ده‌نگدانا نهێنى بۆ هه‌لبژارتنا سه‌رۆكێ په‌رله‌مانێ عيراقێ يا به‌رده‌وامه‌

15/09/2018 13:30

ئه‌ڤرۆنيوز:

ژێده‌ره‌كى ژناڤ ئاڤاهيێ په‌رله‌مانێ عيراقێ بۆ ئه‌ڤرۆنيوز دياركر كو پرۆسا هه‌لبژارتنا نهێنى بۆ هه‌لبژارتنا سه‌رۆكێ په‌رله‌مانێ عيراقێ يا به‌رده‌وامه‌ وچه‌ندين به‌ربژارێن وى پۆستى يا خوه‌ ڤه‌كێشاى.

وى ژێده‌رى بۆ ئه‌ڤرۆنيوز گۆت” نوكه‌ ده‌نگدانا په‌رله‌مانتاران بۆ هه‌لبژارتنا سه‌رۆكێ په‌رله‌مانى يا به‌رده‌وامه‌”.

زێده‌تر گۆت” پشتى هه‌ر ئێك ژ ره‌عه‌د ده‌هله‌كى وته‌لال زه‌وبه‌عى وئه‌حمه‌د عه‌بدوللا جبوورى ومحه‌مه‌د تميم خوه‌ ڤه‌كێشاى، تنێ ئوسامه‌ نوجێفى ومحه‌مه‌د حه‌لبوسى وخالد عوبه‌يدى ومحه‌مه‌د ئه‌لخالدى به‌ربژارن بۆ وى پۆستى ژ پێكهاتێ سونى”.

پارتى و ئێكه‌تى و وه‌ته‌نيه‌ و حيكمه‌ بايكوتا هۆلا جڤاتا نوونه‌ران كر

15/09/2018 12:24

237

ئه‌ڤرۆ نيوز:

پارتى و ئێكه‌تى و وه‌ته‌نيه‌ و حيكمه‌ بايكوتا هۆلا جڤاتا نوونه‌ران كر و سه‌رۆكێ جڤاتا نوونه‌ران يێ ده‌مى ژى بڕيار ل سه‌ر ده‌نگدانا نهێنى بۆ هه‌لبژارتنا سه‌رۆكێ جڤاتا نوونه‌ران كر.

بۆ پۆستێ سه‌رۆكاتيا جڤاتا نوونه‌ران هه‌ر ئێك ژ ته‌لال زوبه‌يعى، خالد عوبه‌يدى، ئوسامه‌ نوجێفى، ره‌عه‌د ده‌هله‌كى، محه‌مه‌د خالدى و محه‌مه‌د حه‌لبۆسى به‌ربژارتن و ئه‌حمه‌د جبۆرى، سه‌رۆكێ كۆتلا جه‌ماهيرى وه‌ته‌نى و پاريزگارێ سه‌لاحه‌دين ل گه‌ل محه‌مه‌د ئه‌ميم كو ئێكه‌ ژ سه‌ركردێن هه‌ڤپه‌يمانيا ميحوه‌ر و جێگرێ پارێزگارێ كه‌ركووكێ يه‌ بۆ پۆستێ سه‌رۆكاتيا جڤاتا وه‌زيران خوه‌ ڤه‌كێشايه‌.

كۆمبوونا جڤاتا نوونه‌رێن عيراقێ ده‌سپێكر

15/09/2018 12:20

ئه‌ڤرۆ نيوز:

كۆمبوونا جڤاتا نوونه‌رێن عيراقێ ده‌سپێكر و بڕياره‌ سه‌رۆكێ په‌رله‌مانى و هه‌ردو جێگرێن وى بهێنه‌ هه‌لبژارتن.

جڤاتا نوونه‌رێن عيراقێ بۆ هه‌لبژارتنا ده‌سته‌يا سه‌رۆكاتيا جڤاتا نوونه‌ران ده‌ست ب روونشتنێ كريه‌ و ب گۆره‌يى پێزانينان ئه‌حمه‌د جبۆرى، سه‌رۆكێ كۆتلا جه‌ماهيرى وه‌ته‌نى و پاريزگارێ سه‌لاحه‌دين ل گه‌ل محه‌مه‌د ئه‌ميم كو ئێكه‌ ژ سه‌ركردێن هه‌ڤپه‌يمانيا ميحوه‌ر و جێگرێ پارێزگارێ كه‌ركووكێ يه‌ بۆ پۆستێ سه‌رۆكاتيا جڤاتا وه‌زيران خوه‌ ڤه‌كێشايه‌.

محه‌مه‌د عه‌لى زه‌ينى سه‌رۆكێ ده‌مى يێ جڤاتا نوونه‌ران ده‌رگه‌هێ خوه‌ به‌ربژاركرنێ داخستيه‌، ناڤێ به‌ربژاران بۆ پۆستێ سه‌رۆكاتيا جڤاتا نوونه‌ران خواندن كو پێكهاتبوون ژ ته‌لال زوبه‌يعى، خالد عوبه‌يدى، ئوسامه‌ نوجێفى، ره‌عه‌د ده‌هله‌كى، محه‌مه‌د خالدى و محه‌مه‌د حه‌لبۆسى.

20 چەکدارێن کورد ل سووریێ ھاتنە کوشتن

15/09/2018 11:37

166

ئەڤرۆ نیوز، نەوزاد ھلۆری:

رەوانگەھا سوزری بو مافێ مرۆڤی دیارکر کو ئەڤرۆ رۆژا شەمبی 20 چەکدارێن ھێزا سوریا بو دیموکراسیێ کەفتنە د بوسەکا چەکدارێن داعش ل دێرەرووز و ھاتنە کوشتن.

رەوانگەھێ د بەیاننامەیەکێ دا گوتیە: (چەکدارێن داعشێن تیرورست مفا ژ تێکچونا رەوشا کەش و ھەوایی و توزبارینێ وەرگرتیە ، و بوسەک بۆ چەکدارێن ھێزا سوری یا دیموکراتی دانایە ، پاشان ھێرش بو دەڤەرا دیرەزوور بریە و د ئەنجام دا 20 کەس کوشتن)

ھێزێن سووری رۆژا دوشەمبیا بووری دەست ب ئوپەراسیوونا قوناغا دوویێ ب ھەڤکاریا فروکێن ھەڤپەیمانان بو دەڤەرێن رۆژھەلاتێ سووریا کریە .

پارتی ل ڤێ ده‌ڤه‌رێ دێ نیڤا دەنگێن خوە زێدەکەت

15/09/2018 10:38

782

ئەڤرۆ نیۆز، قائید میرۆ:

پێشبینی دھێتەکرن کو د ھەلبژارتنێن 30ی ئیلوونێ پارتی کۆرسیێن زێدەتر بدەستڤە بینیت و بەرپرسەکێ پارتی ژی دبێژیت ل سنورێ قەزا چەمچەمال دێ 50%ێ دەنگێن پارتی زێدەبن.

لوقمان شوانی، بەرپرسێ نڤیسینگەھا ھەلبژارتنێن پارتی ل قەزا چەمچەمال بۆ ئەڤرۆ نیۆز دیارکر” مە دەست ب رێڤەبرنا کەمپینا ھەلبژارتنان کریە بۆ لیستا 183 یا پارتی و رۆژانە ئۆرگانێن لقێ 19ی چەمچەمال دناڤا وەلاتیاندا بەربژێرێن خوە ب جەماوەرێ دەڤەرێ ددەن نیاسین و مە چەندین تیم پێک ئیناینە بۆ ھەوا ھەلبژارتنان.

لوقمان شوانی ئاماژە بڤێ چەندێ ژی کر” د ھەلبژارتنێن پەرلەمانێ عێراقێ دا سەختەکاریێن مەزن ھاتنەکرن ل چەمچەمال و ھژمارەکا زۆرا دەنگێن پارتی نەھاتنە ھژمارتن، بەلێ ڤێجارێ دێ دەلیڤا سەختەکرنێ کێمتربیت و ئەم پێشبینی دکەین 50%ێ دەنگێن پارتی ل قەزا چەمچەمال زێدە بکەن

كۆماريێن ئه‌مريكا قانوونا دۆرپێچكرنا بريكارێن ئيرانێ ل عيراقێ به‌رهه‌ڤ دكه‌ن

14/09/2018 23:25

104

ئه‌ڤرۆنيوز:

ل دووڤ ده‌نگوباسه‌كێ رويته‌رز، كۆماريێن كۆنگرێسێ ئه‌مريكى پرۆژه‌ قانوونه‌ك به‌رهه‌ڤكريه‌ بۆ به‌رهنگاريا هه‌ژموونا ئيرانێ ل عيراقێ وداخوازا سه‌پاندنا سزايێ تيرۆرێ ل سه‌ر گرۆپ وميليشيێن چه‌كدار ل عيراقێ كو ب سه‌ر له‌شكرێ پاسدارێن ئيرانێ ڤه‌نه‌، دكه‌ن.

هه‌ر ئێك ژ سيناتۆرێن كۆمارى (ماركۆ روبيتۆ وتێد كروز وديڤيد پيدرۆ) ل بن ناڤێ قانوونا دۆرپێچكرنا بريكارێن ئيرانێ ل عيراقێ، پرۆژه‌ قانوونه‌ك پێشكێشى كۆنگرێسێ ئه‌مريكى كريه‌ وتێدا داخواز ژ وه‌زيرێ ده‌رڤه‌يێ ئه‌مريكى دكه‌ن ليسته‌كێ ب ناڤێ وان گرۆپێن چه‌كدارێن عيراقى پێشكێش بكه‌ت كو هاريكاريێ وپشته‌ڤانيا دارايى ژ له‌شكرێ پاسدارێن ئيرانى وه‌ردگرن، تاكو بهێنه‌ سزادان.

فالح فه‌ياز سكالايێ ل سه‌ر عه‌بادى تۆمار دكه‌ت

14/09/2018 23:15

ئه‌ڤرۆنيوز:

سه‌رۆكێ ده‌سته‌يا حه‌شدا شه‌عبى، فالح فه‌ياز، سكالا ل سه‌ر سه‌رۆك وه‌زيرێن عيراقێ حه‌يده‌ر عه‌بادى تۆماركر، ئه‌ڤ چه‌نده‌ ژى پشتى فه‌ياز ژلايێ عه‌بادى ڤه‌ هاتيه‌ دوورخستن ژ پۆستێ وى.

حه‌يده‌ر عه‌بادى، سه‌رۆك وه‌زيرێن عيراقێ به‌رى دو حه‌فتيان، فالح فه‌ياز ژپۆستێن وى وه‌كو سه‌رۆكێ ده‌سته‌يا حه‌شدا شه‌عبى وشيره‌تكارێ جڤاتا ئاسايشا نيشتمانى وسه‌رۆكێ ده‌زگه‌هێ ئاسايشا نيشتمانى دوورخستبوو، ڤێ چه‌ندێ ژى نيگه‌رانيا هژماره‌كا حزب ولايه‌نێن سياسى ل دووڤ خوه‌ ئينا، ژێده‌ره‌كێ نێزيك ژ فالح فه‌ياز ژى راگه‌هاند كو ناڤبرى سكالا دژى عه‌بادى تۆماركريه‌.

وى ژێده‌رى بۆ هنده‌ك ده‌زگه‌هێن راگه‌هاندنێ ل عيراقێ گۆت ژى” فالح فه‌ياز يێ رژده‌ ل سه‌ر دادگه‌هكرنا عه‌بادى وكارێ وى ژى وه‌كو سه‌رۆك وه‌زيرێن عيراقێ ل ڤى ده‌مى ب نه‌قانوونى هژمارت”.

ئه‌ندامه‌كێ سه‌ركردایه‌تیا ئێكگرتوو‌ ده‌ست ژكاركێشانا خوه‌ راگه‌هاند

14/09/2018 23:05

620

ئه‌ڤرۆنيوز:

ئه‌ندامه‌كێ سه‌ركردايه‌تيا ئێكگرتوو ئيسلامى كوردستان ل پارێزگه‌ها دهۆكێ دكۆنگره‌كێ رۆژنامه‌ڤانى دا ده‌ست ژكاركێشانا خوه‌ ژ ناڤ رێزێن ئێكگرتوو راگه‌هاند.

عه‌لى ئيبراهيم، ئه‌ندامێ سه‌ركردايه‌تيا ئێكگرتوو ئيسلامى يێ ده‌ست ژكاركێشاى گۆت” خزب چارچۆڤه‌كێ به‌رته‌نگه‌ ووێره‌كيا گوهۆرينێ ونووكرنێ نينه‌”.

گۆت ژى” ئێكگرتوو ژى وه‌كو پشكه‌ك ژحزبێن دى يێن كوردستانێ، درووشمێ مه‌زن يێ هه‌ى، به‌لێ نه‌شيايه‌ دناڤخوه‌يا حزبێ دا بجهبينيت”.

ناڤبرى ره‌تكر په‌يوه‌ندى ب چ حزبه‌ك ولايه‌نه‌كێ سياسى كربيت ودياركر” ل پاشه‌رۆژێ هه‌كه‌ حزبه‌ك ب دلێ من بيت، دوور نينه‌ په‌يوه‌نديێ پێ بكه‌م”.

كۆمسیۆن: ده‌نگ ب ناسناما بارێ شارستانى ناهێته‌ دان

14/09/2018 18:55

1005

ئه‌ڤرۆنيوز:

كۆمسيۆنا بلند يا هه‌لبژارتن وراپرسيێ ل هه‌رێما كوردستانێ دياركر كو پێدڤيه‌ ده‌نگده‌ر ئێك ژسێ به‌لگه‌نامان ل گه‌ل خوه‌ بينيت ل ده‌مێ ده‌نگدانێ ل هه‌لبژارتنێن په‌رله‌مانێ كوردستانێ بۆ سه‌لماندنا ناسناما خوه‌، دياركر ژى كو ده‌نگ ب ناسناما بارێ شارستانى ناهێته‌ دان.

كۆمسيۆنا بلند يا هه‌لبژارتن وراپرسيێ ل هه‌رێمێ ئه‌ڤرۆ ئه‌ينيێ 14/9/2018 د رۆهنكرنه‌كێ دا راگه‌هاند” بۆ سه‌لماندنا ناسنامێ، پێدڤيه‌ ده‌نگده‌ر ئێك ژڤان سێ به‌لگه‌نامێن فه‌رمى پێشكێش بكه‌ت ل ده‌مێ ده‌نگدانێ: