ئه‌ڤرۆ نيوز:
رێڤه‌به‌ريا هاتنوچوونا پارێزگه‌ها دهۆكێ ل قه‌زا زاخۆ راگه‌هاند كو ئه‌وان پشكا دانا سزايێن سه‌ر ترۆمبێلان ب قست خسته كارى.
د راگه‌هاندنه‌كێ دا كو رێڤه‌به‌را هاتنوچوونا زاخۆ به‌لاڤكريه، تێدا ئاگه‌هداريا هه‌موو شوفێران دكه‌ت كو هۆبا تۆماركرنا پشكا دانا سزايان “غرامات” ل سه‌ر ترۆمبێلان ب قست هاته ڤه‌كرن، هه‌ر وه‌لاتيه‌كێ بڤێت سزايێ ل سه‌ر ترۆمبێلا خوه بده‌ت دشێت ب ره‌نگێ قست د ماوێ ساله‌كێ دا بده‌ت.
ئەڤرۆ نیوز:
تلەڤزیۆنا سومەریە نیوز ل سەر زارێ ژێدەرەکێ ئەمنی راگەھاند کو ئەبۆ بەکر بەغدادی سەرکردێ رێکخراوا داعش ژ ئەگەرێ ھێرشەکا ئەسمانی ل ھەیڤا خزیرانا بۆری یێ بریندارە.
ڤی ژێدەرێ نەخواستی ناڤێ خوە دیار بکەت گۆت: “ھێزێن ئەسمانیێن عیراقێ ل ھەیڤا خزیرانا بۆری کۆمبوونەکا سەرکردێن داعش ل سوریێ بۆردۆمان کر و د ئەنجام دا، ھژمارەکا وان سەرکردێن ئامادە بوویی ھاتنە کوشتن و بریندار بوون.
سومەریە نیوز ل سەر زارێ ژێدەرێن ئەمنی راگەھاندیە کو ئەبۆ بەکر بەغدادی د ناڤا وان دا بریندار بووینە و نەشێن بەردەوامیێ ب چالاکیێن خوە بدەن.
وی ژێدەری ناڤێ چەند کەسان ئاشکەرا کریە کو بچنە جھێ بەغدادی کو ھندەک ژ وان نە عیراقی نە و ژ وان ژی ئەبۆ عوسمان تونسی، بەلێ عیراقیێن ناڤا داعش ژ دژواری دژی ھەلبژارتنا وانن.
ئه‌ڤرۆ نيوز:
ره‌جه‌ب ته‌يبت ئه‌ردوگان سه‌رۆك كۆمارێ توركيا د چارچۆڤێ پشكداريكرن د كۆنگرێ بيره‌وه‌ريا 16 ساليا وه‌رگرتنا ده‌سته‌لاتێ ل گه‌ل ئاكپارتيێ راگه‌هاند كو ئه‌و دێ بايكوتا كه‌لوپه‌لێن ئه‌لكترۆنى كه‌ن يێن ژ ئه‌مريكا دچنه ناڤ توركيا.
ئه‌ردوگان گۆت: “هه‌كه ئه‌وان ئايفۆن هه‌بيت، ل لايێ دى چه‌ندين جۆرێن دى يێن هه‌ين، سامسۆنگ، ڤينۆس، ڤێسته‌ل. بلا تێبگه‌هن ئه‌م ژى دێ چ كه‌ين، ئه‌م ژى دێ پێدڤيێن خوه دابين كه‌ين”.
ئه‌ردۆگان گۆتژى: “هێرشه‌كا مه‌زن بۆ سه‌ر توركيا د رێ دايه، پێشتر ژى ب ره‌نگه‌كێ نهێنى هه‌مان هێرش د رێ دابوو، به‌لێ ڤێ جارێ هێرش يا ئاشكه‌رايه”.
ئەڤرۆ نیوز، رەزوان رۆژبەیانی:
سەرکەفت ئەسعەد کەتۆ بەر پرسێ ئێکی یێ حزبا ھاوپەیمانیێ بۆ دیموکراسی و دادپەروەریی، لیستا بەرھەم سالح، ل قەزا بەردەرەش دەست ژ کارێ خوە کێشا.
سەرکەفت ئەسعەد کەتۆ بۆ ئەڤرۆ نیوز خویا کر کو ئەو بەرپرسێ ئێکێ یێ ھافپەیمانی بۆ دیموکراسی و دادپەروەری بوو ل دەڤەرا بەردەرەش و ئەندامێ ئەنجومەنێ دەڤەرا دھۆک بوو، ل ھەمان دەم دا ژی ئەندامێ ئەنجومەنێ گشتی یێ ھافپەیمانی بۆ دیموکراسی و دادپەروەری بوو ل ھەرێما کوردستانێ، “ئەڤرۆ ل رێکەفتێ 14ی تەباخا 2018ێ من دەست ژ وێ پارتێ کێشا و ژ ئەڤرۆ پێڤە من چو پەیوەندی ب وان ڤە نەمایە و دێ مینم کەسەکێ بێ لایەن”.
گۆتژی: “بەرپرسێن بلند یێن ھافپەیمانی بۆ دیموکراسی و دادپەوەری چو حیساب بۆ بۆچوونێن مە ناکەن و تنێ ئەو بریارێ ل سەر پرسێن سیاسی ددەن من ئێدی باوەری ب وێ حزبێ نەمانە و چونکو ئەو تشتێ ئەز ژبۆ چووبوومە ناف وەسا دەرنەکەت ژ بەر ڤان ئەگەران من دەست ژکار کێشا.
ئەڤرۆ نیۆز، سالار دۆسکی:
ب ھەلکەفتا بورینا 73 سالان ل سەر دامەزراندنا پارتی دیموکراتی کوردستان، دێ چەندین چالاکی بڤێ ھەلکەفتێ ھێنە ساخکرن.
مەسعود سەرنی بۆ رۆژناما ئەڤرۆ دیارکر کو ب ھەلکەفتا بورینا 73 سالا ل سەر دامەزراندنا پارتی دیموکراتی کوردستان و بوونا سەرۆک بارزانی، ژڤانە 15/8/2018 لقێ ئێکێ پارتی دیموکراتی کوردستان رێزگرتنێ ل 73 خێزانێن شەھیدان بگریت.
سەرنی ئاشکراکر ژی کو کو ب ھەلکەفتنا بوونا پارتی دیموکراتی کوردستان چ ئاھەنگێن فەرمی ناھێنەگێران، پێشوازی ژی نابیت وەک سالێن بووری، بتنێ دێ بارەگایێن حزبی ب وێ ھەلکەفتنێ ھێنە خەملاندن و دورشم دێ ھێنە بلندکرن و برۆسکێن پێشوازیێ ئەڤ رۆژە دێ ھێتە ساخکرن.
ئه‌ڤرۆ نيوز:
بودجا سالا 2019ێ يا وه‌زاره‌تا به‌ره‌ڤانيا ئه‌مريكا ژ لايێ دونالد تره‌مپ سه‌رۆكێ ئه‌مريكا ڤه هاته ئيمزا كرن و ب فه‌رمى كه‌فته وارێ بجهئينانێ.
بوودجا سالا 2019ێ يا وه‌زاره‌تا به‌ره‌ڤانيا ئه‌مريكا كو تێدا 290 مليۆن دۆلار بۆ پێشمه‌رگه‌يى هاتينه ته‌رخانكرن، ژ لايێ دونالد تره‌مپ سه‌رۆك كۆمارێ ئەمریکا ڤه هاته ئيمزا كرن و ب فه‌رمى كه‌فته وارێ بجهئينانێ.
ئەڤرۆ نیۆز، سالار دۆسکی:
ب بەرھەڤبوونا ھژمارەکا رەوشەنبیر، میدیاکار و بالیوزێن وەلاتێن جیھانێ ل جیھانا عەرەبی و تایبەت ل وەلاتێ مسرێ، دوھی 13-8-2018 د رێورەسەکێ ژ ھەژی دا ل قاھیرە پایتەختێ وەلاتێ مسرێ، ئێکەتیا رێکخراوێن رۆھەلاتا ناڤین بۆ مافێن مرۆڤی و ئازادیان، دکتورا فەخری پێشكێشى سێ میدیاکار و ھەلبەستڤان پێ ھاتەدان. 
د رێورەسمەکێ ژ ھەژی دا، ھەلبەستڤان و میدیاکار عەدنان رەشید رێکانی ژ ھەرێما کوردستانێ، ل گەل ھەر دو میدیاکاران فاتیما ژ وەلاتێ مەغرب، نڤسیەر و راگەھاندکار ئەحمەد مرێوفی ژ مسری ناما دکتورایێ یا فەرخی پێ ھاتەدان کو پێک ھاتبوون، ژ بەر کارێ وان د بیاڤێ ئاشتی و ئازادیا گەلان دا ژ لایێ رێکخراوا ناڤبری ناما دکتورا فەخری پێ ھاتەدان.
میدیاکار، عەدنان رەشید رێکانی، بەرپرسێ لاپەرێ سیاسی یە ل رۆژناما ئەڤرۆ و پشكدارى د چه‌ندين فيستڤالێن عه‌ره‌بى دا كريه و چه‌ندين خه‌لات ل دۆر هه‌لبه‌ستێ ل سه‌ر ئاستێ وه‌لاتێن عه‌ره‌بى وه‌رگرتينه.
ئه‌ڤرۆ نيوز، ئيقبال عومه‌ر:
فروکێن تورکیا دەڤەرا ئامێدێ بوردومان دکەن ئەڤرۆ نیوز، ئێقبال عومەر: سپێدەهیا ئەڤرۆ فروکێن شەری یێن تورکیا سنوورێ قەزا ئامێدیێ بوردومان کر ب تایبەتی سنوورێ گوندێ گیزێ و نێزیک گوندێ دێرەشێ ل بەرێ گارێ.
دڤی واریدا ئیبراهیم دێرەشی موختارێ گوندێ دێرەشێ بو ئەفرۆ نیوز گۆت: (ئەڤرۆ دەردورێن دەمژمێر 10:00ێ سپێدێ فروکێن شەری یێن تورکیا ئاسمانێ دەڤەرا ئامێدیێ بەزاند و ب گرانی دناڤبەرا دێرەشێ و رەزیکێ و گیزێ بوردومان کر ، و ترسەکا زور لدەف خەلکی پیداکریە ب تایبەتی نوکە کو وەرزێ چنینا سماقێ یە و هزارا رەزیێن سماقێ هەنە و خەلک نەشێت بچیت بچنیت).
زێدەتر گوت: (پێشتر ژی فروکێن تورکیا نێزیکێ گوندی بوردومانکریە و چوار خانی هاتینە خراپکرن و هەتا نوکە کەس نەهاتیە قەرەبوکرن ، ژبەرڤێ ئەم دخوازین کو تورکیا بوردومانا خو رابگریت و پەکەکەش بارەگایێن خو ل جهێن ئاڤەدانی دوربکەت، ئەگەر بوردومان هەر یا بەردەوام بیت ئەم د گوندێن خو چول کەین و ئاوەرەیێ دەڤەرێن دی بین)
ئه‌ڤرۆ نيوز:
حوكمه‌تا مسرێ ماوه‌كه مژوولى پێشڤه‌برنا مه‌زنترين پرۆژه‌يه ژبۆ ئاڤاكرنا پايته‌خته‌كێ نوو كو دكه‌ڤيته بيابانێن رۆژهه‌لاتا قاهيره و كه‌نالێ سوێس.
ئه‌ڤ پايته‌خته ب ره‌نگه‌كێ وه‌سان دهێته ئاڤاكرن كو جهێ ژيارا 18 مليۆن كه‌سان تێدا ب ساناهيتر لێ بكه‌ت كو ل قاهيره دژين.
ئه‌ڤ پايته‌ختێ نوو 45 كيلۆمه‌تران يێ ژ رۆژهه‌لاتا قاهيره دووره و دێ بيته پايته‌ختێ ئيدارى و بازرگانى و بنه‌جهبوونا نوو و دڤێت سالا 2019ێ هه‌موو ئاڤاهى و باره‌گايێن سه‌رۆك كۆمارو سازيێن حكومى و فه‌رمى و له‌شكرى ب دووماهى بهێن و بۆ باژێرێ نوو بهێنه ڤه‌گوهاستن.
ل دۆر وێ يه‌كێ ژى به‌رپرسێن مسرێ گه‌شبينى يا خوه ژبۆ ده‌ركه‌فتن ژ باژێرێ نها نيشان دا كو ئاكنجيێن زێده تێدا هه‌نه و ژينگه‌ها وێ ژى پيس بوويه.
نيشاندان