ئه‌ڤرۆنيوز:
ئێڤاريا ئه‌ڤرۆ شه‌مبيێ 1/9/2018 شاندێ بلند يێ هه‌ڤپشك يێ پارتى وئێكه‌تى ب سه‌ره‌دانه‌كێ گه‌هشته به‌غدا وپشتى گه‌هشتنا وان سه‌ره‌دانا مالا فوئاد مه‌عسووم سه‌رۆك كۆمارا عيراقێ كر وكۆمبوون دگه‌لدا ئه‌نجامدا.
ژێده‌رين ئاگه‌هدار ئاماژه دان كو ل ده‌ستپێكێ شاندێ پارتى وئێكه‌تى ل گه‌ل فوئاد مه‌عسووم سه‌رۆك كۆمارا عيراقێ دێ كۆمبوون، ئه‌ڤه ژى وه‌كو به‌رهه‌ڤيه‌ك بۆ پشكداريا وان دچه‌ندين كۆمبوونێن دى ل گه‌ل ليستێن سه‌ركه‌فتى دهه‌لبژارتنان دا، ب مه‌ره‌ما پێكئينانا مه‌زنترين هه‌ڤپه‌يمانيا په‌رله‌مانى كو دێ بيته هێڤێنێ پێكئينانا حوكمه‌تا عيراقى يا داهاتى.
سه‌عدى ئه‌حمه‌د پيره، په‌يڤدارێ مه‌كته‌با سياسى يا ئێكه‌تيێ راگه‌هاند” ئه‌ندامێن ئێكه‌تيێ دوى شاندێ هه‌ڤپشك دا پێكهاتينه ژ مه‌لا به‌ختيار به‌رپرسێ ده‌سته‌يا كارگێريا مه‌كته‌با سياسى وفرياد ره‌واندۆزى وخالد شوانى ئه‌ندامێن سه‌ركردايه‌تيێ”.
هه‌روه‌سا ئه‌ندامێن پارتى دشاندێ هه‌ڤپشك دا پێكهاتينه ژ فازل ميرانى سكرتێرێ مه‌كته‌با سياسى وجه‌عفه‌ر ئێمينكى ئه‌ندامێ مه‌كته‌با سياسى وفوئاد حسێن وبه‌نگين عه‌لى.
نيشاندان
