ئه‌ڤرۆنیوز:

ل دووڤ ئامارێن رێڤه‌به‌ریا گشتى یا توندوتیژی دژه‌ ژنان، دده‌مێ سێ هه‌یڤێن سالا 2018 دا ل هه‌رێما كوردستانێ 32 ژن هاتینه‌ كوشتن یان خوه‌كوشتیه‌ و71 ژن ژى هاتینه‌ سوتن یان خوه‌ سوتیه‌، هه‌ڤده‌م زێده‌تر ده‌ست دریژیا سكسى ل سه‌ر 30 ژنان هاتیه‌ كرن.

ب گۆره‌ىوان ئاماران، ل دهۆكێ ل سێ هه‌یڤێن ئێكێ ژ سالا 2018 چار ژن هاتینه‌ كوشتن وهه‌شت ژنان ژى خوه‌ كوشتیه‌ و12 ژن سوتینه‌ ونه‌هان ژى خوه‌ سوتیه‌ و12 ده‌ست درێژیێن سكسى ل سه‌ر ژنان هاتینه‌ كرن ژلایێ زه‌لامان ڤه‌ و527 سكالا ژى ژلایێ ژنان ڤه‌ ل سه‌ر زه‌لامان هاتینه‌ تۆماركرن

ل دووڤ وان ئامارێن وێ رێڤه‌به‌ریێ ده‌ركرین ل هه‌رسێ پارێزگه‌هێن هه‌ریمێ وده‌ڤه‌رێن گه‌رمین وراپۆرین وسۆران، كو وشه‌ به‌لاڤكرینه‌، ل ده‌مێ سێ هه‌یڤێن ده‌ستپێكا سالا 2018 ل هه‌ولیرێ پێنج ژن هاتینه‌ كوشتن وپێنجان ژى خوه‌كوشتیه‌ و12 ژن ژى سوتینه‌ و16 ژنان خوه‌ سوتیه‌ و11 ده‌ست درێژیێن سكسى ل سه‌ر ژنان هاتینه‌ كرن، 741 سكالا ژى ژلایێ ژنان ڤه‌ هاتینه‌ تۆماركرن.

ل سلێمانیێ ئه‌و ئامار دیاردكه‌ین كو 7 ژنان خوه‌ كوشتیه‌ و11 ژن سوتینه‌ و هه‌فت ژنان خوه‌ سوتیه‌ وچو حاله‌تێن ده‌ست درێژیێن سكسى نه‌هاتینه‌ تۆماركرن و354 سكالا ژلایێ ژنان ڤه‌ دژى زه‌لامان هاتینه‌ تۆماركرن ول گه‌رمیان ئێك ژن هاتیه‌ كوشتن ودو ژنان خوه‌كوشتیه‌ وچاران ژى خوه‌ سوتیه‌ وسێ ده‌ست درێژیێن سكسى ژلاێ زه‌لامان ڤه‌ ل سه‌ر ژنان هاتینه‌ تۆماركرن و185 سكالا ژلایێ ژنان ڤه‌ دژى زه‌لامان هاتینه‌ تۆماركرن.

ل ده‌ڤه‌را راپه‌رین ژى دو ژنان خوه‌كوشتیه‌ وسێ ژن سوتینه‌ وسێ ژنان خوه‌ سوتیه‌ و95 سكالا دژى زه‌لامان هاتینه‌ تۆماركرن وده‌ست درێژیا سكسى ل سه‌ر چار ژنان ژى هاتیه‌ كرن ژلایێ زه‌لامان ڤه‌.

ل قه‌زا سۆران، دو ژنان خوه‌ كوشتیه‌ وژنه‌ك سوتیه‌ ودو ژنان خوه‌ سوتیه‌ وده‌ست درێژیا سكیى ل سه‌ر ئێك ژنێ هاتیه‌ كرن و56 سكالا دژى زه‌لامان ژلایێ ژنان ڤه‌ هاتینه‌ تۆماركرن.

ئه‌ڤرۆ نيوز:

خسرۆ گۆران، سه‌رۆكێ فراكسيۆنا پارتى ديموكراتى كوردستان ل خولا نوكه‌ يا جڤاتا نوونه‌رێن عيراقێ و خالد شوانى، به‌پرسێ مه‌كته‌با فوئاد مه‌عصوم سه‌رۆك كۆمارێ عيراقێ ل سه‌ر به‌هرا ئێكه‌تى نشتيمانى كوردستان گۆنگره‌كێ رۆژنامه‌ڤانى گرێدا و تێدا ئاشكه‌را كرن كو ئه‌و دانوستاندنێن ل به‌غدا هاتينه‌ كرن ب تنێ بۆ وێ چه‌ندێ بووينه‌ بۆچوونا لايه‌نێن سياسى بزانن.

ل دۆر وێ چه‌ندێ كا دێ پۆستێ سه‌رۆك كۆمار بۆ پارتى بيت يان ئێكه‌تى؛ خسرۆ گۆران گۆت: “ئه‌م نه‌هاتينه‌ ڤێرێ دا پۆستان وه‌ربگرين، ب تنێ جارێ مه‌ دڤێت بۆچوونا لايه‌نان بزانين”.

د به‌رسڤا هه‌مان پرسيار دا، خالد شوانى گۆت: “چو پێ نه‌ڤێت ئه‌م پۆستێ سه‌رۆك كۆمار ب ده‌ستكه‌فتێ ئێكه‌تيێ دزانين و ئه‌و پۆسته‌ دێ هه‌ر بۆ ئێكه‌تى نشتيمانى كوردستان ڤه‌گه‌ريت”.

ئه‌ڤرۆ نيوز:‏

ئەندامەکا لیژنا دارایی ل پەرلەمانێ کوردستانێ ئاماژە ب ڤێ چەندێ کر، پەرلەمان یێ رژدە ل ‏سەر پەسەندکرنا پڕۆژە قانوونا چاکسازیێ د مووچێ خانەنشینان و دەرمالان دا و دبێژیت: ھەکە ‏ھندەک پەرلەمانتار ژی ھەر بەرھەڤی کۆبوونێ نەبن ئەڤە دێ پڕۆژە قانوونا چاکسازیێ د ‏مووچە و دەرمالان دا ھەر ھێتە پەسەندکرن. ‏

مەدینە ئەیوب، ئەنداما لیژنا دارایی و ئابووری ل پەرلەمانێ کوردستانێ بۆ رۆژناما ئەڤرۆ ‏ئاشکرا کر، ب تنێ ئاریشە ھەمبەر گیرۆبوونا کۆمبوونا پەرلەمانێ کوردستانێ ل دۆر پڕۆژە ‏قانوونا چاکسازیێ د مووچێ خانەنشینان دا ئەنجامێن ھەلبژارتنێن عێراقێ بوون و گۆت: ‏‏”چونکو پتریا لایەنێن کوردستانێ د ئەڤان ھەلبژارتنێن رۆژێن بۆری دا ھژمارا کۆرسیێن وانا ‏کێمکریە، ئەڤێ چەندێ ژی کاریگەری ل سەر ھەموو لایەنێن سیاسی ھەبوویە و بۆ ئەگەرێ ‏ھندێ ژی ھژمارەکا پەرلەمانتاران ژ بەر مژولبوونا وان ب ئەنجامێن ھەلبژارتنان ڤە بەرھەڤی ‏کۆمبوونا پەرلەمانی نەبن، لەوڕا ژی کۆمبوون بۆ دەمەکێ نەدیار ھاتە گیرۆکرن”.‏

مەدینە خانێ خویا ژی کر کو ھەموو لایەنێن ناڤا پەرلەمانی د رژدن ل سەر پەسەندکرنا پڕۆژە ‏قانوونا خانەنشینیێ و ھەتا نوکە لایەنەکی و پەرلەمانتارەکی دژایەتی نەکریە و گۆت: “ئەگەر ‏بھێت و فڕاکسیۆنەک یان ھندەک پەرلەمانتار ھەلویستی وەربگرن و بەرھەڤی کۆمبوونا ‏پەرلەمانی نەبن، ئەڤە پەرلەمان دێ رێژا قانوونی تەمام کەت و خوە ل چو کەسەکی ناگریت بۆ ‏پەسەندکرنێ و پڕۆژە قانوون دێ ھێتە پەسەندکرن”.‏

ئه‌ڤرۆ نيوز:

د كومبوونا د ناڤبه‌را شاندێ پارتى ديموكراتى كوردستان ب سه‌رۆكاتيا فازل ميرانى كو ئه‌ڤرۆ سه‌را به‌غدا دايه‌، ل گه‌ل عه‌مار حه‌كيم كوم بوون، عه‌مار حه‌كيم گوتيه‌ شاندێ پارتى، بيێ پارتى ئه‌و ناچنه‌ ناڤ چو هه‌ڤپه‌يمانيه‌كێ بۆ پێكئينانا حوكمه‌تا نوو يا عيراقێ.

ئه‌ڤرۆنيوز:

سپێده‌يا ئه‌ڤرۆ سێشه‌مبى 22/5/2018  ئوسمان یونس، جێگرێ‌ پارێزگه‌رێ‌ دهۆكێ‌ دگه‌لدا سه‌رۆكێ‌ ئه‌ندازیاران و هژماره‌كا ئه‌ندازیاران سه‌ره‌دانا پرۆژێ‌ ئاڤاهیێ‌ لقێ‌ دهۆك یێ‌ سه‌ندیكا به‌لێنده‌رێن كوردستانێ‌ دا , رووبه‌رێ‌ ئاڤاهی 525م2 و تا نوكه‌ رێژا بجهینانێ‌ گه‌هه‌شتیه‌ 40% و حوكمه‌تا هه‌رێما كوردستانێ‌ كوژمێ‌ 580 ملیۆن دیناران بۆ تمامكرنا دو نهومان ته‌رخانكریه.‌
ددوڤدا سه‌ره‌دانا پرۆژێ‌ ئاڤاهیێ‌ رێڤه‌به‌ریا نه‌خشه‌دانا ئاڤاهيان دا و سه‌حكره‌ قوناغێن كاری دپرۆژه‌ی دا ، پرۆژه‌ ل سه‌ر رووبه‌رێ‌ 1400م2 دهیته‌ ئاڤاكرن و كوژمێ‌ 2 ملیار و 411 ملیۆن دیناران ژلایێ‌ حوكمه‌تا هه‌رێمێ‌ ڤه‌ هاتیه‌ ته‌رخانكرن ورێژا 100% يا كارى ب دووماهى هاتيه‌.

دداخۆیانیه‌كێ‌ جێگرێ‌ پارێزگه‌رێ‌ دهۆكێ‌ ل دۆر ئارمانجا سه‌ره‌دانێ‌ گۆت” ئارمانج ئه‌وه‌ ئاگه‌ه ژ كێم و كاسی و پێدڤیێن ڤان پرۆژان هه‌بیت و ئه‌وا پێدڤی بیت بۆ هاریكاری كرنا تیمێن كاری بهێته‌ كرن ,راستی دڤان پرۆژان دا كارێ‌ باش يێ هاتیه‌ كرن و ده‌ست خوه‌شیێ‌ ل تیمێن كاری دكه‌ین”.