NO IORG
نووترين نووچه
نوچێن گرنگ

ئه‌ڤرۆ نيوز، فاتما مزوورى:

حه‌یده‌ر عه‌بادی سه‌رۆك وه‌زیرێن عیراقێ داخواز ژ كوتله‌یێن سیاسی كر كو‌ پشتی داوی هاتنا بێهنڤه‌دانا جه‌ژنا ره‌مه‌زانێ ب هه‌ڤره‌ كۆم ببن، ژبۆ گفتۆگۆكرنا چاوانیا هه‌ولدان ژبۆ پێكئینانا حوكمه‌تا بێت یا عیراقی.

حه‌یده‌ر عه‌بادی هه‌روه‌سا راگه‌هاند: ل گه‌ل وێ یه‌كێ كو تێبينی ل سه‌ر چا‌وانیا ب رێڤه‌چوونا هه‌لبژارتنا جڤاتا نوونه‌ران هه‌نه،‌ به‌لێ گرتنه‌به‌را رێ و جهێن قانوونى و ڤه‌گه‌ریان ژبۆ د‌ستوورێ ب تنێ رێیا چاره‌كرنا پرسگرێكانه‌ و هه‌ولدانه‌ ژبۆ پێكئانینا حوكمه‌تا نوو یا عیراقێ.

ئه‌ڤرۆ نيوز، فاتما مزوورى:

سالح موسلم به‌رپرسێ نها یێ ده‌رڤه‌ یێ ته‌ڤگه‌را كۆمه‌لگه‌ها ديموكرات(ته‌ڤده‌م) راگه‌هاند: وانا چو ده‌مه‌كی نه‌خوا‌ستیه‌ سوریا دابه‌ش ببيت‌ و داخوازا سوریایه‌كه‌ دي‌موكرات دكه‌ن و دبێژيت ژی: “ل ده‌مێ هێریشێن توركیا ژبۆ سه‌ر هه‌سه‌دێ‌ ل عه‌فرینێ ئه‌مریكا ئالیكاریا شه‌رڤانان نه‌كریه‌ لێ د پشت را داينه‌ به‌ر چه‌قوويان”‌.

سالح موسلیم د ديداره‌كێ دا بۆ (ئارتا گه‌رچه‌ك) یا توركی راگه‌هاندیه‌: ئه‌م ئاماده‌ینه‌ حه‌تا داویێ گفتۆگۆیان دگه‌ل رژێما سووریێ بكه‌ین لێ حه‌یا نها وانا رازیبوونا خوه‌ نیشانی مه‌ نه‌دایه‌.

ل دوور ل هه‌ڤهاتنا ویلایه‌تێن ئێكگرتی یێن ئه‌مریكا و توركیا لس ه‌ر منبجێ سالح موسلم ئاماژه‌ ب وێ یه‌كێ كر كو ئه‌مریكا و توركیا‌ ل سه‌ر هه‌ر تشتێ كو ل هه‌ڤ كربن ئه‌و د ئاگه‌هدار نینن.

ل دوور رووبرووبونا شه‌رڤانێن هێزا سوریا یا ده‌موكرات (هه‌سه‌ده‌) و ئه‌مریكا د ئه‌گه‌رێ رێكه‌فتنێن ئه‌مریكا و توركیا دا سالح موسلیم دبێژيت حه‌یا نها مه‌ حه‌موو كار و خه‌بات و  ئالیكاری و هه‌ڤاهه‌نگی ته‌ڤی هه‌ڤپه‌یمانین نێڤده‌وله‌تی ئه‌نجام داینه‌ ژ به‌ر وێ یه‌كێ د وێ باوه‌رێ ده‌ نیمه‌ هه‌سه‌ده‌ و ئه‌مریكا به‌ر ب روویێ هه‌ڤ ببنه‌ڤه‌.

ئه‌ڤرۆ نيوز، فاتما مزوورى:

فه‌رماندارێ میحوه‌رێ پردێ یێ هێزێن پێشمه‌رگه‌ى كه‌مال كه‌ركووكی راگه‌هاند، كه‌ركووك بوویه‌ ناڤه‌نده‌كا‌ له‌شكه‌ری و ره‌وشا ئەمنى ل باژێر نه‌يا ئارامە و پشتی ڤه‌كشینا پێشمه‌رگه‌ى ژ باژێرى كه‌ركووك بوویه‌ وه‌ك له‌شكه‌رگه‌هه‌ك.

كه‌مال كه‌ركووك د داخویانیه‌كێ دا‌ ته‌كه‌ز كر كو پشتی نه‌مانا هێزێن پێشمه‌رگه‌ ل سنۆرێ پارێزگه‌ها كه‌ركووكێ، ته‌قین و كریارێن تيرۆری لێ زێده‌ بووينه‌ و ژیانا خه‌لكى كه‌فتیه‌ د مه‌ترسیێ دا.

ژ ئالیه‌كی دن ڤه‌ و ل سه‌ر پێكئانینا كابینا حوكمه‌تا نوو یا عیراقێ كه‌مال كه‌ركووكی ئاشكه‌را‌ كر كو ب ئارمانجا پێكئانینا حوكمه‌تێ و پێكانینا هه‌ڤپه‌یمانیێ د ناڤبه‌ر ئالیان دا، راسته‌ راست ژ پشتی جه‌ژنا ره‌مه‌زانێ شانده‌كێ‌ پارتیا ده‌مۆكراتا كوردستانێ دێ سه‌ردانا به‌غدایێ كه‌ت‌.

هه‌روه‌سا گۆت: “پارتى ل گه‌ل پێكئینانا حوكمه‌تێ دا‌ یه‌ كو هه‌ڤبه‌شیا راسته‌قینه‌ تێدا‌ به‌رجه‌سته‌ ببيت‌ و مافێن گه‌لێ كورد تێدا‌ بهێنه‌ گر‌نتیكرن.

فه‌رماندارێ میحوه‌رێ پردێ یێ هێزێن پێشمه‌رگه‌ى كه‌مال كه‌ركووكی ته‌كه‌ز كر ژی كو چو حوكمه‌ته‌ك ل‌ به‌غدا بێى پشكداريا كوردان يا سه‌ركه‌فتى نابيت.

ئەڤرۆ نیوز ، زنار تۆڤی :

شیرەتکارێ جڤاتا ئاسایشا هەرێما کوردستانێ جەژنا رەمەزانێ ل مالباتێن پێشمەرگەی و شەهیدان پیرۆز کر و هیڤی خواست کو هەموو لایەنێن سیاسی بۆ بدەستڤەئینانا مافێن کوردان د ئێکگرتی بن.
مەسرور بارزانی شیرەتکارێ جڤاتا ئاسایشا هەرێما کوردستانێ د پەیامەکێ دا جەژنا رەمەزانێ ل هەموو موسولمانێن کوردستانێ و جیهانێ و مالباتێن شەهیدێن سەربلند و پێشمەرگێن قارەمانێن کوردستانێ پیرۆز کر و رۆلێ پێشمەرگەی د پاراستنا ئەرد و گەلێ کوردستانێ ب بلند نرخاند.
هەروەسا مەسرور بارزانی د پەیاما خوە دا هیڤی خواست کو هێز و پارتێن نشتیمانپەروەر و دلسۆزێن کوردستانێ زێدەتر ئێک بگرن و مافێن سروشتی و دستووری یێن کوردستانیان بدەستڤە بینن.

ئەڤرۆ نیوز ، زنار تۆڤی :

سەرۆک بارزانی پەیامەک ب هەلکەفتا جەژنا رەمەزانێ بەلاڤ کر و جەژنا موسولمانێن کوردستانێ پیرۆز کر.
سەرۆک مەسعود بارزانی ب هەلکەفتا هاتنا جەژنا رەمەزانێ پەیامەک ل سەر مالپەرێ خوە یێ فەرمی بەلاڤ کر و جەژنا هەموو موسولمانێن کوردستانێ و یێن ل سەرانسەری جیهانێ ژی پیرۆز کر.
سەرۆک بارزانی پیرۆزباهیێن تایبەت ئاراستەی مالباتێن شەهیدان و پێشمەرگە و هێزێن ئاسایشا کوردستانێ کرن و داخوازا جەژنەکا پری ئارامی و شادی کر.

ئەڤرۆ نیۆز:
سرۆک بارزانی پەیامەک ب هەلکەفتا جەژنا رەمەزانێ بەلاڤ کر و جەژنا موسلمانێن کوردستانێ پیرۆز کر.
سەرۆک مەسعود بارزانی ب هەلکەفتا هاتنا جەژنا رەمەزانێ پەیامەک ل سەر مالپەرێ خوە یێ فەرمی بەلاڤ کریە و جەژنا هەموو کوردستانیێن موسلمان ل سەرانسەری جیهانێ پیرۆز کر.
سەرۆک بارزانی پیرۆزباهیێن تایبەت ئاراستەی مالباتێن شەهیدان و پێشمەرگە و هێزێن ئاسایشا کوردستانێ کرن و داخوازا جەژنەکا پری ئارامی و شادی کر.

ئەڤرۆ نیوز ، زنار تۆڤی :

ئەڤرۆ پێنجشەمبی 14.6.2018 گەنجەک د رووبارێ خابیری دا ل زاخۆ خەندقی.

رائید بێوار عەبدولعەزیز بەرپرسێ راگەهاندنا بەرەڤانیا باژێری ل دهۆکێ بۆ ئەڤرۆ نیوز گوت : ئەڤرۆ ل دەمژمێر 2:35 پشتی نیڤرۆ پەیوەندی ب تیمێن نقومڤانێن زاخۆ هاتیە کرن ب هەبوونا روودانەکا خەندقینێ ل رووبارێ خابیری ل زاخۆ ، کو گەنجەکێ بناڤێ ( ر ، م ، ع) دژیێ 17 سالیێ دا خەندقی یە دئاڤێ دا و دیارکر ژی : د هەمان دەمدا تیمێن مە ل جهێ روودانێ ئامادەبون و شیان لەشێ وی ژ ئاڤێ بینەدەر و تەرمێ وی هاتیه رەوانەکرن بۆ نۆشداریا داد ل زاخۆ.

FB_IMG_1528996946834

ئەڤرۆ نیوز :

وەزارەتا ئەوقاف و کاروبارێن ئاینی یا حوکمەتا هەرێما کوردستانێ راگەهاند : کو سوبەهی رۆژا ئەینیێ 15.6.2018 ئێکەم رۆژا جەژنا رەمەزانا پیرۆزە..

ب ڤێ هەلکەفتێ ئەڤرۆ نیوز جەژنا هەموو موسولمانێن کوردستانێ و هەموو موسولمانێن جیهانێ پیرۆز دکەت ، دخوازیت هەموو رۆژێن هەوە کەیف و جەژن و خۆشی بن.

ئه‌ڤرۆنيوز:

وه‌زاره‌تا چاندنێ وژێده‌رێن ئاڤێ ل هه‌رێما كوردستانێ راگه‌هاند ب مه‌ره‌ما پاراستنا به‌رهه‌مێ ناڤخوه‌يى باج هاته‌ سه‌پاندن ل سه‌ر چه‌ندين به‌رهه‌مێن ژده‌رڤه‌ دهێنه‌ هاورده‌كرن.

وه‌زاره‌تا چاندنێ دبه‌ياننامه‌كێ دا گۆت” بۆ ئه‌ڤ ساله‌ ده‌ست بجهئيننا بريارا دانانا باجێ ل سه‌ر به‌رهه‌مێن هاورده‌كرى دێ هێته‌ دانان وئارمانج ژێ پاراستنا به‌رهه‌مێ ناڤخوه‌يى يه‌”.

وه‌زاره‌تا ناڤبرى، رێنمايێن خوه‌ ئاراسته‌ى ده‌رگه‌هێن سنورى يێن هه‌رێما كوردستانێ كرينه‌ كو ل دووڤ وان رينمايان ژى باج هاتيه‌ دانان ل سه‌ر چه‌ندين به‌رهه‌مان وبۆ هه‌ر كيلۆيه‌كێ باج هاتيه‌ دياركرن.

ئه‌ڤرۆ نیوز ، نه‌وزاد هلۆرى:

 ئه‌ڤرۆ به‌رى نیڤرو ژ ئه‌نجامێ روودانه‌كا ترافیكێ ل سنوورێ قه‌زا سۆران ل نێزیك گه‌لیێ عه‌لى به‌گ سێ كه‌س ب گرانى برینداربوون.

عه‌ميد ” عیماد رێكانى” به‌رپرسێ به‌ره‌ڤانیا باژێرى ل سوران بۆ ئه‌ڤرۆ نیوز گۆت: (ئەڤرۆ بەری نیڤرۆ ژ ئەنجامێ روودانە ترافیکێ دناڤبەرا دوو ترومبێلێن تایبەت ل گەلیێ عەلی بەگ یا سەر ب قەزا سوران سێ کەس ب گرانی برینداربوون)

زێدەتر گوت: (بریندارێن روودانێ بۆ نەخوه‌شخانا تەنگاڤیان ل سۆران هاتینە رەوانەکرن).

35282227_244199979673647_4884382567316324352_n

website security
WP Facebook Auto Publish Powered By : XYZScripts.com