ئەڤرۆ نیوز:
سالڤەگەرا پارێزگەھبوونا دھۆکێ ب چەند چالاکیان ھاتە ساخکرن.
نووترين نووچه
- نێچیرڤان بارزانی ئامادەییا هەرێمێ بۆ پێشڤەبرنا هاریكارییێن هەڤپشك ل گەل ئیستۆنیا نیشادا
- جڤاتا وەزیران رازیبوونا خوە ل سەر تێكگەهشتنا تایبەت ب مووچەی و شایستەیێن دارایی دیاركر
- مەسرور بارزانی و وەزیرێ بەرگریێ یێ ئەستۆنیا پێشڤەبرنا هەڤبەندییان گەنگەشە دكەن
- كورد ب ئێكگرتی دشێن بگەهنە هەموو مافێن خوە
- ب چار درۆنان هێرش ل سەر زەڤیێن پەترۆلێ یێن شێخان و زاخۆ هاتە كرن
- شەرمزاركرنا هێرشێن درۆنی ل سەر هەرێما كوردستانێ یا بەردەوامە
- سەرۆك بارزانی پشكداری د رێوڕەسمێ رۆژا نیشتمانییا فرەنسا دا كر
- پێدڤییە بەغدا پێرابوونێن ب لەز بۆ رێگرتنێ ل وان هێرشان وەربگریت
- گەل و سیاسەتمدارێن كوردستانێ نابنە بەندە و فەرمانبەرێن دەستێن شۆڤینییان
- پێدڤییە حوكمەتا ئیراقێ رێگریێ ل میلیشیا و گرۆپێن چەكدار بكەت
سه‌ره‌كى نوچێن گرنگ
د رۆژا پارێزگه‌هبوونا دهۆكێ دا كه‌ڤنترين پرتووكخانه هاته دايخستن
ئه‌ڤرۆ نيوز:
ئه‌ڤرۆ 49 سال ل سه‌ر پارێزگه‌هبوونا دهۆكێ ده‌رباز بوون، د ده‌مه‌كى دا كو ده‌رگه‌هێن كه‌ڤنترين پرتووكخانه ل دهۆكێ هاتنه گرتن، پارێزگارێ دهۆكێ و رێڤه‌به‌ريا گشتى يا ره‌وشه‌نبيرى ئاهه‌نگ دگێران.
ئه‌حمه‌د عه‌بدولا زه‌رۆ خودانێ پرتووكخانا دهۆك كو ب كه‌ڤنترين پرتووكخانه ل پارێزگه‌ها دهۆكێ دهێته نياسين، بۆ ئه‌ڤرۆ نيوز دياركر كو پشتى پارێزگارێ دهۆكێ سۆزێن خوه ل گه‌ل وى ب جهـ نه‌ئيناين، ئه‌ڤرۆ ب نه‌چارى ڤه د رۆژا پارێزگه‌هبوونا دهۆكێ دا، ده‌رگه‌هێ پرتووكخانا دهۆك دايخستن.
ئەحمەد عەبدوللا زەرۆn بەحسێ پشتەڤانیا بەری چەند سالان یا فەرھاد ئەمین پارێزگەرێ دھۆکێ کر بۆ پرتووکخانا وی و گۆت: “پێشتر پشتی چەندین سازیێن راگەھاندنێ بەلاڤەکرین کو دێ پرتووکخانا ئێكێ ل دھۆکێ ژ نەبوونا پشتەڤانیێ ھێتە داخستن، گەلەک گەنج ھاتنە پرتووکخانێ و دەنگ بلندکرن کو ئەڤ دەرگەهه نەھێتە داخستن”.
زەرۆی گۆتژى: “پارێزگارێ دھۆکێ ب فەرمی داخوازکرم بچمە دیوانا پارێزگەھێ و رێزەکا مەزن بۆ من گرت و مە ب درێژی بەحسێ رەوشا پرتووکخانێ کر و ل دووماھیێ پارێزگەرێ دھۆکێ سێ خال دانانە بەر من ئەو ژی، کرێیا پرتووکخانێ ب مەزێخیت ھەر شەش ھەیڤان جارەکێ و ھەر شەش ھەیڤێن ئێکێ پارێزگەرێ دھۆکێ کرێیا پرتووکخانا من مەزاخت و د دووڤ دا بێ دەنگ بوو و ئەوی ب خوە ب دەڤێ خوە گۆت هه‌كه شەش ھەیڤێن ئێکێ ب دووماھی ھاتن وەرە کرێیا دوکانا خوە وەربگرە، خالا دویێ پارێزگاری وەک سوز ل گەل من گۆت بوو کو لیژنەک بھێت سەرەدانا پرتووکخانێ بکەت و ھەموو بھێتە نووژەنکرن ب شێوازەکێ پێشکەفتی و ھەتا ئاماژە ب وێ چەندێ کر کو پرتووکخانە ل بەرامبەر ئامادەیا کاوە یە وەکو دو جھێن شوونواری یێن پارێزگەھا دھۆکێ بمینن و ب تنێ ئەڤ ھەردو جھێن شوونواری ماینە، خالا سیێ پارێزگەری گۆت تە پارچا ئەردی وەرگرتیە، من گۆتێ نەخێر، پشتی خزمەتا 38 سالان ھێشتا من پارچا عەردی وەرنه‌گرتیە و نوکە خانەنشینم، گۆت نڤسینەکێ بۆ خوە دروست بکە و دێ پارچەکا ئەردی ژی دەینە تە و ئەو ژی بێ مفا و ھەتا نوکە”.
دا زانين ژى كو ژبلى شه‌ش هه‌يڤێن ئێكێ يێن دانا كريا پرتووكخانێ، پارێزگارێ دهۆكێ سۆزێن خوه ب جهـ نه‌ئينان و د ده‌مه‌كى دا، ئيدارا پارێزگه‌ها دهۆكێ مژوولى گێرانا ئاهه‌نگان بوو ب هه‌لكه‌فتا سالرۆژا پارێزگه‌هبوونا دهۆكێ، زه‌رۆى ده‌رگه‌هێن پرتووكخانێ گرتن و پرتووكخێن خوه ژى دانانه د ناڤا كارتونان دا و برنه مالێن هنده‌ك خێرخوازان كو دێ جارێ بۆ حه‌وينن ژ به‌ر كو جهێ هه‌لگرتنا وان ژى ل مال نينه.
پرتووكخانا دهۆك ب كه‌ڤنترين پرتووكخانه ل دهۆكێ دهێته هژمارتن و ژيێ وێ بۆ به‌رى 40 سالان د ڤه‌گه‌ريت، به‌لێ ئه‌ڤرۆ ژ ئه‌گه‌رێ نه‌بوونا پشته‌ڤانيێ و كاودانێن خرابێن ئابوورى يێن خودانێ پرتووكخانێ ده‌رگه‌هێ وێ هاته گرتن.
لژنا سەرپەرشتیا موالیدان به‌حس ل به‌رنامێ نوو يێ كاركرنا مواليدان دكه‌ت
ئەڤرۆ نيوز، نیوار محەمەد سەلیم:
لژنا سەرپەرشتیکرنا موالیدان ل پارێزگەھا دھۆکێ راگەھاند کو ل سەر داخوازیا وەلاتیان بڕیار ھاتە دان، ھەر دەمێ کارەبا گشتی چوو، کارەبا موالیدەی بھێتە ھەلکرن و ئێدێ پارە چەند ژی دکەڤیت دێ ھێتە وەرگرتن و نابیتە قەر ل سەر وەلاتیان.
بەشیر مزووری، سەرپەرشتێ لژنا موالیدان ل پارێزگەھا دھۆکێ د داخۆیانیەکێ دا بۆ رۆژناما ئەڤرۆ گۆت: “ل سەر داخۆازیا وەلاتیان و ھەیڤا رەمەزانێ و باشیا رەوشا کارەبا گشتی مە ب رەنگەکێ بەروەخت کرە 24 دەمژمێری و ھەیڤا بھێت دێ سەحکەینێ کا دێ چاوان بیت”.
زێدەتر گۆت: “خودانێن موالیدان چو کێشە ل سەر وێ چەندێ نینن کا چەند دەمژمێران کارەبا موالیدەی ھەبیت، بەلێ ئەم رەوشا وەلاتیان بەرچاڤ وەردگرین و دا کو بھایێ وێ یێ کێم بیت، دەمژمێرێن وێ کێم دکەین”.
سەرپەرشتێ لژنا موالیدان ل پارێزگەھا دھۆکێ ل دۆر بھایێ ئەمپێرێ کارەبێ خۆیا کر کو کونترۆلەک یێ ل دەف خودانێن موالیدان ھەیی و ل دووماھیا ھەیڤێ بۆ لژنێ بەرچاڤ دکەن و ئەو بھایی ل سەر ددانن و گۆت: “ئێدێ بھایێ ئەمپێرێ کارەبێ ژی ناکەینە قەر ل سەر وەلاتیان، چەندە دێ وەسان ھێتە وەرگرتن، چونکو خەلکی راڤەکرنێن خەلەت بۆ کرن و بۆ مە ژی ئاریشە ژی ژێ پەیدا بوون”.
نەڤەشارت ژی کو لژنا وان شیانێن وێ چەندێ نینن کو دووڤچوونا موالیدان ل سنۆرێ لژنا خوە بکەن و گۆت: “ھەر جھەکێ گازندە ھەبیت، لژنە یا ئامادەیە دووڤچوونا بابەتی بکەت و ئاریشێ دەست نیشان بکەت”.
دا زانین ژی کو ئەو دشێن ب رێیا بەربژێری یان ژی ب رێیا خوە ب خوە سەرەدانا لژنا سەرپەرشتیا موالیدان ل قایمقامیێ بکەن دێ کێشێن وان بەرچاڤ ھێنە وەرگرتن و دێ دووڤچوونا بابەتی ھێتە کرن.
تۆزەکا ب هێز دەڤەرا شنگالێ ڤەگرتیە
ئەڤرۆ نیوز ، باسم قاسم شنگالی :
جەلال حەسەن چالاکڤانەکە بۆ ئەڤرۆ نیوز دیار کر، کو ئەڤرۆ ئێڤاری 27/5/2018 ل دەڤەرا شنگالێ ب گشتی پێلەکا مەزن یا توزبارینێ ل گەل ھەوایەکێ ب ھێز ب سەر شنگالێ دا ھاتیە.
ئاشکرا کر ژی، کو ئەڤ توزبارینە بوویە ئەگەرێ مەترسیا وەلاتیان کو نەشێن ژ خانیێن خوە دەرکەڤن و کاروبارێن وان یێن رۆژانە ھەموو ھاتینە راوەستاندن تایبەت مەترسی بۆ ھاتنوچوونا ترۆمبێلا دروست کریە.
كاندیدێ نوو یێ سەرۆكێ پەرلەمانێ عێراقێ هاتە دیار كرن
ئەڤرۆ نیوز ، زنار تۆڤی :
سكرتێرێ گشتی یێ لیستا حەل ئاشكرا كریە ، کو رێككەفتنەکا نیڤ فەرمی دناڤبەرا زۆرینەیا رەها یا لیستێن سەرکەفتی د هەلبژارتنان دا هەیە، بۆ هندێ کو پۆستێ سەرۆكێ نوو یێ پەرلەمانێ عێراقێ بۆ لیستا وانە و تاكە كاندیدێ وان ژی پارێزگارێ نوکە یێ ئەنبارە.
محەمەد كەربوولی سكرتێرێ گشتی یێ لیستا حەل راگەهاندیە ، کو زۆرینەیا قەواران رێككەفتنەکا نیڤ فەرمی هەیە، بۆ هندێ کو پۆستێ سەرۆكێ نوو یێ پەرلەمانی ب وان بهێتە دان و ئەو رێككەفتنە ژی ب رێژا 90% ئێكلا بوویە.
زێدەتر گوتیە، کو تاكە كاندیدێ وان بۆ وەرگرتنا پۆستێ سەرۆكێ پەرلەمانی ، محەمەد حەلبووسی پارێزگاری نوکە یێ ئەنبارە، لەوما ئەم چاڤەرێی پێكئینانا مەزنترین فراكسیۆنا پەرلەمانینە و پشتی هنگێ دێ كاندیدێ خوە پێشكێش كەین.
كه‌ناله‌كێ ئه‌سمانى هاته داخستن
ئه‌ڤرۆنيوز:
كه‌نالێ كوردنيوز هاته داخستن وكارمه‌نده‌كێ وى ژى دبێژيت ئه‌م نێزيكى 100 كارمه‌ندان بووين ومه گرێبه‌ستا پێنج سالان ل گه‌ل كه‌نالێ ناڤبرى ئيمزا كربوو، به‌لێ گۆته مه دێ هێته داخستن وهه‌رن مال.
پشتى دو هه‌يڤان ژ به‌خشكرنا به‌رنامێن خوه، شه‌ڤا بۆرى كه‌نالێ كوردنيوز هاته داخستن، ل دووڤ مالپه‌رێ سه‌ته‌لايتا كوردستانێ، كارمه‌نده‌كێ وى كه‌نالى راگه‌هاند، ئه‌م نێزيكه 100 كارمه‌ندان بووين كو مه گرێبه‌سته‌كا پێنج سالى ل گه‌ل گه‌نالى ئيمزا كربوو، به‌لێ ب مه هاته گۆتن دێ كه‌نال هێته داخستن وهوون ژى بۆ مال.
وى كارمه‌ندى دياركر كو دو هه‌يڤه وان مووچه وه‌رنه‌گرتينه وشاسوارى فێل ل وان كر.
ل دووڤ پێزانينان ژبه‌ر وه‌رنه‌گرتنا مووچێن خوه، هنده‌ك ژوان كارمه‌ندان ده‌ست ب سه‌ر كاميرا ومايك وكومپيۆته‌رێن كورد نيوز داگرت ل به‌رامبه‌ر مووچێن خوه.
رێڤه‌به‌رێ به‌ره‌ڤانیا باژێری ل دهۆكێ هاته گوهۆرین
ئه‌ڤرۆنيوز:
دچارچوڤێ وان گوهۆرینێن دناڤ داموده‌زگه‌هێن میری دا دهێنه كرن، ئه‌ڤرو ئێكشه‌مبى 27-5-2018 ب ئاماده‌بونا به‌هزاد علی ئاده‌م جێگرێ پارێزگه‌رێ دهوكێ ورێڤه‌به‌رێن پولیسێن دهۆكێ وپولیسێن هاتنوچونێ وفه‌رمانگه‌هێن په‌یوه‌ندیدار، رێ ورسمێن گوهۆرینا رێڤه‌به‌رێ به‌ره‌ڤانیا باژێرڤانی ل دهۆكێ هاتنه گێران وعه‌مید (عبدالحكیم تاهر صالح ) وه‌كو رێڤه‌به‌رێ به‌ره‌ڤانیا باژێرڤانی ب وه‌كاله‌ت ل شوینا عه‌مید(سلێمان عزالدین ) رێڤه‌به‌رێ به‌رێ یێ به‌ره‌ڤانیا باژێری هاته دانان.
جێگرێ پارێزگه‌رێ دهوكێ دپه‌یڤه‌كێ دا ده‌ست خوه‌شی ل رێڤه‌به‌رێ به‌رێ كر ورولێ وی هه‌لسه‌نگاند هه‌مبه‌ر ئه‌و خزمه‌تا ل سالێن ده‌ربازبووی پێشكێشكری، هه‌روه‌سا پیروزباهیا رێڤه‌به‌رێ نوو كر وپشته‌ڤانیا پارێزگه‌ها دهۆكێ نیشان دا بۆ كارێ وی یێ نوو وسه‌ركه‌فتن بۆ خواست.
هه‌ر ب ڤێ هه‌لكه‌فتێ رێڤه‌به‌رێ پولیسێن دهوكێ په‌یڤه‌ك پێشكێشكر وسه‌ركه‌فتن بۆ هه‌ردو رێڤه‌به‌رانيێ كه‌ڤن ويێ نوو خواست، ژلايێ خوه‌ڤه رێڤه‌به‌رێ به‌رێ سوپاسیا وان هه‌موو لایه‌نان كر یێن ل سالێن ده‌ربازبوی هاریكاریا وان كری وپشته‌ڤانیا خوه بۆ رێڤه‌به‌رێ نوو دیاركر.
رێڤه‌به‌رێ نوو یێ به‌ره‌ڤانیا باژێرڤانی ته‌كه‌زكر كو ئه‌و دێ ل جهێ وێ باوه‌ریێ بیت یا پێ هاتیه دان وب هه‌موو شیانێن خوه دێ خزمه‌تا وه‌لاتیان كه‌ت.
سلامه‌تيا خوراكى هوشداريێ ل دۆر كرينا هنده‌ك جۆرێن شه‌ربه‌ت وشريناهيان دده‌ت
ئه‌ڤرۆنيوز:
پشكا چاڤدێرى وسلامه‌تيا خوراكى ل رێڤه‌به‌ريا كاروبارێن خوه‌پاراستنێ ل پارێزگه‌ها دهۆكێ، هوشداريێ دده‌ته وه‌لاتيان كو وان شه‌ربه‌ت وشريناهيان يێن ناڤێ ته‌زياتيێ ومێژوويا به‌رهه‌ڤكرن وئێكسپايرا وێ ل سه‌ر نه‌بيت، نه‌كرن.
عسمه‌ت سه‌لمان وه‌يسى، رێڤه‌به‌رێ پشكا چاڤدێرى وسلامه‌تيا خوراكى ل رێڤه‌به‌ريا كاروبارێن خوه‌پارساتنا ساخله‌ميێ ل دهۆكێ بۆ رۆژناما ئه‌ڤرۆ گۆت” ب مه‌ره‌ما پتر پاراستنا ساخله‌ميا وه‌لاتيان ل هه‌يڤا ره‌مه‌زانێ، تيمێن مه رۆژانه ل دانێ سپێدێ ودانێ ئێڤارى ودو تيم ب شه‌ڤ به‌رده‌وام دووڤچوونا بازار دكه‌ن، گه‌له‌ك جه هاتينه هوشداريكرن وهنده‌ك ژى يێن هاتينه سزادان ب كۆژمه‌كێ پاره‌ى وهنده‌كێن دى ژى يێن هاتينه داخستن”.
عسمه‌تى ژ خه‌لكى خواست كو شريناهى وشه‌ربه‌تێن ل هه‌يڤا ره‌مه‌زانێ ل سه‌ر عه‌ره‌بانا وسه‌ر جادان دهێنه فرۆتن، پێدڤيه ل ده‌ستپێكێ سه‌حكه‌نێ كا ژێده‌رێ وێ شريناهيێ يان شه‌ربه‌تێ ژكيڤه‌يه وهه‌كه ناڤێ ته‌زياتيێ ل سه‌ر نه‌بيت بلا نه‌كرن، چونكى پێزانين يێن هه‌ين هنده‌ك شريناهيان وشه‌ربه‌تێ ل مال دروست دكه‌ن وهه‌موو رێنمايێن ساخله‌ميێ تێدا نينن، له‌وما دووڤچوون يا ل سه‌ر دهێته كرن.
گۆت ژى” هه‌كه مه زانى مالك شريناهيان يان شه‌ربه‌تێ دروست دكه‌ت ول بازارى دهێته فرۆتن، ب فه‌رمانا دادوه‌رى دێ چينه وێ مالێ ودێ پێرابوونێن قانوونى ل گه‌ل هێنه وه‌رگرتن، ل سالا بۆرى ئه‌ڤ جۆرێ زێده‌گاڤيێ هه‌بوو، به‌لێ ئه‌ڤ ساله هه‌تا نوكه روو نه‌دايه”.
موقته‌دا سه‌در هوشداريێ دده‌ت
ئه‌ڤرۆنيوز:
رێبه‌رێ ره‌وتێ سه‌درى هوشداريێ دده‌ته جڤاتا نوونه‌رێن عيراقێ ژدروستكرنا ئاژاوه‌يا سياسى ل عيراقێ.
جه‌عفه‌ر موسه‌وى، په‌يڤدارێ موقته‌دا سه‌در رێبه‌رێ ره‌وتێ سه‌درى وسه‌رۆكێ هه‌ڤپه‌يمانيا سائيرون دبه‌ياننامه‌كێ دا داخوازكر ب جدى سكالايێن حزب ولايه‌نێن سياسى ل سه‌ر ئه‌نجامێن هه‌لبژارتنێن وڤه‌كۆلينێن ل سه‌ر بكه‌ن.
موسه‌وى راگه‌هاند ژى كو جڤاتا نوونه‌ران مافێ قانوونى يێ وێ چه‌ندێ نينه ئه‌نجامێن هه‌لبژارتنان ب هه‌لوه‌شينيت وهوشدارى ژى دا ل دۆر ئه‌نجامدانا وى كارى وگۆت” دێ ئاژاوه‌يا سياسى ل عيراقێ دروست كه‌ت”.
پێشتر هژما ه‌كا په‌رله‌مانتارێن نه‌رازى ژئه‌نجامێن هه‌لبژارتنان چه‌ندين بزاڤێن ئه‌نجامدانا كۆمبوونا جڤاتا نوونه‌ران دابوو ب مه‌ره‌ما هه‌لوه‌شاندنا ئه‌نجامێن هه‌لبژارتنان ب بهانه‌يێن جورا وجور، به‌لێ هه‌تا نوكه نه‌شياينه وێ كۆمبوونێ ئه‌نجام بده‌ن ژبه‌ر نه‌تمامبوونا رێژيا قانوونى يا ئه‌ندامێن جڤاتا نوونه‌ران.
دووماهى پێزانين ل سه‌ر به‌خشێ كه‌نالێن ناڤخوه‌يێ هاتن ئاشكراكرن
ئه‌ڤرۆنيوز:
ل چه‌ند رۆژێن داهاتى دێ به‌خشێ كه‌نالێن ناڤخوه‌يى ل هه‌رێما كوردستانێ ب رێيا سيسته‌مه‌كێ نوو كه‌ڤيته كار وپێدڤيه پشكدار هه‌يڤانه يان سالانه ب رێيا كرينا كارتێ سه‌حكه‌ته پرۆگرامێن وان كه‌نالان.
كارۆخ نوره‌دين، رێڤه‌به‌رێ گشتيێ كۆمپانيا يونايتد ميكس ميديا بۆ مالپه‌رێ كوردستان تى ڤى گۆت” تاكو رۆژا 2/6/2018 سيسته‌مێ كه‌ڤن دێ كاركه‌ت وپشتى وێ رۆژێ كۆمپانيا يونايتد دێ ئاميرێ نوو ئێخيته دبازارى دا كو بهايێ وى 39 هزار دينارن ول گه‌ل كرينا ئاميره‌ى دێ هه‌يڤه‌كێ بێ به‌رامبه‌ر بيت، پاشى ب چار جۆرێن كارتان وه‌لاتى دشێن پشكداريێ دسيسته‌مێ نوو دا بكه‌ن كو ب ڤى شێوه‌يه:
- كارتا ئێك هه‌يڤى ب 6 هزار ديناران
- كارتا سى هه‌يڤى ب 15 هزار ديناران
- كارتا شه‌ش هه‌يڤى ب 24 هزار ديناران
- كارتا سالانه ب 36 هزار ديناران
گۆت ژى” ئه‌و ئاميره دێ ل پتريا تاخ وسۆپه‌ر ماركتان هێنه فرۆتن وچار هژمارێن ته‌له‌فۆنان ژى بۆ سه‌نته‌رێ راژا پشكداربوويان ل سه‌ر كارتونا ئاميره‌ى هاتيه دياركرن وپه‌يوه‌ندى ب وى سه‌نته‌رى دێ بێ به‌رامبه‌ر بيت”.
نيشاندان
WP Facebook Auto Publish Powered By : XYZScripts.com