ئه‌ڤرۆنيوز:

جڤاتا ئاسايشا هه‌رێما كوردستانێ ئامارا هێرشێن چه‌كدارى وكرژيێن ل ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ پشتى 16 ئوكتۆبه‌رێ وهه‌تا نوكه‌ به‌لاڤ دكه‌ت.

ئه‌ڤرۆ دوشه‌مبى 10/9/2018 جڤاتا ئاسايشا هه‌رێما كوردستانێ، ل به‌په‌رێ خوه‌ ل تۆرا جڤاكى يا تويته‌رى دچه‌ند تويته‌كا دا به‌لاڤكر كو 700 پێكدادانێن چه‌كدارى وته‌قين پشتى 16 ئوكته‌به‌را 2017 هه‌تا ئه‌ڤرۆ 10/9/2018 ل ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ رووداينه‌.

دياركر ژى كو ل هه‌يڤا ته‌باخا بۆرى زوورترين رووداو تێدا هاتينه‌ تۆماركرن كو 80 حاله‌تێن هێرشێن چه‌كدارى وته‌قين بخوه‌ڤه‌ گرتبوو.

ئاماژه‌ دا كو ژسه‌رجه‌مێ گشتى يێ وان هێرشان 40 هێرش ب رێيا بۆمبان هاتينه‌ كرن ل سه‌ر هيزێن ئه‌منى يين عيراقى وحه‌شدا شه‌عبى ل كه‌ركووكێ وده‌ڤه‌رێن ده‌وروبه‌ر، هه‌روه‌سا 28 هێرش كو هێرشێن خوه‌كوژيێن چه‌كدارێن داعشێ بوون هاتينه‌ تۆماركرن.

ل دووڤ وان ئاماران، ب كێمى شه‌ش هێرش ل سه‌ر ويستگه وتاوه‌رێن كاره‌بێ هاتينه‌ كرن كو دئه‌نجامدا كاره‌با ده‌ڤه‌رێ هاتيه‌ برين، ئه‌ڤ هێرشه‌ ل هه‌يڤا گۆالانا بۆرى زوورترين هژمار لێ هاتينه‌ تۆماكرن.

به‌لاڤكريه‌ ژى كو هژماره‌كا حاله‌تێن كوشتنێ وهێرشان ب نارنجۆكان بۆ سه‌ر پێگه‌ ومالێن به‌رپرسێن هێزێن عيراقى وحه‌شدا شه‌عبى ووه‌لاتيێن مه‌ده‌نى ل وان ده‌ڤه‌ران هاتينه‌ تۆماكرن.

ئه‌ڤرۆنيوز:

هه‌ردو مه‌كته‌بێن سياسى يێن پارتى ديموكراتى كوردستان وئێكه‌تى نيشتمانى كوردستان به‌ياننامه‌ك ل دۆر كۆمبوونا خوه‌ يا ئه‌ڤرۆ به‌لاڤكر وراگه‌هاند، ژبۆ به‌رژه‌وه‌نديا گه‌لێ مه‌ وهه‌ستياريا ره‌وشێ، هه‌ردولا دووپاتيێ ل سه‌ر ئێك هه‌لويستيێ وپێكڤه‌كاركرنێ ل به‌غدا وكوردستانێ دكه‌ن وبۆ ڤێ مه‌ره‌مێ ژى لژنا هه‌ڤپشك دێ دپه‌يوه‌نديا به‌رده‌وام دا بيت وبه‌رهه‌ڤيێن پێدڤى ئه‌نجام ده‌ت.

مه‌كته‌بێن سياسى يێن پارتى وئێكه‌تيێ ئه‌ڤرۆ دوشه‌مبى 10/9/2018 ل پيرمام كۆمبوون وپشتى ب دووماهى هاتنا كۆمبوونێ، به‌ياننامه‌كا سێ خالى به‌لاڤكر.

دپشكه‌كا به‌ياننامێ دا هاتيه‌” هه‌روه‌كو دده‌مێ بۆرى دا ژى ب ئاشكرا مه‌ راگه‌هاندى بۆ ئيكرێزيا ناڤمالا كوردستانى وپشكداريا هه‌موو لايه‌نێن پشكدار دپرۆسا سياسى دا، داخوازا كۆمبوونه‌كا هه‌ڤپشك يا هه‌موو لايه‌نان دكه‌ين، بۆ ڤێ مه‌ره‌مێ ژى لژنه‌ك هاتيه‌ راسپاردن بۆ به‌رهه‌ڤكرنا پێدڤيێن وێ كۆمبوونێ.

شاندێ پارتى پێكهاتبوو ژ سه‌رۆك مه‌سعود بارزانى، نێچيرڤان بارزانى جێگرێ سه‌رۆكێ پارتى، فازل ميرانى، فوئاد حسێن، هوشيار زێبارى، مه‌حمود محه‌مه‌د، ئازاد به‌روارى، رۆژ نورى شاويش.

شاندێ ئێكه‌تيێ پێكهاتبوو ژ كوسره‌ت ره‌سۆل جێگرێ سكرتێرێ گشتى، سه‌عدى ئه‌حمه‌د پيره‌، حاكم قادر، عومه‌ر فه‌تاح، شوره‌ش ئيسماعيل، بافل تاله‌بانى.

ئه‌ڤرۆنيوز:

شه‌وقى كانه‌بى، ئه‌ندامێ ديار يێ به‌رێ يێ بزاڤا گۆران ل باژێرێ هه‌ولێرێ ل به‌رپه‌رێ خوه‌ ل سه‌ر تۆرا جڤاكى يا فه‌يسبووكى به‌لاڤكر، ژ ڤێ خۆله‌كێ ئه‌ز وه‌كو وه‌لاتيه‌كێ كورد پشته‌ڤانيێ ل ستراتيژيه‌تا پارتى ديموكراتى كوردستان دكه‌م بۆ باشوورێ كوردستانێ ومه‌سعود بارزانى ب سه‌رۆكێ خوه‌ ددانم.

شه‌وقى دبێژيت” پارتى تاكه‌ هێزه‌كه‌ به‌رگريێ ژ كوردان دكه‌ت ودشێت مه‌ ژدۆژمنان بپارێزيت” وئێدى ده‌مێ وێ چه‌ندێ پشته‌ڤانيێ ل ستراتيژيه‌تا بارزانى بكه‌ين ورێ نه‌ده‌ين به‌ره‌يێ ئيرانێ وحه‌شدێ وميليشيێن كوردى يێن ب سه‌ر ئيرانێ ڤه‌ كوردستانێ داگير بكه‌ن”.

ئەڤرۆ نيوز:‏

سەروکێ لیستا برایەتی و پێکڤە ژیانێ ل جڤاتا پارێزگەھا کەرکوکێ ‏دیار کر، رەوشا کەرکووکێ چۆ گوھۆرین دروست نەبۆینە ، ھێزێن ‏عیراقی ب گشتی ب ھەمو پشکێن خوە ڤە ل ناڤ کەرکوکێ دانەو رەوش ‏وەک روژا 16 ێ ئوکتوبەرێ یەو چۆ گوھۆرین دروست نەبۆین، روژانە ل ‏کەرکووکێ کورد ژ پوستێن وان دھێنە لادان و ھەتا پشکێن بچوک ژی ل ‏جھێ کوردان عەرەب تورکمان دھێنە دانان ،ب تنێ رێژەکا کێم کورد ‏ماینە لسەر پوستێن خوە ھەمو ھاتینە لادان و پتر ژ پێنجەھـ کەسا ‏پوست لێ ھاتینە وەرگرتن و عەرەب و تورکمان جھێ وان ھاتینە دانان ‏ئەڤ بریارە ھەمو کەسینە دژی کوردا چۆ بابەتا پەیوەندی ب قانونێ ‏ڤە نینە .‏

محەمەد کەمال سەروکێ لیستا برایەتی و پێکڤە ژیانێ ل جڤاتا ‏پارێزگەھا کەرکووکێ بۆ ئەڤرۆ گوت ،پارێزگەھێ سەپاندیێ ‏کەرکووکێ رولەکێ خراب دگێریت بەریا رودانێن 16 ێ ئوکتوبەرێ ‏راکان جبوری پارێزگەرێ سەپاندیێ نوکە یێ کەرکووکێ دەە سالبۆ ‏جێگرێ پارێزگەھی بۆ کوردان گەلەک باشبۆن ل گەل دا ھەتا کو کوردان ‏ئەو کرە جێگرێ پارێزگەھی، پشتی 16 ێ ئوکتوبەرێ پارێزگەھێ ‏سەپاندی پارێزگەە کریە جڤاتا عەرەبی ،تەعریب ل کەرکووکێ ‏بەردەوامە پارچە ئەردێن کوردا داگیر دکەن.‏
‏

محەمەد کەمال خویاکر ژی ، لسەر رەوشا کەرکووکێ مە نڤیسار ‏گەھاندینە کونسولخانە و بالیوزێن وەلاتان و نەتەوێن ئێکگرتی ‏بەلێ چارە سەری ئەوە ل عیراقێ حوکمەتەکا راست و ب شەراکەت و ‏نیشتیمانی بھێتە دروستکرن و پێشمەرگە ڤەگەرنەڤە کەرکووکێ، ‏ھەتا پێشمەرگە نەزڤریتەڤە کەرکووکێ کەرکوک ئارام نابیتەڤە ب ‏تنێ پێَشمەرگە دشێت کەرکوکێ پارێزیت و شەرێ داعش بکەت ، ‏پێشمەرگە ب تەمامی شیانێن شەرکرنا داعش ھەنەو فێری پلانێن وان ‏بووینە، ھەتا ھێزێن عیراقی و حەشدا شەعبی کەرکوکێ چول نەکەن ‏ناڤەگەرێنەڤە کەرکووکێ .‏