ئەڤرۆ نیوز ، زنار تۆڤی:
لدووڤ زانیاریێن ئەڤرۆ نیوز ئەڤرۆ چارشەمبی 27 خزیرانا 2018 دێ ئەنجامێن ئەزموونێن پۆلێن 9 و 12 هێنە راگەهاندن.
هەروەسا وەزارەتا پەروەردێ ئەو قوتابی ئاگەهدارکرینە یێن کو نمرێن بلند بدەستڤە ئیناین و سەرکەفتیێن ئێکێ نە، ئەڤرۆ ل دەمژمێر 11 بەری نیڤرۆ ل ئاڤاهیێ وەزارەتێ ئامادەبن.
وەسا بریارە ئەڤرۆ ل دەمژمێر 11 بەری نیڤرۆ و د کۆنگرەکێ رۆژنامەڤانیدا وەزارەتا پەروەردێ ئەنجامێن ئەزموونان ئاشکرا بکەت و ب رێیا مالپەرێ تایبەت ب ئەزموونان ڤە ئەنجام دێ هێنە ئاشکرا کرن.
ئەڤرۆ نیوز ، زنار تۆڤی:
سەرۆک وەزیرێن عیراقێ رادگەهینیت، د جڤاتا وەزیران دا گوتۆبێژکرنا کۆنترۆلکرنا سنورێن دناڤبەرا عێراق و تورکیا و ئێرانێ هاتیە کرن، داخواز دکەن کو چەک ب پەکەکێ نەهێتەدان.
حەیدەر عەبادی، سەرۆک وەزیرێن عێراقێ ل رۆژا سێشەمبی 26 خزيرانا 2018 د کۆنگرێ رۆژنامەڤانی حەفتانەدا راگەهاند کو روودانا رەڤاندنێ ل رێیا دناڤبەرا کەرکوک-دیالە تاوانەکا تیرۆریستیە.
هەروەسا گوت ژی، هندەک لایەن هەنە دڤێن کو ناکۆکیێن سیاسی ب دەلیڤە ببینن بۆ بانگەشەکرنێ بۆ کارێن تیرۆریستی و بەلاڤەکرنا درەوان و لاوازکرنا وەلاتی، داخواز ژ راگەهاندنی کر کو نووچێن بێ بنەما و یێن تایبەت ب کەیسا رەڤاندنێ بەلاڤ نەکەن.
عەبادی د کۆنگرێ خوە یێ رۆژنامەڤانیدا گوت ژی پێدڤیە چەک ژ هەموو گروپێن چەکداری یێن دناڤ ئاخا عێراقێ دا و دناڤ وان ژی دا پەکەکێ بهێتە وەرگرتن، د جڤاتا وەزیران دا گوتۆبێژکرنا دەربارەی کۆنتڕۆلکرنا سنورێ دناڤبەرا عیراق-تورکیا-ئێرانێ هاتیە کرن.
ئه‌ڤرۆنيوز:
بيڤه‌له‌رزه‌كێ ئه‌ڤ شه‌ڤه ل هه‌ردو پاريزگه‌هێن سلێمانيێ وهه‌له‌بجه وده‌ڤه‌رێن ده‌وروبه‌ر دا.
ئۆمێد خه‌ليل، جيولوجى، بۆ ئه‌ڤرۆنيوز گۆت” بيڤه‌له‌رز ل ده‌مژمێر نه‌هێ ئه‌ڤ شه‌ڤه روودا، كو ژ ئه‌نجامێ بيڤه‌له‌رزا سه‌ره‌كى ئه‌وا ل باژێرێ كه‌رماشان يێ ئيرانى داى”.
ئۆمێدى دياركر” هێزا وێ بيڤه‌له‌رزێ كێمتر بوو ژ 5 پله‌يان ل سه‌ر بيڤه‌رێ رێختر يێ جيهانى”.
ئه‌ڤرۆ نيوز:
شانده‌كێ ئێكه‌تیا ئورۆپا ب جودا ل گه‌ل نێچیرڤان بارزانى یێ سه‌رۆك وه‌زیر و قوباد تاله‌بانى، جێگرێ سه‌رۆك وه‌زیران كۆم بوون، شاندێ ئێكه‌تیا ئورۆپا ب سه‌رۆكاتیا رامون بێكوا بالیوزێ ئێكه‌تیا ئورۆپا ل عیراقێ رژدى ل وێ یه‌كێ كر كو ئه‌و بۆ بجهئینانا چاكسازیێن حوكمه‌تا هه‌رێما كوردستانێ دێ د هاریكاربن.
هه‌ر ئه‌ڤرۆ نێچیرڤان بارزانى پێشوازیا هنارتیێ تایبه‌تێ سكرتێرێ گشتى یێ نه‌ته‌وێن یه‌كگرتى بۆ عیراقێ كر، هه‌ردو ئالى هه‌ڤرا بوون، ژبۆ ڤه‌ره‌ڤاندنا گومانا ئالیێن نه‌رازی ل سه‌ر ئه‌نجامێن هه‌لبژارتنان و ب پێدڤی زانى پرۆسا بده‌ست هژمارتنا ده‌نگان بله‌ز بهێته كرن.
هه‌روه‌سا سه‌رۆك وه‌زیرێن هه‌رێما كوردستانێ و نوونه‌رێ نه‌ته‌وێن ئێكگرتی ل ئیراقێ ب پێدڤی ژی زانی، هه‌موو ئالی پشكداری حكومه‌تا نوو یا ئیراقێ ببن و حكومه‌ته‌ك بهێت پێكئینان كو بشێت هه‌موو كێشان چاره بكه‌ن.
ئه‌ڤرۆ نيوز:
رائیدێ مافپه‌روه‌ر بێوار عه‌بدولعه‌زیز به‌رپرسیێ راگه‌هاندنا به‌ره‌ڤانیا باژێرى ل دهۆكێ بۆ ئه‌ڤرۆ نیوز دیاركر ل ده‌مژمێر 6 و 30 ئێڤاریا ئه‌ڤرۆ ئاگر به‌ربوویه چیایێ زاوا و هه‌تا نوكه پتر ژ 50 دونه‌م سوتینه و گۆت” نوكه سێ بنگه‌هێن ئاگر ڤه‌مراندنێ، مالتا، گه‌لى، دومیز گه‌هشتینه جهێ روودانێ و بزاڤێ ته‌مراندنێ ئاگرى دكه‌ن”.
به‌رپرسێ راگه‌هاندنا به‌ره‌ڤانیا باژێرى ل دهۆكێ دیاركر كو هێشتا ئه‌گه‌رێن روودانا ڤى ئاگرى دیارنه‌بووینه و گۆت” ئاگر دێ هێنه كونترولكرن ژبه‌ر كو نه ل جهه‌كێ ئاسێ یه، یه تیمێن مه یێن بزاڤا كونترۆلا ئاگرى دكه‌ن”.
ئه‌ڤرۆنيوز:
پشتى ئه‌ڤرۆ سێشه‌مبى هه‌لبژارتيێ پيرۆ شياى دو گۆلان ل سه‌ر هه‌لبژارتيێ ئۆستراليا تۆمار بكه‌ت وب ئه‌نجامێ 2-0 ب سه‌ركه‌ڤيت، پشتى ل هه‌ردو ياريێن خوه يێن بۆرى ب ئه‌نجامێ 0-1 هاتيه دوراندن، تنێ هه‌لبژارتيێ كوستاريكا دمينيت كو تاكو هه‌لبژارتيێ پشكداره دمونديالا رووسيا دا كو هه‌تا نوكه چو گول تومار نه‌كرين.
كوستاريكا د ئێكه‌م ياريا خوه دا ل گه‌ل هه‌لبژارتيێ سربيا ب ئه‌نجامێ 0-1 هاته دوراندن ول ياريا دويێ ل گه‌ل هه‌لبژارتيێ به‌رازيل ب ئه‌نجامێ 0-2 هاته دوراندن كو هه‌ردو گۆلێن به‌رازيلێ ل ده‌مێ زێده‌كرى يێ گێمێ دويێ هاتبوونه تۆماركرن، كوستاريكا تنێ ياريه‌ك يا ماى ل گه‌ل هه‌لبژارتيێ سويسرا.
ديسا هه‌تا نوكه تنێ دو هه‌لبژارتيێن پشكدار دمونديالا رووسيا دا هه‌تا نوكه گۆل ل سه‌ر نه‌هاتيه تۆماركرن ئه‌وژى هه‌ردو هه‌لبژارتيێن كرواتيا وئورگواى، هه‌رچه‌نده ئورگواى سيێ يارى يێن كرين وكرواتيا ياريه‌ك يا ماى، ئورگواى سه‌ركه‌فتن ل سه‌ر هه‌لبژارتيێن مسر وسعوديه ورووسيا تۆماركربوون ب ئه‌نجامێن 1-0 ل سه‌ر مسرێ وسعوديێ و3-0 ل سه‌ر رووسيا. هه‌لبژارتيێ كرواتيا ژى سه‌ركه‌فتن ل سه‌ر هه‌لبژارتێ نێجيريا ب ئه‌نجامێ 2-0 وئه‌رجه‌نتين ب ئه‌نجامێ 3-0 تۆمار كريه وئه‌ڤ شه‌ڤه دێ ياريا خوه يا سيێ ل گه‌ل هه‌لبژارتيێ ئايسلاندا ئه‌نجام ده‌ت.
ئه‌ڤرۆنيوز:
سه‌رۆك وه‌زيرێن عيراقێ، حه‌يده‌ر عه‌بادى، ئه‌ڤرۆ سێشه‌مبى 26/6/2018 داخواز ژ په‌كه‌كێ كر چه‌كێ خوه دانيت.
حه‌يده‌ر عه‌بادى، سه‌رۆك وه‌زيرێن عيراقێ، دچارچۆڤێ كۆنگرێ رۆژنامه‌ڤانى يێ حه‌فتانه ل به‌غدا، داخوازا ژ چه‌ككرنا هه‌موو گرۆپێن چه‌كدارى ل سه‌ر ئاخا عيراقێ كر وه‌كو ئاماژه‌ك بۆ پارتيا كاركه‌رێن كوردستانێ (په‌كه‌كێ). ئه‌ڤ داخوازا عه‌بادى هات پشتى كۆمبوونا جڤاتا وه‌زيرێن عيراقێ كو ئێك ژ خالێن تێدا به‌حس ل سه‌ر هاتيه كرن ته‌ناهيا سێگۆشا سنورێ عيراق وئيران وتوركيا بوو.
عه‌بادى، راگه‌هاند ژى” دكۆمبوونا جڤاتا وه‌زيران دا پرسا پاراستنا سنورێن عيراقێ ل گه‌ل هه‌ر ئێك ژ ئيرانێ وتوركيا وسووريێ هاته به‌حسكرن”,
ئەڤرۆ نیوز ، نەوزاد هلۆری:
پشتی چار هەیڤان ژ قەدەغەكرنا نێچیر و گرتنا ماسیان ئەڤرۆ وێڤە ماسیگر د ئازادن د گرتنا ماسیان دا ، رێڤەبەریا دارستان و پاوان و ژینگەها ئاكرێ ژی دیاركر كو هەر كەسێ پێنج خالان دگرتنا ماسیان دا بەرچاڤ نەكەت دێ هێتە سزادان.
سەمیع سەدیق، ماسیگرەكێ دەڤەرا ئامێدیێ یە دیاركر كو ئەڤە چار هەیڤە ئەو چاڤەرێ راكرنا قەدەغەیا گرتنا ماسیانە و بۆ ئەڤرۆ نیوز گۆت: (گرتنا ماسیان د هەیڤێن قەدەغەكری دا كارەك نەشارستانی و مرۆڤایەتی یە و دبیتە ئه‌گه‌رێ نەهێلانا ماسیان ژبەرڤێ ئەم وەكو ماسیگر پێگریێ ب گرتنا وان دكەین و نها دلخوه‌شین كو جارەك دى بریارا گرتنا ماسیان هاتیە دەركرن، ژ بەركو پشكه‌ك ژ وەلاتیان ب رێیا فرۆتنا ماسیان داهاتەكێ بۆ خوە پەیدا دكەن).
زێدەتر گۆت: (ئەم ماسيان ل رووبارێن ئاڤا شین و رووبارێ زێ مەزن دگرین و ل بازارێن شێلادزێ و بارزان دفرۆشین و هەتا نها بهایێ كیلۆيه‌كا ماسیان دیار نینە، بەلێ هەر وەكو پارسال دێ دناڤبەرا پێنج بۆ 15 هزار دیناران هێنە فرۆتن و ل سەر جۆرێ ماسیان دمینیت، هەر چەنده ماسیێن حەوز و پرۆژەیان يێن هه‌ين، بەلێ خواستا خەلكی پتر ل سەر ماسیێن رووباران يا هه‌ى ژبەركو تاما وان يا خوشترە و ساخله‌م ژی ترە).
موقەدەم ئیبراهیم ئاكره‌يى، رێڤەبەرێ دارستان و پاوان و ژینگەها ئاكرێ بۆ ئەڤرۆ نیوز گۆت: (پشتی قەدەغەكرنا نێچیرا ماسیان ژبەر كێشك و خەرزی، ئەڤرۆ وێڤە هەر ماسیگرەك دشێت بچيتە ماسیان و ئەو يێ ئازادە چ بوو خوارنێ یان بۆ فرۆتنێ، بەلێ پێدڤیە ب گۆرەی رێنمایێن ژینگەهێ بیت).
زێدەتر گۆت: (هەر كەسێ ماسیان ب رێيێن نەقانونى وه‌كو بكارئينانا دەرمانێن ژەهركر ، بومبە و تی ئێن تی ، كارەبا ، تۆرێن بچووك و هەر رێیەكا دى یا كۆمكوژیا ماسیان ، بچيتە ماسیان، دێ ب توندی هێتە سزادان و هەر چەنده چو ئامار ل بەر دەستێ مە نین كا هژمارا ماسیگران چەندە، بەلێ ئەم دشێن بێژین كو رۆژانە د دەما گرتنا ماسیان دا نێزیكێ 300 كەسان ب درێژاهیا رووبارێ زێ مەزن ماسیان دگرن ب هەردو شێوازێن بۆ فرۆتنێ و بۆ خوارنا رۆژانەیا خوە ل مال وڤان پێنج ئەگەران كارتێكرن ل كێمبوونا ماسیان ل سنورێ قەزا ئاكرێ و رووبارێ زێ مەزن و رووبارێن دى ژی كریە).
ب گۆرەی ئاخفتنێن ناڤبری ، راڤەكرنا ماسیان د هەموو وەرزێن سالێ دا دبیتە ئه‌گه‌رێ بنبربوونا ماسیان و نەمانا وان ب ئێكجارى و زێدەتر گۆت: (پێدڤیە هەر وەلاتیەك وەكو زێرەڤان و چاڤدێرەكێ ب هێز و وژدان بیت ل سەر پاراستنا ژینگەهێ داكو ماسی بەردەوام هەبن، ل سنورێ پارێزگەها دهۆكێ و ل ده‌ڤه‌را ئاكرێ ژی هژمارەكا رووباران يێن هه‌ين و سالانە پشتی ئازادكرنا دەمێ گرتنا وان هژمارەكا زۆر یا خەلكی ب رێیا گرتن و فرۆتنا ماسیان داهاتەكێ بۆ خوە پەیدا دكەن ژبەرڤێ چه‌ندێ گرنگە كو ماسی بهێنە پاراستن).
دهێتە زانین كو ب مەرەما پاراستنا سامانێ ماسی و پاراستنا وان ، سالانە ل 21/3 هەتا 15/6 نێچيرا ماسی ژبەر دانا خەرزی دهێنە قەدەغەكرن.
ئه‌ڤرۆنيوز:
جێگرێ سەرۆك وه‌زيرێن هه‌رێما كوردستانێ، قوباد تاله‌بانى، قۆناغا دويێ يا سيسته‌مێ بايۆمه‌ترى بۆ مووچه‌خۆران راگه‌هاند ول دووڤ وى سيسته‌مى هه‌ر مووچه‌خۆره‌كى دێ هژمارا حيسابى بۆ هێته دروستكرن وچاكسازى ژى دێ دميلاكاتا وشيانێن مرۆڤى دا هێته كرن.
قوباد تاله‌بانى، دپه‌يامه‌كا به‌لاڤكرى دا گۆت” مه ده‌ست ب پرۆسا په‌سه‌ندكرنا قۆناغا دويێ يا پرۆژێ بايۆمه‌ترى كر كو پێكهاتيه ژ چاكسازيێ دميلاكاتا وشيانێن مرۆڤى يێن حوكمه‌تێ دا، ل گه‌ل ده‌ركرنا هژمارا حيسابى بۆ هه‌ر مووچه‌خۆره‌كێ حوكمه‌تێ”
دهێته زانين ل دووڤ بريارا هژمار 111، جڤاتا وه‌زيرێن هه‌رێما كوردستانێ، قۆناغا ئێكێ يا سيسته‌مێ بايۆمه‌ترى خسته دبوارێ بجهئينانێ دا.
نيشاندان