ئه‌ڤرۆنيوز:
پێشبينى دهێته كرن ل ده‌ستپێكا هه‌فتيا بهێت، پێله‌كا باران بارينێ ده‌ڤه‌رين جودا جودا ل عيراقێ وتوركيا وسعوديێ ڤه‌گريت.
ئاژانسا(وه‌ته‌ن نيوز) به‌لاڤكر” ل دووڤ زانايێن كه‌شناسيێ، پێشبينى دهێته كرن ل ده‌ستپێكا هه‌فتيا بهێت ل ده‌ڤه‌رين جودا جودا يێن عيراقێ باران بارين ده‌ست پێ بكه‌ت”.
دياركر” ئه‌و پێلا باران بارانى دێ عيراقێ وتوركيا وباكوورێ سعوديێ ڤه‌گريت”.
ئه‌ڤرۆنيوز:
ب به‌رهه‌ڤبوونا سه‌رۆك وه‌زيرێن هه‌رێما كوردستانێ نێچيرڤان بارزانى، ئه‌ڤرۆ سێشه‌مبى 25/9/2018 ب فه‌رمى تۆنێلا گه‌ليێ زاخۆ هاته ڤه‌كرن.
د رێ وره‌سمه‌كى دا ب به‌رهه‌ڤبوونا نێچيرڤان بارزانى سه‌رۆك وه‌زيرێن هه‌رێما كوردستانێ وهژماره‌كا به‌رپرسێن حوكمه‌تا هه‌رێمێ وكونسۆلێ توركيا ل هه‌ولێرێ، ب فه‌رمى تۆنێلا گه‌ليێ زاخۆ هاته ڤه‌كرن.
درێژيا تۆنێلا گه‌ليێ زاخۆ 3600 مه‌ترن وژلايێ كۆمپانيه‌كا توركى ڤه هاتيه دروستكرن، حوكمه‌تا هه‌رێما كوردستانێ 170 مليار دينار ل دروستكرنا وێ تمه‌زاختينه.
ئەڤرۆ نیۆز، قائید میرۆ
سەرۆكێ پەیمانگەها كوردستان دیار كر، ئێكەتی دخوازیت ئاستەنگان ژبۆی هەلبژارتنێن پەرلەمانێ كوردستانێ چێكەت هەمبەر لێوەرگرتنا پۆستێ سەرۆك كۆمارێ عێراقێ، دێ كاریگەری لسەر حوكمەتا داهاتیا هەرێمێ ژی هەبیت.
نسرەت سۆفی، سەرۆكێ پەیمانگەها كوردستان بۆ پرسێن سیاسی بۆ ئەڤرۆ نیۆز ئاشكراكر” پێشبینی دهێتەكرن پشتی هەلبژارتنێن پەرلەمانێ كوردستانێ پێك ئینانا حوكمەتا نوویا هەرێما كوردستانێ گیروببیت، ژبەركو ئێكەتی دخوازیت ئاستەنگان بۆ هەرێما كوردستانێ چێكەت ژبەر پۆستێ سەرۆك كۆماری، لەوڕا دێ كاریگەری لسەر پڕۆسا پێك ئینانا كابینا حوكمەتێ هەبیت.
نسرەت سۆفی گۆتژی” هەتا زانیاری هەنە ئێكەتی ئاستەنگا بۆ پڕۆسا هەلبژارتنێن پەرلەمانێ كوردستانێ ژی چێكەت و هه‌كه رۆژا 25/9 سەرۆك كۆمار هاتبا هەلبژارتن، پێشبینی دهاتەكرن هەلبژارتنێن پەرلەمانێ كوردستانێ یان رێڤەنەچن یان ژی توشی ئاریشەیێن مەزن ببیت، ئێكەتی نیشتیمانی ژبەر بدەستڤەئینانا پۆستێ سەرۆك كۆماری دخوازیت هەلبژارتنێن هەرێما كوردستانێ رێڤەنەچن”.
ئه‌ڤرۆنيوز:
نێچيرڤان بارزانى، جێگرێ سه‌رۆكێ پارتى ديموكراتى كوردستان ئه‌ڤرۆ سێشه‌مبى 25/9/2018 دچارچۆڤێ پشكداريا وى دئاهه‌نگا سه‌رخستنا ليستا 183 يا پارتى ل دهۆكێ، راگه‌هاند،ب پشته‌ڤانيا جه‌ماوه‌رێ پارتى ل هه‌لبژارتنێن په‌رله‌مانێ كوردستانێ دێ سه‌ركه‌فتنه‌كا مه‌زن بده‌ستڤه‌ئينين، پارتى حزبا پێشره‌وه ول هه‌لبژارتنان ژى دێ ب حزبا پێشره‌و مينيت.
نێچيرڤان بارزانى گۆت ژى” ئێك ده‌نگ بۆ پارتى يێ گرنگه، سه‌ركه‌فتن وى ده‌مى بۆمه‌يه كو زۆرترين كورسيێن په‌رله‌مانى بده‌ستڤه‌بينين”.
دياركر ژى” بريارا ريفراندۆمێ برياره‌كا ئاشتيانه بوو، پشتى ريفراندۆمێ نه‌حه‌زێن گه‌لێ كوردستانێ بزاڤا نه‌هێلانا كوردستانێ وپارتى دا، جه‌ماوه‌رێ پارتى ب ده‌نگێن خوه خه‌ونا نه‌حه‌زان ژناڤبر”.
ئاماژه دا” ده‌ستكه‌فتێن ئه‌ڤرۆ به‌رهه‌مێ خوينا شه‌هيدان وقه‌هره‌مانيا هێزا پێشمه‌رگه‌يه”.
خوياكر ژى” پارتى شانازيێ ب جه‌ماوه‌رێ خوه دكه‌ت، ب پشته‌ڤانيا جه‌ماوه‌رێ مه ليستا 183 يا پارتى دێ سه‌ركه‌فتنا مه‌زن بده‌ستڤه‌ئينيت، پێدڤيه جاره‌كا دى بۆ نه‌يارێن خوه بسه‌لمينين كو پارتى حزبا ئێكێ يه”.
ديسا گۆت” مه قۆناغێن ب زه‌حمه‌ت بۆراندن ونوكه قۆناغا ئاڤه‌دانكرنا كوردستانێ مه ده‌ستپێكر، ب سه‌ركه‌فتنا پارتى ره‌وشا ژيانا وه‌لاتيێن كوردستانێ دێ باشتر بيت”.
ئه‌ڤرۆ نيوز:
ئه‌ندامه‌كێ جڤاتا نوونه‌ران ل سه‌ر فراكسيۆنا پارتى ديموكراتى كوردستان راگه‌هاند كو به‌ربژارێ پارتى ب به‌ختتره بۆ وه‌رگرتنا پۆستێ سه‌رۆكاتيا كۆمارا عيراقێ.
به‌يار تاهر دۆسكى د داخۆيانيه‌كێ دا بۆ ئه‌ڤرۆ نيوز گۆت: “مه پشته‌ڤانيه‌كا په‌رله‌مانى ژ ليستێن جودا يا بۆ فوئاد حسێن دابين كرن، هه‌موو ژى دزانن قووناغا بهێت پێدڤى ب به‌ربژاره‌كێ ب هێز و پاقژ هه‌يه و بشێت ئه‌ركێن خوه يێن دستوورى بجهـ بگه‌هينيت”.
گۆتژى: “دانوستاندن يا به‌رده‌وامه ژ بۆ وێ چه‌ندێ كو لايه‌نێن سياسى ب به‌ربژاره‌كى بچنه هه‌لبژارتنا سه‌رۆك كۆماريا عيراقێ ب پشته‌ڤانيا لايه‌نێن كوردستانى و لايه‌نێن دى يێن عيراقى”.
ئه‌ڤى ئه‌ندامێ جڤاتا نوونه‌ران ل سه‌ر فراكسيۆنا پارتى ديموكراتى كوردستان ئاشكه‌را ژى كر كو هه‌لبژارتنا سه‌رۆك كۆماريا عيراقێ دێ به‌رى ب دووماهى هاتنا ژڤانێ وێ يێ قانوونى بيت كو دبيته 3ى چريا ئێكێ”.
ئه‌ڤرۆ نيوز:
د روونشتنا ئه‌ڤرۆ يا جڤاتا نوونه‌رێن عيراقێ دا، محه‌مه‌د حه‌لبۆسى، سه‌رۆكێ جڤاتا نوونه‌رێن عيراقێ رۆژا 2ى چريا ئێكێ وه‌كو دووماهى ژڤان بۆ سه‌رۆك كۆمارێ عيراقێ هاته دياركرن.
به‌يار تاهر دۆسكى، ئه‌ندامێ فراكسيۆنا پارتى ل جڤاتا نوونه‌رێن عيراقێ بۆ ئه‌ڤرۆ نيوز گۆت: “سه‌رۆكێ جڤاتا نوونه‌ران ئه‌ڤرۆ 2ى چريا ئێكێ وه‌كو ژڤان هه‌لبژارتنا سه‌رۆك كۆمارێ عيراقێ دياركر”.
به‌رى نيڤرۆيا ئه‌ڤرۆ 25ى ئيلۆنا 2018ێ ب ئاماده‌بوونا وه‌زيرێ ساخله‌ميێ و وه‌زيرێ ئاڤه‌دانكرن و وه‌زيرێ ژێده‌رێن ئاڤێ ل عيراقێ روونشتنا جڤاتا نوونه‌رێن عيراقێ ده‌سپێكر.
ب گۆره‌يى كارنامێ روونشتنا جڤاتا نوونه‌ران بۆ پرسيا ره‌وشا پارێزگه‌ها به‌سرا و راپۆرتا ئه‌ندامێن جڤاتێ يێن سه‌ره‌دانا وى باژێرى كرى بوو ل گه‌ل دانوستاندن ل سه‌ر لژنێن هه‌رده‌مى يێن جڤاتا نوونه‌رێن عيراقێ.
ئەڤرۆ نیوز، نەوزاد ھلۆری:
تیمەکا نەتەوێن ئێکگرتی ب مەرەما چاڤدێریکرنا ھەلبژارتنێن پەرلەمانێ کوردستانێ گەھشتە ھەرێما کوردستانێ، بریارە ڤان دو روژێن بھێت سەرەدانا پارێزگەھا دھۆکێ ژی بکەت.
عەلی بەندی بەرپرسێ ئوفیسا دھۆک یا کومسیونا بلند یا سەربخوەی یا ھەلبژارتن و راپرسیێ بۆ ئەڤرۆ نیوز گۆت: (تیمەکا نەتەوێن ئێگرتی ب مەرەما چاڤدێریکرنا پرۆسا ھەلبژارتنێن پەرلەمانێ کوردستانێ گەھشتە ھەرێما کوردستانێ و سەرەدانا بارەگایێ سەرەکیێ کومسیۆنا بلندا یا سەربخوەیا ھەلبژارتن و راپرسيێ ل ھەرێما کوردستانێ ل ھەولێرێ کر و بریارە سەرەدانا پارێزگەھا دھۆکێ ژی بکەت).
زێدەتر گۆت: (ئەڤ تیمە وەکو ھەر تیم و رێکخراوەکا دی، دێ ب ئەرکێ چاڤدێریکرنا پرۆسا ھەلبژارتێن پەرلەمانێ کوردستانێ رابن کو بریارە ل 30ێ ئیلونێ برێڤە بچن).
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ رۆژا سێشه‌مبى 25ى ئيلۆنێ، روونشتنا ئاسايى يا جڤاتا نوونه‌رێن عيراقێ ده‌سپێكر و ته‌وه‌رێ ئێكێ دانوستاندنه ل سه‌ر ره‌وشا به‌سرا و ته‌وه‌رێ دويێ ژى به‌حسكرنا لژێن هه‌ميشه‌يى يێن جڤاتا نوونه‌رانه.
ب گۆره‌يى كارناما روونشتنا جڤاتا نوونه‌رێن عيراقێ روونشت يا تايبه‌ته ب دانوستاندنا ل سه‌ر بابه‌تێ پێكئينانا لژنێن هه‌رده‌مى ل جڤاتا نوونه‌ران و به‌حسكرنا راپۆرتا وێ لژنا سه‌ره‌دانا باژێرێ به‌سرا كرى.
هندرين له‌زگين دۆسكى، ئه‌ندامێ فراكسيۆنا پارتى ل جڤاتا نوونه‌ران بۆ ئه‌ڤرۆ نيوز گۆت: “روونشتنا جڤاتا نوونه‌ران يا به‌رده‌وامه و ته‌وه‌رێ ئێكێ يێ تايبه‌ت بوو ب دانوستاندن ل سه‌ر راپۆرتا شاندێ سه‌ره‌دانا پارێزگه‌ها به‌سرا كرى و دابينكرنا خزمه‌تگۆزاريان ل وى باژێرى ب ئاماده‌بوونا وه‌زيرێ ساخله‌ميێ و وه‌زيرێ بنه‌جهكرن و ئاڤه‌دانكرنێ و وه‌زيرێ ژێده‌رێن ئاڤێ و چار رێڤه‌به‌رێن گشتى”.
ئاشكه‌را كر كو ته‌وه‌رێ دويێ ژى يێ گرێدايى دانا لژنێن هه‌رده‌مى يێن جڤاتا نوونه‌رێن عيراقێ يه كو 26 لژنه‌نه و گۆت: “هێشتا ئه‌ڤ بابه‌ته ئێكلا نه‌بوويه كا دێ ژمارا ڤان لژنان هێته زێده‌كرن يان كێمكرن يان ژى دێ وه‌كو خوه مينن”.
ئه‌ندامێ جڤاتا نوونه‌ران دا زانين ژى كو گوهۆڕين د ڤان لژنان دا ب گۆره‌يى په‌يره‌وێ ناڤخۆ يێ جڤاتا نوونه‌رايه و ئه‌وان مافێ كمكرن و زێده‌كرنا ڤان لژنان يێ هه‌يى.
هندرين له‌زگين دۆسكى ئاماژه ب وێ چه‌ندێ ژى كر كو هێشتا نه‌هاتيه ئێكلاكرن كا دێ فراكسيۆنێن كوردى چه‌ند سه‌رۆك لژنه ب به‌ر كه‌ڤن و گۆت: “ئه‌ڤه ب گۆره‌يى خالايه كو ل سه‌ر كورسيێن جڤاتێ دهێنه پارڤه‌كرن و هه‌ر ده‌مێ ژمارا لژنا هاته دياركرن ل وى ده‌مى دێ زانن كا دێ لايه‌نێن كوردى چه‌ند كورسى ب به‌ر كه‌ڤن”.
نه‌ڤه‌شارت ژى كو هه‌تا نوكه لايه‌نێن كوردستانى خوه ل سه‌ر سه‌رۆكاتى و جێگر و بڕيارده‌رێن لژێن هه‌رده‌مى يێن جڤاتا نوونه‌رێن عيراقێ ئێكلانه‌كريه و ب دوور ژى زانى كو ئه‌ڤرۆكه رێكه‌فتن ل سه‌ر دانانا لژنێن هه‌رده‌مى يێن جڤاتا نوونه‌رێن عيراقێ بهێته كرن.
ئەڤرۆ نیۆز، قائید میرۆ:
سیاسەتمەتدارەکێ کورد داخواز دکەت، کوردان ئێک بەربژێر بۆ وەرگرتنا پۆستێ سەرۆک کۆماری ھەبیت و دبێژیت، پێدڤی بو ڤێجارێ کورد پۆستێ سەرۆکێ پەرلەمانی وەربگرن.
دکتۆر مەحموود عوسمان، سیاسەتمەتدارێ کورد بۆ ئەڤرۆ نیۆز دیارکر” پۆستێ سەرۆک کۆمارێ عێراقێ ئەف دەستھەلات نینە یێن سەرۆک وەزیر و سەرۆکێ پەرلەمانێ عێراقێ ھەنە، لەوڕا پێدڤی بو کورد ڤێجارێ ل شوونا پۆستێ سەرۆک کۆماری پۆستێ سەرۆکێ پەرلەمانێ عێراقێ بدەستڤە بینن.
دکتۆر مەحموود عوسمان گۆتژی” مادەم کورد ھەردێ پۆستێ سەرۆک کۆماری وەرگرن، دخوازم ھەموو لایەنێن سیاسی بگەھنە رێکەفتنێ کوردان ئێک بەربژێر ھەبیت بۆ وەرگرتنا پۆستێ سەرۆک کۆماری و نابیت چەند کەسەک بھێنە بەربژێرکرن، بتایبەتی پارتی و ئێکەتی بگەھنە رێکەفتنێ.
ھەتا نوکە بۆ بدەستڤە ئینانا پۆستێ سەرۆک کۆمارێ عێراقێ ھژمارەک کوردان خوە بەربژێرکریە و پارتی دیموکراتی کوردستانژی دکتۆر فوئاد حوسێن سەرۆکێ دیوانا سەرۆکایەتیا ھەرێما کوردستانێ بەربژێرکریە.
نيشاندان