ئهڤرۆ نيوز:
رێڤهبهريا پۆليسێن ههولێرێ شيان وى دزيكهرى دهستهسهر بكهن كو رۆژا 13 ڤێ ههيڤێ چوويه سهر مالهكێ ل تاخێ گهنجان ستى ل ههولێرێ، پشتى كو خزمهتكارهكا نيپالى كوشتى.
ڤيديويا كوشتنا ژنا نيپالى ل ههولێرێ بهلاڤ دبيت
نووترين نووچه
- نێچیرڤان بارزانی و قونسلێ بەریتانیا دوپاتیێ ل سەر بەردەوامییا ب هێزكرنا پەیوەندییان دكەن
- هشیار زێباری: رێككەفتنێن ل گەل ئەمریكا دێ پاشەڕۆژەكا باشتر و گەشەكرنێ بۆ ئیراقێ دابین كەن
- پارتی ل سەر چارەسەركرنا قەیرانان پێگیرە
- چارەسەركرنا كێشەیێن هەولێرێ و بەغدایێ هێز و سەروەریێ د دەنە ئیراقێ
- پاراستنا مافێن هەموو پێكهاتەیێن نەینەوا بەرپرسیارییەكا نیشتمانی و دەستووری یە
- هێرشێن ئیرانێ ل سەر كوردستانێ پێشهاتەكا مەترسیدارە و دڤێت جڤاكا نێڤدەولەتی سنۆرەكی بۆ دانیت
- مەسرور بارزانی هەڤخەمییا حوكمەت و گەلێ كوردستانێ ب مالباتا ئال سانی دگەهینیت
- كارڤەدانێن نێڤدەولەتی ل دۆر هێرشێن درۆنی و مووشەكی ل سەر هەولێرێ بەرفرەهـ دبن
- نێچیرڤان بارزانی دوپاتیێ ل سەر بهایێن هەڤپشك یێن ئازادیێ و دیموكراسیێ دكەت
- نێچیرڤان بارزانی ل دەوحە پشكداری د بەهییا میرێ بەرێ یێ قەتەرێ دا كر
سهرهكى نوچێن گرنگ
بزانه دژوارترین زڤستانا ئهڤ ساله، د كهڤیته كیش حهفتیێ؟
ئهڤرۆنيوز:
شارهزايهكێ سهقاى يێ عيراقى بۆ ئهڤرۆنيوز دياركر كو پێشبينى دهێته كرن سهرمايا وهرزێ زڤستانێ ل حهفتيا داهاتى دێ بهر ب عيراقێ هێت وزڤستانا دروست دێ دهستپێكهت.
سادق عهتيه، شارهزايێ سهقايى ل رێڤهبهريا گشتى يا كهشناسيێ ل عيراقێ بۆ ئهڤرۆنيوز گۆت”ل دووماهيا ههفتيا بهێت دێ باران بارين بيت ل عيراقێ ووهلاتێن دهوروبهر ودێ سهرمايێ ژى ل گهل خوه ئينيت”.
دياركر ژى”بايهكێ سار دێ ل گهل پالهپهستۆيێ دهريا سور يێ نزم تێكههل بيت وكارتێكرنێ ل دهڤهرێن جۆرا وجۆر ل عيراقێ وهندهك وهلاتين دهڤهرێ كهت”.
ماوێ دابهشكرنا مووچێ 13 وهزارهت و فهرمانگههان هاتە ئاشكراكرن
ئەڤرۆ نیوز:
بڕیاره رۆژا چارشهمبی مووچێ 13 وهزارهت و فهرمانگەهـ و دهستهیان بهێتە دابهشکرن.
رێڤەبەرێ گەنجینەکا سەر ب وەزارەتا دارایی و ئابووری راگەیەندیە: کو رۆژا چارشهمبێ دێ مووچێ پێنج وەزارەت و ههشت فهرمانگەهان هێتە دابەشکرن.
گۆت ژی:ههر ئێك ژ وهزارهتێن (شارهوانى، كارهبا، ڤەگوهاستن، پلاندانان و چاندنێ)، ههروهسا فهرمانگههێن (دیوانا چاڤدێریا دارایى، دهستهیا مافێ مرۆڤێ، دەڤەرێن دهرڤەی ههرێمی، دهستهیا ژینگەهێ، دهستهیا وهبهرهێنانێ، دهستهیا دهسپاكى، كۆمسیۆنا ههلبژاردن و دهزگەهێ مین) ل وێ رۆژێ دێ مووچەی وەرگرن.
ب ڤیدیو – كانیا واش هاته نوژهنكرن و دێ بیته جههكێ گۆزارى
ئهڤرۆ نیوز، نهوزاد هلۆرى:
كانیا واش ل دهڤهرا بارزان ئێكه ژ وان كانیێن كوردستانێ كو هژمارهكا زور یا گهشتیار و وهلاتیان بۆ ب دهستڤهئینانا ئاڤهكا ساخلهم قهست دكهنێ، ب مهرهما پاراستنا كانیا واش ژ ناڤچۆنێ باژێرڤانیا بازێ رابویه ب نوژهنكرنا وێ و ئهڤه زێدهبارى وێ یهكێ كو دێ بیته جههكێ گهشتوگۆزارى.
عهبدولعهزیز بازى، وهلاتیهكێ گوندێ بازێ یا سهر ب دهڤهرا بارزانه دیاركر كو كانیا واش ئێكه ژ باشترین ئاڤێن كوردستانێ بۆ مهرهمێن ساخهمیێ و بۆ ئهڤرۆ نیوز گۆت: (ئاڤا كانیا واش ل بن ئێك ژ گرێن مهزن ل گوندێ بازێ دزێت و نوكه روژانه شیانێن نێزیكێ 100 هزار لیترێن ئاڤێ ههیه، ب مهرهما دهستكهفتنا ئاڤێ وهلاتى و گهشتیارێن ههموو باژێر و باژێركێن ههرێما كوردستانێ سهردانا كانیا واش دكهن).
زێدهتر گۆت: (كانیا واش ل وێ یهكێ هاتیه كو بهرى چهند سالێن بورى ئاڤا وێ هند یا بوش بوو دشیان دابوو ئاشى ل بهر بكهن، ژبهرڤێ ناڤێ وێ كریه واش، بهلێ ژبهر گورانكاریێن كهش و ههواى و نهپوتهدانێ و بوردومانكرنا كانیێ ژلایێ رژێما بهعس، ئاڤا وێ كێم بویه، ئهڤه ل سالا 1992 ههتا نوكه ئاڤا كانیا واش كێم و زێده نهبویه، ژبهرڤێ گرنگه ئهڤ كانیا بهێته پاراستن).
نادر بازى،سهرۆكێ باژێرڤانیا بازێ دیاركر كو ژسهرجهمێ 20 كانیێن سنوورێ باژێرڤانیا بازێ، گهشتیار و وهلاتى ب مهرهما دهستڤهئینانا ئاڤێ بو بابهتێن ساخلهمیێ تنێ قهستا كانیا واش دكهن و بۆ ئهڤرۆ نیوز گۆت: (كانیا واش دیروكهكا كهڤنار ههیه و ل بن شكهفتا واش و گرهكێ بلند دزێت، تامهكا خوش و رهنگهكێ جوان ههیه و روژانه نێزیكێ 30 ترومبێلێن گهشتیار و وهلاتیان قهستا كانیا واش دكهن، داكو ئاڤا كانیێ دهستخوڤهبینن بۆ چارهسهركرنا پشكهك ژ نهساخیێن خوه ، مینا بهرك و رهملێ، ژبهركو ئاڤهكا ساخلهمه و پێشتر خهلكى تاقى كریه و مفا ژێوهرگرتیه).
زێدهتر گۆت: (ژبهركو هژمارهكا زۆر یا خهلكى قهستا كانیا واش دكهن، باژێرڤانیا بازێ ب ههڤكاریا قایمقامیا قهزا مێرگهسوور رابویه ب نوژهنكرنا كانیا واش ب ههمان شێوه و ستایلێ كهڤن داكو ئاڤا وێ ب ههدهر نهچیت و كانى بهێته پاراستن).
ناڤبرى دیاركر ژى كو گهلهك جهێن شینوارى و بهر و دار و جهێن سهرنجراكێش ل دهروبهرێن كانیا واش ههنه و دكهڤیته نێزیك شكهفتا واش، دێ كانیا واش كهنه ئێك ژ جهێن گهشتوگۆزارى و زێدهتر گۆت: (شكهفتا واش كو دكهڤیته نێزیك كانیا واش دوهختێ خوه دا جهێ ڤهحهواندنا پێشمهرگهیان بوویه، پاشان ل سالێن نوتان ههند خێزانان مالێن خوه ئینان نێزیك كانیێ، نوكه شینوارێن وان ل نێزیك كانیێ ههنه، ژبهرڤێ دێ ئهڤ ههموو جهه ل گهل كانیێ هێنه نوژهنكرن و پاراستن داكو ژناڤ نهچن و كانیا واش ب شكهفت ڤه بیته ئێك ژ جهێن گهشتوگۆزارى ل دهڤهرا بارزان و گوندێ بازێ).
تیمێن بهرهڤانیێ نهشیان رزگار بكهن
ئهڤرۆ نیوز:
ئێڤاریا ئهڤرۆ ل تاخێ چوارباخ، ل باژێرێ سلێمانیێ ئاگر بهربوو هێتهرێ مالهكێ و د ئهنجامدا كچهكا 22 سالى گیانێ خوه ژ دهستدا.
رێكان جهمال پهیڤدارێ بهرهڤانیا باژێرى ل سلێمانیێ راگههاند، ژ ئهگهرێ شورتهكێ ئاگر بهربوویه هێتهرێ مالهكێ و ژ ئهنجامێ دویكێلهكا زور د مالێ دا، كچهكا د ژیێ 22 سالى دا خهندقینه.
رێكانى دیاركر، كچ د ژوورا پشتێ ڤهبوو، تیمێن بهرهڤانیێ نهشیاینه رزگار بكهن.
عيراق كرينا باجانان ژ دهرڤه قهدهغه دكهت
ئهڤرۆنيوز:
وهزارهتا چاندنا عيراقێ ئهڤرۆ ئێكشهمبى 18/11/2018قهدهغهكرنا كرينا بهرههمێ باجانان ژ دهرڤه راگههاند.
وهزارهتا ناڤبرى دراگههاندنهكێ دا بهلاڤكر” ل دووڤ نڤيسارا لژنا كاروبارێن ئابوورى ل جڤاتا وهزيرێن عيراقێ كو بهرههمێن چاندنێ ئهوێن ئينانا وان ل دووڤ رۆزناما چاندنێ قهدهغه، رازيبوون هاته كرن ل دۆر قهدهغهكرنا كرينا بهرههمێ باجانان ژ ههموو دهرگههێن سنورى ههر ژ رۆژا 18/11/2018.
وهزارهتا چاندنا عيراقێ دياركر كو ئهگهرێ ڤێ بريارێ دزڤريت بۆ ههبوونا بهرههمهكێ مهزن يێ باجانا ناڤخوهيى وداخواز ژ دهرگههێن سنورى ل عيراقێ كر پێگيريێب ڤێ بريارێ بكهن.
نێچیرڤان بارزانی سوپاسیا شاندهكێ نوشدارێن خۆبهخش دكهت
ئهڤرۆ نیوز:
نێچیرڤان بارزانی سهرۆك وهزیرێن ههرێما كوردستانێ ئهڤرۆ پێشوازی ل شاندهكێ رێكخراوا GSMSG یا ئهمریكی یا خۆبهخش كر كو ژ هژمارهكا نوشدارێن بسپۆر و نشتهرگهر پێكهاتبوو و حهفتیهكه ل كهمپێن ئاواره و پهنابهران خزمهتكاریێن ساخلهمیێ پێشكێش دكهن.
شاندێ مێهڤان بهحسێ كار و پرۆژێن خوه ل ههرێما كوردستانێ كر و رۆلێ خهلكێ كوردستانێ د رووبرووبوونا داعش و حهواندنا هژمارهكا زۆر یا ئاواره و پهنابهران و ئارامی و پێكڤهژیانێ دا بلند ههلسهنگاند، لهورا ب باش زانیه بهێن د وارێ نوشداری دا خزمهتان پێشكێش بكهن.
ژ ئالیێ خوه ڤه نێچیرڤان بارزانی سهرهرای دهستخۆشیێ بۆ ڤی كاری مرۆڤایهتی، سوپاسیا وان كر و هیڤی خواست ل سهر ڤان كاران بهردهوام بن و پشتهڤانیا حوكمهتا ههرێما كوردستانێ ژی بۆ پرۆژێ وان دوپاتكر.
وهزارهتا ئهوقافێ بۆ ئهڤرۆ نيوز: ئهمريكا 187 مليۆن دۆلاران بۆ كهمينێن ئايينى ل عيراقێ دێ خهرج كهت
ئهڤرۆنيوز:
رێڤهبهرێ پهيوهنديان وپێكڤهژيانا ئايينى ل وهزارهتا ئهوقافێ وكاروبارێن ئايينى ل ههرێما كوردستانێ راگههاند، ئهمريكا گۆژمێ 187 مليۆن دۆلاران بۆ پاراستنا جهێن كهمينهيێن ئايينى ل عيراقێ تهرخانكرينه، دياركر ژى كو مه داخواز ژ كونسۆلخانا ئهمريكى ل ههرێمێ كريه رێژهكا بهرچاڤ ژڤى گۆژمى بۆ كهمينهيێن ئايينى ل ههرێما كوردستانێ بهێنه تهرخانكرن.
مهريوان نهقشبهندى، رێڤهبهرێ پهيوهنديان وپێكڤهژيانا ئايينى ل وهزارهتا ئهوقافێ وكاروبارێن ئايينى بۆ (ئهڤرۆنيوز) گۆت” ئهمريكا ب ڤى شێوهى ئهو گۆژمێ پارهى بۆ كهمينهيێن ئايينى ل عيراقێ تهرخان كرينه 51 مليۆن دۆلار بۆداگرتنا پێدڤيێن ب لهز 9 مليۆن دۆلار بۆ هاريكاريا ڤهگهراندنا وان ئاوارێن ل كۆمهلگهها وكهمپان ئاكنجى و 68 مليۆن دۆلار بۆ ڤهژاندنا ئابوورى و5 مليۆن دۆلار بۆ رێگرتنێ ل ههر كارهساتهكێ كو ئگهر ههبيت دپاشهرۆژێ دا تووشى كهمينهيێن ئايينى ببيت و37 مليۆن دۆلار بۆ پاقژكرنا وان دهڤهرێن كهمينهيێن ئايينى تێدابوو ژ مين وتهقهمهنيان و8 مليۆن و500 هزار دۆلار بۆ چارهسهركرنا دهرونى وسهر ژنوو ئاڤاكرنا كهسايهتيێ و2 مليۆن دۆلار بۆ پاراستنا شوونوارێن دێرين يێن كهمينهيێن ئايينى ل سهرانسهرى عيراقێ”.
مهريوانى دياركر ژى” دكۆمبوونهكێ دا ل گهل كونسۆلخانا ئهمريكى ل ههرێما كوردستانێ،مه داخواز كريه ژ وى گۆژمێ 2 مليۆن دۆلاران ئهوێ هاتيه تهرخانكرن بۆ پاراستن ونووژهنكرنا شوونوارێن كهمينهيێن ئايينى ل عيراقێ، جهێن ل ههرێما كوردستانێ ژى ههين بكهنه دناڤ بهرنامێ خوه دا، ئهوى ههر ئێك ژ پهرستگهها لالش يا ئێزديان ل قهزا شێخان وكهنيسا مارگۆرگيس يا مهسيحيان ل ههولێرێ وشكهفتا باب يا بههائيان ل سهرگهلۆ وشكهفت وپهرستگهها قسقاپان يا زهرادهشتيان ل قهزا دوكان ومهزارێ پيرۆزێ كاكهييان ل گوندێ هاوار ل ههلهبجه وبۆ دياركرنا ڤان جهان ژى مه بۆچوونێن نوونهرێن وان ههموو ئايينان وبهرپرسێن ئيدارى يێن وان جهان ژى وهرگرتيه”.
خوياكر ژى” ههتا نوكه مه بهرسڤا كونسۆلخانا ئهمريكى وهرنهگرتيه، بهلێ پشتهڤانيا داخوازيا مه كريه”.
رهوشا ئاوارێن دهشتا نهینهوا دهێته گهنگهشهكرن
ئهڤرۆ نیۆز:
مهسرور بارزانی شیرهتكارێ جڤاتا ئاسایشا ههرێما كوردستانێ ئهڤرۆ پێشوازی ل تۆماس گارێت كۆنگرێسمانێ ئهمریكی كر و رهوشا ئاوارێن دهشتا نهینهوا گهنگهشهكر.
د دیدارهكێ دا، سهرهرای بهحسكرنا پێشڤهچوونێن دهڤهرێ، ئازادیا ئاینی و رهوشا ئاواران ل دهشتا نهینهوا گهنگهشهكر و پتر بهرفرههكرنا ڤێراگههشتنێن ئهمریكا بۆ وان ئاواران دوپاتكر، كو ژ بهر توندوتیژی و شهری دهڤهرێن خوه بجه هێلاینه و پهنا بۆ ههرێما كوردستانێ ئینای.
ژ ئالیێ خوه ڤه گارێت سوپاسیا ههلویستێ ههرێما كوردستانێ كر ل ههمبهر حهواندن و ئاسانكاریكرنێ بۆ ئاواران و ئاماژه دان ب پێكڤهژیانا ئاشتیانه یا د ناڤبهرا ههموو ئاینانان دا ل ههرێما كوردستانێ و ئهڤ فهرههنگه بلند ههلسهنگاند.
د پشكهكا دی یا دیدارێ دا رۆناهی خسته سهر رهوش و پێدڤیێن دهستپێكی یێن دهشتا نهینهوا و ڤهگهڕاندنا خهلكی بۆ سهر جه و وارێن وان ب رهنگهكی كو سلامهتی و ئاسایشا وان بهێته گهرهنتیكرن.
ئهحمهد سهفار: بزاڤێ دكهين مووچێ پێشمهرگهى بچيته سهر مهزاختيێن سهروهريێ
ئهڤرۆ نيوز، نيوار محهمهد سهليم:
نوونهرهكێ كورد راگههاند ئهو بزاڤێ دكهن مووچێ ژمارهكا تهخان بچيته سهر مهزاختيێن سهروهريێ ل عيراقێ و ب تايبهت ژى يێ پێشمهرگهيى و ئهميندارێ گشتى يێ وهزارهتا پێشمهرگهى ژى دا زانين كو د بوودجێ 2019ێ دا، 400 مليار دينار بۆ پێشمهرگهى هاتينه تهرخانكرن.
ئهحمهد سهفار، ئهندامێ جڤاتا نوونهران ل سهر فراكسيۆنا پارتى ديموكراتى كوردستان، د داخۆيانيهكێ دا بۆ ئهڤرۆ نيوز گۆت: “نها مژوولى وێ چهندێ ينه ل گهل حوكمهتا عيراقێ بگههينه رێكهفتنێ و مووچێ پێشمهرگهى و چهندين جهێن دى بكهڤيته سهر مهزاختيێن سهروهريێ”.
زێدهتر گۆت: “مه وهكو نوونهرێن كوردان ل بهغدا ژمارا پێشمهرگان و ئهو كۆژمێ دێ بۆ هێته دهستنيشانكرن ديار نهكريه، ب تنێ كارێ مه ئهوه وان مهزاختيان بێخينه د ناڤ مهزاختيێن سهروهريێ دا و يا دى كارێ حوكمهتا ههرێما كوردستانێ و عيراقێ يه كا دێ چاوان گههنه رێكهفتنێ”.
ژ لايهكێ دى ڤه جهبار ياوهر، ئهميندارێ گشتى يێ وهزارهتا پێشمهرگهى راگههانديه كو د بوودجا 2019ێ دا، پشكهك ژ بوودجێ هێزێن پهياده سهر ب وهزارهتا بهرهڤانيا عيراقێ بۆ پێشمهگهى هاتيه تهرخانكرن كو ههيڤانه دگههيته 37 مليار ديناران.
ئهميندارێ گشتى يێ وهزارهتا پێشمهرگهى ئاشكهرا ژى كريه كو ئهو پاره د سالهكێ دا دبيته 400 مليار دينار، بهلێ نها ب تنێ بههرا مووچێ 47 هزار پێشمهرگان دكهن.
ب گۆرهيى خهملاندنا وهزارهتا پێشمهرگهى، بۆ دابينكرنا مووچێ 100 هزار پێشمهرگهى، عيراق دڤێت د سالهكێ دا سێ ترليۆن ديناران بدهته ههرێما كوردستانێ.
نيشاندان
WP Facebook Auto Publish Powered By : XYZScripts.com