ئه‌ڤرۆ نيوز:

قایمقامی قەزا شنگال دیارکر، گۆھۆرینا دیموگرافی ژی ل سەر ‏بنەمایێ بەرنامێ دوور و درێژ دھێتە کرن، ژ مێژەیە دەست ‏بجھئێنانا بەرنامێ گوھۆڕینا دیموکرافیا شنگال ھاتیە کرن، ‏وخیانەتا 16 ئۆکتۆبەرێ ڕێ خوشکرن دووبارە دەست ب ‏گوھۆرینا دیموکرافیا شنگال بھێتە کرن.‏

مەحما خەلیل، قایمقامی قەزا شنگال بۆ ئەڤرۆ گۆت: گوھۆڕینا ‏دیموگرافی ژی ل سەر بنەمایی بەرنامێ دوور ودرێژ دھێتە کرن ‏ژ مێژەیە دەست بجە ئێنانا بەرنامێ گوھۆڕینا دیموگرافیا شنگال ‏ھاتیە کرن، وخیانەتا 16 ئۆکتوبەری ری خوشکر دووبارە دەست ‏ب گوھۆڕینا دیموگرافیا شنگالێ بھێتە کرن، نوکە پێنگاڤ ئێکێ دا ‏ژی ناھێلن دامودەزگەھێن شەرعیی ل شنگال کارێ خوە ‏ئەنجامبدەن، ئەڤ ژی بۆ ھندێ یە ئەو دووڤ حەز وڤیانا خوە ‏پلانێن خوە گوھۆڕینا دیموگرافیی ل شنگال بجھبینن یا دووێ ژی ‏ئینانا عەرەبان بۆ دەڤەرا شنگال بتایبەتی ژی ئەو عەرەبین ‏گونەھبار و دەست کوشتن ورەڤاندنا خەلکێ شنگالێ دا ھەی.‏

ئاماژە دا وی چەندی ژی کو ئەو عەرەب بووینە داعش دچوو ‏دەرگەھێن ئێمناھیی را دەرباز نەبوویە ئەو عەرەب بوونە ‏تیرۆرستێن داعش وسنۆری عیراقی و سوریا ڤەکرن، شەر کرن ‏وخەلکی سڤیل کوشتن وگرتن ورەڤاندن ودەمێ تیرۆرستێن ‏داعش ژی ھاتینە شکاندن ئەو عەرەب وی سنۆری را رەڤین ‏چوونە سوریا پشتی 16 ئۆکتۆبەرێ ئەو داعش جارەکا دێ ‏سنۆری عیراقی وسوریا را زڤرینە دەڤەرا شنگال بێ دەرگەھیێن ‏ئێمناھیی را بھێن وپیرابوون ل گەل وان عەرەبێن بووینە داعش ‏بھێنە وەرگرتن ئەو تیرۆرست زڤرینە سەر مال و حالی خوە ل ‏دەڤەری.‏

ھەروەسا ناڤبری ئاشکرا کر، خەلکی شنگال سکالا ئێکی ‏تۆماربکەن دێ ل سەر حەیدەر عەبادی بیت، چونکی شنگال ‏بەرنامێ ھاتنا حەشدا شەعبی دا نەبوویە ئەو ئەگەر بوویە ‏حەشدا شەعبی بھێـە شنگالێ دا وشنگال داگیر بکەت، ل 16 ‏ئۆکتۆبەرێ و دەم دێ ھێت خەلکی شنگال دێ سکالایی تۆمارکەن ‏ھەکە ھات یاسا پشتەڤانیا مە بکەت، دی دەست ب تۆمارکرنا ‏سکالایێن خوە کەین.‏

زێدەتر گۆت: ئاوارێن ئێزدی نازڤرن چونکو رەوشا ئەمنی یا ‏باش نینە وکەرامەتا خەلکێ نەیا پاراستی یە ل شنگال و ‏خزمەتگوزاری نینن ورێزگرتن نینە ئارامانجێن سیاسی ل شنگال ‏ھەنە وتیرۆرا ھزری و تیرۆرا سیاسی ل شنگال ھەیە ئەو ھیزێن ‏عەرەبان ل دەڤەرا شنگال بووینە ھیلینا تیرۆرستێن داعش ‏وپشتەڤانیێن داعش بووینە یێن ڤەگەرنە سەر مال و حالی خوە ‏وھەولدان ھەنە گوھۆڕینا دیموگرافی ل شنگال دووبارە بکەن، ‏ئەو گوھۆڕینا دیموگرافی ژی ل شنگال پلان پێ ھاتیە دانان ئەڤە ‏ژی درێژپێدانا خیانەتا 16 ئۆکتۆبەرێ بوویە پشتی روودانێن ‏‏16 ئۆکتۆبەرێ دووبارە وچار بارە بەرنامی ئێران وملیشاتان ‏وبەرنامێ شوفینیات وتەعریب ل دەڤەرا شنگال دووبارە دبیت ‏خیانەتا 16 ئۆکتۆبەری تەعریبکرنا شنگال دووبارە کریە یێ ‏کاردکەن مللەت ل شنگال نەمینت و خەلکی شنگال دژیانەکا ‏زەحمەت دایە ئەڤە چار سالن نەشێن ڤەگەرن چوو رێزگرتن ل ‏خەلکێ شنگال ناھێتە گرتن وناھێلن دام ودەزگەھێن شەرعیی ل ‏شنگال کاری خوە ئەنجام بدەن.‏

ئەڤرۆ نيوز:‏

ئەندامەکێ خولا بەرێ یا پەرلەمانێ عیراقێ ئاشکراکر کو لاوازترین ‏خالا کوردان ل بەغدا پارچە پارچا بوونا کوردانە ، پارتی بەردەوام یا ‏پێنگاڤا بۆ ئێکگرتنا کوردان ل بەغدا دھاڤێژیت، مەزنترین کارتا فشارێ ‏یا کوردان ل سەر بەغدا ریفراندوومە، دڤێت عەرەب ھزرەکێ بۆ ‏ریفراندوومێ بکەن.‏

رێناس جانو، ئەندامێ خولا بەرێ یا پەرلەمانێ عیراقێ بۆ رۆژناما ‏ئەڤرۆ گۆت: ھێشتا دەم نەھاتیە جوداھیێ دناڤبەرا حوکمەتا داھاتی ل ‏گەل حوکمەتێن بوری بکەین، چنکو ھەر جار ھەلسنگاندنا مە ل گەل ‏حوکمەتێن عیراقێ ل سەر بریارێن حوکمەتێ یە و سوزێن حوکمەتێ، ‏ھەکە ب سوزا بیت کەسەکێ ھندی مالکی و عەبادی سوز نەدابوونە ‏کوردان، حەیدەر عەبادی بەرنامێ خوە دا دیارکر بوو کو ماوێ شەش ‏ھەیڤا ھەتا سالەکێ مادێ 140 بھێتە بجھئینان و ماوێ شەش ھەیڤان ‏دا کێشێن دناڤبەرا ھەرێما کوردستانێ و بەغدا دا بھێنە چارەسەکرن، ‏پشتی شەش ھەیڤان کێشە ھەموو ئالوزتر لێ ھاتن و باشتر لێ نەھاتن، ‏ھەتا کریارێن حوکمەتێ نەھێنە دیتن جوداھی ناھێتەکرن.‏

رێناس جانو ئەو ژی گۆت: پێدڤی یە ھەر تشتەکێ ل گەل ڤێ ‏حوکمەتێ بھێتەکرن دڤێت ب نڤسین و ئیلزامی بھێتەکرن و ھەکە ب ‏نڤسین ئیلزامی نەبیت دێ ھەما سوزێن بەرێ بن، بۆ چارەسەرکرنا ‏کێشێن ھەرێما کوردستانێ و بەغدا پێشنیارا من بۆ سەرکرداتیا ‏کوردستانی ئەوە لایەنێ سیێ دناڤبەرا ھەرێما کوردستانێ و بەغدا دا ‏ھەبیت وەک دیدەڤان، ھەمبەر پرسیارەکا رۆژناما ئەڤرۆ ل دور ‏بەرھەڤیێن حوکمەتا بەغدا و رازیبوون ل سەر بەرھەڤبوونا لایەنێ ‏سیێ ل دانوستاندنێن دروست بوونا حوکمەتا نوو دا، جانویی گۆت: ‏ھەکە حوکمەتا بەغدا رازی نەبیت ئالیێ سیێ بەرھەڤی دانوستاندنا ‏بیت وێ گاڤێ دێ ئنیتێن وێ نەباش بن و دێ دیاربن.‏

ھەمان ئەندامێ خولا بوری یا پەرلەمانێ عیراقێ ئاماژە کرە وێ ‏چەندێ کو کەسایەتیا سەرۆک وەزیرێن عیراقێ کەساتیەکا رحەت و بێ ‏منەتە ژ موزایداتێن سیاسی و کەساتیەکا سەربەخۆ یە، لێ عەرەبە و ‏شیعە و ھەکە ل دووڤ قوتابخانا بەری و نوکە بیت جوداھی دناڤبەرا ‏وان دا نابیت، ھەکە ل دووڤ کەساتیا خوە دا کار بکەت باوەرکەم دێ ‏جوداھی ھەبیت.‏

رێناس جانو ئەو ژی ئاشکراکر کو مەزنترین کارتا فشارێ کوردان ل ‏سەر بەغدا ھەی ریفراندوومە، دڤێت عەرەب ھزرەکێ بۆ ریفراندوومێ ‏بکەن.‏
رێناس جانو بەحسێ ئێکرێزیا کوردان کر ل بەغدا و گۆت: لاوازترین ‏خالا کوردان ل بەغدا پارچە پارچا بوونا کوردانە، ھەمبەر زڤراندنا ‏سەنگا کوردان یا جاران ل بەغدا، ناڤبری ئاماژە کرە وێ چەندێ ھەموو ‏پێکڤە ھەکە دئێکگرتی نەبن نەشێن سەنگا جاران یا کوردان ڤەگەرینە ‏ڤە، ژلایێ پارتی ڤە بەردەوام پێنگاڤ بۆ ئێکگرتنا کوردان ل بەغدا ‏دھێنە ھاڤێتن و نەرماتیا پارتی بەرامبەر ھەلویستێن لاوازێن ھندەک ‏پارتان بۆ وێ مەرەمێ یە کورد ئێک رێز و ئێک ھەلویست بن، ھەمبەر ‏وەرگرتنا پوستێ وەزارتەکا سیادی ژی، ھەمان ئەندامێ پەرلەمانی ‏دیارکر کو ھەتا نوکە دیارنەبوویە کا کورد دێ کیش پوستێ وەزارەتا ‏سیادی ل حوکمەتا داھاتی یا عیراقێ وەرگرن.‏