ئه‌ڤرۆ نیوز:
ب هه‌لكه‌فتا (16) ی ته‌باخێ سال روژا دامه‌زراندنا پارتی دیموكراتی كوردستان و بورینا (72) سالان ل خه‌باتا بێ راوه‌ستیانا پارتی، ل باره‌گایێ لقێ ئێكێ پارتی سه‌ربه‌ست تروانشی به‌رپرسێ لقێ هه‌ڤدیتنه‌ك دگه‌ل (72) خێزانێن شه‌هیدان سازكر و تێدا هاریكاریێن ده‌راڤی ل سه‌ر هژمارا ناڤبری یا خێزانێن شه‌هیدان پارڤه‌كرن.
ل ده‌ستپێكا هه‌ڤدیتنا خو دگه‌ل خێزانێن شه‌هیدان، سه‌ربه‌ست تروانشی ب هه‌لكه‌فتا (16) ی ته‌باخێ سال روژا دامه‌زراندنا پارتی دیموكراتی كوردستان پیروزباهی ل خێزانێن شه‌هیدان كرن و دیاركر ئه‌م سه‌ربلندین ل سالڤه‌گه‌را دامه‌زراندنا پارتی دا، د خزمه‌تا كه‌س و كارێن وان قه‌هره‌مانان دا بیت یێن پارتی گه‌هاندیه ڤێ روژێ.
دیڤدا به‌رپرسێ لقێ دا زانین پارتی وه‌كو پێتڤی یه‌كا نه‌ته‌وه‌یی، سیاسی بو دوزا ره‌وایا ملله‌تێ كورد هاته دامه‌زراندن و ل پێناڤا ئارمانجێن نه‌ته‌وه‌یی و پاراستنا ئاخ و كه‌رامه‌تا عه‌رد و خه‌لكێ كورستانێ پارتی ب هزاران گه‌نجێن ڤی وه‌لاتی ب وی شێوه‌یی په‌روه‌رده كرینه كو ئاماده‌یی هه‌ر جوره قوربانیدانه‌كێ بن و ئه‌ڤرو ژی هین سه‌رفه‌رازن ژبه‌ركو سایه‌ی خوینا زه‌لام و كورێن هه‌وه یێن شه‌هید ئه‌ڤرو هه‌رێما كوردستانێ ئارامه و كوردستان یا پاراستی یه و خودان ده‌ستكه‌فت و دیروكن.
ژلایێ خوڤه خێزان و كه‌س و كارێن شه‌هیدان خوشحالییا خو ده‌ربرین ب هه‌لكه‌فتا (16)ی ته‌باخێ و سوزدان ل سه‌ر رێبازا بارزانیێ نه‌مر و شه‌هیدێن خو به‌رده‌وام بن ل سه‌ر خه‌بات و قوربانیدانێ ژپێخه‌مه‌ت پاراستنا كیانێ هه‌رێما كوردستانێ و ده‌ستكه‌فتێن وێ
ئه‌ڤرۆنيوز:
سكرتێرێ مه‌كته‌با سياسى يا پارتى ديموكراتى كوردستانى راگه‌هاند، پارتى يا به‌رهه‌ڤه ل ده‌رگه‌هێ لايه‌نێن نه‌رازى بده‌ت.
فازل ميرانى، سكرتێرێ مه‌كته‌با سياسى يا پارتى بۆ كوردستان 24 گۆت” پارتى ئه‌و به‌رپرسياره‌تى يا ل سه‌ر بچيت ل هه‌موو ده‌رگه‌هان بده‌ت، بۆ وێ چه‌ندێ پرۆژه‌كێ هه‌ڤپشك بۆ به‌غدا ئاماده بكه‌ين”.
ل دۆر چوونا شاندێ هه‌رێما كوردستانێ به‌غدا، ميرانى گۆت” هه‌تا نوكه به‌غدا يا ئاماده نينه، له‌وما ژڤانێ سه‌ره‌دانا شاندێ كوردستانى بۆ دانوستاندنێ ل گه‌ل لايه‌نان يێ ديار نينه”.
ئه‌ڤرۆنيوز:
وه‌زاره‌تا ده‌رڤه يا عيراقى هێرشا ئه‌سمانى يا توركى ل شنگالێ شه‌رمزاركر، دده‌مه‌كى دا ئه‌نقه‌ره ب فه‌رمى راگه‌هاندبوو كو ئه‌و هێرشه ب هه‌ڤكارى بوو ل گه‌ل حوكمه‌تا عيراقێ.
وه‌زاره‌تا ده‌رڤه يا عيراقى دبه‌ياننامه‌كێ دا گۆت” دده‌مه‌كى دا وه‌زاره‌تا ده‌رڤه ڤان جۆره هێرشان ره‌ت دكه‌ت، رادگه‌هينين كو چو هه‌ڤكارى دناڤبه‌را به‌غدا وئه‌نقه‌ره ل دۆر وێ چه‌ندێ نه‌بوو”.
وه‌زاره‌تا ناڤبرى داخواز ژ توركيا كر هێزێن خوه ژ ئاخا عيراقێ ل (به‌عشيقه) ڤه‌كێشيت ژبه‌ركو سه‌رپێچيه ل رێككه‌فتنێن نێڤده‌وله‌تى وپرنسيبێ رێزگرتنێ ل سه‌روه‌ريێ”.
په‌يڤدارێ سه‌رۆكاتيا كۆمارا توركيا ( ئيبراهيم كالين) دوهى پێنجشه‌مبى راگه‌هاندبوو” ئه‌نقه‌ره ل گه‌ل به‌غدا به‌حسێ زێدكرنا پرۆسێن له‌شكرى يێن توركى دژى په‌كه‌كێ ل باكوورێ عيراقێ كريه”.
گۆتبوو ژى”پرۆسێن مه يێن له‌شكرى ل باكوورێ عيراقێ دێ دبه‌رده‌وام بن، ب تايبه‌تى پشتى سه‌ره‌دانا سه‌رۆك وه‌زيرێن عيراقێ (حه‌يده‌ر عه‌بادى) بۆ ئه‌نقه‌ره”.
ئاشكرا ژى كربوو” مه ل گه‌ل عه‌بادى به‌حسێ پرۆسێن له‌شكرى ل باكوورێ عيراقێ كر كو شنگالێ ومه‌خموورێ وقه‌نديلى بخوه‌ڤه بگرن وئه‌و پرۆسا له‌شكرى ئه‌وا مه ل شنگالێ ئه‌نجامداى دچارچۆڤێ وێ چه‌ندێ دا بوو ول رۆژێن داهاتى دێ پرۆسێن خوه يێن له‌شكرى زێده‌تر لێكه‌ين “.
ئه‌ڤرۆنيوز:
كونسۆلخانا كۆمارا ئيسلامى يا ئيرانى ل هه‌ولێرێ، ئه‌ڤرۆ ئه‌ينيێ 17/8/2018 راگه‌هاند، چو گوهۆرين ل سه‌ر ميكانيزما دانا ڤيزێ وئاماژه دا كو د ئيك رۆژ دا چار هزار ڤيزا هاتينه دان.
مورته‌زا عه‌بادى، كونسۆلێ ئيرانى ل هه‌رێما كوردستانێ درۆهنكرنه‌كێ دا به‌لاڤكر” ل ده‌مێن بۆرى پرۆپاگنده‌ك هاته به‌لاڤكرن ل دۆر راوه‌ستاندنا دانا ڤيزێ يان هه‌بوونا گوهۆرينا ل سه‌ر دانا وێ، به‌لێ چو راستى بۆ ڤێ چه‌ندێ نينه وئيران جهه‌كێ گرنگه بۆ گه‌شتيارێن عيراقێ وهه‌رێما كوردستانێ”.
دياركر ژى” كونسۆلخانێ ل ده‌مێ بۆرى ئاسانكاريێن زێده‌تر بۆ وان وه‌لاتيێن كورد به‌رهه‌ڤكرينه يێن دخوازن ڤيزا ئيرانى بده‌ستڤه‌بينن ودده‌مێ چه‌ند ده‌مژمێره‌كان دا دشێن ڤێزێ بده‌ستڤه‌بينن”.
كونسۆلێ ئيرانى ئاماژه دا” ل رۆژا 14 ڤێ هه‌يڤێ نوونه‌راتيا كۆمارا ئيسلامى يا ئيرانى ل هه‌رێما كوردستانێ زێده‌تر ژ چار هزار ڤيزان داينه وه‌لاتيان كو 2510 ڤيزه ل هه‌ولێرێ ب تنێ بوون”.
ئه‌ڤرۆنيوز:
به‌نكا رافيده‌ين يا عيراقى ئه‌ڤرۆ ئه‌ينيێ 17/8/2918 راگه‌هاند سولفا سێ مليۆن دينارى يا تايبه‌ت ب خانه‌نشينێن له‌شكرى ومه‌ده‌نى بۆ چار هزار خانه‌نشينان هاته مه‌زاختن .
به‌نكا رافيده‌ين درۆهنكرنه‌كێ دا به‌لاڤكر” گه‌ره‌كا نوو ژ سولفا سێ مليۆن دينارى بۆ 2502 خانه‌نشينێن مه‌ده‌نى و1571 خانه‌نشينێن له‌شكرى هاته مه‌زاختن”.
دياركر ژى” مه‌زاختنا وێ سولفێ ب رێيا ئاگه‌هداركرنا خانه‌نشينێ ب رێيا هنارتنا مه‌سجه‌كا ته‌له‌فونى ئه‌وژى پشتى وى خانه‌نشينى هه‌موو پێرابوونێن قانوونى بۆ وه‌رگرتنا وێ سولفێ ب دووماهى ئيناين وئه‌و سولفه دێ بۆ هێته مه‌زاختن ب رێيا ئاميرێن مه‌زاختنا ئه‌لكترۆنى”.
ئه‌ڤرۆنيوز:
سه‌رۆكێ ئه‌مريكى، دۆنالد ترامپ، ل دووماهى تويتا خوه ل سه‌ر تۆرا جڤاكى يا تويته‌رى ل دۆر كێشا دناڤبه‌را ئه‌مريكا وتوركيا گه‌فێن خه‌ندقينێ ل توركيا دكه‌ت.
دۆنالد ترامب، دتويته‌كێ دا ل به‌رپه‌رێ خوه ل سه‌ر تۆرا جڤاكى يا تويته‌رى دبێژيت” هه‌كه هات وتوركيا بێ مه‌رج قه‌شه ئه‌ندرسۆن ئازاد نه‌كه‌ت، دێ ب توركيا ب فشارا ئابوورى خه‌ندقينين”.
ترامپى دتويتا خوه دا قه‌شێ ئه‌مريكى ب بارمه‌ته‌كێ نيشتمانى هژمارت ودياركر كو ئه‌مركيا يا به‌رهه‌ڤ نينه چو داخوازيه‌كا توركيا ل به‌رامبه‌ر ئازادكرنا وى قه‌شه‌ى بجهبينيت.
ئه‌ڤ هه‌لويستێ ترامپى دده‌مه‌كى دايه كو دوهى مه‌ولود چاووش ئوگلۆ وه‌زيرێ ده‌رڤه‌يێ توركيا راگه‌هاندبوو” ئه‌م دبه‌رهه‌ڤين دانوستاندنێ بێ گه‌ف وفشار ل گه‌ل ئه‌مريكا بكه‌ين دهه‌موو بواران دا”.
هه‌ڤده‌م ل رۆژێن بۆرى دا، په‌يڤدارێ وه‌زاره‌تا ده‌رڤه يا ئه‌مريكى راگه‌هاندبوو” هه‌كه توركيا قه‌شه ئه‌ندرسون ژى ئازاد بكه‌ت، ئه‌مريكا باجێ ل سه‌ر هنده‌ك كه‌لوپه‌لێن توركيا نا راكه‌ت”.
ئه‌ڤرۆنيوز:
وه‌زاره‌تا وه‌رزش ولاوان يا عيراقى راگه‌هاند، ئێكه‌تيا نێڤده‌وله‌تى يا ته‌پا پێ (فيفا) دێ شانده‌كى ڤرێكه‌ت بۆ پشكنينا ياريگه‌هێن شه‌ش پاريزگه‌هێن عيراقى وه‌كو ده‌ستپێكه‌ك بۆ راكرنا ب تمامى يا دۆرپێچكرنێ ل سه‌ر ئه‌نجامدانا ياريێن نێڤده‌وله‌تى ل سه‌ر ياريگه‌هين ته‌پا پێ ل عيراقێ.
عه‌لى عه‌توانى، رێڤه‌به‌رێ راگه‌هاندنا وه‌زاره‌تا وه‌رزش ولاوان ل عيراقێ بۆ سومه‌ريه نيوز گۆت” وه‌زيرێ وه‌رزش ولاوان ( عه‌بدولحسێن عه‌بتان) ل گه‌ل ئه‌ميندارێ گشتيێ ئێكه‌تيا نێڤده‌وله‌تى يا ته‌پا پێى (فاتما سامورا) ل زيورخ ل سويسرا كۆمبوويه وعه‌بتانى باده‌كێن ياريگه‌هێن به‌غدا وميسان ونه‌جه‌ف وكوت وسلێمانيێ ودهۆك ل گه‌ل خوه برينه ب مه‌ره‌ما راكرنا دۆرپێچێ ل سه‌ر ئه‌نجامدانا ياريێن نێڤده‌واه‌تى ل سه‌ر وان ياريگه‌هان”.
دياركر ژى ” ئێكه‌تيا نێڤده‌وله‌تى يا ته‌پا پێى (فيفا) سۆز دايه وه‌زيرێ عيراقى بۆ هنارتنا شانده‌كێ خوه بۆ ديتن وپشكنينا وان هه‌ر شه‌ش ياريگه‌هان دده‌مێ دو هه‌يڤێن بهێت دا”.
دهێته زانين به‌رى چه‌ند هه‌يڤان ئێكه‌تيا نێڤده‌وله‌تى يا ته‌پا پێى (فيفا) دۆرپێچ ل سه‌ر ياريگه‌هێن به‌سرا وكه‌ربه‌لا وهه‌ولێرێ راكربوو.
ئەڤرۆ نیوز:
بریارە ئەڤرۆ و سوبەھی ب فەرمی یاریێن خولا ئسپانانیا، فرەنسا، ئیتالیا، پرتوگال دەسپێبکەن و ل حەفتیا بوری ژی یاریێن گەرا ئێکێ یێن خولا ئنگلیز و ھولەندا دەسپێکربون و ڤێ حەفتیێ دا دێ گەرا دویێ ھێنە کرن ب ڤی شێوەی.
خولا ئسپانیا گەرا ئێکێ ئەڤرۆ
دەمژمێر ٩:١٥ جیرونا VS بەلەد وەلید
دەمژمێر ١١:١٥ ریال بیتیس VS لیڤانتی
رۆژا شەمبی
دەمژمێر ٧:١٥ سێلتافیگو VS ئسپانیول
دەمژمێر ٩:١٥ ڤیاریال VS ریال سوسیداد
دەمژمێر ١١:١٥ بەرشلونە VS دیبورتیڤو ئەلاڤیس
خولا فرەنسا گەرا ئێکێ ئەڤرۆ
دەمژمێر ٩:٤٥ ستاد ریمیس VS لیون
خولا ھولەندا گەرا دویێ
دەمژمێر ٩:٠٠ گرونیگن VS فیلم
خولا فرنسا رۆژا شەمبی
دەمژمێر ٦:٠٠ گانگون VS پاریس سان جێرمان
دەمژمێر ٩:٠٠ موناکو VS لیل
دەمژمێر ٩:٠٠ کان VS نیس
خولا پرتوگال ئەڤرۆ
دەمژمێر ١٠:٣٠ دیسبورتیڤو ئاڤیس VS توندێلا
خولا تورکیا گەرا دویێ ئەڤرۆ
دەمژمێر ٩:٤٥ ترابزون سپور VS سیڤاس سپور
رۆژا شەمبی خولا ئیتالیا
دەمژمێر ٧:٠٠ کیێڤو ڤیرونا VS یوڤانتوس
دەمژمێر ٩:٣٠ لازیو VS ناپولی
خولا ئنگلیزی رۆژا شەمبی
دەمژمێر ٢:٣٠ کاردیف ستی VS نیوکاسل
دەمژمێر ٥:٠٠ ئێڤرتون VS ساوسھامتون
دەمژمێر ٥:٠٠ لێستەر ستی VS وێلڤەرھامتون
دەمژمێر ٥:٠٠ توتنھام VS فولھام
دەمژمێر ٥:٠٠ وێستھام VS بورنموس
دەمژمێر ٥:٠٠ بێرنلی VS واتفورد
دەمژمێر ٧:٣٠ چێلسی VS ئارسینال
نيشاندان