ئه‌ڤرۆ نيوز:
ل دووڤ راگه‌هاندنه‌كا هاتن و چوونا زاخۆ، ئه‌ڤ شه‌ڤه ل ده‌مژمێر 12 و نيڤى شه‌ڤێ ل نێزيك پانزينخانا نه‌وروز ترومبێله‌كا تايبه‌ت بى ئێم ژ ئه‌گه‌رێ له‌ز هاژووتنێ، بن كونترولا شوفێرێ ده‌ركه‌فت و خوه ل كلبستونێ نيڤا جادێ دا و د ئه‌نجامدا كه‌سه‌كى گيانێ خوه ژ ده‌ست دا و كه‌سه‌ك ژى برينداربوو.
ئەڤرۆ نیوز ، زنار تۆڤی :
د ئەڤ شەڤە دا نڤێسینگه‌ها سه‌رۆك بارزانی لێدوانەک دەرباره‌ی بریارا گرتنا رێبوار تالەبانی سه‌رۆكێ جڤاتا پارێزگەها كه‌ركووكێ بەلاڤەكریه و راگەهاندیە کو ئەڤ بڕیاره درێژه‌پێدانا خیانه‌تا 16 ئۆكتۆبه‌رێ یە.
ئەڤە ژی دەقێ وێ لێدوانێ یە:
لێدوانەک ژ نڤێسینگەها سەرۆك مەسعود بارزانی
دەركرنا بریارا گرتنا رێبوار تالەبانی درێژەپێدانا خیانەتا 16 ئۆكتۆبەرێ یە و ئەڤ جۆرە كریار و گرتن و سزادانا خەلكێ نیشتیمانپەروەر نابیتە ئەگەرێ ژێبرنا خیانەتا وان.
ئەوا دەرهەق رێبوار تالەبانی هاتیە كرن ب ئەگەرێ هەلویستێ نیشتیمانی و كوردپەروەرانە و عەدالەتخوازیا وی بوویە و ئەڤە راستیەكە كو هەموو لایەك دزانیت ، نوکە ژی هەموو كوردەکێ دلسۆز پشتەڤانێ رێبوار تالەبانیە و سەرۆك بارزانی ژی ب هەموو هێز ڤە پالپشتیێ لێ دکەت.
نڤێسینگەها سەرۆكی
3-6-2018
ئه‌ڤرۆنيوز:
ئه‌ڤرو سپێدێ 3/6/2018 فه‌رهاد ئه‌مین پارێزگه‌رێ دهۆكێ پێشوازیا جاسم ئه‌لعه‌تيه برێكارێ وه‌زاره‌تا كۆچ وكۆچبه‌ران ل عێراقێ و شاندێ دگه‌ل دا كر ,
دهه‌ڤدیتنه‌كێ دا برێكارێ وه‌زاره‌تا ناڤبری ده‌ست خوه‌شی و سوپاسیا پارێزگارێ دهۆكێ و كارگێریا پارێزگه‌هێ و حوكمه‌تا هه‌رێما كوردستانێ ب گشتی كر بۆ وی كارێ ژ هه‌ژی وخزمه‌تا مه‌زن یا بۆ ئاواران كری دشه‌رێ دژی داعشێ دا و دیار كر كو هه‌كه هاریكاری و پشته‌ڤانیا هه‌رێما كوردستانێ و تایبه‌ت پارێزگه‌ها دهۆكێ نه‌با، دا ئاریشێن مه‌زن په‌یدا بن و گه‌له‌ك كێماسی ل ئاواران هه‌بن، لێ ئه‌و كار وخزمه‌تێن ژلایێ هه‌رێمێ ڤه بۆ هه‌موو ئاواران بێی جوداهی هاتینه كرن نه‌هێلا ئاریشه په‌یدا ببن و خزمه‌ته‌كا مرۆڤایه‌تی یا مه‌زن بۆ ئاواران هاته كرن .
ژلایێ خوه‌ڤه پارێزگه‌رێ دهۆكێ دیاركر كو ب هاتنا وێ رێژا مه‌زن یا ئاواران و گه‌له‌ك په‌نابه‌رێن سووری ژی هه‌بوون، گه‌له‌ك گڤاشتن كه‌فتنه سه‌ر كارگێریا پارێزگه‌هێ و خه‌لكێ پارێزگه‌هێ زێده‌باری برینا بودجێ ژلایێ به‌غدا ڤه و هه‌بوونا به‌روكێن شه‌ری یێن درێژ ل گه‌ل تیرورستێن داعشێ و كه‌له‌ك كێماسی ل خه‌لكێ پارێزگه‌هێ په‌یدا بوون، لێ ب هاریكاریا حوكمه‌تا هه‌رێمێ و خه‌لكێ پارێزگه‌هێ خزمه‌ته‌كا باش بۆ ئاواران هاته كرن و چو جوداهی دناڤبه‌را ئاواران دا نه‌هاته كرن وخزمه‌ت بۆ هه‌موويان هاته كرن.
برێكارێ وه‌زاره‌تا كۆچ وكۆچبه‌ران ل عێراقێ به‌رهه‌ڤیا وه‌زاره‌تا خوه دیار كر بۆ هه‌ر هاریكاریه‌كا دشیان دابیت و پێدڤی بیت بۆ خزمه‌تكرنا ئاواران بهێته كرن ول دووڤ پێدڤیا داخواز بهێته كرن دێ هاریكاری و پشته‌ڤانی هه‌بیت دهه‌ر بیاڤه‌كی دابیت .
ئه‌ڤرۆنيوز:
ده‌زگه‌هێن راگه‌هاندنێ يێن جيهانى ئاشكرا دكه‌ن كو به‌رپرسێن تۆرا جڤاكى يا فه‌يسبووكى دێ ئێك ژ خزمه‌تگوزاريێن وێ تۆرێ راوه‌ستينن.
ل دووڤ وان ده‌زگه‌هان، دڤێ هه‌فتيێ دا، به‌رپرسێن فه‌يسبووكى دێ خزمه‌تگوزاريا (Trending) يا تۆرا خوه راوه‌ستينن كو ب وێ خزمه‌تگوزاريێ بكارئينه‌رێن فه‌يسبووكى دشێن ده‌نگوباس وبه‌لاڤكريان ل سه‌رانسه‌رى جيهانێ ببينن/ هه‌روه‌سا ل وه‌لاتێ خوه ژى بينه‌رێن زۆر هه‌بوون ولايه‌ك وكۆمێنتێن زۆر بۆ هاتينه، هه‌ڤده‌م ده‌نگوباس وبه‌لاڤكريێن وان په‌يجا ژ دبينن كو لايه‌ك نه‌كرين.
به‌رپرسێن فه‌يسبووكى هه‌تا نوكه ب شێوه‌كێ فه‌رمى ئه‌گه‌ر راوه‌ستاندنا وێ خزمه‌تگوزاريێ به‌لاڤ نه‌كريه، به‌لێ دبيت ژبه‌ركو رێژا بكارئينه‌رێن وێ خزمه‌تگووزاريێ يێن كێم بووين، له‌وما دێ هيته راوه‌ستاندن.
فه‌يسبووك ل سالا 2004 هاته كاراكرن ونوكه ل سه‌رانسه‌رى جيهانێ بكارئينه‌رێن زۆر يێن هه‌ين، هه‌روه‌سا ب ئێكه‌مين تۆرا جڤاكى دهێته هژمارتن، به‌رپرسێن كۆمپانيا فه‌يسبووك يا ئه‌مريكى به‌رده‌وام خزمه‌تگوزاريێن ب مفا بۆ تۆرا خوه زێده دكه‌ن.
ئه‌ڤرۆ نيوز، فاتما مزوورى:
د راپۆرته‌كا عه‌ره‌بيه نێت دا هاتيه كو كوريا باكوور تێچيوويێ مانا سه‌رۆكێ خوه ل ئێك ژ ئۆتێلێن ناڤوده‌نگێن سه‌نگافۆرا نينن.
بڕياره ل 12ى ڤێ هه‌يڤێ سه‌رۆكێ كوريا باكوور كيم جۆنگ ئۆن ل گه‌ل سه‌رۆكێ ئه‌مريكا دونالد تره‌مپ كۆم ببيت.
تێچوويێ هه‌ر كه‌سه‌كى ژ شاندێ سه‌رۆكاتيێ ل ئۆتێله‌كا گه‌شتيارى يا وه‌لاتێ سه‌نگافۆرا شه‌ش هزار دۆلارێن ئه‌مريكى نه و شاندێ سه‌رۆكاتيا كوريا باكوور ژى ژ گه‌له‌ك كه‌سان پێك دهێت و ئه‌ڤ چه‌نده ژى بۆ كوريا بوويه بارگرانى و ژ وه‌لاتێن بيانى خواستيه كو تێچوويێ ئۆتێلێ ب ستوويێ خوه ڤه بگرن.
ژ لايێ خوه ڤه رۆژناما واشنتۆن پۆست يا ئه‌مريكى به‌لاڤكريه كو ئه‌مريكا نه‌ڤێت كوريا باكوور شه‌رمزار بكه‌ت، ژ به‌ر هندێ ژى ئاماده‌يا خوه نيشان دايه كو تێچوويێ ئۆتێلێ د ستوويێ خوه دا بگريت، به‌لێ ژ وێ چه‌ندێ ژى د ترسيت كو كوريا باكوور وه‌كو سڤكاتيپێكرن ڤێ چه‌ندێ بكه‌ت، ژ به‌ر هندێ ژى خواستيه كو وه‌لاتێ سه‌نگافۆرا مه‌زاختيێ شاندێ كوريا باكوور ب ستوويێ خوه ڤه بگريت.
ئه‌ڤرۆ نیوز ، نه‌وزاد هلۆرى:
هه‌تا نها دناڤ خه‌لكى دا وه‌سا هاتیه به‌لاڤكرن كو ئه‌و مرۆڤێ ل شكه‌فتا شانه‌ده‌ر یا سه‌ر ب ده‌ڤه‌را بارزان ڤه ژیای، مرۆڤێ نیانده‌رتال بوویه، دیسان دهێته گوتن كو كه‌ڤنترین گوند و ده‌ڤه‌ر ل كوردستانێ كو هاتیه ئاشكراكرن چاندن تێدا هاتیه‌كرن گوندێ چه‌رمویه ل ده‌ڤه‌را گه‌رمیان به‌لێ ڤه‌كوله‌ره‌كێ ده‌ڤه‌را بارزان ئه‌ڤ هه‌ردوو زانیاریه ره‌تكرن و نووترین ئه‌و مرۆڤێ ل شانه‌ده‌ر ژیایى و ئه‌و ده‌ڤه‌را بۆ ئێكه‌م جار چاندن تێدا هاتیه‌كرن ئاشكرا دكه‌ت.
كرمانج چالى، ڤه‌كوله‌رێ جڤاكى و نڤیسه‌ر ل ده‌ڤه‌را بارزان بۆ ئه‌ڤرۆ نیوز گۆت: (شكه‌فتا شانه‌ده‌ر ل ده‌ڤه‌را بارزان ب ئێك ژ كه‌ڤنترین جهێن شوونوارى ل هه‌رێما كوردستانێ دهێته هژمارتن كو نێزیكه ل رووبارى و چه‌ندین كانیێن ئاڤێ و ژیانا مرۆڤان یا ده‌ستپێكى ل ڤێره بوویه ، ب گوره‌ى ئه‌وان ڤه‌كۆلینێن كو ل ڤێ دوماهیێ ل سه‌ر شكه‌فتا شانه‌ده‌ر ل سه‌ر گورێن وان كه‌سان هاتینه‌كرن ئه‌وێن كو ل ڤێره هاتینه دیتن دیاربوویه كو ئه‌و مرۆڤێ ل شانه‌ده‌ر ژیای مرۆڤێ نیانده‌رتال نه‌بوویه، به‌لكو مرۆڤه‌ك بوویه گه‌له‌ك كه‌ڤنتر ژ مروڤێن نیانده‌رتال و ئه‌ڤه د ده‌مه‌كێ دایه كو هه‌تا نها خه‌لك وه‌سا هزر دكه‌ت كو ئه‌و مرۆڤێ ل شكه‌فتا شانه‌ده‌ر ژیای مرۆڤێ نیانده‌رتال بوویه “.
كرمانجى دياركر ژى” روخسارێ وان مرۆڤێن ل ڤێره هاتینه دیتن ژ یێن نیانده‌رتال جودایه و ڤه‌كۆلینێ دایه دیاركرن كو چه‌ند ده‌سته گوله‌ك ل سه‌ر گورێن وان هه‌بوون مینا گوله بووك و نێرگز و به‌یبین و چه‌ند جۆره‌كێن دن بوون “.
زێده‌تر گۆت: (دووماهى ڤه‌كۆلینێ 29 مه‌تران گورێن ناڤا شكه‌فتا شانه‌ده‌ر كولاینه كو ئه‌ڤ یه‌ك ژى تشته‌كێ حێبه‌تى یه وهه‌كه ئه‌وان گور 29 مه‌تران كوور كولابن ژ خوه تشته‌ك حێبه‌تى یه ، و ده‌ستپێكا په‌یدابوونا مرۆڤان و ژیانا وان ل شكه‌فتان بوویه ب تایبه‌تى ژبه‌ر خوه‌پاراستنێ ، ل ده‌ردورێن شكه‌فتا شانه‌ده‌ر رووبار و كانیێن زور هه‌نه و ئه‌ڤ یه‌ك بوویه ده‌ستپێكا ده‌ركه‌فتنا شوره‌شا چاندنێ) .
چالى د درێژاهیا ئاخفتنێن خوه‌دا دیاركر ژى، ژبه‌ركو ده‌ستپێكا ژیانێ ل شكه‌فتا شانه‌ده‌ر بوویه، ئه‌ڤ یه‌ك بویه سه‌ده‌م كو ئێكه‌م جار چاندن ژى ل ده‌ڤه‌را بارزان ده‌ربكه‌ڤیت و گۆت : (كه‌ڤنترین گوند و چه‌مێ كوردستانێ چاندن تێدا هاتیه‌كرن چه‌مێ جێرموو بوویه ل ده‌ڤه‌را بارزان نه‌كو گوندێ چه‌رموو بوویه ل ده‌ڤه‌را گه‌رمیان وه‌كو دهێته گوتن).
خوياكر ژى، بۆ ئێكه‌مین جار ڤه‌كۆلین ل سه‌ر شكه‌فتا شانه‌ده‌ر هاتیه‌كرن دزڤریت بۆ سالێن 1951-1960 ل سه‌ر ده‌ستێ زانایه‌كێ ئه‌مریكى و زێده‌تر گۆت: (نها هه‌ستیكێن وان مرۆڤێن كو ل شكه‌فتا شانه‌ده‌ر هاتینه دیتن ل زانكۆیێن ئه‌مریكا دهێنه پاراستن و ڤه‌كۆلینێن زێده‌تر ل سه‌ر دهێنه‌كرن).
ل دۆر خزمه‌تگوزارییێن كو ژلایێ جهێن شوله‌ژێ بۆ شكه‌فتا شانه‌ده‌ر هاتینه‌كرن داكو ببیته ئێك ژ جهێن گه‌شتوگوزارى ، چالى گۆت: (شكه‌فتا شانه‌ده‌ر زێده‌بارى كو جهه‌كێ گرنگه وه‌كو شوونوار و شارستانى ، دهه‌مان ده‌م دا دكه‌ڤیته جهه‌كێ خوه‌ش و سه‌رنجراكێش وسیمایه‌كێ گه‌شتوگۆزار ژى هه‌یه ، و پشتى كو چه‌ند ره‌وشه‌نبیر و نڤیسكارێن ده‌ڤه‌را بارزان چالاكیێن جودا جودا ل شكه‌فتا شانه‌ده‌ر ئه‌نجامداین، ئه‌ڤ یه‌ك بوویه ئه‌گه‌ر كو كۆمه‌لا دوستينيا كوردستانى- بریتانى كۆمه‌كا خزمه‌تگوزاریێن مینا رێیا ترومبێلێ ، پاركا ترومبێلان ، رێیا پیاده ، چه‌ند كه‌پر و خزمه‌تگوزاریه‌كێن دى ، درۆستكه‌ن ، به‌لێ دیسان دبێژم ئه‌ڤ یه‌ك ل پێدڤى بناڤ و ده‌نگى و گرنگى یا شكه‌فتێ نینه و پێدڤیه پێزانينێن پێدڤى ل گه‌له‌ك جهێن شكه‌فتێ بهێنه هه‌لاویستن داكو ئه‌و كه‌سانێن سه‌ره‌دانا شكه‌فتێ دكه‌ن بێ پێزانين نه‌زڤرن و تشته‌كێ ژ شكه‌فتێ بزانن، ژبه‌ركو رێژه‌یه‌كا زورا گه‌شتیاران سه‌ره‌دانا شكه‌فتا شانه‌ده‌ر دكه‌ن).
ئه‌ڤرۆنيوز:
دكۆمبوونه‌كا وه‌زاره‌تا چاندنێ وژێده‌رێن ئاڤێ ل هه‌رێما كوردستانێ، رێڤه‌به‌ريا گشتى يا سامانێ ئاژه‌لى وڤێتێرنه‌رى چه‌ند برياره‌ك ل دۆر ئينانا به‌رهه‌مێن كوشتى ده‌ركرن.
وه‌زاره‌تا چاندنێ وژێده‌رێن ئاڤێ ئه‌ڤرۆ ئێكشه‌مبى 3/6/2018 به‌لاڤكر” رێباز حه‌ملان وه‌زيرێ چاندنێ وژێده‌رێن ئاڤێ ب وه‌كاله‌ت سه‌رپه‌رشتيا كۆمبوونه‌كێ كر ب به‌رهه‌ڤبوونا رێڤه‌به‌رێ گشتيێ سامانێ ئاژه‌لى وڤێتێرنه‌رى ب وه‌كاله‌ت وريڤه‌به‌رێ گشتيێ پلان ودوڤچوونێ وچه‌ندين ريڤه‌به‌رێن په‌يوه‌نديدار”.
وه‌زاره‌تا ناڤبرى رۆهنكر” دوێ كۆمبوونێ دا چه‌ند برياره‌ك هاتنه ده‌ركرن، وه‌كو قه‌ده‌غه‌كرنا مۆله‌تا هاورده‌كرنا گوشتێ گامێشێ هندى وهه‌روه‌سا زێده‌كرنا پشكا پارێزگه‌هان ژ هاورده‌كرنا ئاژه‌لێ زيندى ب رێژا 100% زێده‌تر بۆ پشكا ته‌رخانكرى، ئه‌ڤ چه‌نده ژى تنێ بۆ هه‌ردو هه‌يڤێن 6 و7 سالا 2018″.
زێده‌تر تێدا هاتيه، پشكا پارێزگه‌هان ل هاورده‌كرنا مريشكێن جه‌مدى ب رێژا 100% زێده‌تر بۆ پشكا ته‌رخانكرى، ئه‌ڤ چه‌نده ژى تنێ بۆ هه‌ردو هه‌يڤێن 6 و 7 سالا 2018.
ئه‌ڤرۆ نیوز، له‌زگين جۆقى:
نوشدارەکێ نشتەرگەریا زارۆیان ل دھۆکێ دیارکر کو ل رۆژا 3ى تيرمه‌ها 2018ێ نشتەرگەریەگا سەیر بۆ زارۆیەکێ ب ناڤێ (س، ع) ل نەخۆشخانا ھیڤی یا زارۆیان ب سەرکەفتیانە ھاتە ئەنجامدان نوکە رەوشا وێ ساخلەمیێ بەر ب باشبوونێ یە و ل ژێر چاڤدێریا نوشداران دایە.
د. قادر محەمەد، تایبەتمەندێ نشتەگەریا زارۆیان ل نەخۆشخانا ھیڤی ل دھۆکێ بۆ نوش نیوز دیارکر کو سێ نشتەرگەری د ئێک پەنچکرنێ دا بۆ نەخۆشێ ھاتینە ئەنجامدان ئەو ژی زارۆیەک بوو د زکماکی دا تووشی حالەتەکێ سەیر بوویە، ئەڤ حالەتێن وەسا ل جیھانێ دکێم وێنەنە ل دھۆکێ ئەڤ حالەتە پەیدا بوویە و ب سەرکەفتیانە نشتەرگەری بۆ وێ زارۆیێ ھاتە کرن ئەڤ زارۆ د زکماکی دا خودان دو بۆریێن زادی و دو مەعیدا بوویە ژ وانا ژی بۆریەکا زادی و مەعیدەکی کار دکر یێن دی کارنەدکرن، بەلێ ئەڤە ل سەر ژیانا زارۆێ گەلەک مەترسی بوون ب تایبەتی ژی مەترسیا خەندقینێ ل سەر زارۆیێ ھەبوو ھەکە نەھاتبا نشتەرگەری کرن، بەلێ نوکە ئەڤ مەترسیە ل سەر ژیانا زارۆیێ نەما.
د. قادر ئەو ژی دیارکر کو بەری نشتەرگەریێ مە وەسان ھزر دکر، دێ سێ نشتەرگەری نە ل دووڤ ئێک بۆ زارۆیێ ھێنە کرن، بەلێ دەمێ ھاتیە د ژوورا نشتەرگەریێ دا و نشتەرگەریا ئێکی ب ریێا دووربڕینێ بۆ زارۆیێ ھاتیە کرن، د دووڤ دا ژی ھەردو نشتەگەریێن دی ژی ب سەرکەفتیانە د ئێک نشتەگەریێ دا بۆ زارۆیێ ھاتینە ئەنجامدان.
ئه‌ڤرۆنيوز:
وه‌زيرێ ژێده‌رێن ئاڤێ ل عيراقێ راگه‌هاند، زيانێن به‌نداڤا ئه‌ليسو يا توركى ل سه‌ر عيراقێ دي ل سالا بهێت دياربن.
حه‌سه‌ن جه‌نابى، وه‌زيرێ ژێده‌رێن ئاڤێ ل عيراقێ دروونشتنه‌كێ دا ل جڤاتا نوونه‌رێن عيراقێ گۆت” عيراقێ 17 مليار مترێت سێ جاركى ئڤا عه‌مباركرى يا هه‌ى ودێ هێته بكارئينان بۆ هاڤينێ و چاندنێ ژى”.
گۆت ژى” زيانێن به‌نداڤا ئه‌ليسو يا توركى ل سه‌ر عيراقێ دێ دسالا بهێتى دا بيت”.
دهێته زانين توركيا ل رۆژا 1/6/2018 ده‌ست ب داگرتنا ئاڤێ ل به‌نداڤا ئه‌ليسو كريه وهه‌ر دده‌مێ دو رۆژێن بۆرى دا كارتێكرنا وێ چه‌ندێ ل سه‌ر رووبارێ ديجله ل به‌غدا ومووسل دياربوو كو ئاڤ كێمبوويه.
ئه‌ڤرۆنيوز:
رۆژناما ئيسرائيلى به‌لاڤكر، ئه‌و چه‌ندا ل عيراقێ رووداى پشتى هه‌لبژارتنان، سه‌ركه‌فتنا كه‌سه‌كى بوو كو عيراق وئيران ژ سه‌ركه‌فتنا وى دترسيان، ژئه‌گه‌رێ وێ چه‌ندێ كو چاڤه‌رێ دهاته كرن حه‌يده‌ر عه‌بادى بيت كو ب هيڤيا عيراقێ دهاته نياسين.
رۆژناما جۆرشه‌ليم پۆست يا ئيسرائيلى دياركر، ئه‌نجامێن هه‌لبژارتنان به‌رۆڤاژى ڤێ چه‌ندێ بوون ب سه‌ركه‌فتنا موقته‌دا سه‌در كو دژى هه‌موو سياسه‌تێن ئيرانێ بوو ل ده‌ڤه‌رێ وئه‌ڤه نيشانه‌كه كو ل عيراقێ ژى دشياندايه ديموكراسى پێشڤه بچيت.
خوياكر ژى” به‌لێ بۆ وه‌لاتێن ده‌رڤه، ئه‌نجامێن هه‌لبژارتنان دباوه‌ر پێكرى نه‌بوون، هه‌روه‌سا ئه‌وا نوكه دهێته كرن كو رابوونا عيراقێ يه پشتى داشعێ وده‌ستێوه‌ردانا ئيرانێ وشه‌ري تيرۆرستان وڤه‌گه‌راندن بۆ ره‌وشه‌كا جهگير، له‌وما نوكه وپاشه‌رۆژا عيراقێ دێ دده‌ستێ موقته‌دا سه‌در دابيت ودێ ده‌ڤه‌ر چاڤه‌رێ لڤينێن وى بيت”.
نيشاندان