ئه‌ڤرۆنيوز:

نێچيرڤان بارزانى، جێگرێ سه‌رۆكێ پارتى ديموكراتى كوردستان ئه‌ڤرۆ سێشه‌مبى 25/9/2018 دچارچۆڤێ پشكداريا وى دئاهه‌نگا سه‌رخستنا ليستا 183 يا پارتى ل دهۆكێ، راگه‌هاند،ب پشته‌ڤانيا جه‌ماوه‌رێ پارتى ل هه‌لبژارتنێن په‌رله‌مانێ كوردستانێ دێ سه‌ركه‌فتنه‌كا مه‌زن بده‌ستڤه‌ئينين، پارتى حزبا پێشره‌وه‌ ول هه‌لبژارتنان ژى دێ ب حزبا پێشره‌و مينيت.

نێچيرڤان بارزانى گۆت ژى” ئێك ده‌نگ بۆ پارتى يێ گرنگه‌، سه‌ركه‌فتن وى ده‌مى بۆمه‌يه‌ كو زۆرترين كورسيێن په‌رله‌مانى بده‌ستڤه‌بينين”.

دياركر ژى” بريارا ريفراندۆمێ برياره‌كا ئاشتيانه‌ بوو، پشتى ريفراندۆمێ نه‌حه‌زێن گه‌لێ كوردستانێ بزاڤا نه‌هێلانا كوردستانێ وپارتى دا، جه‌ماوه‌رێ پارتى ب ده‌نگێن خوه‌ خه‌ونا نه‌حه‌زان ژناڤبر”.

ئاماژه‌ دا” ده‌ستكه‌فتێن ئه‌ڤرۆ به‌رهه‌مێ خوينا شه‌هيدان وقه‌هره‌مانيا هێزا پێشمه‌رگه‌يه‌”.

خوياكر ژى” پارتى شانازيێ ب جه‌ماوه‌رێ خوه‌ دكه‌ت، ب پشته‌ڤانيا جه‌ماوه‌رێ مه‌ ليستا 183 يا پارتى دێ سه‌ركه‌فتنا مه‌زن بده‌ستڤه‌ئينيت، پێدڤيه‌ جاره‌كا دى بۆ نه‌يارێن خوه‌ بسه‌لمينين كو پارتى حزبا ئێكێ يه‌”.

ديسا گۆت” مه‌ قۆناغێن ب زه‌حمه‌ت بۆراندن ونوكه‌ قۆناغا ئاڤه‌دانكرنا كوردستانێ مه‌ ده‌ستپێكر، ب سه‌ركه‌فتنا پارتى ره‌وشا ژيانا وه‌لاتيێن كوردستانێ دێ باشتر بيت”.

ئەڤرۆ نیوز، نەوزاد ھلۆری:

تیمەکا نەتەوێن ئێکگرتی ب مەرەما چاڤدێریکرنا ھەلبژارتنێن پەرلەمانێ کوردستانێ گەھشتە ھەرێما کوردستانێ، بریارە ڤان دو روژێن بھێت سەرەدانا پارێزگەھا دھۆکێ ژی بکەت.

عەلی بەندی بەرپرسێ ئوفیسا دھۆک یا کومسیونا بلند یا سەربخوەی یا ھەلبژارتن و راپرسیێ بۆ ئەڤرۆ نیوز گۆت: (تیمەکا نەتەوێن ئێگرتی ب مەرەما چاڤدێریکرنا پرۆسا ھەلبژارتنێن پەرلەمانێ کوردستانێ گەھشتە ھەرێما کوردستانێ و سەرەدانا بارەگایێ سەرەکیێ کومسیۆنا بلندا یا سەربخوەیا ھەلبژارتن و راپرسيێ ل ھەرێما کوردستانێ ل ھەولێرێ کر و بریارە سەرەدانا پارێزگەھا دھۆکێ ژی بکەت).

زێدەتر گۆت: (ئەڤ تیمە وەکو ھەر تیم و رێکخراوەکا دی، دێ ب ئەرکێ چاڤدێریکرنا پرۆسا ھەلبژارتێن پەرلەمانێ کوردستانێ رابن کو بریارە ل 30ێ ئیلونێ برێڤە بچن).

ئەڤرۆ نیۆز، قائید میرۆ:

سیاسەتمەتدارەکێ کورد داخواز دکەت، کوردان ئێک بەربژێر بۆ وەرگرتنا پۆستێ سەرۆک کۆماری ھەبیت و دبێژیت، پێدڤی بو ڤێجارێ کورد پۆستێ سەرۆکێ پەرلەمانی وەربگرن.

دکتۆر مەحموود عوسمان، سیاسەتمەتدارێ کورد بۆ ئەڤرۆ نیۆز دیارکر” پۆستێ سەرۆک کۆمارێ عێراقێ ئەف دەستھەلات نینە یێن سەرۆک وەزیر و سەرۆکێ پەرلەمانێ عێراقێ ھەنە، لەوڕا پێدڤی بو کورد ڤێجارێ ل شوونا پۆستێ سەرۆک کۆماری پۆستێ سەرۆکێ پەرلەمانێ عێراقێ بدەستڤە بینن.

دکتۆر مەحموود عوسمان گۆتژی” مادەم کورد ھەردێ پۆستێ سەرۆک کۆماری وەرگرن، دخوازم ھەموو لایەنێن سیاسی بگەھنە رێکەفتنێ کوردان ئێک بەربژێر ھەبیت بۆ وەرگرتنا پۆستێ سەرۆک کۆماری و نابیت چەند کەسەک بھێنە بەربژێرکرن، بتایبەتی پارتی و ئێکەتی بگەھنە رێکەفتنێ.

ھەتا نوکە بۆ بدەستڤە ئینانا پۆستێ سەرۆک کۆمارێ عێراقێ ھژمارەک کوردان خوە بەربژێرکریە و پارتی دیموکراتی کوردستانژی دکتۆر فوئاد حوسێن سەرۆکێ دیوانا سەرۆکایەتیا ھەرێما کوردستانێ بەربژێرکریە.

ئه‌ڤرۆ نيوز:

سه‌رۆكێ جڤاتا پارێزگه‌ها كه‌ركووك راگه‌هاند كو ژ ئه‌گه‌رێ حوكمێ له‌شكرى خه‌لك نه‌شێت ڤه‌گه‌ريته‌ كه‌ركووك، چونكو ل كه‌ركووك خه‌لك ل سه‌ر ئالايێ كوردستانێ و دانگدان ب ريفراندۆمێ ب دژوارترين ره‌نگ هاتيه‌ ئه‌شكه‌نجه‌دان.

رێبوار ته‌له‌بانى، سه‌رۆكێ جڤاتا پارێزگه‌ها كه‌ركووكێ بۆ كوردستان24 گۆت: “وه‌لاتيێن كورد يێن روونشتڤانێن كه‌ركووك هه‌تا نوكه‌ نه‌شياينه‌ ڤه‌گه‌رنه‌ كه‌ركووكێ، چونكو هه‌تا نوكه‌ ل كه‌ركووكێ له‌شكر حوكمى دكه‌ت، گره‌نتى نينه‌ بۆ وێ چه‌ندێ خه‌لك ڤه‌گه‌ريته‌ باژێرێ خوه‌، كو دژى دستوورێ عيراقێ يه‌، ب گۆره‌يى دستوورى دڤێت مه‌له‌فێ ئه‌منى راده‌ستى ده‌سته‌لاتا مه‌ده‌نى بكه‌ن”.

گۆتژى: “خه‌لك ل سه‌ر بلندكرنا ئالايێ كوردستانێ و ده‌نگدان ب ريفراندۆمێ دهێنه‌ ده‌سته‌سه‌ركرن ب دژوارترين ره‌نگ دهێنه‌ ئه‌شكه‌نجه‌دان، ئه‌ڤه‌ ژى ژ لايێ هێزێن ميليشياتان هاتيه‌ كرن كو ل كه‌ركووك د ده‌سته‌لاتدارن”.