ ئێك قوتابیێ دهوكێ دگه‌ل بو ,
دیسان گوت ئه‌م گه‌له‌ك گرنگیێ دده‌ینه وه‌به‌رهینانا ئاڤاكرنێ و جادا و خانیا و مه ئاڤاكرنا مروڤێ پشت گوهێ خو هاڤێتیه ,
دیسان داكوكی ل ده‌یك و بابێن قوتابیان كر كو دیف چونا زاروكێن خو بكه‌ن داكو ئاستێ وان یێ زانستی پێش بكه‌ڤیت و باشتر بیت ,
هه‌روه‌سا هیڤی خواست كو سالا بهێت ئه‌نجامێن پارێزگه‌ها دهوكێ ژ هه‌می پارێزگه‌هێن دی باشتر بیت .
هه‌ژی گوتنێ یه كو بو سالا خاندنێ یا 2018 و 2019 نێزیكی ( 500 ) هزار قوتابی ل سنورێ پارێزگه‌ها دێ قه‌ستا قوتابخانێ كه‌ن ل 1614 قوتابخانا و 36 هزار ماموستا و فه‌رمانبه‌ر دێ ڤێ پروسا خاندنێ برێڤه به‌ن ,,
دئه‌ف ساله‌دا پێتر ژ 250 قوتابخانا ل سنورێ پارێزگه‌ها دهوكێ هاتینه نویژه‌نكرن و پێتر ژ 30 هزار ماموستا ئه‌ف ساله هاتینه مه‌شق دان بو پێشڤه‌برنا ئاستێ وان یێ په‌روه‌رده‌یێ .
ئه‌ڤرۆنيوز:
سياسه‌تمه‌دارێ شيعى يێ ديار عزه‌ت شابه‌نده‌ر راگه‌هاند، هه‌كه به‌رهه‌م سالح ببيته سه‌رۆك كۆمارا عيراقێ دێ گرێ كه‌ڤنه دپه‌يوه‌نديێن به‌غدا وهه‌رێمێ دا، ژبه‌ر وى چو باگراوه‌ند ل هه‌رێما كوردستانێ نابيت كو بشێت لێكتێگه‌هشتنێ دگه‌لدا بكه‌ت وبۆ پاراستنا په‌يوه‌نديێن به‌غدا وهه‌رێما كوردستانێ پێدڤيه ده‌نگ ب به‌ربژارێ پارتى ديموكراتى كوردستان بده‌ين.
عزه‌ت شابه‌نده‌ر بۆ كه‌نالێ ( العهد) يێ ئه‌سمانى يێ عيراقى گۆت” 90% پ هه‌ڤپه‌يمانيا بيناء (ده‌وله‌تا قانوونێ وفه‌تح) سۆز يا دايه بارزانى كو پشته‌ڤانيێ ل به‌ربژارێ پارتى ديموكراتى كوردستان بۆ پۆستێ سه‌رۆكاتيا كۆمارێ بكه‌ن”.
ئه‌ڤرۆنيوز:
برياره ل هه‌فتيا بهێت وه‌زاره‌تا دارايى وئابوورى ل هه‌رێما كوردستانێ ده‌ست ب به‌لاڤكرنا مووچێ هه‌يڤا ته‌مووزا 2018 بكه‌ت.
ژێده‌ره‌كى ژ وه‌زاره‌تا دارايى ل هه‌رێما كوردستانێ بۆ ئه‌ڤرۆنيوز دياركر” ل ده‌ستپێكێ دێ مووچێ هه‌ردو وه‌زاه‌رتێن پێشمه‌رگه هێته به‌لاڤكرن وپاشى مووچێ وه‌زاره‌تا په‌روه‌ردێ”.
نيشاندان