هه‌رێما كوردستانێ وبه‌غدا ل سه‌ر ڤه‌كرنا رێيا هه‌ولێر – كه‌ركووك رێككه‌فتن

05/08/2018 17:12

130

ئه‌ڤرۆنيوز:

هه‌ردو شاندێن هه‌رێمێ وعيراقێ دكۆمبوونا ئه‌ڤرۆ ئێكشه‌مبى 5 ته‌باخا 2018 ل باژێرێ پردێ گه‌هشتنه‌ رێككه‌فتنێ ل سه‌ر ڤه‌كرنا رێيا هه‌ولێر – كه‌ركووك.

ل دووڤ پێزانينێن كوردستان تى ڤى به‌لاڤكرين، هه‌رێما كوردستانێ وعيراق گه‌هشتنه‌ رێككه‌فتنێ ل دۆر ڤان خالان:

دانانا خالا پشكنينێ يا هه‌ڤپشك دناڤبه‌را پێشمه‌رگه‌ى وپۆليسێن فيدرالى ل نێزيك باژێرێ پردێ.
لادانا هه‌موو خالێن پشكنينێ يێن لابه‌لا.
نووژه‌نكرنا پرا پردێ.
دانانا بازگه‌ها گۆمركێ ل دۆريانا شوان ول نێزيك خوارنگه‌ها ميديا

ئه‌و رێككه‌فتنه‌ تنێ ئيمزا هه‌ردو وه‌زيرێن ناڤخوه‌ يێن هه‌ريما كوردستانێ وعيراقێ مايه‌ وبريار ئه‌وه‌ به‌رى جه‌ژنا قوربانى ئه‌و رێ بهێته‌ ڤه‌كرن.

رۆژنامه‌كا سعودى داخوازا لێبۆرينێ ژ سه‌رۆك بارزانى دكه‌ت

05/08/2018 15:55

600

ئه‌ڤرۆنيوز:

رۆژناما ( الوطن) يا سعودى داخوازا لێبۆرينێ ژ سه‌رۆك مه‌سعود بارزانى دكه‌ت كو ژئه‌گه‌رێ به‌لاڤكرنا راپۆرته‌كێ ل سه‌ر سامانێ چه‌ند سه‌ركرده‌ وسياسه‌تمه‌دارێن عيراقێ ناڤێ سه‌رۆك بارزانى ئينابوو.

رۆژناما سعودى، دناما داخوازا لێبۆرينێ دا ئه‌وا به‌لاڤكرى دنڤيسيت” ئه‌و راپۆرتا پشت به‌ستن ل سه‌ر هاتيه‌ كرن ژدو لايه‌نێن ده‌ره‌كى هاتبوو ده‌ركرن وناڤێ سه‌ركرده‌ وبه‌رپرسێن سياسى يێن عيراقى تێدا بوو وناڤێ سه‌رۆك بارزانى تێدا هاتيه‌ زێده‌كرن”.

وێ رۆژنامێ ل سه‌ر به‌لاڤكرنا وێ راپۆرتێ داخوازا لێبۆرينێ كر ودياركر” مه‌ پشت به‌ستن ل سه‌ر وان ژێده‌رێن ده‌ره‌كى كريه‌ كو گه‌له‌ك د لاوازن بۆ سه‌لماندنێ ودبێ به‌لگه‌نه‌ ودبيت مه‌ره‌مه‌كا دى ل پشت بيت، له‌وما ژ روانگا پشه‌ييبوونا رۆنامه‌ڤانى، رۆژنامه‌ گه‌له‌ك داخوازا لێبۆرينێ ژبه‌ر وێ شاشيێ ژ به‌رێز مه‌سعود مسته‌فا بارزانى سه‌رۆكێ پارتى ديموكراتى كوردستان دكه‌ت كو بێ مه‌به‌ست هاتيه‌ كرن ودێ ڤه‌كۆلينێ ل ژێده‌رى ژى كه‌ين”.

به‌غدا: ل گه‌ل هه‌رێما كوردستانێ دانوستاندنێ ل سه‌ر چه‌ند بابه‌تێن گرنگ دكه‌ين

05/08/2018 15:38

182

ئه‌ڤرۆنيوز:

په‌يڤدارێ حوكمه‌تا عيراقێ راگه‌هاند، دانوستاندنێن دناڤبه‌را هه‌رێمێ وبه‌غدا ژئه‌گه‌رێ پرۆسا هه‌لبژارتنان راوه‌ستابوون، به‌لێ پشتى كۆمبوونا حه‌يده‌ر عه‌بادى سه‌رۆك وه‌زيرێن عيراقێ ونێچيرڤان بارزانى سه‌رۆك وه‌زيرێن هه‌رێما كوردستانێ ل حه‌فتيا بۆرى، دانوستاندن جاره‌كادى هاتنه‌ ده‌ستپێكرن.

سه‌عد حه‌ديسى، په‌يڤدارێ حوكمه‌تا عيراقێ دداخۆيانيه‌كا رۆژنامه‌ڤانى دا گۆت” دده‌مێن بۆرى كارێن گه‌له‌ك باش دناڤبه‌را حوكمه‌تا عيراقێ وهه‌رێما كوردستانێ بۆ ده‌ربازكرن وچاره‌سه‌ركرنا كێشێن دناڤبه‌را هه‌ردو لايه‌نان دا هاتبوو ئه‌نجامدان”.

گۆت ژى” ئه‌و خالێن ناكۆك كو نوكه‌ دانوستاندن ل دۆر دهێته‌ كرن، ڤه‌كرنا رێيێن هه‌ولێر – كه‌ركووك ودهۆك – مووسل وهنارتنا په‌ترۆلا كه‌ركووكێ به‌ ب رێيا هه‌رێما كوردستانێ بۆ به‌نده‌رێ جه‌يهان يێ توركى”.

حوکمه‌ت 300 ملیۆن دۆلاران بۆ پیڤەرێ زیره‌ك و سیمکارتێ کارەبێ تەرخان دکەت

05/08/2018 15:02

344

ئەڤرۆ نیوز ، تۆڤی:

وه‌زاره‌تا كاره‌با حومه‌تا هه‌رێما كوردستانێ دیارکریە، کو حوکمه‌تێ گۆژمێ 300 ملیۆن دۆلاران ته‌رخانكرینه‌ ب شێوێ به‌ش به‌ش ب مه‌رەما دانانا پیڤەرێ زیره‌ك و سیمكارتان.

محمه‌د ئه‌مین هه‌ورامی پەیڤدارێ وه‌زاره‌تا كاره‌با حوکمه‌تا هه‌رێما كوردستانێ گۆتیە پرۆسا ب سیمكارتكرنا پیڤەرێ كاره‌بێ چوویە وارێ جێبه‌جێكرنێ و ل گه‌ل كۆمپانیەکا بیانی گرێبه‌ست هاتیە كرن بۆ دابینكرنا پێدڤیێن دانانا پیڤەران، حوکمه‌تێ ژی گۆژمێ 300 ملیۆن دۆلاران بۆ ڤر پڕۆژه‌ی ته‌رخانكرینه، ئەو پارە دێ ب شێوێ بەش بەش هێتەدان، نەکو ب ئێکجاری.

ئەڤ پرۆژە دێ پتری‌ 18 هەیڤان ڤەکێشیت ، ئارمانجا سه‌ره‌كی یا حوکمەتێ ژڤی پڕۆژه‌ی‌ بۆ نه‌هێلانا ته‌جاوزاتان و ئه‌وێن پیڤەر نەیی‌ و ئه‌وێن کارەبا بێ مۆله‌ت برین‌، ل ‌گه‌ل هندێ ژی ئەڤە دێ رێگریێ کەت ل ‌هه‌ده‌ردانا كاره‌بێ.

هەروەسا دێ پڤە‌ر دێ ل ‌سه‌ر ب گۆران ژی هێنە دانان بۆ هندێ کو هێلێن كاره‌با زێده نەهێنە‌ راکێشان، دێ شێوازێ پاره ‌وه‌رگرتنێ ژ وەلاتیان و جهێن بازرگانی ب ‌شێوێ وه‌سلێ بیت، به‌لێ دێ‌ حوکمه‌ت زێدەتر یا ده‌ست ڤەکری بیت‌ بۆ وه‌رگرتنا وی پاره‌ی،‌ وه‌كو كێمكرنا ئه‌مپێری یان هنارتنا نامێ‌ هەتا دگەهیتە برینا كاره‌بێ‌، لەوما وەلاتی نەشێت پارێ خوە نه‌دەت.

ناڤهاتی گۆتیە ژی قه‌رێن وه‌زاره‌تا كاره‌بێ لدەف به‌شداربوویان 600 ملیار دینار دەربازکرینە، د سیسته‌مێ نوودا دێ‌ قه‌رێن كەڤن یێن كاره‌بێ یێن لدەف به‌شداربوویان هێنە داخلکرن، بۆ هندێ بهێتە زانین کو هەر وەلاتیەک چەند یێ قه‌ردارە.

بهێنڤەدانا جه‌ژنا قوربانێ هاتە راگه‌هاندن

05/08/2018 14:32

1090

ئەڤرۆ نیوز ، تۆڤی:

پەیڤدارێ حوکمه‌تا هه‌رێما كوردستانێ دیارکر، کو ب هاتنا جه‌ژنا قوربانێ بۆ ماوێ حه‌فتیەکێ دێ بیتە بهێنڤەدانا فه‌رمى ل ‌سه‌رجه‌م داموده‌زگهێن حوکمه‌تا هه‌رێمێ.

ئه‌ڤرۆ ئێکشه‌مبێ‌ 5 تەباخێ ، سه‌فین دزه‌یى پەیڤدارێ حوکمه‌تا هه‌رێمێ گۆت، کو بهێنڤەدانا جه‌ژنا قوربانێ دێ ژ 19 تەباخێ هەتا 25 بیت و رۆژا 26 تەباخێ ده‌واما فەرمی یە.

پەیامەک ژ پەیڤدارێ فەرمی یێ حوکمەتا هەرێما كوردستانێ:

ب بۆنا هاتنا جەژنا قوربانا پیرۆز پیرۆزباهیێن گەرم ل خێزانێن شەهیدان و پێشمەرگێن قارەمانەكان و هەموو موسلمانێن كوردستانێ و عیراقێ وجیهانێ دكەین و هیڤیخوازین ئەڤ جەژنە ببیتە مایێ ئێكرێزیێ و سەقامگیریێ و خۆشگوزەرانیێ بۆ هەموو خەلکێ كوردستانێ.

بۆ وەلاتیێن خۆشتڤی یێن خەلکێ كوردستانێ رادگەهینین کو بهێنڤەدانا جەژنا قوربانیا پیرۆز ژ رۆژا ئێكشەمبێ 2018/8/19 دێ دەست پێکەت و هەتا رۆژا شەمبیێ 2018/8/25 دێ یا بەردەوام بیت و رۆژا ئێكشەمبی 2018/8/26 دێ دەواما فەرمی دەست پێکەت.

سەفین دزەیی
پەیڤدارێ فەرمی یێ حوکمەتا هەرێما كوردستانێ.

ڤيديۆ: سالانه‌ زێده‌ترى 250 هزار كه‌شيتاران سه‌ره‌دانا هاڤينگه‌ها ئه‌حمه‌د ئاوا دكه‌ن

05/08/2018 13:14

389

ئه‌ڤرۆ نيوز، عه‌زيز هه‌ورامى:

هاڤينگه‌ها زه‌لم (ئه‌حمه‌د ئاوا) دكه‌ڤيته‌ سنورێ پارێزگه‌ها هه‌له‌بچه‌ و سالانه‌ زێده‌ترى 250 هزار گه‌شتياران سه‌ره‌دانێ بۆ دكه‌ن.

به‌لاڤكرنا مووچه‌يى ده‌سپێكر

05/08/2018 12:52

3781

ئه‌ڤرۆ نيوز:

ئه‌ڤرۆ رۆژا ئێكشه‌مبى ده‌ست ب مووچێ گۆلانێ يێ فه‌رمانبه‌ران كر و وه‌زاره‌تا پێشمه‌رگه‌يى ژى وه‌كو وه‌زاره‌تا ئێكێ مووچه‌ وه‌رگرت.

ب گۆره‌يى ئه‌و پێزانينێن ل به‌ر ده‌ست ئه‌ڤرۆ نيوز، ئه‌ڤرۆ ئێكشه‌مبى 5ى ته‌باخا 2018ێ ده‌ست ب به‌لاڤكرنا مووچێ گۆلانێ يێ فه‌رمانبه‌ران هاته‌ كرن و وه‌زاره‌تا پێشمه‌رگه‌يى، ديوان و ليوايێن ب سه‌ر ڤه‌، وه‌كو وه‌زاره‌تا ئێكێ مووچه‌ وه‌رگرت.

ب گۆره‌يى پێزانينێن ئه‌ڤرۆ نيوز به‌لاڤكرنا مووچه‌يى دێ يا به‌رده‌وام بيت و دهێته‌ پێشبينيكرن ژى بۆ ڤێ مه‌ره‌مێ خشته‌ك وه‌كو هه‌يڤێن بۆرى ژى بهێته‌ راگه‌هاندن.

ئيرانێ خوه‌نيشانده‌ره‌ك كوشت و 20 ژى ده‌سته‌سه‌ركرن

05/08/2018 12:46

ئه‌ڤرۆ نيوز:

ئاژانسا فارس يا ئيرانى به‌لاڤكر كو ژ ئه‌نجامێ به‌رده‌واميا خوه‌نيشاندانێن ئيرانێ كو چه‌ند رۆژه‌ ل چه‌ند باژێرێن ئيرانێ دهێنه‌ ئه‌نجام دان كه‌سه‌ك هاته‌ كوشتن و 20 كه‌س ژى هاتنه‌ ده‌سته‌سه‌ركرن.

به‌لاڤكريه‌ ژى كو ئه‌و كه‌سێ هاتيه‌ كوشتن ژ لايێ چه‌ند كه‌سان بوو كو ب ترۆمبێله‌كا نه‌نياس ل باژێرێ كه‌ره‌ج ده‌ست درێژيا گوله‌يان كريه‌ سه‌ر و گيانێ خوه‌ ژ ده‌ست دايه‌ و پێزانينێن زێده‌تر ژى د ڤێ ده‌ربارێ دا به‌لاڤ نه‌كرينه‌.

هه‌رديسا ئاژانسا فارس به‌حس ل ده‌سته‌سه‌ركرنا 20 كه‌سان ژى ژ باژێرێ كه‌ره‌ج و ته‌هران گه‌له‌ك جهێن دى بووينه‌ كو وه‌كو سه‌رانێن خوه‌نيشانده‌ران هاتينه‌ ده‌سته‌سه‌ركرن.

بۆ ماوێ چه‌ند رۆژايه‌ خوه‌نيشاندانێن ئيرانێ ل گه‌له‌ك باژێرێن وى وه‌لاتى و ب تايبه‌ت ژى ته‌هران و ئه‌سفه‌هان و قوم و شيراز د به‌رده‌وامن و د به‌رفره‌هبوونێ دانه‌.

وه‌كو خوه‌نيشانده‌ر ژى دده‌نه‌ دياركرن كو مه‌ره‌م ژ ڤان خوه‌نيشاندانان باشتركرنا ره‌وشا ژيار و نه‌بوونا كاره‌ب و ده‌رمانايه‌. هه‌ر دوهى خوه‌نيشانده‌ران رێيا خوه‌نيشاندانێن خوه‌ بۆ سه‌ر قوتابخانێن ئاينى ل كه‌ره‌ج و ته‌هرانێ گوهۆڕين.

رێژا داخوازا په‌نابه‌ريێ ل ئه‌لمانيا 15% زێده‌ بوويه‌

05/08/2018 12:29

ئه‌ڤرۆ نيوز:

وه‌زاره‌تا ده‌رڤه‌ يا ئه‌لمانا راگه‌هاند كو ژمارا داخوازيێن په‌نابه‌ريێ بۆ ئه‌لمانيا هه‌ڤبه‌ركى ل گه‌ل تيرمه‌ها بۆرى 14.7% زێده‌ بوويه‌.

وه‌زاره‌تا ده‌رڤه‌ يا ئه‌لمانيا د داخۆيانيه‌كێ دا راگه‌هاند كو 15 هزار و 199 كه‌سان ژ تيرمه‌ها بۆرى داخوازيێن په‌نابه‌ريێ پێشكێشى رێڤه‌به‌ريا كۆچ و كۆچبه‌ران كرينه‌ و ئه‌ڤ چه‌نده‌ ژى وه‌كو هه‌ڤبه‌ركى ل گه‌ل سالا بۆرى ديار دكه‌ت كو رێژا داخوازا په‌نابه‌ريێ 14.7% زێده‌ بوويه‌.

د داخۆيانيا خوه‌ دا دايه‌ زانين ژى كو پتريا ئه‌ڤ كه‌سێن داخوازيا په‌نابه‌ريێ كرين خه‌لكێ سوريێ نه‌ ب ره‌نگه‌كى كو سێ هزار و 706 كه‌سان داخۆازيا په‌نابه‌ريێ پێشكێش كريه‌ و پشتى وێ ژى خه‌لكێ عيراقێ ل رێژا دويێ دهێن ب ره‌نگه‌كى كو 110 هزار و 324 كه‌سان داخوازيێن په‌نابه‌ريێ د ناڤبه‌را كانوونا دويێ و تيرمه‌ها 2018ێ دا پێشكێشى وه‌لاتێ ئه‌لمانيا كرينه‌.

كۆمسيۆن نه‌شێت هه‌لبژارتنێن په‌رله‌مانى ژ ده‌رڤه‌يى هه‌رێمێ ئه‌نجام بده‌ت

05/08/2018 12:16

ئه‌ڤرۆ نيوز:

ئاخفتنكه‌رێ ب ناڤێ كۆمسيۆنا بلندا هه‌لبژارتن و راپرسيان ل هه‌رێما كوردستانێ راگه‌هاند كو ژ ئه‌گه‌رێ نه‌بوونا بوودجا پێدڤى وه‌لاتيێن ژ ده‌رڤه‌يى وه‌لاتى نه‌شێن ل جهێن خوه‌ پشكداريێ د هه‌لبژارتنێن په‌رله‌مانێ كوردستانێ دا ل 30ى ئيلۆنێ بكه‌ن.

شێروان زرار، ئاخفتنكه‌رێ ب ناڤێ كۆمسيۆنا بلندا هه‌لبژارتن و راپرسيێ ل هه‌رێما كوردستانێ راگه‌هاند كو كۆمسيۆن نه‌شێت پرۆسا هه‌لبژارتنان ل ژ ده‌رڤه‌يى وه‌لاتى ب رێڤه‌ ببه‌ت ئه‌و ژى ژ به‌ر تێچوويێ وێ كو بوودجه‌كا مه‌زن بۆ ڤێ مه‌ره‌مێ پێدڤيه‌، وه‌كو دابينكرنا نڤيسينگه‌هێن ل باژێرێن ده‌رڤه‌يى هه‌رێما كوردستانێ كو پێدڤى ب كۆژمه‌كێ زێده‌ يێ پاره‌يى هه‌يه‌ و حوكمه‌تا هه‌رێما كوردستانێ دبێژيت ژ به‌ر خرابيا كاودانێن دارايى يێن هه‌رێما كوردستانێ نه‌شێن ئه‌وى كۆژمێ پاره‌يى ته‌رخان بكه‌ن.

ئاخفتنكه‌رێ ب ناڤێ كۆمسيۆنێ ته‌كست ل سه‌ر وێ چه‌ندێ كر كو وه‌لاتيێن ده‌رڤه‌يى وه‌لاتى ل وان جهێن نوكه‌ لێ دژين نه‌شێن پشكداريێ د هه‌لبژارتنێن 30ى ئيلۆنا ئه‌ڤ ساله‌ دا بكه‌ن، ژ به‌ر هندێ هه‌ر وه‌لاتيه‌كێ مافێ ده‌نگدانێ هه‌بيت، دشێت ڤه‌گه‌ريته‌ هه‌رێما كوردستانێ و پشكداريێ د پرۆسا هه‌لبژارتنێن په‌رله‌مانێ كوردستانێ دا بكه‌ت.

ل 30ى ئيلۆنا 2018ێ هه‌لبژارتنێن خولا پێنجێ يا په‌رله‌مانێ كوردستانێ دێ ب رێڤه‌ چن و ژ ئه‌گه‌رێ هه‌بوونا ژماره‌كا زۆر يا وه‌لاتيان ژ ده‌رڤه‌يى هه‌رێما كوردستانێ، هنده‌ك ژ په‌رله‌مانتاران داخواز ژ كۆمسيۆنێ كربوو كو ئه‌وان ژى مافێ پشكداريكرن د هه‌لبژارتنان دا هه‌بيت، به‌لێ كۆمسيۆن دبێژيت كو بوودجێ پێدڤى بۆ ڤێ مه‌ره‌مێ ژ لايێ حوكمه‌تێ ڤه‌ نه‌هاتيه‌ ته‌رخانكرن ژ به‌ر هندێ ژى نه‌شێن پرۆسا هه‌لبژارتنان ژ ده‌رڤه‌يى وه‌لاتى ب رێڤه‌ ببه‌ن.

نيشاندان 1...1,000 2,000 1,0971,0981,099 2,090...2,744 زێده‌تر

لاپه‌ر 1,098 ژ 2,744