ئهڤرۆ نیوز، باسم قاسم:
ئەڤرۆ ل دەمێ فروكێن نەنیاس ب دژوارى كاروانهكێ ترومبێلێن هێزێن YPŞ يێن ب سهر پهكهكێ ڤه بوردومان كرین و ب گۆرهى هندهك پێزانينان فرۆكه یێن توركى نه، بهلێ بهلێ هاته زانین كو ئهو هێزا هاتیه بوردومانكرن هێزا YPŞ بوو .
ب گۆرهى پێزانينێن (ئهڤرۆ نیوز) ل دهوروبهرێن دهمژمێر 5:00 یا ئێڤاریا ئهڤرۆ چارشهمبى 15/8/2018 هندهك فرۆكێن نهنياس كاروانهكێ ترومبێلێن هێزهكا چهكدار ل سهر رێیا گشتى دناڤبهرا رۆژههلات و رۆژئاڤا چیایێ شنگالێ و دهڤهرا (شلو) بوردومانكر و ترۆمبێلێن هێزێن YPŞ کرنە ئارمانج و
د وێ بوردومانێ دا بەرپرسێ YPŞ ب ناسناڤێ (مام زەکی) هاته كوشتن دگەل چەند هەڤالێن خوە، لێ هەتا نۆکە نەهاتیە زانین چەند هەڤالێن وی دگەل دا بوون.
ئهڤرۆ نیوز:
مهسرور بارزانی شیرهتكارێ جڤاتا ئاسایشا ههرێما كوردستانێ د پهیامهكێ دا ب ههلكهفتا ژ دایكبوونا سهرۆك بارزانی و سالرۆژا دامهزراندنا پارتی دیمۆكراتی كوردستان، بهلاڤكریه و راگههاندیه، پارتی سهر بۆ چو فشار و گهفان نهچهماندیه.
د پهیامێ دا ل دۆر سهرۆك بارزانی هاتیه” بۆ من و ههموو دلسۆز و خهباتكهرێن راستهقینه یێن نیشتمانی، سهرۆك بارزانی رێبهر و هێمایهكێ مهزنێ نیشتیمانی یه، كو ههموو ژیانا خوه بۆ سهرفرازیا مللهتێ مه و چهسپاندنا ئاشتی و پێشڤهبرنا كهلتورێ مرۆڤدوستانه و پێكڤهژیانا ههموو پێكهاتێن كوردستانێ تهرخان كریه”.
د پشكهكا دی یا پهیاما مهسرور بارزانی دا هاتیه” ل گهل ب هێزیا پارتی، دێ مه كوردستانهكا ب هێز ههبیت و ههر پارتی وهك ههر جار هێڤێنێ ئێكرێزیا ناڤمالا كوردستانێ ژی بیت”.
ئهڤرۆ نیوز، ئازاد نسری:
ل دووڤ نیڤسارا وهزارهتا خواندنا بلند و ڤهكۆلینێن زانستی یا ژماره 10627 ل 15/8/2018 دهركهفیته و ئیمزا د. یوسف گۆران وهزیرێ خواندنا بلند ل سهره، ئهو قوتابی و بهربژارێن ل ئێك ژ ئهزموونێن ستاندارتێن شیانێن زمانێ ئینگلیزی نمرا پێدڤی ل دووڤ رێنمایان ب دهستڤه نهئینای، ل دووڤ ئاستان دێ پشكداریێ د كۆرسهكێ ستاندارتێ تایبهت ب پێشڤهبرنا زمانێ ئینگلیزی كو ژ لایێ رێكخراوا AMIDEAST یا نێڤدهولهتی ب ههماههنگیا سهنتهرێن زمانێ ئینگلیزی یێن زانكۆیێن حكومیێن كوردستانێ دێ هێنه رێكخستن.
د خالهكا دی دا هاتیه” ئهڤ بڕیاره وان ههموو قوتابیێن ماستهر و دكتۆرایێ دگریت یێن ل سالێن 2015ـ2016 و 2016ـ2017 ل زانكۆیێن ههرێمێ هاتینه وهرگرتن”.
ئهڤرۆ نیوز، حهمۆ محهمهد:
بهرپرسێ پشكا پهیوهندی و راگههاندنێ ل رێڤهبهریا هاتنوچوونا دهۆكێ بۆ ئهڤرۆنیوز دیار كر، د حهفت ههیڤێن بۆری یێن ئهڤ ساله دا، 77 كهسان ب روودانێن هاتنوچوونێ گیانێ خوه ژ دهست دایه و 589 كهس ژی بریندار بووینه.
موقهدمێ مافپهروهر ئازاد تاها، بهرپرسێ پشكا پهیوهندی و راگههاندنێ ل رێڤهبهریا هاتنوچوونا دهۆكێ ئامارا روودانێن هاتنوچوونێ یێن حهفت ههیڤێن بۆری بهلاڤكرن و ئاشكرا كر، 628 روودان د حهفت ههیڤێن بۆری دا رووداینه و گۆت: “د وان روودانان دا 77 كهسان گیانێ خوه ژ دهست دایه و 589 كهس ژی بریندار بووینه”.
موقهدمێ مافپهروهر ئازاد تاهای خویا ژی كر، ئهو روودانه د جوراوجور بوون، ژ وان ژی 423 ژ جۆرێ لێكدان، 64 وهرگهڕیان، 138 لێدان و سێ ژی سۆتنا ترۆمبێلان بوون.
ئهڤرۆ نیوز، باسم قاسم:
دهمهكێ كێم بهرى نوكه فروكێن نهنياس ب دژوارى كاروانهكێ ترومبێلێن هێزهكا چهكدار بوردومان كر و ب گۆرهى هندهك پێزانينان فرۆكه یێن توركى نه، بهلێ ههتا نوكه ناهێته زانین ئهو هێزا هاتیه بوردومانكرن چ هێزه.ب گۆرهىپێزانينێن ئهڤرۆ نیوز دهوروبهرێن دهمژمێر 5:00 یا ئێڤاریا ئهڤرۆ چارشهمبى 15/8/2018 هندهك فرۆكێن نهنياس كاروانهكێ ترومبێلێن هێزهكا چهكدار ل سهر رێیا گشتى دناڤبهرا رۆژههلات و رۆژئاڤا چیایێ شنگالێ و دهڤهرا (شلو) بوردومانكر، بهلێ ههتا نوكه ناهێته زانين ئهو چو هێزبوو هاتیه بوردومانكرن و قوربانى ههنه یان نه ، دیسان بوردومان ژلایێ فروكێن كیش وهلاتى بوو.
ئهڤرۆنيوز:
سهرۆك مهسعود بارزانى ئهڤرۆ چارشهمبى 15/8/2018 پێشوازى ل دوگلاس سيليمان باليوزێ ئهمريكا ل عيراقێ وستيڤ فاگين كونسۆلێ ئهمريكا ل ههولێرێ كر.
دديدارهكێ دا رهوشا سياسى يا عيراقێ ودهڤهري وپێشهاتين نوو ل سهر ئاستێ ههريمايهتى ونيڤدهولهتى بهحسكرن وباليۆزێ ئهمريكا ل عيراقێ ستراتيژيهتا وهلاتێ خوه ل دۆر دووماهى ويستگههێن شهرێ داعشێ وهاريكاريا ئاواره وپێكهاتين عيراقێ وههروهسا گوهۆرينێن ههرێمايهتى بۆ سهرۆك بارزانى بهرچاڤكرن وئاماژه ب رۆلێ كاريگهري سهرۆك بارزانى وحوكمهتا ههريمێ ل پاراستنا پێكهاته وئاوارێن عيراقێ ژ شهرێ تيرۆرستێن داعشێ كر.
دپشكهكا دى يا وێ كۆمبوونێ دا بۆچوون ل دۆر عيراقا پشتى ههلبژارتنان وبزاڤێن پێكئينانا حوكمهتهكا نوو وههڤكێشێن دناڤ عيراقێ دا هاتنه ئالوگوركرن وسهرۆك بارزانى دياركر كو ئهوا ل دهف ههرێما كوردستانێ گرنگ بهرنامێ حوكمهتا داهاتى يا عيراقێ يه وههروهسا پێگيريبوونا لايهنان ب سێ پرنسيبێن ههڤپشك دحوكمداريێ وتهوافوقێ دقانوون دانانێ دا وههڤسهنگى ل دهزگههان ئهولهويهتا سهرهكى يه ودووپاتى ل وێ چهندێ ژى كر كو ل بهرچاڤ وهرگرتنا وان ههرسێ پرنسيبان دێ بيته ئهگهرێ چارهسهركرنا گهلهك كێشان.
ئهڤرو سپێدێ 15-8-2018ل ئوتێلا ریكسوس وب ئامادهبونا فهرهاد ئهمین ئهتروشی پارێزگهرێ دهوكێ وقایمقام ورێڤهبهرێن گشتی یێن چهند فهرمانگهها وچهند رێڤهبهرێن ناحیا ،ئهنجومهنێ بلند یێ خانمان ب هاریكاریا رێكخراوا (UN-WOMEN) خولهكا تایبهت ل دور ههڤسهنگیا جیندهری و پێشڤهبرنا شیانان ڤهكر.
لبهراهیێ پهیڤا رێڤهبهریا خولێ هاته خاندن وئارمانجا ڤهكرنا خولێ هاته دیاركرن.
پاش پارێزگهرێ دهوكێ پهیڤهك پێشكێشكر ودهست خوشی ل ئهنجومهنێ باڵا یێ خانمان كر كو ئهڤ خوله ڤهكریه وسهركهفتن بو خواست.
پارێزگهرێ دهوكێ دیاركر كو مروڤ مروڤه چ ژن بیت یان مێر بیت ههردوو خودان شیانن وتمامكهرێن ههڤدوونه دڤی جڤاكی دا لێ هندهك هوكار یێن پهروهردهیی ومهعریفی وهزری ههنه كو دبنه رێگر بو پێشكهفتنا ئافرهتێ وئاماژه دا رولێ حكومهتا ههرێما كوردستانێ یێ پهرهپێدانا ئافرهتێ .
ههروهسا گوت :ل گهلهك وهلاتێن جیهانێ ب چاڤهكێ ئابوری سهحدكهنه شیان ورولێ ئافرهتێ و گهلهك جارا ئافرهت ب خو ژی دبیته هوكار كو پێشنهكهڤیت ئهوژی ژبهرعادات وتهقالیدێن جڤاكی .
ل دوماهیێ خواست كو ئهڤ خوله ببنه دهرگهه بو كێمكرن ونههێلانا ههموو ئاستهنگا ل ههمبهر پێشكهفتنا ئافرهتێ وپشتهڤانیا پارێزگههێ نیشان دا بو ڤان جوره چالاكیان وسهركهفتن بو پشكدارا خواست.
پاش پهخشان زهنگهنه ئهمیندارا گشتی یا ئهنجومهنێ بلند یێ خانمان پهیڤهك پێشكێش كر وئارمانجێن خولێ بهرچاڤكرن ههروهسا نونهرا رێكخراوا (UN-WOMEN) پهیڤا خو پێشكێشكر.
پاش راهێنهر صهلاح صهدیق سمینارهك ل دور جێندهرناسی دبوارێ كارگێری دا وچهندین بابهتێن ل دور ستراتیجیا نیشتمانی وپهرهپێدا نا رهوشا ئافرهتێ وبهرهنگاربونا توند وتیژیێ ل دژی ئافرهتان ل ههرێما كوردستانێ بو سالێن 2016-2026ورولێ حكومهتا خوجهی بو بجه ئینانا وێ ستراتیجیێ پێشكێشكرن.
پاش دان وستاندن ژلایێ بهرههڤبویا ل سهر بابهتێن سمینارێ هاتنه ئالوگوركرن .
بریاره سوبههی ژی 16-8-2018بهردهوامی ب بهرنامێن خولێ بهێته دان وراهێنهر عبداسلام مهدهنی سمینارهكێ ل دور بابهتی پێشكێش بكهت.
ئهڤرۆنيوز:
دساليادا 16 ئاب دا، سال رۆژا دامهزراندنا پارتى ديموكراتى كوردستان، مهكتهبا سياسى يا پارتى پهيامهك بهلاڤكر، دپشكهكا پهيامێ دا هاتيه، بهرى 72 سالان دهمێ نهئومێدى ب سهر نهتهوا كورد دا هاتى، پارتى ديموكراتى كوردستان وهكو چرايهكى ههلبوو تاكو تاريێ وبێ ئومێديێ لادهت ودوباره وره وباوهريێ دناخێ مرۆڤێ كورد دا ڤهژهنيت.
مهكتهبا سياسى پارتى دياركر ژى” پارتى وهكو بهرسڤدانا غهدرا ديرۆكى يا بێ بههركرنا كوردان ژمافێ چارهنڤيس، بۆ ب دووماهى ئينانا بن دهستيێ، بۆ وێ چهندێ نهتهوا كورد وهكو نهتهوێ مهزن يێ چارێ ل دهڤهرێ پێگههێ شايسته يێ خوه بدهستڤهبينيت، وهكو پێدڤيهكا ديرۆكى وگوزارشت ل ئيرادا مللهتهكى هاته مهيدانێ كو بهرههڤ نهبوو بن دهستيێ وپاشكويهتيێ وهكو قهدهر وچارهنڤيسهكێ نهگۆر قهبوول بكهت”.
دياركر ” ئهڤرۆ كو بيرهوهريا 72 ساليا دامهزراندنا پارتيا خوه دكهين، پارتيا مه ههمان وره وباوهرى وبهرچاڤ رۆهنى، ب ههمان پێداگيرى ل سهر پرنسيبێن نهگۆر يێن گهلێ مه وبگره زێدهتر ژى ژ جاران، يا رژده ل سهر سياسهت وههلويستێن خوه، رژده ل سهر پاراستن وب هيزكرنا قهوارێ كوردستانێ كو ل پێنج سالێن بۆرى دا ب جۆرهها پيلان وشهر پێ فرۆشتن وسهنگهر لێگرتن دخواستن ژناڤ ببهن ورهنجا 100 سالى يا كوردان ب باى بدهن”.
ئاماژه دا” ل پێنج سالێن بۆرى پارتيا مه ب وره وباوهريهكا پۆلايى روو ب روو ههموو وان گهفان بوو وخوهشبهختانه ئێك ل دووڤ ئێك دا هاتنه شكاندن، پارتيا مه وسهرۆك بارزانى رێبهرايهتيا شهرێ بهرگريێ ژكوردستانێ وشكاندنا داعشێ ب پيرۆزى گههاند”.
ئهڤرۆنيوز:
كۆمسيۆنا بلند يا ههلبژارتنان وراپرسيێ ل ههرێما كوردستانێ ناڤێن ههموو بهربژارێن لايهنێن پشكدار د ههلبژارتنێن پهرلهمانێ كوردستانێ بهلاڤكرن.
بۆ دۆتنا ناڤان ڤى لينكى كليك بكه :
http://www.khec.krd/pdf/2014111582018_candid%20name.pdf
نيشاندان