ئه‌ڤرۆنيوز:
رۆژنامه‌كا بريتانى به‌لاڤكر، وه‌زيرێ به‌رگريا ئه‌مريكى جه‌نه‌رال جيمس ماتيس ب چه‌ند هه‌ڤالێن خوه راگه‌هانديه كو سه‌رۆكێ ئه‌مريكى دونالد ترامپ وه‌كو زارۆيه‌كێ ل پۆلا پێنجێ ره‌فتارێ دكه‌ت.
رۆژناما تايمز يا بريتانى به‌لاڤكر” ترامپى وه‌زيرێ به‌رگريا خوه هاندايه بۆ كوشتنا سه‌رۆكێ سوورى به‌شار ئه‌سه‌د وترامپى پشتى هێرشا كيمياوى ل سه‌ر وه‌لاتيێن سڤيل ل سووريێ ل سالا بۆرى گۆتبوو ( هه‌موويان بكوژن).”.
دياركر ژى په‌تۆكه‌ك ل سه‌ر ڤێ چه‌ندێ به‌لاڤبوويه ووێ په‌رتوكێ دانوستاندنه‌ك دناڤبه‌را ترامپى وجيمس ماتيس پشتى وێ هێرشا كيمياوى به‌لاڤكريه وتێدا ترامپ دبێژيت ( وان هه‌موويان نه‌هێلن) به‌لێ ماتيسى گوتيه ئێك ژ هاريكارێن خوه ( دێ ب عه‌قلانه‌تر ره‌فتارێ كه‌ين) وێ رۆژنامێ دياركر كو ئه‌ڤ چه‌نده دپه‌رۆتوكا بوب وورد دا به‌لاڤبوويه كو ئه‌و ژى رۆژنامه‌ڤانه‌كه هاريكارى كربوو د ئاشكراكرنا فه‌زيحه‌تا ووترگێت دا كو بوويه ئه‌گه‌رێ ده‌ست ژكاركێشانا سه‌رۆكێ ئه‌مريكى يێ به‌رى ريتشارد نيكسون ل سالێن هه‌فتيان.
ناڤونيشانێ وێ په‌رتوكێ ( ترس: ترامپ ل كۆچكا سپى) . رۆژناما بريتانى دبێژيت كو دوێ په‌رتوكێ دا هاتيه كو جه‌نه‌رال ماتيس وه‌زيرێ به‌رگريێ ب چه‌ندين هه‌ڤال وهه‌ڤكارێن خوه گوتيه كو ترامپ وه‌كو زارۆيه‌كێ ل پۆلا پێنجێ ره‌فتارێ دكه‌ت “.
نيشاندان
