ئه‌ڤرۆنيوز:

 رێڤه‌به‌ريا هاتنوچوونێ ل پارێزگه‌ها دهوكێ درۆهنكرنه‌كێ دا بۆ وه‌لاتى وشوفێران ل باژێرێ دهۆكێ به‌حسێ پلانا خوه‌ بۆ هاتنوچوونا ترومبێلان ل گه‌ليێ دهۆكێ ل رۆژێن بێهنڤه‌دان وئه‌ينى دكه‌ت.

رێڤه‌به‌ريا ناڤبرى ئاگه‌هداریا هه‌موو شوفێر وه‌لاتیان دكه‌ت ژبه‌ركو قه‌ره‌بالغه‌كا مه‌زن ل گه‌لیی دهوكێ په‌یدا دبیت ب تایبه‌ت ل رۆژێن بهێنڤه‌دان و ئه‌ینی و شه‌مبیان ، ژبۆ به‌رژه‌وه‌ندیا گشتی بریار هاته‌ دان هه‌موو رۆژێن ئه‌ینی وشه‌مبى ل ده‌مژمێژ 4 ئیڤاری هه‌كه‌ قه‌ره‌بالغ بیت ژ مفره‌قا گوندێ باجلوری هاتن بۆ ترومبێلان بۆ ناڤ گه‌لیی دهۆكێ و ناڤ سه‌نته‌رێ باژێری دێ هیته‌ گرتن، ئانكو هاتن بۆ باژێرێ دهۆكی نینه،‌ به‌روڤاژی دڤێت ب رێيا مفره‌قا بێسرێ را بهێته‌ دهۆكێ .

دياركر ژى ، سه‌باره‌ت ترومبێلێن باسێن گه‌شتیاران، دڤێت بهێنه‌ راوه‌ستاندن ل پاركا به‌رامبه‌ر كۆمپانیا چرانی وهه‌كه‌ بچنه‌ ده‌ڤه‌را قارقاراڤا، دڤێت ب رێيا مفره‌قا بێسرێ را بچن.

ئه‌ڤرۆ نيوز:

مه‌سعود بارزانى سه‌رۆكێ پارتى ديموكراتى كوردستانێ پيرۆزباهيێ ل كۆچه‌ر بيركار دكه‌ت ب هه‌لكه‌فتا ب ده‌ست ڤه‌ئينانا خه‌له‌ته‌كێ جيهانى يێ زانستى د وارێ بيركاريێ دا.

بەڕێز کاک کۆچەر بیرکار
بەخۆشحاڵییەکی زۆرەوە هەواڵی ئەو سەرکەوتنە گەورەیەم بیست کە بەڕێزتان لە بوارێکی گرینگ و زەحمەتی زانستیی وەک بیرکاریدا وەدەستتان هێناوە.
بێ گومان ئاواتەکەتان هاتەدی و ئەو سەرکەوتنەتان دڵی هەموو گەلی کورد خۆش دەکات و من یەکێکم لەو چل ملیۆن کوردەی زۆر بەو سەرکەوتنەتان خۆشحاڵم و شانازییت پێوە دەکەم و هیوای سەرکەوتن و پێشکەوتنی زیاترت بۆ دەخوازم.
زۆر جێگای خۆشحاڵییە کە گەنجی کورد دەتوانێت لەبواری زانستیدا پێشبڕکێ لەگەڵ زانایانی جیهان بکات و خەڵاتی نێودەوڵەتی وەربگرێت. هیوادارم کاکە کۆچەر ببێتە سەرمەشق و نموونەی باڵا بۆ گەنجانمان و هەوڵ بدەن وەک کاکە کۆچەر بە سەرکەوتن لە بواری خوێندن و زانستدا ناوی گەلەکەتان بەرز ڕابگرن.

مسعود بارزانی
٢ـی٨ـی٢٠١٨

ئه‌ڤرۆ نيوز:

رێڤەبەرێ گشتیێ وەبەرئینانێ ل ھەرێما کوردستانێ ئاشکرا کر کو بڕیارە ھەموو ‏پڕۆژێن وەبەرئینانێ ل ھەرێما کوردستانێ بھێنە تەمامکرن و حوکمەتێ ل دۆر ڤێ ‏چەندێ ھۆشداری دایە وەبەرئینەران و گۆت: “ھژمارەکا وەبەرئینەران ھاتینە ‏دەستەسەرکرن ژوان ژی وەبەرئینەرێ دھۆکێ خالد حەمکۆ ھاتیە دەستەسەرکرن ژ ‏ئەگەرێ ئاریشان د ناڤ پڕۆژێن ناڤھاتی دا”.‏

دکتۆر نووری عوسمان، سەرۆکێ دەستیەیا گشتیا وەبەرئینانێ ب وەکالەت بۆ رۆژناما ‏ئەڤرۆ دیار کر کو حوکمەتێ ھۆشداری دایە خودانێن پڕۆژێن وەبەرئینانێ ل ‏ھەرێما کوردستانێ دەست ب پڕۆژێن خوە بکەن یێن ھاتینە راگرتن و بڕیارە ھەموو ‏پڕۆژێن وەبەرئینانێ بھێنە تەمام کرن، بەلێ ھێشتا بڕیار نینە مۆلەت ب پڕۆژێن ‏نوو بھێتە دان و ھاتینە راگرتن و بڕیارە پێداچوون بۆ بھێتەکرن دووڤ دا دەست ب ‏دانا مۆلەتا بھێتەکرن.‏

ل رۆژێن بۆری ب فەرمانا دادوەری ھژمارەک وەبەرئینەران ل ھەرێما کوردستانێ ‏ھاتنە دەستەسەرکرن و ل دۆر ڤێ چەندێ دکتۆر نووری عوسمان دیارکر کو بەلێ ‏ھژمارەکا وەبەرئینەرێن خەمساری د پڕۆژێن خوە دا کری ھاتینە دەستەسەرکرن ل ‏ھەولێرێ و ل دھۆکێ ژی (خالد حەمکۆ) ھاتیە دەستەسەرکرن، ئەگەرێ گرتنا ‏وەبەرئینەر خالد حەمکۆی بۆ ڤێ چەندێ ڤەدگەڕیت پڕۆژێن وی وەبەرئینەری ‏ئاریشە تێدا ھەبوون لەوڕا ھاتیە دەستەسەرکرن.‏

ئه‌ڤرۆ نيوز:

رێڤەبەرێ گشتیێ پرۆگرام و چاپەمەنیێ ل وەزارەتا پەروەردێ ئاشکرا کر کو ل سالا بھێت ‏دێ پڕۆگرامێن خواندنێ ب تەمامی ھێنە گوھۆرێن و گۆت: “وەزارەتێ پرتووکێن قوتابخانان ‏بۆ ھەموو قووناغان چاپکرینە و ئەڤ سالە باشترین سال دبیت ددەمێ خوە دا پرتووک بھێنە ‏بەلاڤکرن”.‏

کاوە عومەر، رێڤەبەرێ گشتیێ پرۆگرام و چاپەمەنیێ ل وەزارەتا پەروەردێ بۆ رۆژناما ‏ئەڤرۆ دیار کر کو ئەڤ سالە چو گوھۆڕین ب سەر پرۆگرامێن خواندنێ دا ناھێن، چونکی ‏سالا خواندنێ نێزیک بوویە و د ڤی دەمی دا گوھۆڕینا پرۆگرامان چو مفایێ خوە نابیت، ‏بەلێ وان پلانەکا مەزن ل بەردەستە کو سالا داھاتی گوھۆڕینێن مەزن و تەمام بسەر ‏پڕۆگرامێن خواندنێ دا بھێن و دێ بۆ سالا خواندنێ 2019 – 2020ێ گوھۆڕینێن بەرچاڤ ‏ھێنەکرن و گۆت: “نوکە کار یێ ل سەر گوھۆڕینا پڕۆگرامان دھێتەکرن و سەرۆکاتیا جڤاتا ‏وەزیران ژی رەزامەندی ل سەر ھندەک گوھۆڕینان کریە و ھەکە چو ئاستەنگ نەھێنە پێش ‏پلانا وەزارەتێ ئەوە ھەموو پڕۆگرامێن خواندنێ بھێنە گوھۆڕین”.‏

ناڤھاتی ئاماژە دا وێ چەندێ کو پرتووک بۆ ھەموو پۆلێن قووناغێن بنەڕەتی و ئامادەیی ‏ھاتینە چاپکرن و پشکەک ژ وان گەھشتینە کۆگەھێن وەزارەتێ و گۆت: “ئەم پێشبینی ‏دکەین ئەڤ سالە باشترین سال بیت بۆ بەلاڤکرنا پرتووکا، چونکی مە ل بەرە ل دەستپێکا ‏ڤەبوونا دەواما قوتابخانا پرتووک ئێکسەر ل سەر ھەموو قوتابیان بھێنە بەلاڤکرن، ھەتا ‏رێژەیەکا زۆر زێدەتر ل سالێن بۆری ھاتینە چاپکرن و چو ئاریشە نابن ل دۆر پرتووکێن ‏قوتابخانێ”.‏