ئه‌ڤرۆ نيوز:
قایمقامێ قەزا شێخان دیار کر کو بۆ ھەلبژارتنێن پەرلەمانێ عیراقی 48 ھزار کەسان ل شێخان مافێ دەنگدانێ ھەبوو، لێ نوکە بۆ ھەلبژارتنێن پەرلەمانێ کوردستانێ یێن کو ژڤانە ل 30/9/2018 بھێنە ئەنجامدان 31 ھزار و 92 کەسان ل شێخان مافێ دەنگدانآ ھەیە.
سەردار یەحیا، قایمقامێ قەزا شێخان بۆ رۆژناما ئەڤرۆ دیار کر کو بۆ ھەلبژارتنێن پەرلەمانێ کوردستانێ پتر ژ 15 ھزار دەنگدەران ل دەڤەرا شێخان ب تایبەتی ژی خەلکی قەسرۆکێ و کەلەکچی و ئەترووش و سەنتەرێ شێخان و ناحیا زیلکان نەشێن دەنگێ خوە بدەن، چونکی ھێشتا ئیدارا شێخان ئێکلا نەبوویە و بجە نەئینانا مادێ دەستووری یێ 140 گەلەک ئاریشە بۆ وەلاتیێن دەڤەرا شێخان دروستکرینە و گۆت: “بەری نوکە وەزارەتا بازرگانیا عیراقێ رێنما دەرخستبوون بۆ وان مووچەخۆرێن مووچێ وان ژ ملیۆنەک و 500 ھزار دیناران پتر، رەنگە ئەڤە ژی ئەگەر بیت وەزارەتا بازرگانی ناڤێن وان کەسان نەدابنە کۆمیسیۆنی ھەروەسا ژی کەسێن ژیێ وان ژی بوویە 90 سال ھاتینە دەرخستن”.
ناڤھاتی ئاماژە دا وێ چەندێ کو دەنگدەر ل شێخان کێمبووینە بەرامبەر ھەلبژارتنێن بۆری ھەموو کەسێن ماف دەنگدانێ بۆ نەینەوا ھەین یێن ھاتینە دەرخستن ژ بەر ماددێ 140 مافێ دەنگدانێ ژ خەلکی ھاتیە وەرگرتن و نەشێن دەنگێ خوە بدەن.
ئه‌ڤرۆ نيوز:
محه‌مه‌دێ حاجى مه‌حمود سكرتێرێ حزبا سوسياليست ديموكراتى كوردستان راگه‌هاند، پرۆسا هه‌لبژارتنا ڤێ جارێ گرنگيا خوه هه‌يه، ب تايبه‌ت د ده‌مه‌كى دايه كو هه‌رێما كوردستانێ د قووناغه‌كا پشتى روودانێن 16ى ئوكتۆبه‌رێ دا دبۆريت.
سكرتێرێ سۆسياليست د ئاهه‌نگا هه‌وا ليستا سه‌رده‌م ل باژێركێ سۆران داخواز ژى ژ ئه‌ندام و لايه‌نگر و پشته‌ڤانێن حزبا خوه كر، د پرۆسا هه‌لبژارتنان دا پشكداريه‌كا كارايانه بكه‌ن و ده‌نگ بۆ ليستا وان بده‌ن.
هه‌روه‌سان گۆتژى: “زێده‌تر ژ 42 سالايه حزبا سۆسياليست خه‌باتێ بۆ وه‌لاتێ خوه دكه‌ت و هێشتا خوينا شه‌هيدێن وان ل شه‌ر دژى داعش هشك نه‌بوويه. ئه‌و ده‌مێ كوڕێن سۆسياليست ل به‌رامبه‌ر داعش سه‌نگه‌ر پارڤه‌دكرن، هنده‌ك لايه‌ن ل هه‌ولێر مژوولى پارڤه‌كرنا پۆستان بوون.
بڕياره رۆژا 30ى ئيلۆنا ئه‌ڤ ساله پرۆسا هه‌لبژارتنێن گشتى ل هه‌رێما كوردستانێ برێڤه‌چيت.
ئه‌ڤرۆ نيوز:
عه‌لى خامنه‌يى، رێبه‌رێ بلندێ كۆمارا ئيسلامى يا ئيرانى ته‌كست ل سه‌ر وێ چه‌ندێ كر كو وه‌لاتێ وى دێ ب دژوارى ئه‌وان ترسنووكان سزا ده‌ت يێن ل پشت وێ هێرشا تيرۆرستى كو كريه سه‌ر نمايشا له‌شكرى يا سۆپايێ پاسداران ل باژێرێ ئه‌هواز.
خامنه‌يى ئه‌و گۆتن د چارچۆڤێ ديداره‌كێ دا ل گه‌ل وه‌رزشڤان و ياريكه‌رێن وه‌لاتێ خوه گۆتن كو د ياريا كاسا ئاسيا دا ل جاكارتا يا ئندونسيا مه‌داليا سه‌ركه‌فتنێ ب ده‌ست ڤه ئينا ئاماژه ب وێ چه‌ندێ كر كو ئه‌وێن ل پشت هێرشا ئه‌هواز، ئه‌ون يێن ئه‌مريكا ب به‌رده‌وامى ژ تاوانێن وان ل عيراق و سوريا رزگار دكه‌ت و ژ لايێ ئيمارات و سعوديێ ڤه پشته‌ڤانيێ وه‌ردگرن.
رێبه‌رێ بلندێ كۆمارا ئيسلامى گۆت: “هێرشا ل سه‌ر ئه‌هواز نيشانا پێشكه‌فتنا ئيرانێ يه كو نه‌يار حه‌سيديێ پێ دبه‌ن”.
ئه‌ڤرۆ نيوز:
ژێده‌ره‌كێ كوردى ئاشكه‌را كريه كو فه‌رماندێ فه‌يله‌قا قودس نامه‌ك بۆ لايه‌نێن سياسى يێن كوردستانى ده‌رباره‌يى به‌ربژارێ سه‌رۆك كۆمارى هنارتيه.
ئه‌وى ژێده‌رێ كوردى بۆ مالپه‌ر “عین العراق نیوز” گۆتيه كو قاسم سلێمانى نامه‌ك بۆ لايه‌نێن سياسى يێن كوردى هنارتيه و تێدا ته‌كست ل سه‌ر وێ چه‌ندێ هاتيه كرن كو كودان بۆ پۆستێ سه‌رۆك كۆماريا عيراقێ ئێك به‌ربژار هه‌بيت دا بشێن ده‌نگێن لايه‌نێن ناڤا جڤاتا نوونه‌ران ب ده‌ست خوه ڤه بينن.
ئه‌وى ژێده‌رى كو نه‌ڤيايه ناڤێ خوه ئاشكه‌را بكه‌ت دايه زانين ژى كو ئه‌ڤ گازيه بۆ كوردايه هه‌تا نوكه ئێك به‌ربژار بۆ سه‌رۆك كۆمارى هه‌بيت و ب ئێك به‌ربژار بچنه جڤاتا نوونه‌ران، “ب ڤى ره‌نگى دێ پێشوازيه‌كا گه‌رم يا لايه‌نێن شيعى و سونى ب ده‌ست خوه ڤه ئينن”.
ئه‌ڤ ناما قاسم سلێمانى د ده‌مه‌كى دايه كو هه‌تا نها كوردان چه‌ندين به‌ربژار بۆ پۆستێ سه‌رۆك كۆماريا عيراقێ هه‌نه و ب هێزترين به‌ربژار ژى فوئاد حسێن كانديدێ پارتى ديموكراتى كوردستان و به‌رهه‌م ئه‌حمه‌د سالح كانديدێ ئێكه‌تى نشتيمانى كوردستانن يێ كو به‌رى ماوه‌كى ژ ناڤ رێزێن هه‌ڤپه‌يمانيێ چوويه ناڤ رێزێن ئێكه‌تيێ ب مه‌ره‌ما وه‌رگرتنا وى پۆستى.
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ دوشه‌مبى 24/9/2018 پێشوازى ل ناوفۆمى هاجيمۆتۆ باليۆزێ نوو يێ يابانێ ل عيراقێ كر.
دديداره‌كێ دا، باليۆزێ يابانى رۆلێ كوردستانێ دپرۆسا سياسى ل عيراقێ ب كاريگه‌ر وبلند نرخاند وراگه‌هاند، كوردستان ناڤه‌نده‌كا گرنك يا ئاشتيێ وئاراميێ يه ل ده‌ڤه‌رێ ويابان حه‌زدكه‌ت دهه‌موو بواران دا په‌يوه‌نديێن خوه ل گه‌ل هه‌رێما كوردستانێ پێشبێخيت ب تايبه‌تى دبوارێ ئابوورى دا وئه‌و ئاشتى وئارامى يه هانده‌ره‌كێ ب هێزه بۆ وه‌به‌رهێنانێ وئه‌م ژى دێ كارێ زێده‌تر بۆ كه‌ين.
باليۆزێ يابانى گۆت ژى كو وه‌لاتێ وى ب گرنگيه‌كا مه‌زن سه‌حدكه‌ته كوردستانێ ومه بزاڤ كرينه پرۆژێن ستراتيژى بجهبينين ونوكه ل بوارێن ئاڤ وكاره‌بێ وبه‌نداڤان ل كوردستانێ هاريكاريا كوردستانێ دكه‌ين وبزاڤێ دكه‌ين دبوارێ چاندنێ دا مه پرۆژه هه‌بن.
سه‌رۆك بارزانى دياركر بۆ سه‌ركه‌فتنا پرۆژێن يابانى، ئاماده‌ى هه‌موو هاريكاريه‌كێ نه وپشته‌ڤانيا خوه‌ژى بۆ زێده‌تر پێشڤه‌برنا په‌يوه‌نديێن دناڤبه‌را هه‌رێما كوردستانێ ويابانێ نيشان دا.
ئه‌ڤرۆنيوز:
هژماره‌كا لايه‌نگرێن هه‌ڤپه‌يمانى بۆ ديموكراسى ودادپه‌روه‌ريێ پشتى بۆ ده‌مێ سێ هه‌يڤان كاركرنێ ل گه‌ل وێ حزبێ ل سنورێ قه‌زا به‌رده‌ره‌ش، ده‌ست ژێ به‌ردا وگه‌هشتنه رێزێن پارتى ديموكراتى كوردستان، ئه‌ڤ چه‌نده ژى هات پشتى هژماره‌كا مه‌زن يا ئه‌ندام ولايه‌نگرێن وێ هه‌ڤپه‌يمانيێ ل زاخۆ گه‌هشتينه رێزێن پارتى.
مه‌حموود محه‌مه‌د، ئه‌ندامێ مه‌كته‌با سياسى يا پارتى بۆ كوردستان تى ڤى گۆت” هه‌موو وان ده‌نگوباسان ره‌ت دكه‌ين كو پشتى هاتنا وان كه‌سان بۆ ناڤ رێزێن پارتى، ب چاڤه‌كێ دى بهێنه سه‌حكرن”.
گۆت ژى” ده‌رگه‌هێ پارتى يێ ڤه‌كريه بۆ هه‌موو يێن دخوازن بهێنه دناڤ رێزێن وێ دا وكار بۆ بكه‌ن”.
نيشاندان