ئەڤرۆ نیوز ، بارزان مزووری :
ئەڤرۆ چارشەمبی 13.6.2018 وەلاتیەکێ عەرەب ب ناڤێ سالح فەتحی کو د ژیێ 11 سالیێ دایە د رووبارێ پیربب دا خەندقیە ، نۆشدارەکێ ژ نەخوشخانا شێخان یا گشتی بۆ ئەڤرۆ نیوز دیارکر : کۆ ئەڤرو دەمژمێر ١٠ سپێدێ تەرمێ گەنجەکێ 11 سالى گەھشتیە نەخوشخانا شێخان و پشتی پشکنین بو لەشێ وی ھاتینە کرن دیاربوو کو دناڤ رووباری گوندێ پیربب دا خەندقیە ، کو سەر ب قەزاشێخان ڤە یە ، ناڤبری دیارکر ژی تەرمێ وی گەنجی ھاتیە ڤەگوھاستن بو نۆشداریا داد ل دھوکێ.
ئەڤرۆ نیوز ، زنار تۆڤی :
فلمەکێ دەرهێنەرێ کورد و کورێ باژێرێ دهۆکێ خەلاتەکێ نێڤدەولەتی ل وەلاتێ رۆمانیا وەرگرت.
د ڤی واریدا رزگار حسێن دەرهێنەرێ فلمێ قوربانی بۆ ئەڤرۆ نیوز گوت : کو فلمێ قوربانی ل خولا 13 ل فيستيڤالا نێڤدەولەتی یا (12مونت فيلم فستيڤال) ل وەلاتێ رۆمانيا پشکداری کریە ، کو دڤێ فیستیڤالێ دا هەڤركی دناڤبەرا 14 فلمان دا بوویە و فلمێ وان شیا خەلاتێ دویێ ل وێ فیستیڤالێ ب ناڤێ ئێكسپريمانتال ب دەستڤە بینیت ، دیسا ئەڤ فلمە نوکە ل فستيڤالا جاگار ل نيودەلهى د پێشبرکا فيستيڤالێ دايه ، ئەڤ فلمە ل سەر كێشێن جڤاکیە و ل دهۆكێ هاتيه وێنەکرن و ژ بەرهەمئینانا يوسف حسێن عەبدوللا يه.
ناڤهاتی گوت ژی : كومەکا هونەرمەندێن دهۆكێ پشکداری د ڤی فلمی دا کریە ، کو ئەو ژی هونەرمەندان عومەر تۆڤى ، عادل عەبدولرەحمان ، ماجد وەيسى ، عەبدولسەلام سلێمان ، هەروەسا هونەرمەندێ بەرنياس حسێن حەسەن رۆلێ ئەکتەرێ سەرەکی د ڤی فلمی دا ل گەل كچا باژێرێ دهۆكێ رەنا سەورى و دیسا چريكه عەبەرەش ژی ئەكتەرا باژێرێ سلێمانیێ رۆلێ دویێ یێ ئافرەتێ دڤی فلمی دا دگێريت.
ئه‌ڤرۆنيوز:
په‌يڤدارێ موقته‌دا سه‌در، رێبه‌رێ ره‌وتێ سه‌درى وسه‌رۆكێ هه‌ڤپه‌يمانيا سائيرون دبه‌ياننامه‌كێ دا راگه‌هاند، ده‌رگه‌ه بۆ كوردان وهه‌ڤپه‌يمانيا نه‌سر ب سه‌رۆكايه‌تيا حه‌سده‌ر عه‌بادى دڤه‌كرينه بهێن دناڤ هه‌ڤپه‌يمانيا نوو يا سائيرون وفه‌تح دا.
جه‌عفه‌ر موسه‌وى، په‌يڤدارێ موقته‌دا سه‌در گۆت ژى” رێككه‌فتنه‌كا پێشتر ل گه‌ل ره‌وتێ حيكمه ب سه‌رۆكاتيا عه‌مار حه‌كيم ووه‌ته‌نيه ب سه‌رۆكاتيا ئه‌ياد عه‌لاوى يا هه‌ى”.
شه‌ڤا بۆرى ژى، پارتى ديموكراتى كوردستان وئێكه‌تى نيشتمانى كوردستان دبه‌ياننامه‌كا هه‌ڤپشك دا پێشوازى ل پێكئينانا هه‌ڤپه‌يمانيا نوو دناڤبه‌را سائيرون وفه‌تح كر وب پێنگاڤه‌كا ئه‌رێنى هژمارت.
دهه‌لبژارتنێن په‌رله‌مانێ عيراقێ دا، هه‌ڤپه‌يمانيا سائيرون ب ده‌ستڤه‌ئينانا 54 كورسيان پلا ئێكێ ب ده‌ستڤه‌ئينا وهه‌ڤپه‌يمانيا فه‌تح ب 47 كورسيان پلا دويێ ب ده‌ستڤه‌ئينا.
ئه‌ڤرۆ نیۆز،عه‌زیز هه‌ورامی
پشتى روودانێن 16 ئوكتۆبه‌رێ ره‌وشا ئێمناهیێ ل سنورێ ده‌ڤه‌رێن كوردستانى یێن ده‌ڤه‌رێن كوردستانى یێن ده‌رڤه‌ى ئیدارا هه‌رێمێ هاتیه تێكدان وتیرۆرستێن داعشێ لڤینێن خوه به‌رفره‌هتر لێكرینه ل چیایێن حه‌مرین وگوندێن وان ده‌ڤه‌ران وخوه رێكخستیه وهه‌ر شه‌ڤ كارێن تیرۆرستى ئه‌نجام دده‌ن، هێزێن عیراقى ژى نه‌شێن ل به‌رامبه‌ر وان چ بكه‌ن.
كه‌مال ئیبراهیم، به‌رپرسێ ناوچا برایه‌تى یا پارتى دیموكراتى كوردستان ل قه‌ره‌ته‌په بۆ ئه‌ڤرۆنیوز گۆت” داعش ل چیایێن حه‌مرین وگوندێن ده‌وروبه‌ر گه‌له‌ك یا به‌رفرهه بووى وهه‌ر شه‌ڤ هێرشێ دكه‌ته سه‌ر هێزێن عیراقى وگوندێن كوردى ل وێ ده‌ڤه‌رێ”.
ل شه‌ڤا بۆرى، تیرۆرستێن داعشێ هێرش كریه سه‌ر هێزێن عیراقى ل گونده‌كێ سه‌ر ب قه‌ره‌ته‌په ڤه وباره‌گایێ هێزێن عیراقى گرت، كه‌مال یوسف ئاماژه ب وێ چه‌ندێ دا وگۆت” ل شه‌ڤا بۆرى تیرۆرستێن داعشێ ب دو ترومبێلێن ده‌بل نیسان وشه‌ش ماتۆرسیكلان ب چه‌كێ گران وسڤك هێرش كر سه‌ر سریا فه‌وجا 3 یا سه‌ر ب فرقا 5 یا له‌شكرێ عیراقێ ل گوندێ عه‌وامر وپشتى شه‌ره‌كێ دژوار، هێزێن عیراقى خوه ڤه‌كێشا وداعشێ جهێ وان كونترۆلكر ول سه‌ر رێیا ڤه‌كێشانا هێزێن عیراقى، داعشێ شه‌ش بۆمبه دانابوون وب وان هێزان ڤه په‌قین وچه‌ندین سه‌ربازێن عیراقى برینداركرن وپشتى ده‌مژمێره‌كێ ژ داگیركرنا وى گوندى، تیرۆرستێن داعشێ خوه ڤه‌كێشا بۆ وى جهێ ژێ هاتین”.
كه‌مالى گۆت ژى” داعش ل گوندێن ده‌وروبه‌رێ قه‌ره‌ته‌په وچیایێن حه‌مرین خوه رێكخستیه كو ل سنوری مه وه‌كو پێزانین گه‌هشتینه مه زێده‌تر ژ 1500 چه‌كدارێن داعشێ یا خوه رێكخستى ب چه‌كێ گران وسڤك وهه‌موو پێدڤى یێن هه‌ین بۆ هێرشكرنێ ویێن دابه‌ش بووین بۆ شه‌ش گرۆپان”.
ئه‌ڤرۆنيوز:
سه‌ركرده‌كێ ره‌وتێ حيكمه ب سه‌رۆكاتيا عه‌مار حه‌كيم راگه‌هاند، ليستا حيكمه پشكه‌كا سه‌ره‌كى يه دهه‌ڤپه‌يمانيا سائيرون وفه‌تح دا ئه‌وا هاتيه پێكئينان بۆ دروستكرنا مه‌زنترين هه‌ڤپه‌يمانيا په‌رله‌مانى.
عه‌باس عيساوى، ئه‌ندامێ مه‌كته‌با سياسى يا ره‌وتێ حيكمه گۆت” ل دووڤ هه‌ڤپه‌يمانيا سائيرون وفه‌تح، رێككه‌فتن ل سه‌ر به‌رنامه‌كێ رۆهن هاتيه كر كو تێدا ژڤانێ دابينكرنا خزمه‌تكاريان بۆ وه‌لاتيێن عيراقى هاتينه دياكرن دبياڤێن ئاكنجيبوونێ وساخله‌ميێ وچاندنێ وپيشه‌سازيێ”.
عيساوى زێده‌تر بۆ مالپه‌رێ (المريد) يێ عيراقى گۆت” هه‌ر كه‌سه‌كێ دبيته سه‌رۆك وه‌زيرين عيراقێ پێدڤيه ل سه‌ر وى پێگيريێ ب وان ژڤانان بكه‌ت”.
ئه‌ڤرۆ نيوز، فاتما مزوورى:
رێڤه‌به‌ریا پۆلیسێن سۆران پلانا رۆژا جه‌ژنا ره‌مه‌زانێ راگه‌هاند، ب گۆره‌ی پلانێ ته‌ڤایا پۆلیس و ئه‌فسه‌رێن نه‌هێلانا تاوانان و پۆلیسێن چالاكیێن مه‌ده‌نی و پۆلیسێن هاوارهاتنێ ل هه‌ر چار قه‌زایێن سۆران، چۆمان، ره‌واندز و مێرگه‌سوور دێ د ئه‌رك و ئاماده باشیێ دا بن.
هه‌وار ئه‌رگوشی، په‌یڤدارێ پۆلیسێن سۆران، د كۆنگره‌یه‌كێ رۆژنامه‌ڤانی دا گۆت: “د رۆژێن جه‌ژنێ دا هه‌ماهه‌نگی ل گه‌ل قایمه‌قام و ئاسایشا سۆران و به‌ره‌ڤانيا باژێرى و رێڤه‌به‌ریا گه‌شتوگوزار و رێڤه‌به‌ریا ساخله‌ميا سۆران هه‌يه ژبۆ ئاگه‌هدار بوون ل هه‌ر ئه‌گه‌ر و پێشهات و روودانه‌كێ ل رۆژا جه‌ژنێ”.
گۆتژى: “ب گۆره‌ی وێ پلانێ پۆلیسێن نه‌هێلانا تاوانان و چالاكیێن مه‌ده‌نی و پۆلیسێن ناڤا باژێرێ سۆران و تاخ و جهێن گشتی وێ د ئاماده‌باشیه‌كا ته‌مام دا بن.
هه‌روه‌ها داخواز ژ وه‌لاتیان كر ل ده‌مێ چێبوونا هه‌ر روودانه‌كا نه‌خوا‌ستی دا پۆلیسان ئاگه‌هدار بكه‌ن و دوور بكه‌ڤن ژ ئه‌نجام دانا تاوانان.
ئه‌ڤرۆنيوز:
پارتى ديموكراتى كوردستان وئێكه‌تى نيشتمانى كوردستان به‌ياننامه‌كا هه‌ڤپشك به‌لاڤكر وتێدا هاتيه، ژبۆ ده‌ربازكرنا وه‌لاتى ژ ته‌نگه‌ژا سياسى، راگه‌هاندنا پێكئينانا هه‌ڤپه‌يمانيێ دناڤبه‌را سائيرون ب سه‌رۆكاتيا موقته‌دا سه‌در وفه‌تح ب سه‌رۆكاتيا هه‌دى عامرى ب پێنگاڤه‌كا ئه‌رێنى دهه‌ژمێرن ودياردكه‌ن كو دێ شانده‌كێ هه‌ڤپشك بۆ دانوستاندنان پێكئينن.
مه‌كته‌بێن سياسى يێن پارتى وئێكه‌تيێ دوێ به‌ياننامه‌كا هه‌ڤپشك دا دبێژن” ل ڤێ ره‌وشا هه‌ستيار وئالۆز يا عيراقێ وكوردستانێ، سياسه‌تا نه‌خوارزاو، پرۆسا هه‌لبژارتنان وچاره‌كرنا كێشان خسته دناڤ گێژاوه‌كا ترسناك دا”.
هه‌ردو مه‌كته‌بێن سياسى يێن پارتى وئيكه‌تى د وێ به‌يانناما هه‌ڤپشك دا دبێژن” مه خوه وگه‌لێ كوردستانێ، ژ مه‌ترسيێن وان كێشان ل كوردستانێ وعيراقێ، دوورخست ومه بزاڤێن مه‌زن ژى كرن كو به‌رده‌وام پشكه‌ك بين ژ چاره‌سه‌ريێ، ب گۆره‌ى دستوورى وقانوونێن هه‌لبژارتنان، ل ڤى پێناڤى دا، شاندێ هه‌ڤپشكێ هه‌ردو لايه‌نا ب راوێژ ل گه‌ل هه‌ڤدوو، سه‌ره‌دانا هه‌موو لايه‌نێن سياسى يێن عيراقى كر ومه هه‌لويستێ خوه ب وان راگه‌هانديه”.
مه‌كته‌بێن سياسى يێن پارتى وئێكه‌تيێ دوێ به‌يانناما هه‌ڤپشك دا، بزاڤا پێكئينانا هه‌ڤپه‌يمانيێ دناڤبه‌را سائيرون وفه‌تح ب پێنگاڤه‌كا ئه‌رێنى هژمارت وب ده‌ستپێكه‌كا باش بۆ نه‌خشا رێيه‌كا سياسى يا هه‌ڤپه‌يمانى ژبۆ ده‌ربازبوون ژڤێ گرژيا سياسى ناساند.
دياركرن كو ئێكه‌تى وپارتى دێ هه‌لويستێ هه‌ڤپشك يێ خوه دياركه‌ن وب زووترين ده‌م دێ شانده‌كێ هه‌ڤپشك بۆ دانوستاندنان دێ پێكئينن.
دوێ به‌ياننامێ دا، پارتى وئێكه‌تى، دبێژن” هيڤيدارين هه‌موو لايه‌نێن كوردستانى وعيراقى خالێن هه‌ڤپشك ل سه‌ر خالێن ناكۆك دا زال بكه‌ن وپێكڤه به‌رپرسياره‌تيا حوكمه‌ته‌كا سازانا نيشتمانى بۆ راپه‌راندنا ئه‌ركێن هه‌ڤپشك پێكبينين وئێكرێزيا نيشتمانى بپارێزين”.
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ،گشتاندنا دارايى يا هژمار 6 بۆ سالا 2018 به‌لاڤكر.
ل دووڤ وێ گشتاندنا وه‌زاره‌تا دارايى كو هاتيه ئاراسته‌كرن بۆ هه‌موو وه‌زاره‌ت وفه‌رمانگه‌هێن نه‌گرێداى ب وه‌زاره‌تان ڤه، هاتينه ئاگه‌هداركرن كو پێدڤيه دپێگير بن ب هنارتنا ليستێن مووچان بۆ گه‌نجينان دده‌مێ خوه دا، ب مه‌ره‌ما هووربينيكرنێ.
وه‌زاره‌تا دارايى رۆهنكر كو مه‌ره‌م ژ ڤێ ئاگه‌هداركرنێ ئه‌وه هووربينيكرن وگيرۆ نه‌بوونا مووچێ هه‌يڤانه يێ هه‌موو وه‌زاره‌ت ومووچه‌خۆرانه.
وەزارەتی دارایی ئەوەشی خستووەتە ڕوو، کە بەمەبەستی ئەو ئاگادارکردنەوەیە وردبینکردن و دوانەکەتنی مووچەی مانگانەی سەرجەم وەزارەت و مووچەخۆرانە.
ئەڤرۆ نیوز،بارزان مزووری:
لوئه‌ى فره‌نسیس ،راگەهاندنكار ژ نڤیسینگەها راگەهاندنا لقا 14 مووسل یا پارتی دیموكراتی كوردستان بۆ ئەڤرۆ نیوز دیار كر كو ل رۆژا 11/6 گەنجەكێ كوردێ شەبەك بناڤێ “حسێن حروش” ژ دایكبوویێ 1988 ژلایێ حەشدا شەعبی ڤە هاتبوو رەڤاندن، دوهى ئێڤارى 12/6 پەیوەندی ب مالا وان هاتكرن كو تەرمێ كورێ وان یێ هاڤێتیە سەر رێيا تلییارا و بایبوخت ،
ناڤبری دیار كر كو ئەو گەنج كارێ كرێكاریێ دكر وخەلكێ گوندێ تیس خرابە رۆژانە هاتنوچوون دكر بۆ مووسل ب مه‌ره‌ما پەیداكرنا كاری بۆ خوه.
ئەڤرۆ نیوز ، زنار تۆڤی :
ب رەنگەکێ فەرمی هەرسێ وەلاتێن ئەمریکا و مەکسیک و کەنەدا مافێ مێهڤانداریکرنا جاما جیهانی یا سالا 2026 وەرگرت.
د کۆنفرانسێ فیدراسیۆنا تەپا پێ یا جیهانی ( فیفا) دا کو ل رووسیا برێڤەچوو ، دۆسیا هەرسێ وەلاتێن ئەمریکا و مەکسیک و کەنەدا زۆرترین دەنگێن ئەندامێن فیفایێ ب دەستڤەئینان ، پشتی سەرکەفتن ب سەر وەلاتێ مەغربێ دا ئینای بۆ مۆندیالا 2026.
د وێ دەنگدانێدا ئەمریکا و مەکسیک و کەنەدا 134 دەنگێن ئەندامێن فیفایێ ب دەستڤەئینان و مەغربێ ژی 65 دەنگ.
نيشاندان