ئهڤرۆ نيوز:
سەرۆکێ کوتلا برایەتی و پێکڤەژیانێ ل جڤاتا پارێزگەھا نەینەوا بۆ رۆژنامەیا ئەڤرۆ ئاشکرا کر، رێککەفتنا دووماھیێ ل سەر ڤەگەڕاندنا ئیدارا شنگال ھاتە کرن، د ڤێ حەفتیی دا دێ ئێدارا شەرعی یا شنگالێ دەست بکارێ خوە کەت.
بەرەکات شەمۆ، خویا کر کو پێنگاڤا ئێکی یا زڤڕینا ئیدارا شنگال ھاتە ھاڤێتن و نوکە دێ ئاڤاھیەک ل شنگال ھێتە بەرھەڤکرن بۆ دەستپێکرنا دەوامێ ل شنگال، و بڕیار ھاتە دان ھەموو ئێدارا شنگال ل گەل ئێک بزِڤرنە شنگال و دەست ب ڤەکرنا ھەموو دامودەزگەھێن خزمەتکاری ل شنگال بھێتە کرن.
ئهڤرۆ نيوز:
رێڤەبەرێ نڤیسینگەھا رزگارکرنا رەڤاندیێن ئێزدی ل دھۆکێ دیار کر کو ل دووڤ نووترێن ئامار ل جینوسایدا شنگالێ شەش ھزار و 417 کەس ھاتبوونە رەڤاندن ژ ھەر دو رەگەزان ژ وان ژی سێ ھزار و 548 کچ و ژن بوون و دو ھزار و 869 زارۆک و زەلام بووینە ھەتا نوکە سێ ھزار و 333 کەس ژ دەستێن تیرۆرستێن داعش رزگاربووینە و ھێشتا چارەنڤیسی زێدەتر ژ سێ ھزار کەسان د دەستێن تیرۆرستێن داعش دا مایە.
حسێن کورو قائیدی، رێڤەبەرێ نڤیسینگەھا رزگارکرنا رەڤاندیێن ئێزدی ل دھۆکێ سەر نڤیسینگەھا سەرۆکێ حوکمەتا ھەرێما کوردستانێ ڤە دیارکر کو ھەتا رۆژا 29-10-2018 نڤیسینگەھا وان شیایە سێ ھزار و 333 کچ و ژن و زارۆک و زەلامێن ئێزدی ژدەستێن تیرۆرستێن داعش رزگار بکەت ژوان ژی ھزار و 159 ژن بووینە و 338 زەلام یێن دی ژی ھەموو زارۆک بووینە ژ ھەر دو رەگەزان و ھێشتا ژی چارەنڤیسێ زێدەتر ژ سێ ھزار رەڤاندیێن ئێزدی دیارنینە و ب شەڤ و رۆژ بەردەوام نڤیسینگەھا رزگارکرنا رەڤاندیێن ئێزدی کاردکەت بۆ دیتن ورزگارکرنا ھەموو رەڤاندیان.
ناڤھاتی خویا کر کو ل رۆژا ئێکی ژ جینوسایدا شنگالێ پتر ژ ھزار و 500 کەسان ژ لایێ تیرۆرستێن داعش ڤە ھاتینە کوشتن ھەتا نوکە ژی 69 گۆرێن بکۆم یێن ھاتینە دیتن و دو ھزار و 700 زارۆک ل جینوسایدا شنگالێ بووینە ئێتیم.
ھەژی گۆتنێ یە ل ھەرێما کوردستانێ و عێراقی 550 ھزار کەسێن ئێزدی ھەنە و 360 ھزار ئێزدی ژ بەر تیرۆرستێن داعش ئاوارە بووینە و ھەتا نوکە ل کەمپێن ئاواران ل سنۆری پارێزگەھا دھۆکێ دژین.
ئهڤرۆنيوز:
شارهزايهكێ بوارێ كاروبارێن گرۆپێن توندرهو دا هژمارا چهكدارێن تيرۆرستێن داعشێ دناڤ ئاخا سووريێ دا ل سهر سنورێ عيراقێ ئاشكرا دكهت پشتى كونترۆلكرنا وان چهكداران بۆ دهڤهرێن هێزێن سووريا ديموكراتى خوه ژێ ڤهكێشاى.
هيشام ئهلهاشمى، شارهزايهكێ بوارێ كاروبارێن گرۆپێن توندرهو بۆ مالپهرێ (روسيا اليوم) يێ روسى گۆت” نێزيكى سێ هزار چهكدارێن داعشێ يێن ل دهڤهرا (جيب الهجين) يا سوورى كو يا ههڤسنوره ل گهل عيراقێ ل پارێزگهها ئهنبار”.
دياركر ” 800 ژ وان سێ هزار چهكدارێن تيرۆرستێن داعشێ، وهلاتيێن عيراقى نه ويێن دى ژى ژ رهگهزنامێن عهرهبى وبيانى يێن جۆرا وجۆرن”.
ئاشكراكر ژى” ئهو چهكدارێن داعشێ ل هيڤيا دهليڤهكێ نه كو بهێن دناڤ ئاخا عيراقێ دا”.
گۆت ژى”ههبوونا چهكدارێن داعشێ ل نێزيك سنوري عيراقێ مهترسيهكا مهزنه ل سهر عيراقێ وسهقاى وتوزبارينێ ب دهليڤه دبينن بۆ هێرشكرنێ ل سهر هێزێن عيراقى، لهوما پێدڤيه هێزا فرۆكهڤانيا لهشكرێ عيراقێ وههڤپهيمانيا نێڤدهولهتى لڤينێن فرۆكێن خوه ل هنداڤى وان دهڤهران زێدهتر بكهن”.
وهزارهتا بهرگريا عيراقى ژى ئهڤرۆ دوشهمبى 29/10/2018 بهلاڤكر كو چهكدارێن داعشێ بزاڤا هاتنا دناڤ ئاخا عيراقێ دكهن ژ سووريێ،
وهزارهتا ناڤبرى دياركر ژى كو پشتى داعشێ دو باژێرك ل رۆژههلاتا پارێزگهها دێرلزۆر كونترۆلكرين ب شێوهكێ بهربهلاڤ ل سهر سنورێ سووريێ هاتينه بهلاڤكرن.
ئهڤرۆنيوز:
بهرپرسهكێ وهزارهتا پێشمهرگه راگههاند، نهخوهشخانا پێشمهرگهى يا تمام بووى ونوكه ئهم يێن دقۆناغا دابينكرنا كهلوپهلێن دناڤ نهخوهشخانێ داينه، برياره ژى ل حهفتيا داهاتى كاروانهكێ دى يێ كهلوپهلان بگههيته نهخوهشخانێ وههتا دووماهيا ئهڤ ساله ههر پێشمهرگهيهك دشێت ل وێ نهخوهشخانێ چارهسهريێ وهربگريت.
ليوا سالار جهبارى، جێگرێ سوپاسالارێ پێشمهرگهى گۆت”كاركرن ل نهخوهشخانا پێشمهرگهى ل ههولێرێ يا دقۆناغا دووماهيێ دا وژ جادا 150 جاده بۆ هاتيه برن، چونكه ئاڤاهيێ وێ يێ تمام بووى وداخوازا كهلوپهل وئاميرێن ناڤ نهخوهشخانێ يا هاتيه كرن بۆ وێ چهندێ ژدهرڤهى وهلاتى بۆ بهێنه هنارتن تاكو بكهڤيته كارى”.
جێگرێ سوپاسالارێ پێشمهرگهى زێدهتر بۆ مالپهرێ فهرميێ پارتى ديموكراتى كوردستان گۆت” برياره ل حهفتيا داهاتى كۆمهكا كهلوپهلێن ميكانيكى بگههنه نهخوهشخانێ وداخواز ژمه هاتيه كرن چهند كهسان بۆ وان رهوانه بكهين تاكو خۆل بۆ بهێنه ڤهكرن وراهێنان پێ بهێنه كرن بۆ كاركرنێ ل وێ نهخوهشخانێ”.
گۆت ژى” ههتا دووماهيا ئهڤ ساله نهخوهشخانه ب تمامى دێ يا بهرههڤ بيت بۆ چارهسهركرنا پێشمهرگان، بهلێ نهكو ب تنێ پێشمهرگێن بريندار، بهلكو رێڤهبهريا ساخلهميا پێشمهرگهى ژى دێ چيته دناڤ وێ نهخوهشخانێ دا وپێشمهرگه دشێن بۆ چارهسهريێ بچنه وێ نهخوهشخانێ، لهوما ئهو نهخوهشخانه دێ بۆ ههموو پێشمهرگان بيت”.
ئهڤرۆنيوز:
برياره ل دهمژمێر 12 نيڤرۆيا رۆژا چارشهمبيا داهاتى 31/10/2018 پهرلهمانێ كوردستانێ دووماهى روونشنا خۆلا چارێ يا خوه ئهنجام بدهت.
دهستهيا سهرۆكاتيا پهرلهمانێ كوردستانێ برگێن بهرنامێ كارێ دووماهى روونشتنا خۆلا چارێ راگههاند كو ل دهستپێكێ دێ ب دووماهى ئينانا خۆلا چارێ يا پهرلهمانێ ل دووڤ مادێ 6 ژ پهيرهوێ ناڤخوهيێ پهرلهمانێ كوردستانێ هێته راگههاندن.
ديسا پهيڤا جێگرێ ئێكێ يێ سهرۆكێ پهرلهمانى ب ههلكهفتا ب دووماهى هاتنا خۆلا چارێ يا پهرلهمانێ كوردستانێ هێته پێشكێشكرن.
ئهڤرۆنيوز:
ژێدهرهكێ ئهمنى ل پارێزگهها كهركووكێ ئهڤرۆ دوشهمبى 29/10/2018 راگههاند، ژبهر ياريا پۆپجى كێشه دناڤبهرا دو كهسان دا پهيدابوو كو ههڤالێن ئێك بوون ودئهنجامدا كهسهك هاته كوشتن.
وى ژێدهرێ ئهمنى دياركر كو كێشه دناڤبهرا دو كهسێن ئاكنجى ل تاخێ ئێكى حوزهيرانێ ل باشوورێ باژێرێ كهركووكێ دروست بوو، كو مژوولى ياريا پۆپجى بوون، پاشى ئێك ژوان ههڤالێ خوه تۆرهكر ژبهركو دياريێ دا هاريكاريا وى نهكر ودهاوارێ نهچوو ودئهنجامدا هاته دوراندن د ياريێ دا.
گۆت ژى” ئێك ژوان كهسان چهك دگهلدا بوو وتهقه كر ودئهنجامدا گوله ب كهسهكێ مهدهنى كو ل بهر دهرگههێ مالا خوه يێ راوهستياى بوو وسهحدكره وان ههردو گهنجان كو ل سهر وێ ياريێ دهنگان وان بلند ببوو، كهفت وئێكسهر گيانێ خوه ژدهست دا.
ئهڤرۆنيوز:
رێڤهبهريا ئۆپاراسيۆنێن حهشدا شهعبى، ئهڤرۆ دوشهمبى 29/10/2018 حالهتا ئامادهباشيێ ل سهر سنورێ عيراقێ وسووريێ راگههاند پشتى هێزێن سووريا ديموكراتى چهندين دهڤهر ژدهستداين ل بهرامبهر داعشێ.
حهشدا شهعبى دبهياننامهكێ دا راگههاند” ههموو هێزێن حهشدا شهعبى ل سهر سنورێ عيراقێ وسووريێ كهفتنه دحالهتا ئامادهباشيێ دا پشتى چهندين دهڤهرێن دبن كونترۆلا هێزێن سووريا ديموكراتى كهفتينه ددهستێ داعشێ دا”.
ئهڤرۆنيوز:
بهرههم سالح ل سهر بهرپهرێ خوه يێ تويتهرى ههرێما كوردستانێ ب شيمال عيراق ناڤ دكهت.
بهرههم سالح دتويتهرێ خوه دا بهلاڤكر” من سهرهدانا ههلهبجه كر بۆ رێزلێنانا ههلكهفتا شههيدێن كيمياباران، ئهنفالێن گهرميان وباديان وبارزان، گۆرێن ب كۆم ل مهحاويل وباشوور وباكوورێ عيراقێ”.
بهرههم سالح كو ژپشكا ئێكهتيێ دپۆستێ سهرۆك كۆمارى دايه، ل 2 ڤێ ههيڤێ ب رێككهفتنا حزبا وى ل گهل لايهنێن عيراقى وبێ پرس ل گهل لايهنين كوردستانى دناڤ پهرلهمانێ عيراقێ دا بۆ وى پۆستى هاته ههلبژارتن.
ئهڤرۆنيوز:
بهرى نيڤرۆيا ئهڤرۆ دوشهمبى 29/10/2018 فهرمانبهرهكێ سهرۆكاتيا باژێرڤانيا رواندز ب ب دهبانجێ دووماهى ب ژيانا خوه ئينا.
ل دووڤ كوردستان تى ڤى، پشتى روودانێ تهرمى وى فهرمانبهرى هاته هنارتن بۆ نهخوهشخانا گشتى يا رواندز وههتا نوكه پۆليسان چو رۆهنكرن ل دۆر ئهگهرێ خوهكوشتنا وى فهرمانبهرى نهداينه.
ئهڤرۆ نيوز:
ئهندامهكێ سهركرداتيا ئێكهتى نشتيمانى كوردستان راگههاند كو ئهو وهكو هێزا دويێ ل كوردستانێ داخوازا ههردو پۆستێن سهرۆكاتيا پهرلهمانى و جێگرێ سهرۆك وهزيران دكهن.
فهريد ئهسهرد، ئهندامێ سهركرداتيا ئێكهتيا نشتيمانى كوردستان بۆ دوارۆژ گۆت: “ئهو دخوازين د پێكئينانا حوكمهتا نوو يا عيراقێ دا وهكو هێزا دويێ سهرهدهرى ل گهل مه بهێته كرن”.
ئاشكهرا ژى كريه كو وهكو دهستكهفتێ ههلبژارتنان مافێ ئێكهتى نشتيمانى كوردستانێ ههر ئێك ژ پۆستێن سهرۆكاتيا پهرلهمانى و جێگرێ سهرۆكێ جڤاتا وهزيران پێ بهێته دان، “ئهڤ پرسه ژى دێ ب دانوستاندنا ناڤبهرا ههردو لايان هێنه چارهكرن”.
ئهسهرد راگههاند كو پارتى ئاشكرا كريه كو ئهوان شاندهك بۆ دانوستاندنا لايهنێن سياسى پێك ئينايه و گۆت: “مه ژى پێ باشه ئهو شاند سهرهدانا لايهنێن سياسى بكهت”.
دا زانين ژى كو ل دهسپێكێ دێ كار بۆ پێكئينانا پهرلهمانى هێته كرن و پاشان ژى بۆ كابينا وهزارى و گۆت: “دانا پهرلهمانى دێ بيته رێخۆشكهر بۆ دانانا كابينا نوو يا حوكمهتێ”.
نيشاندان