ئه‌ڤرۆنيوز:

به‌رپرسێ فه‌رمانگه‌ها ئاڤێ ل ده‌ڤه‌را قه‌لادزێ ئاشكرا كر كو زێ بچووك كو دابينكه‌رێ ئاڤا ڤه‌خوارنێ يا وه‌لاتيێن سنورێ وێ قه‌زايێ يه‌ ب تمامى يێ هشك بووى.

محه‌مه‌د حه‌سه‌ن، به‌رپرسێ فه‌رمانگه‌ها ئاڤێ ل قه‌لادزێ بۆ باسنيوز گۆت” پشتى گرتنا ئاڤا زێ بچووك ژلايێ ئيرانێ ڤه‌ كو ئاڤا ڤه‌خوارنێ يا 82 هزار وه‌لاتيێن ئاكنجى ل قه‌زا قه‌لادزێ دابين دكه‌ت، نوكه‌ ئه‌و ئاڤا گه‌له‌ك كێم ئه‌وا پشتى گرتنا وێ به‌رد ددا، ئه‌وژى نه‌مايه‌ وب تمامى يا هشك بووى”.

گۆت ژى” ئه‌وا ماى تنێ ئاڤا هنده‌ك كانيا وژێده‌رێن ناڤخوه‌يا سنورێ قه‌زا پشده‌ره‌ كو رێژه‌كا كێم يا ئاڤێ يه‌ ورۆژانه‌ پشكنينان بۆ ئه‌نجام دده‌ن وپاشى ل سه‌ر وه‌لاتيان به‌لاڤ دكه‌ن”.

ناڤبرى داخواز ژلايه‌نێن په‌يوه‌نديدار كر ل دووڤ ڤێ كێشێ بهێن، به‌روڤاژى دبيت ئه‌و ئاڤا كو ماى ژى تنێ هه‌يڤه‌كا دى بمينيت وژێده‌رێن وێ رێژا ئاڤێ ژى هشك ببن.

ئه‌ڤرۆنيوز:

جێگرێ سكرتێرێ گشتيێ ئێكه‌تى نيشتمانى كوردستان، كوسره‌ت ره‌سول، ب تۆمه‌تا ناڤزراندنێ ب ئێكه‌تيێ، سكالايێ ل سه‌ر ده‌زگه‌هه‌كێ راگه‌هاندنێ يێ بزاڤا گۆران تۆمار دكه‌ت.

ئاكۆ حه‌مه‌ كه‌ریم، رێڤه‌به‌رێ گشتيێ كه‌نالێ KNN  ل به‌رپه‌رێ خوه‌ ل سه‌ر تۆرا جڤاكى يا فه‌يسبووكى به‌لاڤكر” ل ده‌مه‌كى مه‌ چاڤه‌رێ وێ چه‌ندێ دكر په‌يوه‌نديێن ئێكه‌تيێ وگۆران ئاسايى ببن وتۆمه‌تبارێن هێرشكرنا ل سه‌ر گرده‌ك ومه‌كۆيێ سه‌ره‌كى يێ گۆران بهێنه‌ دادگه‌هكرن وسزادان، ژلايێ دادگه‌ها سلێمانيێ ڤه‌ هاتينه‌ ئاگه‌هداركرن كو ئێكه‌تيێ ب ناڤێ كوسره‌ت ره‌سول، جێگرێ سكرتێرێ گشتيێ ئێكه‌تيێ سكالا ل سه‌ر من وه‌كو رێڤه‌به‌رێ گشتيێ KNNو رێڤه‌به‌رێ گۆمپانيا وشه‌ تۆماركريه‌ وپێدڤيه‌ ل رۆژا 2/10/2018 ل به‌رده‌م دادگه‌هێ به‌رهه‌ڤ ببين”.

گۆت ژى” سكالايا ئێكه‌تيێ ل سه‌ر وێ چه‌ندێ كو كه‌نالێ KNN ل شه‌ڤا 12/5/2018 ناڤزراندن ب ئێكه‌تيێ كريه‌ وبه‌لاڤكريه‌ كو ئێكه‌تيێ سه‌خته‌كارى كريه‌ وده‌ستكارى دده‌نگان دا كريه‌”.

ئه‌ڤرۆنيوز:

سه‌رۆك مه‌سعود بارزانى ئه‌ڤرۆ ئه‌ينيێ 7/9/2018 پێشوازى ل خه‌ميس خه‌نجه‌ر، سه‌رۆكێ ليستا ( المشروع العربي) وشانده‌كێ دگه‌لدا كر كو پێكهاتبوو ژ جه‌مال كه‌ربولى وهژماره‌كا سه‌ركرده‌ ونوونه‌رێن نوو هه‌لبژارتى دجڤاتا نوونه‌رێن عيراقێ دا.

دكۆمبوونه‌كێ دا دووماهى پێشهاتێن سياسى وگوهۆرينێن دهه‌ڤكێشێن گرێداى ب دامه‌زراندنا حوكمه‌تا نوو يا عيراقێ هاتنه‌ به‌حسكرن ودووپاتى ل زێده‌تر بزاڤان بۆ دامه‌زراندنا حوكمه‌تێ هاته‌ كرن ب مه‌ه‌رما چاره‌سه‌كرنا كێشێن وه‌لاتيان ودابينكرنا خزمه‌تگوزاريان.

ديسا رۆناهى هاته‌ خستن ل سه‌ر روودانێن باژێرێ به‌سرا ونه‌رازيبوونێن خه‌لكێ وهاته‌ دووپاتكرن كو پێدڤيه‌ ب زووترين ده‌م داخوازى ومافێن خه‌لكێ به‌سرا بهێنه‌ بجهئينان.

ئه‌ڤرۆنيوز:

په‌رله‌مانتاره‌كێ گۆران ئاشكراكر كو فراكسيۆنا گۆران ل په‌رله‌مانێ كوردستانێ يا ئاماه‌يه‌ پرۆژه‌ قانوونا درێژكرنا ژيێ په‌رله‌مانێ كوردستانێ ئاراسته‌ى سه‌رۆكاتيا په‌رله‌مانى بكه‌ت وپاشى بريارا ل پاشخستنا هه‌لبژارتنێن په‌رله‌مانێ كوردستانێ بهێته‌ دان كو برياره‌ ل 30 ڤێ هه‌يڤێ بهێنه‌ ئه‌نجامدان.

به‌هار مه‌حمود، ئه‌نداما په‌رله‌مانێ كوردستانێ ژ فراكسيۆنا گۆران بۆ ده‌نگێ ئه‌مريكا گۆت” هه‌كه‌ لايه‌نێن سياسى يێن كوردستانێ رێكبكه‌ڤن ل سه‌ر پاشخستنا هه‌لبژارتنان، ئه‌م دێ پرۆژه‌ قانوونا درێژكرنا په‌رله‌مانى دده‌مێ 30 خۆله‌كان دا به‌رهه‌ڤ كه‌ين وئاراسته‌ى سه‌رۆكاتيا په‌رله‌مانى كه‌ين”.

ئاماژه‌ دا” هه‌كه‌ هات وهه‌لبژارتن هاتنه‌ پاشخستن، پێدڤيه‌ گوهۆرين دحوكمه‌تا نوكه‌ دا بهێته‌ كرن وحوكمه‌ت بهێته‌ بچووكرن”.

ئه‌و داخۆيانيا په‌رله‌مانتارا گۆران دده‌مه‌كى دايه‌ كو پێشتر شوره‌ش حاجى په‌يڤدارێ فه‌رمى يێ بزاڤا گۆران داخوازا پاشخستنا هه‌لبژارتنا په‌رله‌مانێ كوردستانێ كربوو.

ئه‌ڤرۆنيوز:

به‌ربرسێ ده‌سته‌يا كارگێريا مه‌كته‌با سياسى يا ئێكه‌تى نيشتمانى كوردستان، مه‌لا به‌ختيار، داخوازه‌ك بۆ نه‌ به‌رده‌واميا خوه‌ د سه‌رۆكاتيا شاندێ ئێكه‌تيێ يێ دانوستاندنكار ل به‌غدا پێشكێشى مه‌كته‌با سياسى دكه‌ت.

دنامه‌كێ دا بۆ جێگرێ سكرتێرێ گشتيێ ئێكه‌تى نيشتمانى كوردستان، ل دووڤ شه‌فه‌ق نيوز، مه‌لا به‌ختيار ئه‌ڤ داخوازيه‌ پێشكێش كريه‌، بێ كو ئه‌گه‌ران ديار بكه‌ت.

دهێته‌ زانين پارتى ديموكراتى كوردستان وئێكه‌تى نيشتمانى كوردستان شانده‌كێ هه‌ڤپشك دروستكربوو بۆ دانوستاندنێ ل دۆر پێكئينانا حوكمه‌تا نوو ل به‌غدا وچه‌ندين جاران وى شاندێ هه‌ڤپشك سه‌ره‌دانا به‌غدا كريه‌ ول گه‌ل لايه‌نين سياسى يێن عيراقى كۆمبوويه‌.