ئه‌ڤرۆ نيوز:

به‌رپرسێ ده‌زگه‌هێ هه‌لبژارتنێن ئێكگرتوو ئيسلامى كوردستان راگه‌هاند كو ئه‌وان وه‌كو ئێكگرتوو هه‌ر ژ ده‌سپێكێ وه‌سان هزر كريه‌ كو هه‌لبژارتن ب خوه‌ هاتينه‌ پاشخستن و پێدڤى ناكه‌ت جاره‌كا دى بهێنه‌ پاشخستن.

قاسم گه‌لالى، به‌رپرسێ ده‌زگه‌هێ هه‌لبژارتنێن ئێكگرتوو ئيسلامى كوردستان، بۆ مالپه‌رێ پارتيا خوه‌ راگه‌هاند كو ئێكگرتوو ئيسلامى كوردستان هه‌موو ئاماده‌كاريێن خوه‌ بۆ هه‌لبژارتنان كرينه‌ و چو پرۆژه‌ك و ده‌سپێشخه‌ريه‌ك ژى نابيت بۆ پاشخستنا هه‌لبژارتنان.

ئاماژه‌ ب وێ چه‌ندێ ژى كر كو ئه‌و وه‌سان هزر دكه‌ن كو پێگوهۆڕێ هه‌لبژارتنان هه‌ر هه‌لبژارتنن و يا ئه‌سل ئه‌وه‌ كو د ده‌مێ خوه‌ دا هه‌لبژارتن بهێنه‌ كرن.

به‌رپرسێ ده‌زگه‌هێ هه‌لبژارتنێن ئێكگرتوو گۆتژى: “هه‌ر ژ ده‌سپێكێ ب بۆچوونا مه‌ وه‌سان بوو كو هه‌لبژارتن ب خوه‌ يێن هاتينه‌ پاشخستن و پێدڤى ناكه‌ت جاره‌كا دى بهێنه‌ پاشخستن”.

ئه‌ڤرۆ نيوز:

بڕيارده‌رێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ راگه‌هاند كو ئه‌ڤرۆ دێ ناڤێن فه‌رمانبه‌رێن گرێبه‌ست بۆ هه‌لبژارتنان راگه‌هينن كو زێده‌تر ژ 42 هزار فه‌رمانبه‌رانن.

ئيسماعيل خۆرمالى، د تۆڕا جڤاكى يا فه‌يسبۆكى دا به‌لاڤكريه‌ كو ئه‌ڤرۆ دێ ناڤێ زێده‌تر ژ 42 هزار كه‌سان راگه‌هينن، كو ناڤێ وان ده‌رچوويه‌ وه‌كو فه‌رمانبه‌رێن گرێبه‌ست بۆ رۆژا ده‌نگدانا هه‌لبژارتنێن په‌رله‌مانێ كوردستانێ.

ئاماژه‌ ب وێ چه‌ندێ ژى كر كو ناڤێ زێده‌تر ژ 10 هزار كه‌سێن يه‌ده‌ك ژى دێ راگه‌هينن كو هه‌موو ب ره‌نگه‌كێ هه‌ره‌مه‌كى و ب پشككێشان د پرۆسه‌كا شه‌فاف دا هاتينه‌ ئه‌نجام دان.

ئەڤرۆ نیوز، نەوزاد ھلۆری:

بوردومانا فرۆکێن تورکیا بو دەڤەرێن سەر ب سنوورێ قەزا ئامێدیێ بەردەوامی ھەیە ، و ئەڤرۆ ژی فروکان گوندەوارێن دەڤەرا نێروەورێکان یا سەر ب ناحیا شێلادزێ بوردومانکریە ، و ب گورەی زانیاریان ئەڤ سالە فروکێن تورکیا 80ێ جاران سنوورێ دەڤەرا ئامێدیێ بوردومانکریە.

عەبدوللا سلێمان وەلاتیەکێ دەڤەرا نێروەورێکان یا سەر ب ناحیا شێلادزێ ل سنوورێ قەزا ئامێدیێ یە بۆ ئەڤرۆ نیوز گۆت: (نێزیکێ حەفتەکێ یە لسەر ئێک فروکێن تورکیا لسەر بوردومانکرنا دەڤەرا نێروەورێکان یا بەردەوامە و ھەتا نوکە ئاقارێ زێدەتر ژ ھەشت گوندان ھاتیە سوتن، ئاقارێ گوندێ شاجا ژی ب تەمامی ھاتیە سوتن، ئەڤرۆ سپێدێ ژی فروکێن تورکیا چەند گوندەکێن دەڤەرێ بوردومانکرینە مینا گوندێ شاجا، بێزەل و نێزیک رێنجبراخە).

زێدەتر گۆت: (کەس نوزانیت دێ چارەنڤیسێ گوندەوارێن دەڤەرا نێروەورێکان چ لی َھێت ژ بەرکو بوردومان یا بەردەوامە، و ئەم وەکو خەلکێ دەڤەری َدخوازین کو بوردومان بھێنە راگرتن ژ بەرکو خەلکێ دەڤەرێ رۆژانە دچیتە سەر گوندێن خوە و ب رێیا فروتنا بەرھەمێن چیایی و رەز و بیستانان داھاتەکێ بخوە پەیدا دکەن).

ژ ئەگەرا فروکێن تورکیا ئەڤ سالە 11 شەھید و 5 بریندار ل سنوورێ قەزا ئامێدیێ درۆست بوینە و مەترسیا وان لسەر خەلکی یا بەردەوامە ژی ، و ب گورەی زانیاریێن ئەڤرۆ نیوز ئەڤ سالە فروکێن تورکیا 80 جاران سنوورێ دەڤەرا ئامێدیێ بوردومانکریە ، ئەڤە سەرەرای کو چەندین جاران ژی ب رێیا توپخانەیان دەڤەر توپ بارانکریە.

ئه‌ڤرۆ نيوز:

مه‌كته‌بێن سياسى يێن پارتى ديموكراتى كوردستان و ئێكه‌تى نشتيمانى كوردستان ل باره‌گايێ مه‌كته‌با سياسى يا ئێكه‌تيێ يێ د كۆمبوونێ دا.

ب گۆره‌يى پێزانينێن ئه‌ڤرۆ نيوز ته‌وه‌رێن سه‌ره‌كى يێن كۆمبوونێ دێ به‌حسكرنا هه‌ردولايان بيت بۆ لايه‌نێن سياسى ل هه‌رێما كوردستانێ.

ديسا دێ به‌حس ل وێ چه‌ندێ هێته‌ كرن كا كورد ل گه‌ل چ لايه‌ن بن و چاوان پشكداريێ بكه‌ن.

هه‌ر د ڤێ كۆمبوونێ دا دێ به‌حس ل وێ لژنا چوويه‌ به‌غدا و دانوستاندن ل گه‌ل لايه‌نێن سياسى كرى كا چو ب ده‌ست ڤه‌ هاتينه‌ و گه‌هشتيه‌ چ قووناغ.

ته‌وه‌ره‌كێ دى يێ كۆمبوونا وان ژى دێ گرێدايى هه‌لبژارتنێن په‌ره‌له‌مانێ كوردستانێ بيت.