ئه‌ڤرۆنيوز:
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ به‌لاڤكر كو ژئه‌گه‌رێ پاله‌په‌ستۆيا نيمچه گزيرتا عه‌ره‌بى دێ پلێن گه‌رمێ سوباهى دوشه‌مبى 18/6/2018 ل پارێزگه‌هێن هه‌رێما كوردستانێ نزم بن.
پلێن گه‌رمێ دێ نزم بن
نووترين نووچه
- نێچیرڤان بارزانی ئامادەییا هەرێمێ بۆ پێشڤەبرنا هاریكارییێن هەڤپشك ل گەل ئیستۆنیا نیشادا
- جڤاتا وەزیران رازیبوونا خوە ل سەر تێكگەهشتنا تایبەت ب مووچەی و شایستەیێن دارایی دیاركر
- مەسرور بارزانی و وەزیرێ بەرگریێ یێ ئەستۆنیا پێشڤەبرنا هەڤبەندییان گەنگەشە دكەن
- كورد ب ئێكگرتی دشێن بگەهنە هەموو مافێن خوە
- ب چار درۆنان هێرش ل سەر زەڤیێن پەترۆلێ یێن شێخان و زاخۆ هاتە كرن
- شەرمزاركرنا هێرشێن درۆنی ل سەر هەرێما كوردستانێ یا بەردەوامە
- سەرۆك بارزانی پشكداری د رێوڕەسمێ رۆژا نیشتمانییا فرەنسا دا كر
- پێدڤییە بەغدا پێرابوونێن ب لەز بۆ رێگرتنێ ل وان هێرشان وەربگریت
- گەل و سیاسەتمدارێن كوردستانێ نابنە بەندە و فەرمانبەرێن دەستێن شۆڤینییان
- پێدڤییە حوكمەتا ئیراقێ رێگریێ ل میلیشیا و گرۆپێن چەكدار بكەت
سهرهكى نوچێن گرنگ
رۆهنكرنه‌ك ل دۆر ده‌رمالێ هاندانا مامۆستايان دهێته دان
ئه‌ڤرۆنيوز:
جێگرێ سه‌رۆكێ ئێكه‌تيا مامۆستايێن كوردستانێ رۆهنكرنه‌ك ل سه‌ر ده‌رمالێ هاندانا مامۆستايان دده‌ت كو ده‌مه‌كێ زۆره مه‌زاختنا وى ده‌رماله‌ى هاتيه راگرتن.
عه‌بدولواحد محه‌مه‌د، جێگرێ سه‌رۆكێ ئێكه‌تيا مامۆستايێن كوردستانێ گۆت” به‌رى دو سالان وژئه‌گه‌رێ په‌يره‌وكرنا سيسته‌مێ پاشكه‌فتا مووچه‌ى، حوكمه‌تا هه‌رێما كوردستانێ سۆز دا كو بۆ وێ سالا خواندنێ شه‌ش ده‌رمالێن هاندانێ ب گۆژمێ 100 – 150 هزار ديناران بۆ مامۆستايان خه‌رج بكه‌ت”.
عه‌بدلواحد زێده‌تر بۆ باسنيوز گۆت” مخابن ل دو سالێن خواندنێ تنێ پێنج جار ه‌و ده‌رماله هاتيه مه‌زاختن بۆ مامۆستايان”.
گۆت ژى” مه نڤيساره‌ك ل دۆر ئه‌گه‌رێن راگرتنا وى ده‌رماله‌ى دايه وه‌زاره‌تا دارايى وئه‌م چاڤه‌رێى به‌رسڤێ نه”.
ئاماژه دا” ل دووڤ پێزانينان، ژبه‌ر باشتربوونا مووچه‌ى وده‌مێ به‌لاڤكرنا وى، پێناچيت ژبى وى ده‌رمالێ ماى، حوكمه‌ت بريارا نووكرنا مه‌زاختنا ده‌رماله‌كى دى يێ هاندانێ بۆ مامۆستايان بده‌ت”.
رۆژنامه‌كا رووسى: وه‌لاته‌كێ نوو ل رۆژهه‌لاتا ناڤه‌راست دێ دروست بيت
ئه‌ڤرۆنيوز:
رۆژنامه‌كا رووسى دراپۆرته‌كا خوه دا به‌لاڤكر، پێنگاڤ به‌ر ب دروستبوونا وه‌لاته‌كێ نوو ل رۆژهه‌لاتا ناڤه‌راست دهێنه هاڤێتن وبه‌رپرس وپه‌رله‌مانتارێن ئيسرائيلى داخوازێ ژ حوكمه‌تا ته‌ل ئه‌بيب دكه‌ن، پشته‌ڤانيێ ل ئه‌ركێن كوردان بكه‌ت بۆ دره‌ستكرنا وه‌لاته‌كێ سه‌ربخوه.
رۆژناما “Nezavisimaya Gazeta” يا رووسى دراپۆرتا خوه‌دا دبێژيت” توركيا به‌رهه‌ڤيا خوه دياركريه بۆ هه‌ماهه‌نگيێ ل گه‌ل ئيرانێ بۆ به‌رهنگاريا پارتيا كاركه‌رێن كوردستانێ (په‌كه‌كێ) دناڤ ئاخا باشوورێ كوردستانێ ل عيراقێ”.
وه‌كو ئاماژه پێ هاتيه دان، ئه‌و پێنگاڤه دچارچۆڤێ ئه‌ركێن ئه‌نقه‌ره دا دهێت بۆ ب هێزكرنا پێگه‌هێن خوه ل ده‌ڤه‌رێ، ئه‌ڤ ئێكه ژى دژى وێ چه‌ندێ يه يا وه‌لاتێ ئيسرائيلێ دخوازيت، چونكى سه‌ركردايه‌تيا ئيسرائيلێ ده‌ست ب دانوستاندنان ل سه‌ر سه‌ربخوه‌يا كوردستانێ كريه.
به‌لاڤكريه ژى كو” تيمه‌كا حزبا ليكود ل په‌رله‌مانێ ئيسرائيلى ب نوونه‌راتيا ئه‌ندامێ په‌رله‌مانى (يوئاڤ كيش) ب پيدڤى دزان كو ئيسرائيل پشته‌ڤانيێ ل ئه‌ركێن كوردان بكه‌ت بۆ دروستكرنا وه‌لاته‌كێ سه‌ربخوه”.
ژلايێ خوه‌ڤه ياليزاڤيتا تسوركوڤا،شرۆڤه‌كارا ئيسرائيلى بۆ رۆژناما ناڤبرى گۆت”چه‌ند به‌رپرسێن ئيسرائيلى ل گه‌ل سه‌ركردێن كوردێن سووريێ كۆمبووينه”.
ل 25/9/2017 وه‌لاتيێن هه‌رێما كوردستانێ ب رێژا 93% ده‌نگ ب به‌لێ د ريفراندۆما سه‌ربخوه‌يا كوردستانێ دا.
سەرۆك بارزانی سه‌ره‌دانا ميحوه‌رێ پردێ دكه‌ت
ئه‌ڤرۆنيوز:
سه‌رۆك مه‌سعود بارزانى، ئه‌ڤرۆ شه‌مبيێ 16/6/2018 ل رۆژا دويێ يا جه‌ژنا ره‌مه‌زانا پيرۆز، ب مه‌ره‌ما پيرۆزباهيا جه‌ژنێ، سه‌ره‌دانا هێزێن پێشمه‌رگێ كوردستانێ ل ميحوه‌رێ پردێ كر.
دوێ سه‌ره‌دانێ دا، سه‌رۆك بارزانى ب هه‌لكه‌فتا جه‌ژنا ره‌مه‌زانا پرۆز پيرۆزباهيێن خوه ئاراسته‌ى هه‌موو پێشمه‌رگێن قه‌هره‌مان وفه‌رماندێن هێزا پێشمه‌رگێ كوردستانێ كر وده‌ستخوه‌شى وسوپاسيا وان كر بۆ ئه‌رك وزه‌حمه‌تيا وان دپاراستنا گه‌لێ كوردستانێ وئاخ وكه‌رامه‌تا نيشتمانى.
ئه‌ڤرۆ رۆژا ئێكێ يا جه‌ژنێ يه ل ده‌ف شيعان
ئه‌ڤرۆنيوز:
شيعێن عيراقێ ئه‌ڤرۆ شه‌مبيێ 16/6/2018 كريه رۆژا ئێكێ يا جه‌ژنا ره‌مه‌زانا پيرۆز.
ب فه‌توايا نڤيسينگه‌ها عه‌لى سيستانى، مه‌رجه‌عێ بلند يێ شيعێن عيراقێ، ل ئێڤاريا رۆژا پێنجشه‌مبى هه‌يڤ نه‌هاتيه ديتن، له‌وما رۆژا ئه‌ينى تمامكه‌را هه‌يڤا ره‌مه‌زانێ بوو ورۆژا شه‌مبيێ دبيته رۆژا ئێكێ يا هه‌يڤا شه‌والێ ورۆژا ئێكێ يا جه‌ژنێ.
ئه‌ڤ فه‌توايا نڤيسنگه‌ها سيستانى دده‌مه‌كى دايه كو وه‌قفا سونى ل عيراقێ ولژنا بلند يا ديتنا هه‌يڤێ ل وه‌زاره‌تا ئه‌وقافێ وكاروبارێن ئايينى ل هه‌رێما كوردستانێ، ئێڤاريا پێنجشه‌مبى راگه‌هاندبوو كو رۆژا ئه‌ينيێ 15/6/2018 رۆژا ئێكێ يا جه‌ژنا ره‌مه‌زانا پيرۆزه.
بكوژێ كچا ئه‌لمانى عه‌لى به‌شار نينه و كه‌سكى فێل لێكريه
ئه‌ڤرۆ نيوز:
عه‌لى به‌شار كو به‌رى چه‌ند رۆژان ل زاخۆ ب تۆمه‌تا كوشتنا كچه‌كا ئه‌لمانى ب ناڤێ سۆزانا ده‌سته‌سه‌ركريه و راده‌ستى ده‌سته‌لاتا ئه‌لمانيا كريه، دايكو وى تۆمه‌تبارى دبێژيت: “كوڕێ من بكوژ نينه، به‌لكو هه‌ڤالێ وى يێ تورك كو ناڤێ وى نزانم بكوژێ راسته‌قينه‌يه يێ وێ كچێ يه و پشتى ئه‌نجامدانا تاوانێ چوويه توركيا”.
دايكا عه‌لى به‌شار د داخۆيانيه‌كێ دا بۆ سايتێ “عه‌ره‌بى پۆست” دبێژيت: “عه‌لى و سۆزانا و ئه‌و كه‌نگێ تورك يێ 35 سالى كو ناڤى وى نزانم هه‌ڤالێن ئێك بوون و چه‌ندين جاران ل باژێرێ فيسبادنى يێ ئه‌لمانى پێكڤه چووينه ژ ده‌رڤه”.
زێده‌تر دبێژيت: “دانپێدانێ ب وێ راستيێ دكه‌م كو كوڕێ من خه‌له‌تيا كرى، به‌لێ ئه‌و بكوژ نينه، پێدڤيه ده‌سته‌لاتا ئه‌لمانيا په‌نابه‌رێ تورك ده‌سته‌سه‌ركر بكه‌ن و ڤه‌كۆلينێ ل گه‌ل بكه‌ن، ل وى ده‌مى دێ راستى ديار بيت”.
دايكا عه‌لى به‌شار دبێژيت: “ده‌سپێكێ پۆليسێن ئه‌لمانيا ب تۆمه‌تا تێكه‌ليا وى ل گه‌ل ڤى بابه‌تى، ئه‌و په‌نابه‌رێ تورك ده‌سته‌سه‌ر كربوو، به‌لێ پشتى كو په‌نابه‌رێ تورك د وێ ڤه‌كۆلينێ دا چو به‌حس نه‌كريه، دووباره هاتيه ئازادكرن”.
ته‌كست ژى ل سه‌ر وێ چه‌ندێ كريه كو نه‌خۆشيا هه‌ڤژينێ وێ بوويه ئه‌گه‌ر كو بڕيارا ڤه‌گه‌ريانێ بۆ كوردستانێ بده‌ن، “چو ده‌رباره‌ى تاوانێ نزانم، ئه‌ڤا د ميديايان دا به‌حس لێ هاتيه كرن، كو دبێژن ژ به‌ر ڤێ تاوانێ ڤه‌گه‌رياينه زاخۆ، يا دووره ژ راستيێ و ئه‌و نووچه نه‌يێ درسته”.
ئه‌ڤه پشتى وێ هات، پشتى دووڤچوون بۆ ژيێ به‌شار عه‌لى ل قونسلخانا عيراقێ ل ئه‌لمانيا، ئاشكه‌را بوويه كو ژيێ وى 21 ساله و نه 20 سال وه‌كو به‌حس لێ هاتيه كرن، ئه‌ڤه ژى ب گۆره‌ى قانوونێن ئه‌لمانيا دێ سزايێ وى دژوارتر بيت، چونكو هه‌تا ژيێ 20 ساليێ هێشتا ب گه‌نج دهێته نياسين، به‌لێ ل 21 ساليێ سه‌ره‌ده‌ريا كه‌سه‌كێ پێگه‌هشتى ل گه‌ل دكه‌ن ژ لايێ مێشكى ڤه و دادگه‌هێ ژى جوداهيا سزايى يا د ناڤبه‌را ڤان دو ژيان دا هه‌ى.
عه‌لى به‌شار كو به‌رى نوكه ب كوشتنا كچه‌كا 14 سالى يا ئه‌لمانى دهێته تۆمه‌تباركرن، پشتى كوشتنا وێ كچێ ل گه‌ل خێزانا خوه ڤه‌گه‌ريايه باژێرێ زاخۆ، ل 8ى ڤێ هه‌يڤێ هێزه‌كا پۆليسێن ئه‌لمانى گه‌هشته هه‌رێما كوردستانێ و ناڤبرى ژ لايێ پۆليسێن نه‌هێلانا گۆنه‌هباريان ل زاخۆ ڤه هاته ده‌سته‌سه‌ركرن و راده‌ستى ده‌سته‌لاتدارێن ئه‌لمانيا كريه.
د ڤێ ده‌ربارێ دا، وه‌زاره‌تا ژ ده‌رڤه يا عيراقێ ژى راگه‌هاند بوو كو ئه‌وا هه‌رێما كوردستانێ كرى كاره‌كێ نه‌يێ قانوونى بوو، چونكو چو رێكه‌فتنێن راده‌ستكرنا تاوانباران د ناڤبه‌را حوكمه‌تا ئه‌لمانيا و عيراقێ دا نينن.
ب وێنە: حەفت دوکان ب تەمامی ھاتنە سۆتن
ئەڤرۆ نیوز، نەوزاد ھلۆری:
ئێڤارە درەنگی یا دوھی رۆژا ئێکێ جەژنێ ئاگر ب بازارەکێ سوران کەفت و د ئەنجام دا حەفت دوکان ب تەمامی ھاتنە سۆتن و ب کوژمێ زێدەتر ژ 100 ملیون دیناران زیان گەھاندنه وی بازاری.
دڤی واری دا “عیماد رێکانی” بەرپرسێ بەرەڤانیا باژێری ل سوران بۆ ئەڤرۆ نیوز گۆت: (ئێڤارە درەنگی یا دوھی رۆژا ئێکێ جەژنێ ئاگر بەربوویە بازارەکێ سەنتەرێ سوران، ھەر چەند ئاگر د دەمەکێ کورت دا ھاتە کونترولکرن، بەلێ ل گەل ڤێ یەکی ژی زیانێن زۆر گەھشتنه بازاری).
زێدەتر گۆت: (ژئەنجامێ ئەوی ئاگری حەفت دوکان ب تەمامی ھاتینە سۆتن و زیانا ئاگری گەھشتیە ھەشت دوکانێن دى و زیانێن گشتیێن روودانێ ژی بۆ زێدەتر ژ 100 ملیون دیناران دھێنە خەملاندن، به‌لێ سوپاس بۆ خودێ چو زیانێن گیانی نەبوون).
ب گورەی ئاخفتنێن ناڤبری ئەگەرێ روودانێ ژی دزڤریت بۆ ھەوبوونا شورتەکا کارەبێ ل ئێک ژ وان دوکانێن کو ئاگر بەربوویێ و پاشان بوویە سەدەم ئاگر ژ دوکانەکێ بچتە دوکانا دى.
تورکیا و روسیا پێکڤە دێ سیستەمێ بەره‌ڤانيا S-500 بەرهەم ئينن
ئه‌ڤرۆ نيوز:
ره‌جه‌ب ته‌يب ئه‌ردوگان، سه‌رۆك كۆمارێ توركيا راگه‌هاند كو دێ ل گه‌ل رۆسيا پێكڤه سيسته‌مێ به‌ره‌ڤانيا مووشه‌كى S-500 به‌رهه‌م ئينن.
ئه‌ردوگان به‌حس ل وێ چه‌ندێ ژى كر كو به‌رى نوكه ژ لايێ فلاديمێر پۆتن، سه‌رۆك رۆسيا راگه‌هانديه كو دخوازن پێكڤه سيسته‌مێ به‌ره‌ڤانيا S-500 به‌رهه‌م بينن.
سه‌رۆك كۆمارێ توركيا ره‌خنه ل هه‌ڤپه‌يمانێن ئورۆپى گرتن كو د ئاماده نينن چه‌كى بفرۆشنێ يان پێكڤه چه‌كى به‌رهه‌م بينن، به‌لێ رۆسيا هه‌ڤدژى وێ چه‌ندێ يا ئاماده‌يه قه‌ران بده‌ته توركيا بۆ سيسته‌مێ به‌ره‌ڤانيا S-400 و ل قوتابخانێن دى ژى پێكڤه سيسته‌مێ به‌ره‌ڤانيا S-500 به‌ره‌هه‌م بينن.
د هه‌يڤا 12 يا سالا بۆرى دا، توركيا ب مه‌ره‌ما كرينا سيسته‌مێ به‌ره‌ڤانيا مووشه‌كان S-400 كو سيسته‌مه‌كێ پێشكه‌فتى يێ دژى مووشه‌كا يێ رۆسى يه، گرێبه‌سته‌ك ب بهايێ 2.5 مليار دۆلاران ب گه‌ل رۆسيا ئيمزا كريه. ب گۆره‌ى وێ چه‌ندێ توركيا وه‌لاتێ ئێكێ يێ ئه‌ندامه د رێكخراوا ناتۆ دا ئه‌وى سيسته‌مى ب ده‌ست خوه ڤه دئينيت.
مێرکل: دێ گەلەک بڕیارێن گرنگ ل کۆمبوونا ناتۆ ھێنە دان
ئەڤرۆ نیوز، فاتما مزووری:
شێورمەندا ئەڵمانیا ئەنگێلا مێرکڵ راگەھاند کو ھندەک بڕیارێن گرنگ دێ ل گۆپیتکا ناتۆیێ ھێنە دان کو بڕیار ل ھەیڤا تەموزا بێت ل باژێرێ برۆکسل بێتە ئەنجام دان.
مێرکل پشتی کۆمبونا ل گەل سکرتێرێ گشتی یێ ناتۆیی، “یانس ستۆلتنبێرگ” کۆنگرەیەکێ رۆژنامەڤانی گرێدا و دا زانین کو ب پشت راستی ڤە بڕیارێن گەلەک گرنگ دێ ل گۆپیتکا ناتۆیێ ھێنە دان کو بڕیارە ل ھەیڤا تیرمەھا بێت ئەو بڕیار ل باژێرێ برۆکسلێ بھێنە دان.
مێرکل گۆت: “گۆبیتکا ناتۆ ب ئێک رۆژ ناھێتە ئەنجام دان و بەری ئەنجام دانێ ژی دێ ئامادەکاریێن تەمام ھێنە ئەنجام دان”.
ھەروەسا گۆتژی: “د سەر ھەبوونا بۆچوونێن جودا جودا دا، بەلێ د وێ باوەرێ دا مە کو گەلەک بڕیارێن گرنگ بھێنە دان”.
ژ لایەکێ دی ڤە سکرتێرێ گشتیێ ناتۆیێ یانس ستۆلتنبێرگ راگەھاند: کو یێ رژدە ل سەر بەردەوام بوونا رووبرووبوونا تیرۆرێ و و ب ڤی سەدەمی ژی دێ ئارامی و ئەمنیەکا پتر بەرقەرار کەن.
ھەروەسا گۆتژی: “دێ کار کەین دا کو عیراقی بشێن دووبارە ئەمن و ئارامیا وەلاتێ خوە ب دەست ڤە بینن و داعش نەڤەگەریتە وان دەڤەران”.
نێچيرڤان بارزانى و مالكى پشته‌ڤانيا ده‌سپێشخه‌ريا عه‌بادى دكه‌ن
ئه‌ڤرۆ نيوز، فاتما مزوورى:
نێچيرڤان بارزانى، سه‌رۆكێ حوكمه‌تا هه‌رێما كوردستانێ كو د هه‌مان ده‌م دا جێگرێ سه‌رۆكێ پارتى ديموكراتى كوردستانه راگه‌هاند كو ئه‌و پێشوازيێ ل هه‌ر ده‌سپێشخه‌ريه‌كێ دكه‌ن بۆ درخستنا عيراقێ ژ ڤێ ئاريشا نها تێدا ل سه‌ر بنه‌مايێ دستوورى و قانوونێ.
نێچيرڤان بارزانى گۆت: “پارتى پشته‌ڤانيا هه‌ر ده‌سپێشخه‌ريه‌كێ دكه‌ت كو ده‌رخستنا عيراقێ بيت ژ ڤێ كێشا نوكه گه‌فا ل سه‌ر پرۆسه‌يا سياسى دكه‌ت”.
گۆتژى: “پارتى پشتگریا هه‌ر پێنگاڤه‌ك و ده‌ستپێشخه‌ریه‌كێ دكه‌ت بۆ بزاڤا ده‌ركه‌تنا ژ وێ ره‌وشا سیاسی یا نه‌سه‌قامگیر ل عیراقێ و ڤه‌گه‌را بۆ كاركرنا ل سەر بنگه‌ها دستوور و كاركرنا ب قانوونان”.
سه‌رۆكێ ده‌وله‌تا قانوونێ ژى پشته‌ڤانيا خوه بۆ هه‌ر ده‌سپێشخه‌ريه‌كێ ده‌ربڕى كو بۆ پشته‌ڤانيكرنا عيراقێ و ده‌ركه‌فتنا وێ بيت ژ ڤێ قه‌يرانا مه‌ترسيدار.
حه‌یده‌ر عه‌بادی سه‌رۆك وه‌زیرێن عیراقێ داخواز ژ كوتله‌یێن سیاسی كربوو كو پشتی داوی هاتنا بێهنڤه‌دانا جه‌ژنا ره‌مه‌زانێ ب هه‌ڤرا كۆم ببن، ژبۆ دانوستاندنا چاوانیا هه‌ولدان ژبۆ پێكئینانا حوكمه‌تا بێت یا عیراقی.
نيشاندان
WP Facebook Auto Publish Powered By : XYZScripts.com