بهایێ ئه‌مپێرێ كاره‌با موه‌لیدان بۆ هه‌یڤا هه‌شت بڤی ره‌نگی یه
نووترين نووچه
- د بەرهەڤ نینین دەست ژ مافێن خوە یێن دەستووری بەردەین
- د. ڤیان سەبری: ئەڤرۆ جڤاتا نوونەران ل دۆر هێرشێن درۆنی ل سەر هەرێما كوردستانێ دێ كۆمبیت
- جەبار یاوەر: دیاربوو درۆن ل كیش دەڤەرێ د هاتنە ئاراستەكرن
- بالیۆزێ توركیا سوپاسییا بزاڤێن سەرۆك بارزانی بۆ سەرئێحستنا پرۆسەیا ئاشتیێ كر
- نێچیرڤان بارزانی هەڤخەمییا خوە بۆ مالباتێن روودانا كۆت دیار دكەت
- مەسرور بارزانی: گەلەك خەمباربووم ب كارەساتا ئاگربەربوونا باژێرێ كۆت
- چاڤەڕێنە حوكمەتا فیدرال مووچە و شایستەیێن دارایی یێن هەرێما كوردستانێ بهنێریت
- مەسرور بارزانی و بالیۆزێ توركیا پێشڤەبرنا هەڤبەندییان گەنگەشەكر
- مەسرور بارزانی: پێدڤییە ب زووترین دەم بەغدا مووچەی بهنێریت
- فراكسیۆنا پارتی داخوازا كۆمبوونەكا ب لەز یا جڤاتا نوونەران ل دۆر هێرشێن درۆنی ل سەر كوردستانێ كر
سهرهكى نوچێن گرنگ
نێچیرڤان بارزانی شانده‌كێ وه‌زاره‌تا وزێ يا رووسى كۆمبوو
ئه‌ڤرۆنيوز:
سه‌رۆك وه‌زیرێن هه‌رێما كوردستانێ، نێچيرڤان بارزانى، ئه‌ڤرۆ پێنجشه‌مبى 30/8/2018 ل گه‌ل شانده‌كێ رووسی كۆمبوو كو ژ پاڤێل سۆرۆكين جێگرێ وه‌زيرێ وزێ يێ رووسى وڤلاديسلاڤ باريشينكوڤ جێگري سه‌رۆكێ كۆمپانيا گازپرۆم وكونسۆلێ رووسياپێكهاتبوو، وبه‌حسێ پێشڤه‌برنا په‌یوه‌ندییان دوێ كۆمبوونێ دا هاته كرن، ب تایبه‌ت د بياڤێ په‌ترۆلێ و ووزێ دا.
د كۆمبوونێ دا، شاندێ رۆسی به‌حسێ هه‌ڤكاری و هه‌ماهه‌نگیا د ناڤبه‌را هه‌رێما كوردستانێ و رووسیا كر، هه‌روه‌سا په‌یوه‌ندیێن دیرۆكی یێن هه‌ردو لايه‌نان.
شاندێ رۆسی ئاسانكاریێن حوكمه‌تا هه‌رێما كوردستانێ بۆ كۆمپانیێن رووسی بلند نرخاندن و هیڤی خواست په‌یوه‌ندیێن هه‌رێمێ ورووسيا بهێزتر بن.
ژلايێ خوه‌ڤه ، نێچیرڤان بارزانی به‌رهه‌ڤیا حوكمه‌تا هه‌رێمێ بۆ هه‌ر ئاسانكاریه‌كێ نیشان دا، ب تایبه‌ت باشكرنا كارێ كۆمپانیێن رووسی ل هه‌رێمێ د وارێ په‌ترۆل و ووزێ دا، هه‌روه‌سا پێشڤه‌برنا گرێبه‌ستێن دناڤبه‌را هه‌ردو لايه‌نان.
گۆت ژی: نوكه هه‌رێما كوردستانێ د ڤه‌ژا‌ندنه‌كا باش دایه و بوویه جهێ سه‌رنجا سه‌رمایه‌دارێن بیانی، حوكمه‌ت ژی دێ ئاسانكاریێن به‌رده‌وام بۆ كۆمپانیێن رووسی به‌رهه‌ڤكه‌ت.
په‌يڤدارێ پارتى به‌حسێ ناڤه‌رۆكا كۆمبوونا جڤاتا سه‌ركردايه‌تيێ دكه‌ت
ئه‌ڤرۆنيوز:
ب سه‌رپه‌رشتيا سه‌رۆك مه‌سعود بارزانى، ئه‌ڤرۆ پێنجشه‌مبى 30/8/2018 جڤاتا سه‌ركردايه‌تيا پارتى ديموكراتى كوردستان كۆمبوو.
مه‌حموود محه‌مه‌د، په‌يڤدارێ فه‌رميێ پارتى ديموكراتى كوردستان دكۆنگره‌كێ رۆژنامه‌ڤانى دا خالێن دناڤ كۆمبوونێ دياركرن كو گرێداى هه‌لبژارتنێن داهاتى يێن په‌رله‌مانێ كوردستانێ ژلايه‌كى، ژلايه‌كى دى بزاڤێن رێكخستنا ناڤمالا كوردى بۆ دانوستاندنێ ل گه‌ل لايه‌نێن عيراقى ژبۆ بده‌ستڤه‌ئينانا مافێن نه‌ته‌وى يێن كوردان دپێكئينانا كابينا نوو يا حوكمه‌تا عيراقێ دا.
گۆت ژى” پارتى دووپاتيێ ل وێ چه‌ندێ دكه‌ت كو پێدڤيه پرۆسا هه‌لبژارتنێن په‌رله‌مانێ كوردستانێ ل ژڤانێخوه بهێنه ئه‌نجامدان، چونكى ژ روويێ ته‌كنيكى وسياسى وجڤاكى چو كێشه ورێگريه‌ك بۆ پاشخستنا وان هه‌لبژارتنان نينن”.
سه‌باره‌ت پێكئينانا حوكمه‌تا نوو ياعيراقێ ژى، په‌يڤدارێ فه‌رميێ پارتى گۆت”ل ده‌مێن بۆرى مه بزاڤ كريه پێكڤه ل گه‌ل لايه‌نان پرۆژه‌كى به‌رهه‌ڤ بكه‌ين، وه‌كو ئێكه‌تى وپارتى مه به‌رهه‌ڤ كر ومه داخواز ژى ژ لايه‌نێن دى كر پشكدارببن، ده‌ياره وان پێ باش نه‌بوو، مه ژبۆ مافێن دستوورى ئه‌و بزاڤكر كو پێكڤه بين”.
گه‌شتوگۆزارا ئامێدیێ ره‌ت دكه‌ت قورخكارى هه‌بیت
ئه‌ڤرۆ نیوز ، نه‌وزاد هلۆرى:
خودان بازار و وه‌لاتیێن شێلادزێ و دێره‌لووكێ گازندا وێ یه‌كێ دكه‌ن ده‌ما كو گه‌شتیار سه‌ره‌دانا هاڤینگه‌هێن سنوورێ هه‌ردوو ناحیان دكه‌ن ، ب بریارا هنده‌ك كه‌سان رێك ناهێته‌دان كو كوسته‌ر و پاسێن گه‌شتیاران ل شێلادزێ و دێره‌لووكێ راوستن و ل بازارێن وان كه‌لوپه‌لان بكرن.
دلبرین مێزى وه‌لاتیه‌كێ ناحیا دێره‌لووكێ یه دایه دیاركرن كو هه‌تا نوكه ئه‌و نوزانن كێ ل پشت وێ یه‌كێ یه كو ترومبێلێن گه‌شتیارى ل دێره‌لووك نه‌راوستن و بۆ ئه‌ڤرۆ نیوز گۆت: (چه‌ند ساله‌كه به‌رێ گه‌شتیارێن عیراقى كه‌فتیه سنوورێ دێره‌لووك و شێلادزێ و هاڤینگه‌هێن وێ، ب تایبه‌تى د وه‌رزێ هاڤینێ دا، و ئه‌ڤ یه‌ك بویه جهێ دلخوشیا وه‌لاتیان و داهاته‌ك بو خودانكاران ده‌ستڤه دهێت، به‌لێ یا جهێ داخێ ئه‌وه كو ده‌ستێوه‌ردانه‌ك ل كه‌رتێ گه‌شتوگۆزاریێ ده‌ڤه‌رێ دا دهێته‌كرن و هنده‌ك ب ئه‌ركێ قورخكاریێ رابوینه و زیانێ دگه‌هینن بازارێ دێره‌لووك)
زێده‌تر گۆت: (هنده‌ك كه‌س پاس و كوسته‌رێن گه‌شتیاران قورخكرینه و گه‌شتیاران سوار دكه‌ن و بو هاڤینگه‌هێن سنوورێ ناحیا دێره‌لووك و شێلادزێ دئینن ، پشتى كو دوماهى دهێن جاره‌كا دى باركه‌ن و ڤه‌گوهێزن بو ناڤا سه‌نته‌رێ قه‌زا ئامێدیێ و دهۆكێ و هاڤینگه‌ها سیلاڤێ بێى كو خه‌لكێ شێلادزێ و دێره‌لووك مفاى ژ وان گه‌شتیاران وه‌ربگرن، و ئه‌م دخوازین كو ئه‌ڤ بابه‌ت بهێته چاره‌سه‌ركرن و گه‌شتیار بهێنه سه‌رپشتكرن كو ب كه‌یفا خوه و جهێ وان بڤێت كه‌لوپه‌ل و پێدڤیێن خوه بكرن ، و ئه‌ڤه د ده‌مه‌كێ دایه كو به‌رى نوكه گه‌شتیار د ئازادبوون و ل بازارێن ده‌ڤه‌رێ كه‌لوپه‌ل دكرین به‌لێ نوكه ئه‌ڤ یه‌ك نه‌مایه ئه‌ڤه سه‌ره‌راى كو گه‌شتیار زور ژى بوویه)
نه‌زیر بێزه‌لى، ئه‌و ژى خودان خوارنگه‌ه و چایخانه‌كا ده‌ڤه‌رێ یه لسه‌ر بابه‌تى بۆ ئه‌ڤرۆ نیوز گۆت: (به‌رى نوكه هه‌موو روژان سپێده‌هیان ئه‌م دهاتینه به‌ر دوكان و بازارێن خوه ژبه‌ركو گه‌شتیار زوربوون و پێدڤیێن خوه ل بازارى دكرین ، و ل خوارنگه‌هێن مه ژى خوارن دخوار، به‌لێ نوكه ناهێلن ب چوو شێوه‌یان كوسته‌ر و پاسێن گه‌شتیارى دناڤا بازارێن شێلادزێ و دێره‌لووكێ ب راوستان هه‌تا خوه ناهێلن بتله‌كێ ئاڤا دلوپاندى بخوه بكرن، و ئێكسه‌ر ئه‌وان گه‌شتیاران ڤه‌دگوهێزن ، و ئه‌م دخوازین كو رێك ب گه‌شتیاران بهێته‌دان ئازادبن ل كیش ده‌ڤه‌رێ بگه‌ریێن و ل كیش بازارى بخوه پێدڤیان بكرن ، و نوكه ئه‌م زێده‌تر ب هوڤیا وان كه‌سانین یێن كو وه‌كو ترومبێلێن تایبه‌ت و كه‌سى دهێنه ده‌ڤه‌رێ)
ژلایێ خوڤه حه‌مید محه‌مه‌د سالح رێڤه‌به‌رێ گه‌شتوگۆزارا ئامێدیێ دیاركر كو ب چوو شێوه‌یان پاس و كوسته‌ر و گه‌شتیارێن ئامێدیێ ناهێنه قورخكرن و بۆ ئه‌ڤرۆ نیوز گۆت: (گه‌شتوگۆزارا ئامێدیێ باشترین چه‌نس هه‌یه ئه‌و ژى زێده‌تر ژ هه‌ر ده‌ڤه‌ره‌كا دى یا كوردستان و پارێزگه‌ها دهۆك جهێن گه‌شتوگۆزارى هه‌نه و پاس و كوسته‌رێن گه‌شتیارى زێده‌تر ژ هه‌موو ده‌ڤه‌ران قه‌ستا هاڤینگه‌هێن ده‌ڤه‌رێ دكه‌ن ب تایبه‌تى ژى بو سنوورێ ناحیا دێره‌لووك و شێلادزێ و سیلاڤێ)
زێده‌تر گۆت: (كومپانیێن گه‌شتوگۆزارى ب گوره‌ى به‌رنامه و كارێن خوه كاردكه‌ن و ئه‌و بریارێن چه‌وانیا گه‌هشتنا جهێن گه‌شتوگۆزارى و راوستیان و كرینا كه‌لوپه‌ل و مانه‌ڤا ل جهێن گوزارى دده‌ن ، و ب چوو شێوه‌یان گه‌شتوگۆزارا ئامێدیێ و كارگێریا ده‌ڤه‌رێ ژى مایتێكرنێ و قورخكاریێ د كه‌رتێ گه‌شتوگۆزارێ دا ناكه‌ت و گه‌شتیار ب وه‌كهه‌ڤى هاتینه دابه‌شكرن)
ناڤبرى دیاركر ژى كو دحه‌فتیێ دا دوو روژ كوسته‌ر و پاسێن گه‌شتیارى دهێنه ده‌ڤه‌را ئامێدیێ ب شێوه‌یه‌ك رۆژه‌كێ قه‌ستا سنوورێ دێره‌لووك و شێلادزێ دكه‌ن و رۆژه‌كێ ژى قه‌ستا سنوورێ ئامێدیێ و ئاشه‌وا دكه‌ن و زێده‌تر گۆت: (پێشتر ژى ئه‌ڤ بابه‌ت هاتیه به‌حسكرن كو ب چوو شێوه‌یان قورخكارى نینه و پێدڤى یه خودانبازار و وه‌لاتیێن ده‌ڤه‌رێن شێلادزێ و دێره‌لووك زێده‌تر دوڤچوونێ لسه‌ر بابه‌تى بكه‌ن)
لژنا بلند يا فه‌توايێ :حه‌رامه وه‌لاتيێن هه‌رێما كوردستانێ ڤى كارى ئه‌نجام بده‌ن
ئه‌ڤرۆنيوز:
لژنا بلند يا فه‌توايێ ل هه‌رێما كوردستانێ راگه‌هاند، نابيت ل به‌رامبه‌ر ڤه‌كێشانا وه‌لاتيان ژ پشكداريێ دكرينا كه‌لوپه‌لان وزێده‌كرنێن ئاشكرا يێن حوكمه‌تێ پاره بهێته وه‌رگرتن ودبێژيت، ئه‌و كار رێيه‌كه بۆ ئه‌نجامدانا گه‌نده‌ليێ دمۆلكێ حوكمه‌تێ دا.
لژنا بلند يا فه‌توايێ ل هه‌رێمێ، سه‌باره‌ت كرينا مافێ پشكداربوويان ل به‌رامبه‌ر ڤه‌كێشانا وان دپشكداريێ د وان جۆره زێده‌كرنان كو حوكمه‌تا هه‌رێما كوردستانێ بۆ فرۆشتنا كه‌لوپه‌ل ومولكێن خوه ئه‌نجام دده‌ت، ئه‌و جۆره مامه‌له حه‌رامكر.
ئلژنا فه‌توايێ دبه‌ياننامه‌كێ دا ئه‌ڤرۆ پێنجشه‌مبى 30/8/2018 به‌لاڤكر”ئه‌و كه‌سێن پشكداريێ د سه‌رئێك زێده‌كرنێ دا دكه‌ن وپاشى ل به‌رامبه‌ر گوژمه‌كێ پاره‌ى خوه ڤه‌دكێشن، چو ماف بۆ جێگير نه‌بوويه وچهو مامه‌لێن شه‌رعى ژى نه‌هاتينه كرن هه‌تا وى گوژمێ پاره‌ى وه‌ربگرن، هه‌روه‌سا به‌خشينا پاره‌ى ب پشكداربوويان ل به‌رامبه‌ر خوه‌ڤه‌كێشانا وان ژ سه‌رئێك زێده‌كرنێ زيانه‌كا مه‌زن ب داراييا گشتى دگه‌هينيت وپێشبه‌ركى دسه‌رئێك زێده‌كرنێ دا نامينيت”.
دياركر ژى”ئه‌و كاره رێيه‌كه بۆ گه‌نده‌ليێ وبه‌رتيلێ وكارێن نه دروست يێن دى، له‌وما حه‌رامه وه‌لاتى وى كارى ئه‌نجام بده‌ن”.
پارتى ل سلێمانيێ: ده‌نگێن ژمه هاتينه دزين دێ وه‌رگرين
ئه‌ڤرۆ نیۆز،عه‌زیز هه‌ورامی
برياره رۆژا چارشه‌مبيا حه‌فتيا داهاتى بانگه‌شا هه‌لبژارتنان ب خۆلا پێنجێ يا په‌رله‌مانێ كوردستانێ ده‌ست پێبكه‌ت، به‌پرسێ ده‌زگه‌هێ هه‌لبژارتن ل سلێمانى – هه‌له‌بجه يێ پارتى دبێژيت، وه‌كو پارتى ل 30 ئيلۆنێ ئه‌و ده‌نگێن ژمه هاتينه دزين دێ وه‌رگرين.
رزگار ئه‌ژى گۆران، به‌رپرسێ ده‌زگه‌هێ هه‌لبژارتن يێ جڤاتا سه‌ركردايه‌تيا سلێمانيێ – هه‌له‌بجه يا پارتى ديموكراتى كوردستان بۆ ئه‌ڤرۆنيوز گۆت” به‌رهه‌ڤيێن مه يێن ته‌كنيكى ودانانا بريكارێن سه‌ر سندووقێن ده‌نگدانێ وميكانيزمێن ده‌ستپێكرنا بانگه‌شا هه‌لبژارتنان دئاماده‌نه”.
گۆت ژى” ئه‌م چاڤه‌رێ لژنا بلند يا بانگه‌شا هه‌لبژارتنان يا سه‌ر ب پارتى ڤه فه‌رمانێ ل مه بكه‌ت ل گه‌ل وێ رۆژا كۆمسيۆنێ دياركرى بۆ ده‌ستپێكا بانگه‌شا هه‌لبژارتنان، ده‌ست ب بانگه‌شه‌كا شارستانى بكه‌ين”.
سه‌باره‌ت وێ چه‌ندێ ئايا پارتى دێ شێت ده‌نگێن خوه ب ده‌ستڤه‌بينيت كو ل هه‌لبژارتنێن جڤاتا نوونه‌رين عيراقێ ل 12/5/2018 هاتبوونه دزين، گۆت” ب پشتراستى ڤه ئه‌و ده‌نگێن ب رێيا سندووقێن ئه‌لكترۆنى ژمه هاتينه دزين، ب ده‌ستڤه‌بينين ودێ بزاڤا زێده‌كرنا ده‌نگێن خوه ژى كه‌ين”.
سەرۆك بارزانی پێشوازيێ ل جێگری وەزیرێ وزێ رووسیا دكه‌ت
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ پێنجشه‌مبى 30/8/2018 پێشوازى ل پاڤێل سۆرۆكين جێگرێ وه‌زيرێ وزێ يێ رووسى وشاندێ دگه‌لدا كر.
ددياره‌كێ دا، جێگرێ وه‌زيرێ وزێ رووسى خوه‌شحاليا خوه ب سه‌رۆك بارزانى گه‌هاند كو هه‌رێما كوردستانێ سه‌ره‌راى گرفتان يا دپێشكه‌فتنه‌كا به‌رده‌وام دا ودياركر كو هه‌رێما كوردستانێ بۆ رووسيا گرنگيه‌كا تايبه‌ت يا هه‌ى وپاشه‌رۆژه‌كا گه‌ش چاڤه‌رێ هه‌رێما كوردستانێ يه وداخوازكر په‌يوه‌نديێن دناڤبه‌را رووسيا وهه‌رێما كوردستانێ دبوارێن په‌ترۆلێ ووزێ وته‌كنه‌لۆيايێ وبوارێن دى به‌رفره‌هتر ببن.
دبه‌رانبه‌ر دا سه‌رۆك بارزانى سوپاسيا هه‌لويستێ دۆستانه‌يێ رووسيا وسه‌رۆك پۆتينى كر ل به‌رامبه‌ر گه‌لێ كوردستانێ وپه‌يوه‌نديێن دناڤبه‌را گه‌لێ كوردستانێ وگه‌لێ رووسيا ب ديرۆكى ودۆستانه هژمارت ودووپاتى ل پێشڤه‌برنا په‌يوه‌نديێن دناڤبه‌را هه‌رێمێ ورووسيا دهه‌موو بواران دا كر.
نێچيرڤان بارزانى بۆ لايه‌نێن سياسى: هه‌لبژارتن دێ د ده‌مێ خوه دا هێنه كرن
ئه‌ڤرۆ نيوز:
نێچيرڤان بارزانى، سه‌رۆك وه‌زيرێن هه‌رێما كوردستانێ ئه‌ڤرۆ د ده‌رباره‌يى ئه‌نجامدانا هه‌لبژارتنێن په‌رله‌مانێ كوردستانێ دا راگه‌هاند كو هه‌لبژارتن دێ د ده‌مێ خوه دا هێنه كرن.
نێچيرڤان بارزانى د به‌رسڤا په‌يامنێره‌كى دا پشتى كۆمبوونا جڤاتا سه‌ركرداتيا پارتى ل پيرمام گۆت: “ئه‌م وه‌كو پارتى د ئاماده‌ينه ل گه‌ل هه‌موو لايه‌نان كۆم ببين.. گه‌له‌ك يا گرنگه كورد د ئێكگرتى بن بۆ پشكداريكرن د حوكمه‌تا داهاتى دا”.
سه‌در داخوازا خوه‌نيشاندانان دكه‌ت
ئه‌ڤرۆ نيوز:
موقتەدا سەدر سەرۆکێ رەوتا سەدر رۆژا چارشەمێ داخواز ژ ئالیگرێن خوە کر کو ژبۆ ئاڤاکرنا عیراقەکە نوو د چارچوڤەیا نڤێژا یەک ملیونی یا رۆژا ئەینی خوەپێشاندانەکە ئاشتیانە یا نەرازیبونێ بریڤەببن.
د داخویانیەکێ دە سەدر راگەھاند کو باوەردار ب ھەبوونا یەکەمین جار نڤێژکرنا رۆژا ئەینی ل مزگەفتا کووفە پاش شەھیدبوونا ئیمام عەلی خوە ژبۆ خوەپێشاندانەکە ملیۆنی یا ئاشتیانە یا نەرازیبونێ ئامادە بکن.
ھەروەسا سەدر داخواز ل ئالیگرێن خوە کر ب دەنگێ ئیمامێ خوە ڤە بێن و وەک چاوا بابێ وان ل بەرامبەر ستەمکار و گەندەلان کەفن ل بەر خوە کرن ئەو ژی کەفن ل بەر خوە بکن.
سەدر بالکشاند سەر وێ یەکێ ژی کو پێویستیا عیراقێ ب خوەپێشاندانەکە ئاشتیانە یا نەرازیبونێ ھەیە کو یەکەمین نیشانا ئاڤاکرنا عیراقەکە نوو بە، عیراقەک کو ژ ھەموو گەندەلکار و ستەمکار و داگیرکار و تاوانکاران دوور بە.
داخواز ل ئالیگرێن خوە کر ب بانگا حەوزە و مەرجعیان ڤە بچن و تەکەز ل سەر پێویستیا پشتگری کرن ل ئۆل و ل عیراقێ کر ژبۆ کو عیراقی سەربلند بن نەکو کرێچیێ دەستێ داگیرکاران بن.
ئاده‌م گه‌ڤه‌رى: دڤێت كورد عه‌قلێ خوه یێ سیاسى بگوهۆرن
ئه‌ڤرۆ نیوز ، زنار تۆڤى:
په‌رله‌مانته‌رێ به‌رێ یێ هه‌ده‌پێ ل توركیا ئاده‌م گه‌ڤه‌رى بۆ ئه‌ڤرۆ نیوز گۆت: ده‌مێ ل سالا 2015 مه ده‌ست ب كارێ خوه یێ سیاسى كرى گه‌له‌ك كاره‌سات هاتنه سه‌رێ مه، ژ وان ژى كۆده‌تایا له‌شكرى و دیسا ده‌مێ شه‌رێ خه‌نده‌كان ژى چێبووى، ئێدى ده‌مێ سیاسه‌تا سڤیل ل توركیا نه‌ما و پشتى ساله‌كێ پارێزبه‌ندیا مه هاته راكرن، ژبه‌ر ڤێ چه‌ندێ گه‌له‌ك په‌رله‌مانتارێن هه‌ده‌پێ هاتنه گرتن و نوكه ژى د زیندانا دانه، هه‌روه‌سا ئاكه‌پێ شه‌ره‌كێ دژوار ل هه‌مبه‌رى كوردان ل باكورێ كوردستانێ ده‌ستپێكریه، هه‌ر چه‌نده چه‌ندین جاران دناڤا په‌رله‌مانێ توركیا دا مه به‌حسێ وێ زۆرداریێ كریه، یاكو ده‌وله‌ت ده‌رهه‌قێ كوردان دا دكه‌ت و مه ده‌نگێ خوه گه‌هانده ئورۆپا ژى.
ناڤهاتى گۆت ژى: پشتى سیسته‌مێ ده‌ستهه‌لاتێ ل توركیا هاتیه گوهۆرین و بوویه كۆمارى، ده‌ستهه‌لاتا توركیا بوویه تاكه كه‌سى و هه‌موو هێز و ده‌ستهه‌لات كه‌فتینه ژێر كونترۆلا سه‌رۆك كۆمارى، له‌وما د ده‌مه‌كێ كورت دا ئه‌ڤه دێ بیته سیسته‌مه‌كێ دكتاتۆرى، ئه‌ڤ ده‌ستهه‌لاته دێ پێشیێ ل سیسته‌مێ سڤیل ژى گریت، دیسا نوكه چو ب ده‌ستێ په‌رله‌مانى نینه و ئێدى هه‌ده‌په ژى نه‌شێت ب رێیا په‌رله‌مانى چو بكه‌ت، له‌وما ئێدى پارتیێن ئوپوزسیۆنێ ژى وه‌كو هه‌ده‌پێ و جه‌هه‌پێ ژى نه‌شێن هه‌مبه‌رى كریارێن ده‌وله‌تێ راوه‌ستن، هه‌روه‌سا ئه‌م بێ هیڤى بووینه ژ پاشه‌رۆژا توركیا، لێ هه‌ر هه‌ده‌په دێ به‌رده‌وامیێ ده‌ته خه‌باتا خوه، ژبۆ چاره‌سه‌ریا پرسگرێكێن كوردان ل باكور، دیسا ئه‌و زۆردارى و قركرنا كوردان ل سه‌ر ده‌ستێ ئاتاتوركى دیتى، نوكه دوباره ئه‌ردوغان یێ وێ سیاسه‌تێ ل هه‌مبه‌رى كوردان ب كار دئینیت.
ئاده‌م زێده‌تر دبێژیت: زۆردارى ل كوردان دهێته كرن، له‌وما كورد نه‌چارن ل هه‌مبه‌رى وێ زۆرداریێ راوه‌ستن، داكو ل سه‌ر پییان ب مینن و دیسا نه‌چارن بۆ خوه رێك و رێبازا ببین، ژ پێخه‌مه‌ت بشێن مافێن خوه ب ده‌ست ڤه بینن، هه‌ر چه‌نده د ڤى وارى كێماسى ل ده‌ف هه‌موو پارتیێن كوردان ل باكور هه‌نه، له‌وما دڤێت پارتیێن مه رێكێن نوو د وارێ سیاسى دا ب كاربینن، ژپێخه‌مه‌ت بشێن مافێ گه‌لێ كورد ب ده‌ست خوه‌ڤه بینن، هه‌ر چه‌نده هنده‌ك خه‌له‌تى ل ده‌ف هه‌ده‌پێ و هه‌موو كوردێن باكور هه‌بوون، چونكى شێوێ ئاڤاكرنا سیاسه‌تێ ل باكور لدووڤ عه‌قلیه‌تا به‌رێ و ئایدولۆژیا هاتیه ئاڤاكرن، له‌وما ل گۆر جیهانا نوو یا سڤیل سیایه‌ت ل كوردستانێ پێشڤه نه‌چوویه، د لایه‌كێ دا هێزا مه تێر نه‌كریه و د لایه‌یه‌كێ دیتر دا شاشیێن مه ئه‌گه‌ر بووینه، دیسا ده‌وله‌تێن داگیركه‌ر ژى چو رێك بۆ مه نه‌هێلاینه كو ئه‌م بشێین سیاسه‌تێ تێدا بكه‌ین، لێ دیسا دڤێت كورد عه‌قلێ خوه یێ سیاسى بگوهۆرن.
ئه‌و ژى دیاركر: هه‌كه هه‌ده‌په هند ب كورداتیا خوه مكور نه‌بینیت ژى، لێ ده‌وله‌ت وه‌كو كورد وان دبینیت، لێ هنده‌ك خه‌له‌تى ل ده‌ف هه‌ده‌پێ ژى هه‌نه، لێ هه‌ر خه‌لك وێ پارتیێ ب نوونه‌را خوه دبینیت، هه‌ر چه‌نده گه‌له‌ك ئاسته‌نگ ل پێشیا كوردان هه‌نه و گه‌لێن جیهانێ ژى پشتگیریا كوردان نه‌كریه، هه‌ر چه‌نده كوردان دۆستایه‌تى و تێكه‌لى ل گه‌ل ئورۆپا هه‌یه، لێ ئه‌و كه‌سێن بریار دده‌ن ل سه‌ر ناڤێن وه‌لاتێن ئورۆپى هه‌تا نوكه بهایێ هه‌ره مه‌زن ل ده‌ف وان ئابوورى یه، ئه‌و تێكه‌لیێن خوه ل سه‌ر به‌رژه‌وه‌ندیێن ئابوورى چێدكه‌ن، له‌وما ده‌مێ خۆشى و ئازادى هه‌بیت كوردن دۆستێن وانه، لێ هه‌كه به‌رژه‌وه‌ندیێن ئابوورى و مادى و مافێن ده‌وله‌تى هه‌بن، عه‌ره‌ب و تورك و فارس دبنه دۆستێن وان، لێ ئه‌ز یێ گه‌شبینم دێ هه‌ر كورد گه‌هنه مافێن خوه، لێ دڤێت كێماسیێن خو چاره‌سه‌ر بكه‌ین و دڤێت دبلۆماسیا خوه خورتتر لێ بكه‌ین، هه‌روه‌سا ئه‌وێن نه‌هێلاین ریفراندۆما باشورێ كوردستانێ ب سه‌ركه‌فتیانه بهێته ئه‌نجامدان، نوكه كه‌فتینه د قه‌یرانا هه‌ره مه‌زن دا ل سه‌ر روویێ دۆنیایێ.
نيشاندان
WP Facebook Auto Publish Powered By : XYZScripts.com