ئهڤرۆ نيوز، نيوار محهمهد سهليم:
نووترين نووچه
- هەرێما كوردستانێ ڕێگری ل هنارتنا پەترۆلا ئیراقێ نەكریە
- هنارتنا پەترۆلا ئیراقێ ل كەنداڤی تووشی ئاستەنگێن مەزن بوویە
- هێرش ژ ئالیێ وان میلیشیایان ڤە دهێنە ئەنجامدان كو دهێنە سەر بیرێن پەترۆلێ و زەڤیێن غازێ و پارزنینگەهان
- هێشتا ل ئیراقێ كەسێن شۆڤینی یێن هەین دژی مافێن گەلێ كوردستانێ نە
- سەرۆك بارزانی بۆ حوكمەتێن ئیراقێ و هەرێما كوردستانێ: كۆمببن و كێشەیان چارەسەر بكەن
- كیمیا بارانكرنا هەلەبجە تاوانەكا دژی مرۆڤاتیێ و هێرشەكا دڕندانە بوو ل سەر ئیرادەیا مللەتەكی
- سەرۆك هەرێمێ و بەرپرسێ نەتەوەیێن ئێكگرتی ل ئیراقێ كۆمبوون
- مەسرور بارزانی: نابیت جینۆسایدا هەلەبجە چو جاران ژ بیرا خەلكێ كوردستانێ و مرۆڤاتیێ بچیت
- دڤێت بەغدا مەهانە و د وەختێ خوە دا مووچە و بودجەیا كوردستانێ بدەت پاشی داخوازا رێپێدانێ ب هنارتنا پەترۆلێ بكەت
- پەترۆل پێكڤە دهێتە ب رێڤەبرن نەك ب تاكڕەوی و گەفان
سهرهكى نوچێن گرنگ
كۆمسيۆنا دهۆكێ بهحسێ رێنمايێن بانگهشا ههلبژارتنان وهژمارا بنگههێن دهنگدانێ دكهت
ئهڤرۆنيوز:
رێڤهبهرێ گشتى يێ ئۆفيسا پارێزگهها دهۆكێ يا كۆمسيۆنا ههلبژارتنان وراپرسيێ ل ههرێما كوردستانێ دداخۆيانيهكێ دا بۆ ئهڤرۆنيوز راگههاند، پرۆسا بانگهشا ههلبژارتنان تاكو دهمژمێر 8 سپێدهيا رۆژا 28/9/2018 بهردهوام بيت ئانكو بهرى ئهنجامدانا ههلبژارتنان ب 48 دهمژمێران، دياركر ژى كو ل پاريزگهها دهۆكێ 257 بنگههێن دهنگدانێ دێ هينه ڤهكرن كو 1482 ويستگههان بخوهڤه دگريت دێ هێنه ڤهكرن و8500 فهرمانبهرێنمه گرێبهست ل گهل گرێداى دێ ل وان ويستگه وبنگههان هێنه بهلاڤكرن,
عهلى بهندى، رێڤهبهرێ گشتى يێ ئۆفيسا پارێزگهها دهۆكێ يا كۆمسيۆنا ههلبژارتنان وراپرسيێ ل ههرێما كوردستانێ بۆ ئهڤرۆ نيوز گۆت” ئهڤرۆ بانگهشا ههلبژارتنان بۆ ههلبژارتنێن كوردستانێ يا دهستپێكرى، بهرى بانگهشه دهست پێ بكهت، ئهم يێ ل گهل ههموو قهوارێن سياسى ل دهۆكێ روونشتين وههر رێنمايهك ههبيت مه يا دايه وان تاكو پێگيريێ پێ بكهن تاكو ئهڤ پرۆسا ديموكراسى ب سهركهفتيانه وئارامى ب رێڤهبچيت”،
دياركر ژى”ههروهسا دوهى ئهم ل گهل جێگرێ پاريزگهرێ دهۆكێ ول گهل باژيرڤانيا دهۆكێ كۆمبووينه بۆ ههمان مهرهمێ وههكه بانگهشا ههلبژارتنان ل جهێن قهدهغه لێ بهێته كرن ، وپشتى كۆمبوونێ ب ريێا كهنالێن راگههاندنێ مه ئاگههداريا قهوارێن سياسى وههموو لايهنان ودهنگدهران كريه ل دۆر جهێن رێ هاتيه دان بانگهشه لێ بهێته كرن وجهێن هاتينه قهدهغهكرن بۆ بانگهشێ. ئهڤ رێنمايه ژى بۆ وێ چهندێ نه دا ئهڤ بانگهشا ههلبژارتنان ب رێكوپێكى وب ئارامى ب رێڤهبچيت”.
ديسا گۆت “يا دياره ژى قهدهغهيه بانگهشا ههلبژارتنان دناڤ دامودهزگههێن حكومهتێ دا ول زانكۆيان ومزگهفت ودێران دا بهێته كرن، ديسا قهدهغهيه بانگهشا ههلبژارتنان ب نڤيسێن ل سهر ديواران بهێته كرن”.
ناڤبرى ئاماژه دا كو بانگهشا ههلبژارتنان ل دهمژمێر 12 سپێدهيا ئهڤرۆ سێشهمبى 11/9/2018 دهستپێكريه ودێ بهردهوامبيت تاكو دهمژمێر 8 سپێدهيا رۆژا 28/9/2018 ئانكو بهرى دهسپێكرنا ههلبژارتنان ب 48 دهمژمێران”.
ل دۆر هژمارا دهنگدهران ل پاريزگهها دهۆكێ عهلى به ندى گۆت” 719 هزار و 375 كهسان ل پارێزگهها دهۆكێ مافێ دهنگدانێ دههلبژارتنێن پهرلهمانێ كوردستانێ دا يێ ههى، كو دهنگدهرين دهنگدانا تايبهت ويا گشتى بخوهڤه دگرن”.
سهبارهت هژمارا بنگههێن دهنگدانێ ل پاريزگهها دهۆكێ گۆت” ن مه 257 بنگههێن دهنگدانێ ل سهرانسهرى پاريزگهها دهۆكێ يێن ههين كو 1482 ويستگههان بخوهڤه دگرن”.
رێڤهبهرێ گشتى يێ ئۆفيسا دهۆكێ يا كۆمسيۆنا ههلبژارتنان وراپرسيێ دياركر كو گۆمسيۆنێ زێدهتر ژ 8500 فهرمانبهران ل پاريزگهها دهۆكێ كو گرێبهست ل گهل هاتيه كرن، ل سهر ويستگه وبنگههێن دهنگدانێ يێن بهلاڤكرين”.
سهرۆك بارزانی: ههكه پارتى نهبا دا پلانا ژناڤبرنا ههرێما كوردستانێ سهرگريت
ئهڤرۆنيوز:
درێ ورهسمێ ناساندنا بهربژارێن پارتى ديموكراتى كوردستان هژمار 183 ل ههولێرێ، سهرۆك بارزانى پهيڤهك پێشكێشكر وراگههاند، دبانگهشا ههلبژارتنان دا، پێدڤيه پارتى بهحسێ ئاسايشا كوردستانێ بكهت ول بيرا خهلكى بينيت كو پارتى داعش شكاند.
ئهڤرۆ سێشهمبى 11/9/2018 ناساندنا بهربژارێن پارتى ديموكراتى كوردستان ب بهرههڤبوونا مهسعود بارزانى سهرۆكێ پارتى ديموكراتى كوردستان ونێچيرڤان بارزانى جێگرێ سهرۆكێ پارتى وب بهرههڤبوونا جهماوهرهكێ مهزن ولايهنگرێن پارتى ب رێڤهچوو وتێدا سهرۆك بارزانى پهيڤهك پێشكێشكر.
سهرۆك بارزانى دپهيڤا خوه دا گۆت” ئهڤرۆ 11 ئهيلوولێ يه وبيرهاتنا شۆرهشا ئهيلوولێ يه كو شۆرهشهك بوو كهس نهشيا خالهكا بچووك ل سهر بگريت كو رۆژهكێ كارهكێ نهمهردانه نهكريه، لهوما ب پێدڤى دزانم سلاڤان بۆ شۆرهشگێران ب هنێرم وئهوا نوكه ههى ههموو بهرههمێ خوينا شههيدانه”.
دپشكهكا دى يا پهيڤا خوه دا، سهرۆك بارزانى ئاماژه ب وێ چهندێ كر كو پارتى ژدامهزراندنا خوه ههتا نوكه ئامرازهك بوويه بۆ بدهستڤهئينانا مافێن رهوا يێن گهلێ مه وبدهستڤهئينانا دهستكهفتان، نوكه كو بهر ب ههلبژارتنهكا گرنگ وچارهنڤيسساز دا دچين ژبۆ ئاڤاكرنا كوردستانهكا ب هێز، پارتى پشكداريێ دوان ههلبژارتنان دا دكهت وب باوهريهكا ب هێز دهست ب بانگهشا ههلبژارتنان دكهين.
سهرۆك بارزانى گۆت ژى” ل ههلبژارتنێن 12 گۆلانێ دا، هندهك لايهنان خهونا وێ چهندێ دديت كو پارتى نهمينيت، بهلێ نهزانى كو پارتى دێ بيته حزبا هژمار ئێك، بۆ وێ چهندێ كوردستان ب هێز بيت، پێدڤيه پارتى ب هێز بيت بۆ ئاڤاكرنا حوكمرانيا باش، لهوما دڤێت ل 30 ئهيلوولێ نههێلين خهونا نهحهزان بهێته دێ وئالايێ بهرخوهدانێ وپارتى وشهرهف وكهرامهتێ بلند رابگرن”.
سهرۆك بارزانى دياركر” ل ههيڤا گۆلانا بۆرى ههلبژارتنهكا دى هاتبوو ئهنجامدان، ب پێدڤى دزانم سوپاسيا خهلكێ كوردستانێ ولايهنگرێن پارتى بكهم كو هيمهتهكا زۆر كر ونههێلا خهونا نهحهزان بدهستڤهبهێت وپارتى بوو حزبا هژمار ئێك، لهوما ب وێ ئومێدێ ل ههلبژارتنا پهرلهمانێ كوردستانێ دهنگ بدهن، چونكى بۆ وێ چهندێ كوردستان ب هێز بيت، پێدڤيه پارتى ب هێز بيت”.
گۆت ژى” داخوازا برايانه ژ ههوه دكهم ههلبژارتنهكا ئارام ئهنجام بدهن، ناڤزراندنێ ب كهسێ نهكهن، بهلكو بهرسڤا كهسهكێ نهدهن وسۆزهكێ نهدهن كو نههێته بجهئينان، بهحسێ سهروهريان وداستانان بكهن، بهحسێ كێماسيێن مه ودهسكهفتێن مه بكهن وبهحسێ خهلكێ دى نهكهن، بهحسێ وێ ئاراميێ وئاسايشێ بكهن كو دڤى وهلاتى دا ههى، بهحسێ وێ چهندێ بكهن كێ داعش شكاند”.
سهرۆك بارزانى راگههاند ژى” بهحسێ وێ چهندێ بكهن ههكه پارتى نهبا، پيلانا ژناڤبرنا ههرێما كوردستانێ دا سهرگريت وخهلكهكێ دى دا حوكمرانيێ ل كوردستانێ كهن، بهلێ پارتى پيلان شكاند وپشت راست بن ژ نوكه ووێڤه ههر پيلانهكا ب وى جۆرى دێ هيته شكاندن”.
دووپاتكر ژى” ئاخڤتنێن بێ كريار گهلهك ب ساناهى هينه، بهلێ نابيت وهكو پارتى سۆزێن بێ كريار بدهين، بيرا خهلكى بينن ل دهمێ سهرهلدانێ، كێ بهحسێ ههلبژارتنان بۆ خهلكى كر وگۆتى دا دهست ژ شهرعيهتا شۆرهشگێرى بهردهين ودستوورى بين”.
سهرۆك بارزانى ل دووماهيا پهيڤا خوه گۆت” ب ئومێدهكا بلند بۆ پێشڤه ههرن وخوه نهچهمينن”.
فازل ميرانى: پارتى روو ب روويێ پيلانان بوو وخوه نهچهماندى يه وناچهمينيت
ئهڤرۆنيوز:
پارتى ديموكراتى كوردستان دهست ب بانگهشا ههلبژارتنێن پهرلهمانێ كوردستانێ كر ونوكه ل هۆلا شههيد سهعد عهبدولا رێ ورهسمهكێ تايبهت ب بهرههڤبوونا سهرۆك بارزانى وئهندامێن مهكتهبا سياسى وجڤاتا سهركردايهتيا پارتى ب رێڤهدچيت.
ل دهستپێكا رێ ورهسمێ، فازل ميرانى سكرتێرێ مهكتهبا سياسى يا پارتى دپهيڤهكێ دا گۆت” پارتى ديموكراتى كوردستان وسهرۆك بارزانى كارى بۆ ئاراميا كوردستانێ وناسنامهكا بهردهوام بۆ خهلكێ كوردستانێ دكهن”.
رۆهنكر ژى” پارتى ب سهركردايهتيهكا ب هێز وئێكگرتى وليستهكا تژى بهربژارێن سهركرده پشكداريێ دوان ههلبژارتنان دا دكهت وداخوازێ دكهين خهلك پشكداريێ دههلبژارتنان دا بكهن”.
فازل ميرانى گۆت ژى” پارتى روو ب روويێ پيلانان بوو وخوه نهچهماندى يه وناچهمينيت وپيلانا خيانهتكارى شكاند وروو ب روويێ شكاندنا دستوورى ژلايێ بهغدا راوهستا وسهركردايهتيا شهرێ پاراستنا كوردستانێ كر”.
سكرتێرێ مهكتهبا سياسى يا پارتى دپشكهكا دى يا پهيڤا خوه دا ئاماژه كر كو بۆ ئێكهم جار دديرۆكێ دا ريفراندۆم بۆ سهربخوهيێ ب سهرۆكاتيا سهرۆك مهسعود بارزانى هاته ئهنجامدان وپشتى سهركهفتنا ريفراندۆمێ ژى مه كوردستان پاراست تا وى دهمێ لهشكركێشى بهر ب كوردستانێ هات، بهلێ پارتى خهونا وان ناڤبر يێن دخواستن ب هاريكاريا ئاخ فرۆشان دووماهيێ ب قهوارێ سياسى يێ كوردستانێ بينن.
سەرۆک بارزانی ل گهل نوونهرێ تايبهتێ نهتهوێن ئێكگرتى كۆمبوو
ئهڤرۆنيوز:
سهرۆك مهسعود بارزانى ئهڤرۆ سێشهمبى 11/9/2018 ل گهل يان كۆپيش نوونهرێن تايبهتێ سكرتێرێ گشتى يێ نهتهوێن ئێكگرتى كۆمبوو.
بارهگايێ سهرۆك بارزانى بهلاڤكر” دكۆمبوونێ دا دووماهى پێشهاتێن سياسى دناڤ پرۆسا سياسى يا عيراقى وپێنگاڤێن پێكئينانا حوكمهتا عيراقى يا نوو ورۆلێ ههرێما كوردستانێ ل دۆر وێ چهندێ هاته بهحسكرن”.
دياركر ژى” ههروهسا نوونهرێ تايبهت يێ سكرتێرێ گشتى يێ نهتهوێن ئێكگرتى بۆچوونێن نهتهوێن ئێكگرتى ل دۆر پرۆسا سياسى ل عيراقێ بۆ سهرۆك بارزانى بهرچاڤكر”.
ئاماژه دا” گهفێن تيرۆرێ وچاوانيا روو ب رووبوونا هزرا توندرهويێ وتيرۆرێ، تهوهرهكێ دى يێ كۆمبوونێ بوو”.
ئێكهتيا ئورۆپى پشتهڤانيێ ل ههلبژارتنێن ههرێما كوردستانێ دكهت
ئهڤرۆنيوز:
سهرۆك وهزيرێن ههرێما كوردستانێ، نێچيرڤان بارزانى ئهڤرۆ سێشهمبى 11/9/2018 پێشوازى ل كونسۆل ونوونهرێن وهلاتێن ئێكهتيا ئورۆپى ل ههرێما كوردستانێ كر.
دديدارهكێ دا دووماهى پێشهاتێن سياسى ورهوشا ههرێما كوردستانێ وبهرههڤيێن بۆ ئهنجامدانا ههلبژارتنێن پهرلهمانێ كوردستانێ ل 30 ڤێ ههيڤێ هاته بهحسكرن.
كۆنسۆل ونوونهرێن وهلاتێن ئێكهتيا ئورۆپى خوهشحاليا خوه بۆ ئهنجامدانا ههلبژارتنێن ههرێما كوردستانێ ل دهمێ دياركرى يێ خوه دا دهربرى وهێڤى خواستن پرۆسا دهنگدانێ ب سهركهفتيانه بهێته ئهنجامدان وپشتهڤانيا ئێكهتيا ئورۆپا بۆ پرۆسا سياسى وههلبژارتنان وپهرهپێدانێ ژيانا ديموكراسى ل ههرێما كوردستانێ دووپاتكر.
دوێ ديدارێ دا، بهحس ل پرۆسا سياسى ل عيراقێ وبزاڤێن پێكئينانا كابينا نوو يا حوكمهتا عيراقێ هاته كرن ورۆلێ ههرێما كوردستانێ وهكو ههڤپشكهكێ سهرهكى دپێكئينانا حوكمهتێ وپرۆسا سياسى ل عيراقێ ب گرنگ هاته هژمارتن.
نێچيرڤان بارزانى وشاندێ مێهڤان دههڤرا بوون كو ههلبژارتنێن عيراقێ وپێكئينانا حوكمهتهكا نوو ل بهغدا بهرسڤدانهك بيت بۆ داخوازيێن خهلكێ عيراقێ ددابينكرنا ئاراميێ وسهقامگيريێ وپێشكێشكرنا خزمهتگوزاريان وبهر ب پێشڤبرنا وهلاتى دههموو بواراندا.
سوباهى مووچێ ڤان دو وهزارهتان دێ هێته بهلاڤكرن
ئهندامهكێ سهركردايهتيا پارتى: نيڤا كورسيێن پهرلهمانێ دێ ب دهستڤهئينين
ئهڤرۆنيوز:
ئهندامێ سهركردايهتيا پارتى ديموكراتى كوردستان، عهلى عهونى دبهرپهرێ خوه ل سهر تۆرا جڤاكى يا فهيسبووكى بهلاڤكر، ل ئهيلوولێ شۆرهشا مهزن يا سهرانسهرى كوردستانێ ههلبوو وئارمانجا خوه ب دهستڤهئينا، ل ئهيلوولێ ريفراندۆما سهربخوهيا كوردستانێ هاته ئهنجامدان وسهركهفت وتێكرايا كوردستانيان دهنگ ب بهلێ دا بۆ سهربخوهيێ، ل ئهيلوولا ئهڤ ساله ژى ب پشتهڤانى ودهنگێ گهلێ كوردستانێ، پارتى دێ نيڤا كورسيێن پهرلهمانى ب دهستڤهئينيت ودێ كوردستانێ ژ ڤێ فهوزايێ رزگار كهت.
ئەڤرۆ بیرەوەریا مەزنترین شۆرەشا کوردستانێ یە
ئەڤرۆ نیوز ، زنار تۆڤی:
ئەڤرۆ 11 ئیلۆنا 2018، 57 مین سالیادا هەلکرنا چریسکا مەزنترین شۆرەشا چەرخێ بیستێ یە ل کوردستانا باشور.
ل رۆژا 11 ئیلۆنا 1961، گەلێ کوردستانا باشور، ب سەرکرداتیا رێبەرێ کورد مەلا مستەفا بارزانی شۆرەشا ئیلۆنێ ل دژی رژێما عیراقێ و بۆ بدەستڤەئینانا مافێن گەلێ کوردستانێ دەستپێکر.
د شۆرەشا ئیلۆنێ دا مستەفا بارزانی، رابەراتیا شۆرەشێ دکر و شیا خەلکێ کوردستانێ ب هەموو ئایین و نەتەوێن جۆدا ڤە ل دەوروبەرێن شۆرەشێ کۆم بکەت.
پشتی کو عەبدولکەریم قاسمی ل سالا 1958 کودەتایا سەربازی ل عیراقێ ئەنجامدای و رژێما پاشایەتیێ ل عیراقێ بۆ رژێما کۆماری گوهۆری، سوزدابوو کو مافێن کوردا بدەتێ و داخواز ژ مستەفا بارزانی کر ڤەگەریتە عیراقێ، بەلێ پشتی سێ سالان، عەبدولکەریم قاسم و رژێما وی ژ پێدانا مافێن گەلێ کوردستانێ پەشیمان بوو.
لەوما ب ئەگەرێ پەشێمان بوونا رژێما عیراقێ ژ سۆزێن خوە و نەدانا مافێن کوردان، مستەفا بارزانی شۆرەشا ئیلۆنێ ل دژی رژێما قاسمی راگەهاند.
شۆرەشا ئیلۆنێ شیا د 9 سالان دا رژێما عیراقێ نەچار بکەت کو دانپێدانێ ب مافێن گەلێ کوردستانێ بکەت، عیراقێ مافێ ئوتۆنۆمی دا کوردان، ئەڤە ئێک ژ مەزنترین ئارمانجێن شۆرەشا ئیلۆنا مەزن بوو.
ل رۆژا 11 ئادارا 1970، شۆرەشا کوردستانا باشور و رژێما عیراقێ ئەو رێککەفتننامە ئیمزا کر، کو تێدا دانپێدان ب مافێن سیاسی و ئابووری و رەوشەنبیری یێ گەلێ کوردستانێ کر و سیستەمێ حوکمێ زاتی بۆ کوردستانێ هاتە دامەزراندن.
عهبادى حهفت بڕيار ل دۆر بهسرا دهركرن
ئهڤرۆ نيوز:
حهيدهر عهبادى، سهرۆك وهزيرێن عيراقێ ل گهل لژنا تايبهت ب كاودانێن بهسرا كۆمبوو و حهفت بڕيار دهربارهيى كاودانێن وێ پارێزگههێ دهركرن.
حهيدهر عهبادى د كۆمبوونێ دا كۆمپانيا ئهلفارس راسپارديه بۆ دروستكرنا يهكهكا ڤاڤارتنا ئاڤێ و پهمپێن چێكرنا ويستگههێ ئارزيرۆ، ههرديسا پارێ مهزاختنا خوارنێ و دهمژمێرێن زێده بۆ كارمهندێن ويستگههێ.
عهبادى بڕيار دايه ژى ب راگرتنا پێشێلكاريێن ل هێلێن تۆڕێن ئاڤێ ژ لايێ وهلاتيان ڤه دهێنه كرن و ههڤدهم كۆمپانيێن وهزارهتا ژێدهرێن ئاڤێ راسپاردينه بۆ دروستكرنا هێلێن ڤهگوهاستنا ئاڤا بهدعه.
ههڤدهم بڕيار دايه ب دروستكرنا هێلا بۆريا دويێ ب هاريكاريا ناڤبهرا وهزارهتا ژێدهرێن ئاڤێ يێن پهترۆلێ بۆ دابينكرنا ئاڤا قهزا شهتولعهرهب ل باكوورێ قورنه.
د بڕيارهكا دى دا حهيدهر عهبادى د كۆمبوونا دوهى دا دايى، لهزكرنه د گرتنه بهرا رێيێن پێدڤى دا ل دامهزراندنێ بۆ كێمكرنا رێژا بێكاريێ ل پارێزگهها بهسرا.
نيشاندان
WP Facebook Auto Publish Powered By : XYZScripts.com