ئه‌ڤرۆنيوز:
تايێ دهۆكێ يێ كۆمپانيا گشتى يا بازرگانيا ئاهێن خوارنێ درۆهنكرنه‌كێ دا كو ئاراسته‌ى رۆژناما ئه‌ڤرۆ وسايتێ ئه‌ڤرۆنيوز كرى ل دۆر بابه‌ته‌كى كو ل رۆژا 27/5/2018 ل سايتێ ئه‌ڤرۆ نيوز به‌لاڤ رادگه‌هينيت كو ئه‌و يا به‌رپرسيار نينه ل سه‌ر به‌لاڤكرنا برنجێ خراب.
ل رۆژا 27/5/2018، وه‌لاتيه‌كێ ناحيا سه‌رسنكێ بۆ ئه‌ڤرۆنيوز دياركربوو كو ده‌مێ چوويه بنگه‌هه‌كێ وه‌گرتنا ئاهێن خوارنێ ل سه‌رسنكێ دا برنجى وه‌ربگريت وده‌مێ ده‌رگه‌هێ ته‌ليسێ برنجى ڤه‌دكه‌ت دياربوو كو ئه‌و برنج ب ئێكجارى يێ خراب بوو و بكێر خوارنێ نه‌دهات”.
وى وه‌لاتى گوتبوو ژى” ده‌مێ مه ته‌ليسه‌كێ دى ڤه‌كرى يێ ب هه‌مان شێوه بوو، ته‌ليسێ سيێ مه ڤه‌كرى برنج دروست ده‌ركه‌ڤت ومن به‌هرا خوه بر وزڤريم مال”.
دياركر بوو ژى كو ئه‌ڤ شاشى يا بنگه‌هێن به‌لاڤكرنا ئاهێن خوارنێ ل ده‌ڤه‌رێ نينه، به‌لكو ئێكسه‌ر كۆمپانيا ئاهێن خوارنێ ژێ به‌رپرسه”.
تايێ دهۆكێ يێ كۆمپانيا گشتى يا بازرگانيا ئاهێن خوارنێ درۆهنكرنا خوه دا دبێژيت” ئه‌و برنجێ ل سه‌ر خه‌لكێ دهۆكێ دهێته به‌لاڤكرن د رێكا شوينكارێن مه‌دا، يێ گرێدايه ب كۆمپانيا دانه‌ويله ڤه، نه ژدير ونه ژنێزيك ئه‌م نه به‌رپرسيارين وه‌كو هاتيه به‌لاڤكرن”.
د وێ رۆهنكرنێ دا هاتيه ژى” هيڤى يه به‌رپرسياره‌تى بهێته راستڤه‌كرن وئاگه‌هداريا وان بكه‌ن كا چه‌ند گينيك دخراب بووينه ول ده‌ڤ كيش شوينكارى نه، تاكو بهێته قه‌ره‌بووكرن”.
نيشاندان
