ئه‌ڤرۆ نيوز:

ئه‌ڤرۆ 9 دادوه‌ر دێ ل جهێن ئه‌ندامێن جڤاتا كومسيارێن هه‌لبژارتنێن عيراقێ ده‌ست ب كار بن يێن كو دوهى ژ لايێ جڤاتا دادوه‌رى ڤه‌ هاتينه‌ دياركرن.

ئه‌ڤرۆ نيوز:

پەرلەمانتارەکێ بەرێ یێ عیراقێ ئەشکرەکر، بڕیارێم پەرلەمانی لدۆر ئەنجامێن ھەلبژارتنێن ھەیڤا بۆری تنێ بۆ رازیکرنا لایەنێن نەڕازیە ل ھەلبژارتان یێن خوە زیانڤێکەفتی دزانن ھەروەسا دیارکر، ھەگەر دەنگ بدەستی ژی بھێنە ھژمارتن گوھۆڕینێن بەرچاف چێنابن لسەر ئەنجامان.

سامی ئەتروشی، پەرلەمانتارێ بەرێ یێ عیراقێ بۆ رۆژناما ئەڤرۆ گۆت: ب دیتنامن بڕیارێن قانوونی ل عیراقێ ناخۆن ھندی بڕیارێن سیاسی ھەبن، وەک پەرلەمان ژی بۆ ھەیە ھەتا دەمێ پەرلەمانی بسەرڤە نەچووبیت قانوونان راستڤەبکەت، بەلێ وەک من ئاماژە بۆ کری ھەتا بڕیارێن سیاسی ھەبن بڕیارێن قانوونی جھێ خوە ناگرن، چونکە ل بابەتێ دستووری ژی دا ھەمان شێوە بو ھەموو بڕیارێن سیاسی ھاتە دەربازکرن، لەوڕاژی ئەز بخوە دڤێ باوەرێ دانینم تنێ ژلایێ قانوونی ڤە بکارن کاریگەریێ لسەر پرسا ھەلبژارتنان بکەت، ژبەر کو بۆچوونا من ئەڤە ب رێککەفتن ئەق بابەتە ھاتیەکرن نەک لسەر ئاستێ بلندێ عیراقێ بەلکو لایەنێن دەرڤە ئاگەھداری ئەڤێ پرسێ نە و دەستێ دەرەکی تێدا ھەیە، راستە دبێژن سەختەکاریێن مەزن د ھەلبژارتناندا ھاتینەکرن، ئەڤە ژی پتر کاریگەریێن دەرڤەبووینە نەک نافخۆ، ئانکو شێم بێژم ئەف لایەنێن نوکە خوە بسەرکەفتی ژی دبینن دەست تێدا نەبویە و بابەت ل ئەڤان لایەنان ژی بلندترە، ب بڕیارەکا نیشتیمانی نەبویە ئەگەر دەستکاریا ئەنجامان ژی ھاتبیتەکرن.

سامی ئەتروشی گۆت: ئەز بخوە گەھشتیمە وێ باوەریێ ھندەک لایەنێن دەرەکی و ھەرێمی دخوازن عێراقەکا تەنا چێببیت، بتایبەتی مەرەم ئەوە نافمالیا شیعی بھێتە رێکخستن، ھەکە مرۆڤ بەرێ خوە بدەت ھەلبژارتنێن سالا 2005ێ وەرە ھەتا نوکە چو جارەکێ بەری ھەلبژارتنان لایەنێن شیعی ئێکگرتی نەبووینە، بەلێ بەرۆڤاژی پشتی ھەلبژارتنان ھەموو بووینە ئێک و نافمالا رێکخستیە،

ئەو بڕیارێن ژ پەرلەمانی ژی ھاتینە دەرکرن بۆ ھژمارتنا دەنگێن ھەلبژارتنان 12ی ئەیارا بۆری بتنێ بۆ رازیکرن و بێدەنگرنا ئەڤان لایەنێن نەڕازیە ژ ئەنجامێن ھەلبژارتنان، بدیتنا من ھەکە بھێت و ئەنجام بدەستی ژی بھێنە ھژمارتن دێ ھەروەکی خوە بمینن دگەل ڤێ چەندێ گوھۆڕین چێببن ژی گوھۆڕینێن بەرچاڤ نابن، لەوڕا چو کاریگەریێن وەسا نابن و تنێ دێ رێژەیی بیت، بڕیارێن پەرلەمانی ھەم ژبۆ رازیکرنا لایەنێن نەڕازی و ھەمژی بۆ بێدەنگکرنا وانایە یێن خوە ب مەغدوور دبینن ل ئەنجامێن ھەلبژارتنێن عێراقێ.

ئه‌ڤرۆ نيوز:

ئه‌ياد عه‌لاوى سه‌رۆكێ ئيئتيلافا نيشتيمانى داخواز كر حوكمه‌ته‌كا كاربرێكه‌ر بۆ عيراقێ بهێته‌ پێكئينان و د ماوێ 6 بۆ 8 هه‌يڤێن بهێت دا، هه‌لبژارتنه‌كا نوى ل عيراقێ بهێته‌ ئه‌نجامدان.

به‌رى نوكه‌ ژى، ب چه‌ند ده‌مژمێره‌كان پشتى وێ ئاگرێ به‌ربوویه‌ كوگه‌هێن سندوقێن كومسیونا هه‌لبژارتنێن عیراقێ ل به‌غدا، سه‌لیم جبورى سه‌رۆكێ په‌رله‌مانێ عیراقێ دیاركر، پێدڤیه‌ هه‌لبژارتنێن په‌رله‌مانێ عیراقێ بهێنه‌ دووباره‌كرن و لێپرسین ل گه‌ل وان لایه‌نان بهێته‌ كرن كو تومه‌تبارن ب ته‌زویر و گێرانا فتنێ.

پشتى كو په‌رله‌مانێ عیراقێ رۆژا شه‌شێ ڤێ هه‌یڤێ بڕیار داى 100% پرۆسا ڤاڤارتنا ده‌نگان ب ده‌ست بهێته‌ كرن، ئه‌ڤرۆ ل ده‌ڤه‌را ره‌سافه‌ ل به‌غدا، ئاگر به‌ربوو كوگه‌هه‌كا سندوقێن ده‌نگدانێ و ل دووڤ گوتنا پارێزگه‌رێ به‌غدا، پرانیا سندوقێن وێ كوگه‌هێ سوتینه‌.

ئه‌ڤرۆنيوز:

ژێده‌ره‌كى ژ په‌رله‌مانێ عيراقێ راگه‌هاند، ئاراسته‌يه‌ك دناڤ په‌رله‌مانى دا يا هه‌ى ل گه‌ل دادگه‌هكرنا ئه‌ندامێن كۆمسيۆنا بلند يا هه‌لبژارتنان دايه‌ ب تۆمه‌تا ئه‌نجامدانا پێشيلكاريان وسه‌خته‌كاريێ دهه‌لبژارتنێن په‌رله‌مانێ عيراقێ دا.

هژماره‌كا ده‌زگه‌هێن راگه‌هاندنا عيراقى به‌لاڤكر، هه‌كه‌ په‌رله‌مان بشێت پێشيلكاريان وسه‌خته‌كاريان ب به‌لگه‌ڤه‌‌ ل‌ دادگه‌ها فيدرالى پشت راست بكه‌ت وسه‌ربكه‌ڤيت ل دوسيا دوباره‌ هژمارتنا ده‌نگان وگۆمان دروست ده‌ربچن، دێ سكالايێ دژى كۆمسيۆنا هه‌لبژارتنان وكۆمسيارێن وێ ژى بلند كه‌ت.