NO IORG
نووترين نووچه
نوچێن گرنگ

222

ئەڤرۆ نیوز:
بریارە ئەڤرۆ بەردەوامی ب یاریێن خولێن ئنگلیزی و ئیتالی و ئسپانی بھێتەدان ژ گرنگترین یاریێن ئەڤرۆکە.
خولا ئنگلیزی
دەمژمێر ٣:٣٠ مانچستەر ستی VS ھیدرسفیلد تاون
دەمژمێر ٣:٣٠ بێرنلی VS واتفورد
دەمژمێر ٦:٠٠ برایتون VS مانچستەر یونایتد

خولا ئسپانی
دەمژمێر ٧:١٥ ئیبار VS ھویسکا
دەمژمێر ٩:١٥ رایوڤالیکانو VS سڤیلیا
دەمژمێر ١١:١٥ ریال مەدرید VS خیتافی

خولا ئیتالیا
دەمژمێر ٧:٠٠ تورینو VS روما
دەمژمێر ٩:٣٠ ساسولو VS ئەنترمیلان
دەمژمێر ٩:٣٠ ئەمپولی VS کالیاری
دەمژمێر ٩:٣٠ پارما VS ئودونیزی
دەمژمێر ٩:٣٠ پولونیا VS سیال

741

ئەڤرۆ نیوز:
سەرکەفتنا شڤێدی یا بەرشەلونە ل سەر یانا دیبورتیڤو ئەلاڤیس ژ خولا ئسپانیا یا تەپاپێ، مێسی د ڤێ یاریێ دا شیا دو گۆلان توماربکەت و چار ریکوردا توماربکەت.
گۆلا ئێکێ یا مێسی ئەوا ل خولەکا ٦٤ ب رێکا فاولەکا ئێکسەر تومارکری دبیتە گۆلا ٦٠٠٠ بۆ یانا بەرشەلونە د خولا ئسپانیا دا.
ب تومارکرنا ڤێ گۆلێ مێسی ھژمارا گۆلێن خوە گەھاندنە ٤١ گۆلان ب لێدانێن فاولێن ئێکسەر ژوانا کو ٢٥ گۆل د خولا ئسپانیا دابون جودا ژ ھەڤرکێ خوە یێ پرتوگالی کرستیانو رونالدوی ئەوێ ١٩ گۆل ب رێکا فاولێن ئێکسەر د خولا لالیگا دا ھەین.
ریکوردا ژ ھەمیێ گرنگتر ئەوە مێسی شیایە ل یاریا دەسپێکا خولا ئسپانی ل پازدە سالێن بوری گۆل تومارکریە و گۆلا وی یا ئێکێ ل وەرزێ ٢٠٠٥ بوو دگەل یانا ئەلباسێتی یا گەرا ئێکێ.
دیسان گۆلا ئێکێ یا مێسی یا شڤێدی دبیتە گۆلا ٦٠٠٠ دگەل بەرشەلونە د خولا ئسپانیا دا کو بەری نوکە یا ٥٠٠٠ ژی تومارکر بوو ل سال ٢٠٠٩ب ڤێ چەندێ مێسی یاریزانێ ئێکێ یە دشێت دو جارا گۆلا ھزاری تومار بکەت دگەل ئێک یانە.

59

ئەڤرۆ نێوز ، زنار تۆڤی:

پشتی 307 رۆژان ژ داخستنا رێیا هەولێر- كەركووك جارەکا دیتر ئەو رێیە هاتە ڤەکرن، ئەو ژی ب دانانا پرەکا ئاسنی.
ئەڤرۆ ئێكشەمبی 19 تەباخێ عەبدولخالق تەلعەت رێڤەبەرێ پۆلیسێن هەولێرێ د كۆنگرەکێ رۆژنامەڤانیدا گوت، ئەڤرۆ ئەو رێیە دێ یا ڤەکری بیت، ئەڤرۆ هەتا 25 هەیڤێ ب تنێ دێ پاس و ترۆمبێلێن بچووك هاتنوچوونێ كەن.
هەروەسا نوونەرێ حوکمەتا ناڤەندی د كۆنگرێ رۆژنامەڤانیدا گوت، سەرجەمێ گشتی یێ تێچوونا ڤێ پرێ گەهشتیە 220 ملیۆن دینارێن عێراقی، نوکە هاتنوچوون ل ڤێ رێکێ یا ئاسایی یه.
عەبدولخالق تەلعەت دەربارەی بازگەهان گوت، ب تنێ دێ ئێک بازگەهێ هەڤبەش هەبیت، ل لایەکێ پرێ پۆلیسێن فیدرالی هەنە و ل لایێ هەولێرێ ژی پۆلیس و ئاسایشا هەولێرێ هەیە.
پشتی خیانەتا 16 ئۆكتۆبەرێ كو بالەکێ سەربازی یێ ئێكەتیێ ئەنجامدای 307 رۆژان رێیا هەولێر- كەركووك هاتبوو گرتن، لێ ئەڤرۆ هاتە ڤەکرن.

137

ئه‌ڤرۆنيوز:

پشتى هه‌ردو شاندێن حوكمه‌تا عيراقێ وحوكمه‌تا هه‌رێما كوردستانێ ئه‌ڤرۆ شه‌مبيێ 18/8/2018 ل سه‌ر ڤه‌كرنا رێيا كه‌ركووك – هه‌ولێرێ برياره‌ سوباهى ئێكشه‌مبى 19/8/2018 ئه‌و رێ ب شێوه‌كێ فه‌رمى بۆ هاتنوچوونێ بهێته‌ ڤه‌كرن.

بۆ ڤێ مه‌ره‌مێ ژى حوكمه‌تا عيراقێ به‌رهه‌ڤيێن خوه‌ كرينه‌ ودڤان چه‌ند وينان دا دياردبيت كو تيمێن ته‌كنيكى يێ به‌رهه‌ڤيێن دووماهيێ بۆ ڤه‌كرنا وێ رێ دكه‌ن ژ بوياغكرنا شوسته‌ى وپاقژكرنا جاده‌يان.

43322 443 322

297

ئه‌ڤرۆنيوز:

چينێ برياردا پشته‌ڤانيێ ل توركيا بكه‌ت، بۆ وێ مه‌ره‌مێ ژى 59 ملياردێرێن چينى دێ سه‌ره‌دانا ئه‌نقه‌ره‌ كه‌ن ب مه‌به‌ستا وه‌به‌رئێنانێ وئه‌نجامدانا پرۆژێن هه‌ڤپشك ل توركيا.

ده‌زگه‌هێن راگه‌هاندنێ يێن توركى ئه‌ڤرۆ شه‌مبيێ 18/8/2018 به‌لاڤكر كو سه‌رمايه‌دارێن چينى ل به‌ره‌ 15 هه‌تا 30 مليار دۆلاران ب هه‌ڤپشكى ل گه‌ل وه‌به‌رئێنه‌رێن توركى ل كه‌رتێ گشتى وتايبه‌ت وه‌به‌رئێنانێ بكه‌ن وپه‌يوه‌نديێن بازرگانى ژى پێشڤه‌ ببه‌ن.

به‌رى نوكه‌ فاتح دونماز، وه‌زيرێ وزێ وسامانێن سروشتى يێ توركى راگه‌هاندبوو” توركيا ل به‌ره‌ ب هاريكاريا چينێ ويستگه‌هێ سيێ يێ وزا ئه‌تۆمى بۆ وه‌به‌رئێنانا كاره‌بێ دابمه‌زرينيت”.

ژوان ملياردێرێن چينى ئه‌وێن دێ وه‌به‌رئێنانێ ل توركيا كه‌ن ( جاك ما ) يه‌ خودانێ كۆمپانيا عه‌لى بابا وخودانێ سايتێ كرێن وفرۆشتنێ (عه‌لى ئێكس پرێس).

343

ئه‌ڤرۆينوز:

ب ئارمانجا گرنگى دان ب كه‌رتێ وه‌به‌رئێنانێ ل هه‌رێما كوردستانێ، حوكمه‌تا هه‌رێما كوردستانێ دێ گۆژمێ 50 مليۆن دۆلاران بۆ قونته‌رچيان مه‌زێخيت تاكو سيكته‌رێ ئابوورى جاره‌كادى ڤه‌ژاندنێ بخوه‌ڤه‌ ببينيت.

لدووڤ مالپه‌رێ كوردستان تى ڤه‌، ب مه‌زاختنا 50 مليۆن دۆلارێن  قونته‌رچيان، دێ جاره‌كادى ده‌ست ب بجهئينانا پرۆژێن نه‌ تمامكرى كه‌ن كو ل ده‌مێن بۆرى سه‌رۆك وه‌زيرێن هه‌رێما كوردستانێ نێچيرڤان بارزانى راگه‌هاندبوو  كو دێ ده‌ست ب تمامكرنا پرۆژێن نه‌ تمامكرى هێته‌ كرن.

هه‌روه‌سا حوكمه‌تا هه‌رێمێ برياردايه‌ دئه‌ڤ ساله‌دا چه‌ندين پرۆژێن گرنگ ل هه‌رسێ پارێزگه‌هێن هه‌رێما كوردستانێ بجهبينيت، ژوان تمامكرنا جاده‌يا 120 مترى ل هه‌ولێرێ وتۆنێلا پيرمام وئۆتۆبانێ سلێمانيێ كو 20 خۆله‌كان رێيا دناڤبه‌را سلێمانيێ بۆ پێنجوين نێزيك دكه‌ت، هه‌روه‌سا چه‌ندين پرۆژێن گرنگ ل هه‌ولێرێ ودهۆكێ وسلێمانيێ دێ هێنه‌ بجهئينان.

1331

ئه‌ڤرۆنيوز:

شانده‌كێ پارتى ديموكراتى كوردستان بۆ پشكداريێ دكۆنگرێ شه‌شێ يێ پارتا داد و گه‌شه‌پێدان  ( ئاكپارتى) يا ده‌ستهه‌لاتدار ل توركيا، گه‌هشته ئه‌نقه‌ره‌، سكرتێرێ مه‌كته‌با سياسى يا پارتى راگه‌هاند، ئه‌م وه‌كو پارتى تاكه‌ حزبا باشوورێ كوردستانێ بووين هاتينه‌ داخوازكرن بۆ كۆنگرێ پارتا داد وگه‌شه‌پێدانێ.

ئه‌ڤرۆ شانده‌كێ پارتى ديموكراتى كوردستان ب سه‌رۆكاتيا فازل ميرانى سكرتێرێ مه‌كته‌با سياسى وهه‌ر ئێك ژ عه‌لى حسێن به‌رپرسێ مه‌كته‌با په‌يوه‌نديێن كوردستانى وعيراقى وهشيار سيوه‌يلى به‌رپرسێ مه‌كته‌با په‌يوه‌نديێن ده‌رڤه‌ يێن پارتى پشكدارى د كۆنگرێ شه‌شێ يێ پارتا داد و گه‌شپێدان ل ئه‌نقه‌ره‌ بوون.

فازل ميرانى، دكۆنگره‌كێ رۆژنامه‌ڤانى دا ل ئه‌نقه‌ره‌ گۆت” كۆنگرێ ئاكپارتى كۆنگره‌كێ باش بوو ومێهڤانێن زۆر پشكدارى تێدا كر، ئه‌م وه‌كو پارتى ديموكراتى كوردستان ته‌نها حزبا باشوورێ كوردستانێ بووين داخوازناما كۆنگره‌ى بۆ هاتى ومه‌ ژى ب خوه‌شحالى ڤى پشكدارى دوى كۆنگره‌ى دا كر”.

1074

ئەڤرۆ نیوز، زنار زوبێر:
سێ یاریزانێن یانا دھۆک یا وەرزشی سکالا ل یانا دھۆک تومارکریە و تێدا داخوازا پارێن ھەڤبەسێت خوە یێن سالێن بوری کریە، بەری نوکە ژی دادگەھێ بریارا دەستەسەرکرنا داھاتێ یانا دھۆک کربوو.
د ڤی دەربارەی پارێزەرێ یانا دھۆک یا وەرزشی موسا گەلناسکی تایبەت بۆ ئەڤرۆ نیوز ئاشکرا کر ھەتا نوکە سێ یاریزانان سکالا ل یانا دھۆک یا وەرزشی کریە و داخواز پارێ ھەڤبەستێن خوە کریە ژ یانێ و ھەتا نوکە دادگەھێ ب رێکا جێجەجێکارێ داد داھاتێ پانزینخانەیا یانا دھۆک یا وەرزشی دەستەسەرکریە و کوژمێ ٥٠ ملیۆن دیناران وەک داھاتێ سالانە ژێ وەرگرتیە و داینە یاریزانێ باسکت بۆلا یانا دھۆک یێ بەرێ خورشید جاسم و قەرێن وی خلاس بوینە.
ناڤھاتی ئەو چەندە ژی دیارکر نوکە سێ سکالایێن دی ل سەر یانا دھۆکێ ھەنە ژ وانا یێن کریا شوقەیەکێ یە ئەو ژی ئێکلا بویە بریار د بەرژەوەندیا خودانا ڤێ شوقێ دەرکەفتیە کو کریا وێ ژی یانا دھۆک ئەدا بکەت دیسان ھێشتا سکالایێن دو یاریزانێن دى باسکت بۆلێ ب ناڤێ ئسماعیل و یێ دی یێ تەپاپێ ئاماد ئسماعیل کو ئەو ژی ھێشتا بریارا دوماھیێ دادگەھێ نەدایە بۆ ئەداکرنا پارێن ھەڤبەستێن وان.

194

ئه‌ڤرۆنيوز:

سه‌رۆكێ توركيا ره‌جه‌ب توركيا ئه‌ردۆگان، دپه‌يڤه‌كێ ‌ دا ل كۆنگرێ حزبا خوه‌ ( پارتا داد وگه‌شه‌پێدان – ئه‌كه‌په‌) ل دۆر سزا وگه‌فێن ئه‌مريكى ل سه‌ر توركيا، راگه‌هاند كه‌سانه‌ك ب سزايێن ئابوورى وهه‌لاوسانێ گه‌فان ل مه‌ دكه‌ن، بۆ وان دبێژين مه‌ ياريا هه‌وه‌ ديت وئه‌ڤه‌ ئه‌رد وئه‌ڤه‌ گه‌ز.

ئه‌ردۆگانى گۆت ژى” مه‌ چۆك بۆ وان نه‌دانايه‌ يێن ب قۆرخكرنا سامانێ جيهانێ سيسته‌مێ خوه‌شگوزه‌رانيێ بۆ خوه‌ داناى وچۆكى ژى نادانين ، مه‌ چۆك بۆ وان نه‌دانايه‌ وچۆكى نادانين كو ب ئاخڤتن وه‌كو هه‌ڤپشكێن ستراتيژى يێن مه‌ خوه‌ نيشان دده‌ن ول گه‌ل هه‌ر پێنگاڤه‌كا خوه‌ بزاڤێ دكه‌ن مه‌ بكه‌نه‌ ئارمانجا خوه‌ يا ستراتيژى”.

180

ئەڤرۆ نیوز ، زنار تۆڤی:

سەرکردەکێ باسکێ حکمە یێ کو عەمار حەکیم سەرکرداتیا وی دکەت دیارکریە، کو شاندەکێ پێکهاتی ژ هێزێن سەرکەفتی د هەلبژارتنێن عیراقێ دا د چەند رۆژێن داهاتیدا دێ سەرەدانا هەرێمێ کەن و راگەهاندنا مەزنترین قەوارە دێ ل ڤان نێزیکان بیت.

محەمەد جەمیل مەیاحی سەرکردە ل باسکێ حکمە گۆتیە پرۆژێ زۆرینا سیاسی گەهشتیە قۆناغێن دووماهیێ و وەسا بریارە حکمە، سائیرون، نەسر، وەتەنیە و ئێکەتیا هێزێن عێراقی پێکبهێت و ببنە ئێک قەوارێ مەزن.
گۆتیە ژی ل سەر ئاستێ بلند گفتوگۆ د بەردەوامن بۆ هندێ کو پارتی و ئێکەتی، هەڤپەیمانیا فەتح، تورکمان و مەسیحی ژی بهێنە ناڤ وێ هەڤپەیمانیا نوو.

دیارکر ژی شاندەکێ پێکهاتی ژ نوونەرێن وان پێنج لایەنان ل چەند رۆژێن داهاتیدا دێ سەرەدانا هەرێمێ کەن و دێ ل گەل حزبێن کوردستانی گفتوگۆیێ کەن دەربارەی ڤی بابەتی.

دهێته چاڤەرێ کرن دادگەها فیدرالی ل دەستپێکا هەیڤا ئیلۆنێ دا ئەنجامێن دووماهیێ یێن هژمارتن و جۆداکرنا ب دەست یا دەنگێن هەلبژارتنێن 12 گۆلانێ پەسەند بکەت، هەروەسا پشتی پەسەندکرنا ئەنجامان دێ مەزنترین قەوارە هێتە راگەهاندن و حوکمەتا داهاتی یا عیراقێ دێ هێتە پێکئینان.

نيشاندان1...1,0002,0001,0751,0761,0772,070...2,744زێده‌تر لاپه‌ر 1,076 ژ 2,744
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
74 queries in 1.050 seconds.
WP Facebook Auto Publish Powered By : XYZScripts.com