ئەڤرۆ نیوز ، زنار تۆڤی:

لدووڤ راپرسیەکێ کو ل ئەمریکا هاتیە بەلاڤکرن، 60% یا ئه‌مریكیان ژ‌ دۆنالد ترەمپێ سه‌رۆكێ ئه‌مریكا نە د رازی نە و نیڤا وان دخوازن بهێتە لادان.

د‌ راپرسیەکێدا کو ل‌ رۆژناما واشنتون پۆست و ئه‌ى بى سى نیوز هاتیە ئه‌نجامدان ب تنێ‌ 36% ژ‌ دۆنالد ترەمپی د رازینە.
د وێ راپرسیێ ‌دا كو (1003) كه‌سان پشکداری تێدا کریە دناڤبەرا 26 – 29 تاباخا بوری هاتیه ئه‌نجامدان‌، (49%) دبێژن پێدڤیە‌ كۆنگرێس ترەمپی دووربێخیت و (26%) ژی دژى هندێ نە بهێت لادان.

53% ژ وان كه‌سێن كه‌ بۆچوونا وان هاتیە وه‌رگرتن دیاردکەن کو‌ سه‌رۆكێ ئه‌مریكا كۆسپ ل ‌سه‌ر كارێن دادگەهێ دروستكرینه‌، ده‌رباره‌ى ڤەکۆلینان ژ‌ داواكارێ گشتى روبێرت مولەر سه‌باره‌ت ب‌ هەبوونا په‌یوه‌ندیا دناڤبەرا رووسیا و تیما بانگه‌شەیا دۆنالد ترەمپی، 35% دبێژن سه‌رۆكێ وان ده‌ست د ‌كاروبارێن دادگەهێ وه‌رنه‌دایه‌.

سه‌باره‌ت ب‌ پرسا ئابوورى د وی ‌راپرسیێ دا هاتیه 45% ژ ئه‌وێن بۆچوونا وان هاتیە وه‌رگرتن وەیا دیاردکەن کو‌ ئیدارا ئابوورى یا ترەمپی یا باشه‌ و 45% دبێژن یا خراپه‌.

ئەڤرۆ نيوز:
ئاژانسا رویتەرز د راپۆرتەکێ دا دیار کریە کو چەند مەھن ئیران ھژمارەکا بەرچاڤ یا سارۆخان دەربازی عیراقێ کریە و دایە ھێزێن حەشدا شەعبی و ھەروەسا ھندەک ھێزێن ئیرانێ ل عیراقێ دەست ب دروستکرنا ڤان سارۆخان کرینە و دەزگەھێن ھەوالگیریێ یێن ئەمریکا و ئیسرائیلێ ژی دووڤچوونا ڤی بابەتی کرینە.
ل دۆر ئارمانجا ئیرانێ ژی د راپۆرتێ دا ھاتیە دیار کرن کو ئیران دخوازیت ل عیراقێ و سووریێ ھێزێن گرێدای خوە ب چەکێن مەزن چەکدار بکەت و ھەکە شەرەک د ناڤبەرا ئەمریکا و ئیرانێ دا روو، دا ئەڤ ھێزە بشێن ھێرشی ئیسرائیلێ بکەن و ژ بەر ھندێ ژی ئیسرائیلێ بەری نھا ھۆشداری دابوو ئیرانێ.

ئەڤرۆ نيوز:
دوھی ب رەنگەکێ فەرمی تورکیا رێکخراوا ئەحرام شام وەکو رێکراوەکا تیرۆرستی دا نیاسین و راگەھاند کو رێکخراوا ئەحرام شام ژی وەکو داعشێ کریارێن تیرۆرستی ئەنجام ددەت و ھەر ئەندام و ئالیگرێن وان ل تورکیا ھەبن دێ ھێنە دەستەسەر کرن و وەکو تیرۆرستەکێ دێ سەرەدەری ل گەل وان ھێتە کرن.
ئەڤ پێنگاڤا تورکیا د دەمەکێ دایە کو بەری نھا تورکیا گەلەک جاران داخواز ژ وەلاتێن ئورۆپا و ئەمریکا دکر کو د کۆمبوونێن بۆ چارەکرنا قەیرانا سووریێ دا رۆلەکێ مەزن بدەنە ئەحرام شام و نھا ژی تورکیا ھەلویستێ خوە ب تەمامی ل ھەمبەر ڤێ رێکخراوێ و چەندین رێکخراوێن دی گوھۆڕیە.
د ڤێ دەربارێ دا کۆرال دوزگورەن نڤیسەر و ڤەکۆلەرێ ناڤدارێ تورکیا دیار کر کو تورکیا بەرھەڤە دەستان ژ پشتەڤانی و ھاریکاری کرنا ھەموو ھێزێن ئۆپۆزسیۆنێ ل تورکیا بەردەت و تنێ داخوازیا تورکیا ژ سووریێ و روسیا ئەڤە کو ب چو رەنگەکێ رێ نەدەن کوردێن سووریێ بگەھنە مافێن خوە و ھەرێمەکا ئۆتۆنۆمی ل سووریێ نەھێتە ئاڤاکرن، ئانکۆ بەرپرسێن تورکیا بەرھەڤن ل ھەمبەر کوردان دەستان ژ ئۆپۆزسیۆنا سووریێ بەردەن و ژ بەر ھندێ ژی نھا پێنگاڤ ب پێنگاڤ تورکیا دێ ھندەک تشتان کەت دا ل سووریێ کورد نەبنە پشکەک ژ دەستھەلاتێ، چونکو سیاسەتا تورکیا ل سووریێ تووشی شکەستنێ ھاتیە و تنێ تشتێ نھا دکەت ئەڤە کو نەھێلیت کورد بگەھنە مافێن خوە.