ئه‌ڤرۆ نيوز، فاتما مزوورى:
ئیتیفاقا كوردستانی یا هلبژارتنان بریار دا كو د هلبژارتنێن 24ێ هه‌زیرانا 2018ان ده هه‌ر پارت و حه‌ره‌كه‌ته‌كه د ناڤ ئیتیفاقا كوردستانی یا ژ بۆ هلبژارتنان ده یه دێ د هه‌لوه‌ستا خوه ده ئازاد به.
ئيتيفاقا كوردستانی یا هه‌لبژارتنا كو ژ حه‌ره‌كه‌تا ئازادی، پارتیا ئازادیا كوردستانێ، پلاتفۆرما ده‌مۆكراتێن كوردستانێ (په‌ده‌كه)، پارتیا ده‌مۆكراتا كوردستانێ ل تركیه (په‌ده‌كه-ت) و پارتیا سۆسیالیستا كوردستانێ (پسك) ب داخویانیه‌كه نڤیسكی هه‌لوه‌ستا خوه ده‌ربارێ هلبژارتنێن 24ێ هه‌زیرانێ یێن بۆ سه‌رۆكۆماری و پارلامه‌نتۆیا تركیێ ده راگه‌هاندن: حه‌ره‌كه‌تا ئازادی، پاك، په‌ده‌كه، پدك-ت و پسكێ د 2یێ گولانا 2018ان ده ب جڤینه‌كه چاپه‌مه‌نیێ، ئیتیفاقا كوردستانی یا ژ بۆ هلبژارتنان ژ رایا گشتی راگه‌هاند: ئیتیفاقا كوردستانی یا ژ بۆ هلبژارتنان، ل گۆری وان پره‌نسیپێن سیاسی یێن كو ژ رایا گشتی ره هاتبوون ئەشكه‌ره‌كرن، ژ بۆ پێكانینا تفاقه‌كه به‌رفره‌هتر، ل گه‌ل هوداپار و هه‌ده‌پێ هنه‌ك هه‌ڤدیتن پێك ئانیبوون، لێ د ئەنجامێ ده ئەڤ هه‌ولێن ئيتيفاقا كوردستانی یا ژ بۆ هه‌لبژارتنان ب هوداپار و هه‌ده‌پێ ره ب سه‌ر نه‌كه‌ت.
د داخویانیێ ده هاته ده‌ستنیشان كرن كو هه‌تا ڤێ گاڤێ ژی هوداپارێ به‌رسڤه‌ك نه‌دایا نامه‌یا وان یا بۆ تفاقێ و گۆت: “ئه‌ڤ هه‌ولێن ئیتیفاقا كوردستانێ یا ژ بۆ هه‌لبژارتنان یێن ژ بۆ ئیتیفاقه‌كه به‌رفره‌ه تر، د ناڤ گه‌لێ مه ده هه‌یه‌جانه كه گه‌رم به‌لاڤ كر.
گه‌لێ مه پشتگریه‌كه مه‌زن دا ڤێ هه‌ولا كو، دێ گه‌لێ مه ل سه‌ر ناسنامه‌یا خوه یا نه‌ته‌وی ببه وه‌كه ئالیه‌كی.”هه‌ره‌كه‌ت و پارتیێن ناڤبۆری ته‌كه‌ز دكه‌ن كو هه‌ولێن وان یێن بۆ به‌رفره‌هكرنا تفاقێ ژ بۆ هلبژارتنێن شاره‌داریان یێن 2019ان ژی دێ به‌رده‌وام بكه‌ن و دبێژن: “ئه‌م دێ د ده‌مێن پێش ده ژی ڤێ تفاقا خوه به‌رده‌وام بكن.
ب ڤێ هشمه‌ندیێ، ئیتیفاقا كوردستانێ یا ژ بۆ هه‌لبژارتنان بریار دا كو د هلبژارتنێن 24ێ هه‌زیرانا 2018ان ده هه‌ر پارت و هه‌ره‌كه‌ته‌كه د ناڤ ئیتفاقا كوردستانی یا ژ بۆ هلبژارتنان ده یه دێ د هه‌لوه‌ستا خوه ده ئازاد به.
نيشاندان
