ئەڤرۆ نیوز:
ژ خولا ئسپانی یانا بەرشەلونە سەرکەفتنەکا ب زەحمەت ل سەر ریال سوسیداد تومارکر ب دو گۆلان بەرامبەر گۆلەکێ.
نووترين نووچه
- هەرێما كوردستانێ ڕێگری ل هنارتنا پەترۆلا ئیراقێ نەكریە
- هنارتنا پەترۆلا ئیراقێ ل كەنداڤی تووشی ئاستەنگێن مەزن بوویە
- هێرش ژ ئالیێ وان میلیشیایان ڤە دهێنە ئەنجامدان كو دهێنە سەر بیرێن پەترۆلێ و زەڤیێن غازێ و پارزنینگەهان
- هێشتا ل ئیراقێ كەسێن شۆڤینی یێن هەین دژی مافێن گەلێ كوردستانێ نە
- سەرۆك بارزانی بۆ حوكمەتێن ئیراقێ و هەرێما كوردستانێ: كۆمببن و كێشەیان چارەسەر بكەن
- كیمیا بارانكرنا هەلەبجە تاوانەكا دژی مرۆڤاتیێ و هێرشەكا دڕندانە بوو ل سەر ئیرادەیا مللەتەكی
- سەرۆك هەرێمێ و بەرپرسێ نەتەوەیێن ئێكگرتی ل ئیراقێ كۆمبوون
- مەسرور بارزانی: نابیت جینۆسایدا هەلەبجە چو جاران ژ بیرا خەلكێ كوردستانێ و مرۆڤاتیێ بچیت
- دڤێت بەغدا مەهانە و د وەختێ خوە دا مووچە و بودجەیا كوردستانێ بدەت پاشی داخوازا رێپێدانێ ب هنارتنا پەترۆلێ بكەت
- پەترۆل پێكڤە دهێتە ب رێڤەبرن نەك ب تاكڕەوی و گەفان
سهرهكى نوچێن گرنگ
دهنگدان بۆ ههلبژارتنا جێگرێ دويێ يێ سهرۆكێ پهرلهمانێ عيراقێ دهستپێكر
ئهڤرۆنيوز:
پرۆسا دهنگدانا ئهندامێن پهرلهمانێ عيراقێ بۆ ههلبژارتنا جێگرێ دويێ يێ سهرۆكێ پهرلهمانى بهرى دهمهكێ كێم دهستپێكر.
محهمهد خهفاجى، رۆژنامهڤان ژ ناڤ ئاڤاهيێ پهرلهمانێ عيراقێ بۆ ئهڤرۆنيوز گۆت”سێ كهس دبهربژارن بۆ پۆستێ جێگرێ سهرۆكێ پهرلهمانى ئهوژى بهشير حهداد ( بهربژارێ پارتى ديموكراتى كوردستان وئێكهتى نيشتمانى كوردستان) و موسهنا ئهمين ( بهربژارێ ئێكگرتوو ئيسلامى كوردستان) و ئهحمهد حهمه رهشيد ( بهربژارێ كۆمهلا ئيسلامى)”.
گۆت ژى ” ئالا تالهبانى ژ ههڤپهيمانيا بهغدا يا سونى وهكو كهس خوه بهربژاركربوو، بهلێ خوه ڤهكێشا”.
ئهڤرۆ محهمهد حهلبوسى ژپێكهاتى سونى وهكو سهرۆكێ پهرلهمانێ عيراقێ وحهسهن كهريم ژ پێكهاتى شيعى وهكو جێگرێ ئێكێ يێ سهرۆكێ پهرلهمانى هاتبوونه ههلبژارتن وپۆستێ جێگرێ دويێ يێ سهرۆكێ پهرلهمانى بههرا كوردايه.
ترۆمبێلەکا گەشتیاری ل دێرەلۆکی سوت
ئەڤرۆ نیوز، مەحمود نهێلی
بەرپرسێ بنگەهێ بەرەڤانیا باژێری ل دێرەلۆکی بۆ ئەڤرۆ نیوز دیار کر، کو ئێڤاریا ئەڤرۆ شهمبيێ 15\9\2018 ئاگر بهربوو ترۆمبێلەکا گەشتیاری ژ جۆرێ کوستەر و ب تمامی دهێتە سوتن.
ئیحسان سەنعان، بەرپرسێ بنگەهێ بەرەڤانیا باژێری ل دێرەلۆک بۆ ئەڤرۆ نیوز دیارکر ” ئەو ترومبێل يا تايبهت بوو ب ڤەگوۆهاستنا گەشتيارێن باشوور و ناڤەراستا عیراقێ و ب تمامی هاتە سوتن”.
گۆت ژى”ئهو ترومبێل ل دێرەلۆکێ تووشی ڤێ روودانێ بوویە و ههتا نوکە ئەگەرێن روودانێ نەهاتینە زانین و ڤهكۆلین ل سەر روودانێ يا بهردهوامه”.
خالد عوبەیدی:پۆستی سەرۆکێ پەرلەمانى ب 30 ملیۆن دۆلاران هاته كرين
ئهڤرۆنيوز:
وهزيرێ بهرگريێ بهرێ يێ عيراقێ كو بهربژار بوو بۆ پۆستێ سهرۆكێ پهرلهمانێ عيراقێ، ل دۆر وى پۆستى دبێژيت ب 30 مليۆن دۆلاران هاته كرين.
خالد عوبهيدى سهرۆكێ ليستا (بيارق الخير) ل دهنگدانا نهێنى دا ئهڤرۆ شهمبيێ 15/9/2018 ب دهستڤهئينانا 89 دهنگان بهرامبهر محهمهد حهلبوسى هاته دوراندن كو حهلبوسى 169 دهنگ بدهستڤهئينان وبوو سهرۆكێ پهرلهمانێ عيراقێ.
عوبهيدى دئێكهم كارڤهدان دا ل بهرامبهر ههلبژارتنا حهلبوسى ل تۆرا جڤاكى يا فهيسبووكى بهلاڤكر” بلا ئهو خێزانا گهندهل ب كهرهستێ خوه يا دلخوهش بيت كو (وهكو دبێژن) ئهو پۆسته ب 30 مليۆن دۆلاران هاتيه كرين، ههروهسا بلا ئهو گهندهل دلخوهش بن كو نوكه پيرۆزباهيێ ل ههڤدو دكهن، سهبارهت عيراقێ وعيراقيان ژى دبێژم، خودێ ل پشتا ههوه بيت.
ژلايێ خوهڤه مهشعان جبوورى پهرلهمانتارێ بهري يێ عيراقێ بهلاڤكر”ئهحمهد حبوورى پارێزگهرێ سهلاحهدين ل بهرامبهر 10 مليۆن دۆلاران ل بهرامبهر حهلبوسى خوه ڤهكێشا”
عامرى وحهكيم ل سهر ناڤێ سهرۆك وهزيرێن داهاتى رێككهڤتن
ئهڤرۆنيوز:
مالپهرهكێ عيراقى بهلاڤكر كو سهرۆكێ ليستا حيكمه عهمار حهكيم وسهرۆكێ ليستا فهتح هادى عامرى ل سهر بهربژاركرنا عادل عهبدولمههدى بۆ پۆستێ سهرۆك وهزيران يێن رێككهفتين.
مالپهرێ (الغد برس) يێ عيراقى ژزاردهڤێ ژێدهرهكێ نێزيك ژ حيكمه بهلاڤكر” عهمار حهكيم وهادى عامرى دوور ژ موقتهدا سهدر رێككهفتينه ل سهر بهرباژركرنا عادل عهبدولمههدى بۆ پۆستێ سهرۆك وهزيران”.
ئاماژه دا” عامرى ب شێوهكێ ب هێز پشتهڤانيێ ل عادل عهبدولمههدى دكهت”.
عادل عهبدولمههدى، جێگرێ سهرۆك كۆمارى يێ بهرێ ووهزيرێ بهرێ يێ پهترۆلێ يه وسهركردێ بهرێ يێ جڤاتا بلند يا ئيسلامى بوو.
رۆژنامهكا كوهیتی:قاسم سلێمانی و برێت ماكگۆرك ب نهێنی كۆمبووينه
ئهڤرۆنيوز:
رۆژناما (الجريده) يا كوهيتى ئهڤرۆ شهمبيێ 15/9/2018 بهلاڤكر كو ل رۆژا سێشهمبيا بۆرى قاسم سلێمانى فهرماندێ فهيلهقا قودس يێ سهر ب لهشكرێ پاسدارێن ئيرانێ ل گهل برێت ماكگۆرك نوونهرێ تايبهتێ سهرۆكێ ئهمريكى بۆ ههڤپهيمانيا شهرێ دژى داعشێ ب نهێنى كۆمبوويه.
ل دووڤ راپۆرتهكا وێ رۆژنامێ كو پشت بهستن ب چهند ژێدهرێن نێزيك كريه، ئهو كۆمبوونه ژبۆ رێككهفتنێ بۆ ل سهر پێكئينانا حوكمهتا عيراقى يا نوو، ديسا ل سهر پرسا سوتنا كونسۆلخانا ئيرانى ل بهسره وهێرشا ل سهر باليۆزخانا ئهمريكى ل بهغدا”.
ههر ل وێ كۆمبوونێ ماكگۆركى ب قاسم سلێمانى راگههانديه كو پێدڤيه ههردو وهلات (ئهمريكا وئيران) كێشێن خوه بدهنه لايهكى وپێكڤه كاربكهن بۆ پشتهڤانيا پێكئينانا حوكمهتا عيراقى يا نوو.
رۆژناما كوهيتى دياركر ژى كو قاسم سلێمانى د وێ كۆمبوونێ دا رهتكر كو ههڤپهيمانێن ئيرانێ ل عيراقێ هێرش كربيته سهر باليۆزخانا ئهمريكى ل دهڤهرا كهسك ل بهغدا”.
چار كورد بۆ پۆستێ جێگرێ دويێ يێ سهرۆكێ پهرلهمانێ عيراقێ بهربژارن
ئهڤرۆنيوز:
پێنج كهسان بۆ پۆستێ جێگرێ ئێكێ ودويێ يێ سهرۆكێ پهرلهمانێ عيراقێ خوه بهربژاركريه.
ئهمجهد تهليع، رۆژنامهڤان ژ ئاڤاهيێ پهرلهمانێ عيراقێ بۆ ئهڤرۆنيوز گۆت” حهسهن كهريم تهنها بهربژارێ پۆستێ جێگرێ ئێكێ يێ سهرۆكێ پهرلهمانێ عيراقێ يه كو ژ ليستا سائيرونه وئهو پۆست يێ شيعايه”.
دياركر ژى” چار كهسان خوه بۆ پۆستێ جێگرێ دويێ يێ سهرۆكێ پهرلهمانى بهربژاركريه ئهوژى ههر ئێك ژ بهشير حهداد ( بهربژارێ پارتى ديموكراتى كوردستان) وموسهنا ئهمين ( بهربژارێ ئێكگرتووى ئيسلامى كوردستان) و ئهحمهد حهمه رهشيد ( بهربژارێ كۆمهلا ئيسلامى كوردستان) و ئالا تالهبانى كو ( بهربژارا ليستهكا سونهيانه)”.
ئاماژه دا ژى” دهليڤا بهربژارێ پارتى ديموكراتى كوردستان بهشير حهداد ژ يێن دى ب هێزتره بۆ ب دهستڤهئينانا وى پۆستى”.
سهرۆكێ پهرلهمانێ عيراقێ هاته ههلبژارتن
ئهڤرۆنيوز:
پشتى هژمارتنا دهنگێن پهرلهمانتاران دههلبژارتنا سهرۆكێ پهرلهمانێ عيراقێ، محهمهد حهلبووسى ب دهستڤهئينانا 169 دهنگان وهكو سهرۆكێ پهرلهمانێ عيراقێ هاته ههلبژارتن.
دوان ههلبژارتنان دا، پشتى 6 بهربژاران خوه ڤهكێشاى تنێ چار بهربژار مان وئهنجامێ دهنگدانێ ب ڤى شێوهى بوو:
- محهمهد حهلبووسى 169 دهنگ
- خالد عوبهيدى 89 دهنگ.
- ئوسامه نوجێفى 19 دهنگ.
- محهمهد خالدى 4 دهنگ.
ديسا 12 كاغهز سپى بوون و3 كاغهز ژى هاتن ههلوهشاندن.
حهلبوسى پتر ژ 166 دهنگان ب دهستڤهئينان
ئهڤرۆنيوز:
ژێدهرهكى ژناڤ هۆلا پهرلهمانێ عيراقێ بۆ ئهڤرۆنيوز دياركر كو هژمارتنا دهنگان دپرۆسا ههلبژارتنا سهرۆكێ پهرلهمانێ عيراقێ يا بهر ب دووماهيێ دچيت ومحهمهد حهلبووسى پتر ژ 166 دهنگێن پێدڤى بۆ سهركهفتنێ ب دهستڤهئيناينه.
وى ژێدهرى بۆ ئهڤرۆنيوز دياركر” محهمهد حهلبووسى نوكه پتر ژ 166 دهنگان ب دهستڤهئينان وسهركهفتن تۆمركر”.
گۆت ژى” ل دهمێ دهستپێكرنا هژمارتنا دهنگان، ئوسامه نوجێفه ژ هۆلا پهرلهمانى دهركهفت”.
دبيت د گهرا ئێكێ دا سهرۆكێ پهرلهمانى نههێته ههلبژارتن
ئهڤرۆنيوز:
پهرلهمانتارهكێ عيراقى بۆ ئهڤرۆنيوز دياركر كو ههكه چو ژ چار بهربژاران 166 دهنگان ب دهستڤهنهئينن، دێ ههلبژارتن دووباره دناڤبهرا ههردو بهربژارێن پتر دهنگ ئيناين هيته كرن.
هيشام ئهلسهێل، پهرلهمانتارێ سهربخوه ل پهرلهمانێ عيراقێ بۆ ئهڤرۆنيوز گۆت” ههكه چ ژ ههر چار بهربژاران 166 ئانكو ( 165 +1)دهنگ بدهستڤه نهئينان كو دبيته پتر ژنيڤا دهنگان، دێ دهنگدان دووباره هێته كرن”.
هيشامى زێدهتر گۆت” ههڤركى يا توندبوو دناڤبهرا بهربژاران دا وههكه كهسێ ژوان 166 دهنگ نهئينان، دێ گهرهكا دى يا ههلبژارتنان دناڤبهرا ههردو بهربژارێن پتريا دهنگان ئيناين هێته كرن”.
خوياكر ژى” ئهڤه بۆ جارا ئێكێ يه پشتى سالا 2003 سهرۆكێ پهرلهمانێ عيراقێ دهێته دياركرن بێ تهوافوق وب ديتنا من ئهڤه حالهتهكه ساخلهمه “.
نيشاندان
WP Facebook Auto Publish Powered By : XYZScripts.com