ئەڤرۆ نیوز، عەزیز ھەورامی:
پارتی دیموکراتی کوردستانێ وەک سەرکەفتیا ئێکێ د ھەلبژارتینَ بوری یێن پەرلەمانێ کوردستانێ دا نوکە دەست ب دانوستاندنان کریە دگەل لایەنێن سیاسی بۆ پێکئینانا حکومەتا نوو یا ھەرێما کوردستانێ، ئەندامەکێ خولا بەری نوکە یێ پارتی دیارکر سەردەمێ حکومەتا بنکە فراوان و پێنجی ب پێنجی نەمایە.
زێدەتر فازل بەشارەتی بۆ ئەڤرۆ نیوز راگەھاند پارتی بەری نوکە د بانگەشەیا ھەلبژارتنان دا سوز دایە خەلکێ خوە حکومەتەکا بھێز دروست بکەت و ھەر حزبەکا حەز ھەبیت پشکداریێ د ڤێ حکومەتا نوو دا بکەت پێدڤیە پێگیریێ ب کارناما حکومەتێ بیت.
ناڤھاتی ئەو چەندە ژی دیارکر نوکە پارتی ٤٥ کورسیێن پەرلەمانی دەستخوە ڤە ئیناینە و ھەمی بزاڤێن وێ دێ ئەوبن حکومەتەکا خزمەتگوزاری بۆ خەلکێ کوردستانێ دروست بکەن ل ماوێ بھێت و ھەر حەزبەک بھێـت پشکداریێ بکەت و وەزارەتەکێ وەرگریت پێدڤیە ل دووڤ کارناما حکومەتێ کار بکەت نەکو پشتی ب دووماھی ھاتنا دەواما فەرمی بنە ئوپوزوسیون و کێەشیان مەزنتر لێبکەن.

ئه‌ڤرۆ نيوز:

دادگه‌ها مافان ل ئورۆپا بڕيارا ئازادكرنا ده‌ميرتاش ده‌ركر

پارێزه‌رێ ده‌ميرتاش ئاشكه‌را كر كو دادگه‌هكرنا ده‌ميرتاش دژى قاوونێن نێڤده‌وله‌تى و توركيايه‌ و پێدڤيه‌ زوو بهێته‌ ئازادكرن.

ئەڤرۆ نیۆز، هۆشەنگ تاجر:

بایرام ئینجە ئێک بەرپرسێن هەدەپێ ژ ئامەدێ بۆ رۆژناما ئەڤرۆ دیار کر کو د کۆمبوونا سەرکردایەتیا هەدەپێ دا یا بۆ دەستنیشانکرنا بەربژاران بۆ پۆستێ هەڤسەرۆکاتیا باژێرڤانیێن باکورێ کوردستانێ گەلەک ژ سەرکردێن هەدەپێ پێشنیاز کرینە کو سەلاحەدین دەمیرتاش بۆ هەڤسەرۆکاتیا باژێرڤانیا مەزن یا ئامەدێ بهێتە بەربژارکرن و گۆت: (راستە نها دەمیرتاش ل زیندانێ دایە، لێ چو ئاستەنگیێن قانوونی ل هەمبەر بەربژارکرنا وی نینن و هەدەپە دخوازیت ب بەربژارکرنا دەمیرتاشی رێژەکا باش یا دەنگان ژی بدەستڤە بینیت).

ئەو یەک د دەمەکێ دایە کو بەری چەند رۆژان سەلاحەدین دەمیرتاش هەڤسەرۆکێ بەرێ یێ هەدەپێ کو نها ل زیندانێ یە دیار کربوو کو ئەو خوە بۆ چو پۆست و ئەرکەکێ دی بەربژار ناکەت، چونکو حوکمەتا تورکیا دخوازیت قەدەغەیا سیاسی دانیتە سەر من دا ب چو رەنگەکێ کارێ سیاسی نەکەم.