ئەڤرۆ نیوز:
ئۆفیسا دهۆکێ یا هەلبژاتنان ئاگەهداریا خەلکێ پارێزگەها دهۆکێ دکەت کو ماوێ دابەشکرنا کارتا بایۆمەتری یا دەنگدانێ هەتا 10.5.2018 هاتە درێژکرن.
ماوێ دابەشکرنا کارتا دەنگدانێ ل دهۆکێ هاتە درێژکرن
سه‌ره‌كى نوچێن گرنگ
حه‌وزا زانستى ل نه‌جه‌ف ناڤێ به‌ربژارێن گه‌نده‌ل به‌لاڤ دكه‌ت
ئه‌ڤرۆنيوز:
جڤاتا زانايێن ئايينى ل حه‌وزا زانستى ل نه‌جه‌ف، سه‌ره‌دانا مه‌رجه‌عێ مه‌زن يێ شيعان عه‌لى سيستانى دكه‌ن وپشتى زڤرينا وان، ناڤێ هژماره‌كا به‌ربسان به‌لاڤ دكه‌ن ووه‌كو گه‌نده‌لترين كه‌س دهه‌ژمێرن.
پشتى ل رۆژا ئه‌ينيێ 4/5/2018 نوونه‌رێ عه‌لى سيستانى هه‌لويستێ سيستانى ل دۆر هه‌لبژارتنان راگه‌هاندى، هژماره‌كا زانايێن ئايينى ومامۆستايێن حه‌وزا زانستى ل نه‌جه‌ف يێن شيعى سه‌ره‌دانا مه‌رجه‌عێ مه‌زن يێ شيعان دكه‌ن وداخوازا رۆهنكرنێن زێده‌تر ژێ دكه‌ن، بۆ وێ چه‌ندێ هه‌لويستێ سيستانى پتر يێ رۆهن بيت.
دبه‌ياننامه‌كێ دا هاتيه، جڤاتا زانايێن ئايينى ومامۆستايێن حه‌وزێ كو ب (جڤاتا فوزه‌لايێن حه‌وزى) يا ناڤداره، سه‌ره‌دانا مه‌رجه‌عێ شيعان كر وپێ راگه‌هاند، پشتى ئاشكراكرنا هه‌لويستێ وى ل رۆژا ئه‌ينيێ، خه‌لك يێ مه‌نده‌هوش بووى، چونكى هه‌ر حزبه‌كا گه‌نده‌ل ل دووڤ به‌رژه‌وه‌نديا خوه فه‌توا سيستانى شرۆڤه دكه‌ت، ئه‌ڤ چه‌نده ژى چونكى مه‌رجه‌عي بلند يێ شيعان عله‌ى سيستانى ل خوتبا رۆژا ئه‌ينى ناڤێ كه‌سێ نه‌ئينايه.
به‌رسڤا مه‌رجه‌عێ شيعان ب ڤى شێوه‌ى بوو” ده‌مێ شرۆڤێن شاش بۆ فه‌توا مه دهێنه كرن، باشه دێ كه‌نگى ناڤێ وان هێت؟ ئه‌م ژ خوه ناترسين كو چ به‌حسێ مه بكه‌ن، به‌لكو مه ژ به‌ر وێ چه‌ندێ يه دا نه‌فس نزم ئاخڤتنێن مه ب ده‌ليڤه نه‌بينن وشه‌رى ل سه‌ر ده‌ستهه‌لاتێ بكه‌ن”.
پشتى وه‌رگرتنا وێ به‌رسڤێ ژلايێ سيستانى ڤى، جڤاتا زانايێن ئايينى يا حه‌وزا زانستى ل نه‌جه‌ف راگه‌هاند” مه ئه‌ركێ خوه ب ستوويێ خوه‌ڤه گرتيه، ناڤێ وان كه‌سان دێ شاركرا كه‌ين كو زوورترين زيان گه‌هاندينه عيراقێ”.
جڤاتا ناڤبرى دياركر ژى” ئه‌ڤه هه‌موو ناڤ نينن وئه‌وێن ناڤێن وان دليستێ دا نه‌هاتى، رامانا وێ ئه‌و نينه كو ئه‌و دده‌ستپاكن”.
ناڤێ وان به‌رپرسێن كو ل ڤێ ليستا هه‌ڤپێچكرى دا هاتينه به‌رپرسێن پتريا قه‌وارێن سياسى تێدايه، ژوان نورى مالكى وئوسامه نوجێفى جێگرێن سه‌رۆك كۆمارى وحه‌يده‌ر عه‌بادى سه‌رۆك وه‌زيران وسه‌ليم جبوورى سه‌رۆكێ په‌رله‌مانى وهومام حه‌موودى جێگرێ وى وهادى عامرى وئه‌ياد عه‌لاوى وچه‌ندين به‌پرس وپه‌رله‌مانتارێن دى.
مه‌رجێ كوردان بۆ پشكداريێ دحوكمه‌تا داهاتى يا عيراقێ دا ئاشكرا دبيت
ئه‌ڤرۆنيوز:
سه‌ره‌راى نه‌بوونا ئێكرێزيێ ل مه‌يدانا سياسى يا كوردستانێ، به‌لێ حزبان ده‌ست ب دانوستاندنێ كريه بۆ وێ چه‌ندێ هه‌لويسته‌كێ هه‌ڤپشك به‌رانبه‌ر به‌غدا وه‌ربگرن وبكه‌نه مه‌رج بۆ پشكداريێ دحوكمه‌تا داهاتى يا عيراقێ دا، به‌غدا ژى مه‌رجێن كوردان ره‌ت دكه‌ت ودبێژيت ب چو شێوه‌كى قه‌بوول ناكه‌ين.
ژێده‌ره‌كێ سياسى يێ نێزيك ژ پارتى ديموكراتى كوردستان بۆ (العربي الجديد) گۆت” دانوستاندن دناڤبه‌را سه‌ركردايه‌تيا پارتى وحزبێن دى يا هه‌ى كو پتر دانوستاندن ل گه‌ل ئێكه‌تيێ هاتيه كرن ب ئارمانجا گه‌هشتن ب هه‌لويسته‌كێ هه‌ڤپشك كوردى به‌رانبه‌ر حوكمه‌تا داهاتى يا عيراقێ”.
وى ژێده‌رى گۆت ژى” پارتى ديموكراتى كوردستان پێشنياز كريه، داخوازيێن كوردان بهێنه زێده‌كرن ومه‌رجێن زوورتر بهێنه دانان، ب چو شێوه‌كى ژى ده‌ستبه‌ردارى پستێن پێشتر نه‌بين، هه‌ڤده‌م پارتى ل گه‌ل حزبێن دى يێن كوردستانى، دووپاتى ل سه‌ر وێ چه‌ندێ كريه كو پێدڤيه ره‌وش بهێته ده‌ربازكرن ودوباره به‌ر ب به‌غدا ب هێز بچن بۆ به‌رگريێ ژمافێن دستوورى”.
ئاماژه دا” پارتى ب پێدڤى دزانيت ره‌وشا كه‌ركووكێ وده‌ڤه‌رێن كوردستانى بهێته ئاساييكرن وئه‌و مه‌رج ژى وه‌كو ده‌ستپێك بۆ پشكداريێ دحوكمه‌تا داهاتى يا عيراقێ دهژمێريت ويا پشت راسته ژى هه‌كه كورد ب ئێك ده‌نگى بچنه به‌غدا دێ ره‌وش ب تمامى يێ جودا بيت ژ نوكه”.
ئه‌شواق جاف، ئه‌نداما په‌رله‌مانێ عيراقێ ژ فراكسيۆنا پارتى بۆ (العربي الجديد) گۆت” حزبێن كوردستانى دو مه‌رجێن سه‌ره‌كى يێن هه‌ين به‌رانبه‌ر به‌غدا، يێ ئێكێ سوزا حوكمه‌تا عيراقێ ل دۆر بجهئينانا دستوورى ب هه‌موو مادێن خوه‌ڤه ب هوورى، يێ دويێ دووركه‌فتنا حوكمه‌تا عيراقێ ژ شێوازێ تۆلڤه‌كرنێ دره‌فتاركرنێ دا ل گه‌ل هه‌رێما كوردستانێ، پێدڤيه پرۆسا سياسى ب هه‌ڤپشكى وسازان بهێته پێكئينان ونابيت كورد ژى بهێنه په‌راوێزخستن”.
حه‌بيب ته‌رفى، ئه‌ندامێ هه‌ڤپه‌يمانيا شيعى ل په‌رله‌مانێ عيراقێ گۆت” مه‌رجێن كورد وسونه‌يان بۆ پشكداريێ دحوكمه‌تا داهاتى يا عيراقێ دا دقه‌بوولكرى نينن وئه‌م پێ درازى نينين”.
موقته‌دا سه‌در، رێبه‌رێ ره‌وتێ سه‌درى پێشوازى ل پشكداريا به‌رفرهه يا كوردان دپرۆسا هه‌ه‌لبژارتنه‌كا ديموكراتى وپاقژ كر وگۆت” ده‌نگێ كوردان ژى دێ بيته ئه‌گه‌ره‌ك بۆ به‌رهنگاريا سته‌م وگه‌نده‌ليێ دحوكمه‌تا عيراقێ دا” .
موقته‌دا سه‌در داخواز ژ ده‌نگده‌رين كوردستانێ كر بچنه سه‌ر سندووقێن ده‌نگدانێ وده‌نگ خوه بده‌ن وروو ب روويێ سته‌م وگه‌نده‌ليێ ل به‌غدا ببن.
حه‌شدا شه‌عبى گه‌فان ل ده‌نگده‌رين مووسل دكه‌ت
ئه‌ڤرۆنيوز:
به‌ربژاره‌كێ ليستا ئوسامه نوجێفى جێگرێ سه‌رۆك كۆمارا عيراقێ ئاشكراكر، ميليشيێن حه‌شدا شه‌عبى ل مووسل فشارێن مه‌زن ل سه‌ر خه‌لكێ وى باژێرى دكه‌ن وگه‌فان لێ دكه‌ن كو ده‌نگ ب ليستا وان بده‌ن، به‌روڤاژى ڤێ چه‌ندێ دێ ژ مووسلێ هێنه ده‌ركرن ودوباره دێ ئاواره كه‌ن.
مه‌ليح زه‌وبه‌عى، به‌ربژارێ ليستا قه‌رار ب سه‌رۆكاتيا ئوسامه نوجێفى دداخۆيانيه‌كێ دا بۆ رۆژناما ئه‌لمه‌دا گۆت” سه‌ركردێن حه‌شدا شه‌عبى فشارێ ل سه‌ر پشكه‌كا خه‌لكێ مووسلێ دكه‌ن تاكو ده‌نگى بۆ ليستا وان بده‌ن به‌روڤاژى ئه‌و خه‌لكه ژلايێ حه‌شدا شه‌عبى ڤه دێ جاره‌كا دى ژ مووسلێ هێنه ده‌ركرن”.
وى به‌ربژارێ ليستا قه‌رار يا سونى گۆت ژى” هنده‌ك به‌ربژارێن مه نه‌شێن بچنه هندده‌ك ده‌ڤه‌رين مووسلێ، پۆسته‌ر ووێنێن وان ژى هه‌ر پشتى دانانا وان دهێنه ژێڤه‌كرن ودراندن وهنده‌ك ژ سه‌ركردێن حه‌شدا شه‌عبى ده‌ست ب كۆمكرنا كارتا ده‌نگدانى يا مالباتێن چه‌كدارێن خوه كريه تاكو ئه‌و بخوه ل رۆژا ده‌نگدانێ ل شوونا وان ده‌نگى بده‌ن وان كه‌سێن حه‌شدا شه‌عبى دڤێن”.
حوكمه‌تا هه‌رێما كوردستانێ داخوازيه‌كێ ژ په‌كه‌كێ دكه‌ت
ئه‌ڤرۆنيوز:
حوكمه‌تا هه‌رێما كوردستانێ داخوازێ ژ پارتيا كاركه‌رين كوردستانێ (په‌كه‌كێ دكه‌ت ئالۆزيان ل ده‌ڤه‌رێ سنورى يێن هه‌رێما كوردستانێ دروست نه‌كه‌ت وئاشكرا دكه‌ت، زێده‌تر ژ 350 گوند ل سێ پارێزگه‌هێن هه‌رێما كوردستانێ يێن هاتينه چۆلكرن.
سه‌فين دزه‌يى، په‌يڤدارێ فه‌رميێ حوكمه‌تا هه‌رێما كوردستانێ، ئه‌ڤرۆ دوشه‌مبى 7/5/2018 دداخۆيانيه‌كا رۆژنامه‌ڤانى دا ئاماژه ب وێ چه‌ندێ كر كو هێزێن له‌شكرێ توركى نه‌هاتينه دناڤ ئاخا هه‌رێما كوردستانێ دا وتنێ هنده‌ك جاران پشكه‌ك ژ له‌شكرێ توركى ئۆپه‌راسيۆنان دكه‌ن.
سه‌فين دزه‌يى گۆت ژى” ل سنورێن هه‌رێما كوردستانێ، ژئه‌گه‌رێ هه‌بوونا په‌كه‌كێ 350 گوند ژلايێ ئاكنجيێن وان ڤه يێن هاتينه چۆلكرن وحوكمه‌تا هه‌رێمێ ژى نه‌شيايه چو جۆره خزمه‌تگوزاريه‌كێ بگه‌هينيته وان گوندان”.
ناڤبرى ب ناڤێ حوكمه‌تا هه‌رێما كوردستانێ داخوازكر كو په‌كه‌كه ژ ئاخا هه‌رێمێ دربكه‌ڤيت ونه‌بيته ئه‌گه‌رێ شه‌ر وپێكدادانان وگۆت”حوكمه‌تا هه‌رێمێ دخوازيت ره‌وشه‌كا ئارام ل سنوران هه‌بيت”.
ده‌مژمێرا دووماهيێ ژبانگه‌شا هه‌لبژارتنان هاته ئاشكراكرن
ئه‌ڤرۆنيوز:
ژێده‌ره‌كى ژ كۆمسيۆنا بلند يا هه‌لبژارتنان ل عيراقێ رۆهنكرنه‌ك ل دۆر رۆژ وده‌مێ ب دووماهى هاتنا بانگه‌شا هه‌لبژارتنێن په‌رله‌مانێ عيراقێ ده‌ركر وراگه‌هاند، به‌رى ده‌ستپێكرنا پرۆسا هه‌لبژارتنان ب 24 ده‌مژمێران، بانگه‌شا هه‌لبژارتنان ل سه‌رانسه‌رى عيراقێ دێ راوه‌ستيت.
عه‌لى قادر، رێڤه‌به‌رێ گشتيێ ئۆفيسا هه‌ولێرێ يا كۆمسيۆنا بلند يا هه‌لبژارتنان ل عيراقێ گۆت” به‌رى ده‌ستپێكرنا پرۆسا ده‌نگدانێ ب 24 ده‌مژمێران ، بانگه‌شا هه‌لبژارتنان ل سه‌رانسه‌رى عيراقێ دێ هێته راگرتن”.
عه‌لى قادر زێده‌تر بۆ SNN گۆت ژى” ل ده‌مژمێر 7 سپێدێ رۆژا 11/5/2018 بانگه‌شا هه‌لبژارتنێن په‌رله‌مانێ عيراقێ ل سه‌رانسه‌رى عيراقێ دێ ب دووماهى هێت ئانكو به‌رى ده‌ستپێكرنا پرۆسا ده‌نگدانێ ب 24 ده‌مژمێران”.
ناڤبرى ره‌تكر كو ده‌مێ ده‌ستپێكرنا پرۆسا ده‌نگدانا تايبه‌ت ل رۆژا پێنجشه‌مبى 10/5/2018 بانگه‌شا هه‌لبژارتنان ب راوه‌ستيت”.
كه‌شناسيا هه‌رێمێ هوشداريێ دده‌ت
ئه‌ڤرۆنيوز:
رێڤه‌به‌رێ گشتيێ كه‌شناسيێ وبيڤه‌له‌رزان ل هه‌رێما كوردستانێ راگه‌هاند، سوباهى سێشه‌مبى 8/5/2018 بارانه‌كا ب هێز دێ هه‌رێما كوردستانێ ڤه‌گريت.
فازل ئيبراهيم، ريڤه‌به‌رێ گشتيێ كه‌شناسيێ وبيڤه‌له‌رزان گۆت” پێشبينى دهيته كرن دره‌نگيا ئه‌ڤ شه‌ڤه پێله‌كا بارانێ هه‌رێما كوردستانێ ڤه‌گريت ژئه‌گه‌رێ ئێكگرتنا هه‌ر نزمه پاله‌په‌ستيێن ده‌ريا ناڤه‌راست وده‌ريا سور كو دئه‌نجام دا پێشبينيا بارانێن دژوار دهێته كرن ل پتريا ده‌ڤه‌رێن هه‌رێما كوردستانێ”.
فازل ئيبراهيم زێده‌تر بۆ كوردستان تى ڤى گۆت” ئه‌و پێلا بارانێ دێ تايبه‌ت هه‌ردو پاريزگه‌هێن هه‌ولێرێ ودهۆكێ ڤه‌گريت ودێ كاريگه‌رى هه‌بيت ومه‌ترسى هه‌بيت”.
ديارگر ژى” مه ب پێدڤى ديت هوشداريێ بده‌ينه وه‌لاتيان وده‌زگه‌هێن خزمه‌تگوزارى ژى ئاگه‌هدار بكه‌ين بۆ وێ چه‌ندێ پێرابوونێن پێدڤى وه‌رگرن به‌رامبه‌ر مه‌ترسيا بلندبوونا ئاڤێ ل سه‌نته‌رێن باژێران ژبه‌ركو ئه‌و جۆره باران بارينه كو ل وه‌رزێ بوهارێ دباريت يا بله‌ز ومه‌زنه وده‌مێ وێ دێ يێ كێم بيت وپێشبينى دهێته كرن گژلۆك دگه‌لدا بيت وپلێن گه‌رمێ ژى ب شێوه‌كێ به‌رچاڤ دێ هێنه خوار”.
سه‌باره‌ت رۆژا چار شه‌مبى، ئانكو رۆژا پاشتر، فزل ئيبراهيم گۆت” بۆ رۆژا چارشه‌مبى نه‌سه‌قامگيرى يا كه‌شوهه‌واى هه‌ر دێ مينيت، به‌لێ ره‌وشا باران بارينێ دێ كێم بيت وپشتى نيڤرۆيا وێ رۆژێ ره‌وش دێ به‌ر ب سه‌قامگيريێ ڤه چيت”.
هه‌ر ل دووڤ به‌ياننامه‌كا رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ، ئه‌ڤ شه‌ڤه بارانه‌كا زۆر ل دهۆكێ دێ باريت وبريسيێ ژى دێ دگه‌لدا بن.
دياركر ژى كو سوباهى ژى بارانێن زۆر ل دهۆكێ دێ بارن ورێژه‌يا بارانێ يا پێشبينى كرى ل دهۆكێ به‌رامبه‌ر ده‌ڤه‌رێن دى دێ گه‌له‌ك زێده‌تر بيت.
رێنمایێن بەرەڤانیا باژێری بۆ هەر روودانەکا نەخواستی
ئەڤرۆ نیوز:
ل ديف راپورتا گه شناسيا هه ريما كوردستانى ل شه ڤا دووشه مبى ل سه ر سى شه مبى پيله كا باران بارينى دى باريت ژ بو پاراستنا سه ر و سامانى ته ل روژين باران بارينين زيده وبهيز رينمايين به ره ڤانيا باژيرى ل به ر چاف وه رگره و ل (٢٤) ده م ژمێراندا د به رهه ڤيى دايه ب ئه فسه ر و پوليسين خو ڤه بو هه ر ريدانه كا چيبيت ژ بو پاراستنا ژيانا هاولاتيان ژ لافاوان پەیوەندیێ ب ژمارين ئاگرڤه مراندنى بكن
هندەک رێنمایێن خو پاراستنێ ژ لافاوان
۱ـڤە کرنا رێیا چونا ئاڤا بارانا.
۲ـ خو دیرکرن ژ جهێن مەترسی ل بلند بونا ئاڤێ.
۳ـ د دەمێ تو ترمبێلێ دهاژوی وباران دبارت لەزاتیێ کێمکە .
٤ـ بترمبێلێ نە دە دناڤ گە رێن ئاڤێ .
٥ـ خو ژ دیوارێن سست و ئاخێ دیرکە.
٦ـ د دە مێ تو بزانی دێ لافاو چێبیت زاروکێن خو ژ مال ببە بو جهەکێ ئارام .
۷ـ پاراستنا تە و زاروکێن تە پێتڤی ترە ژ سامانێ دنیاێی.
۸ـ ب زیترین دەم پەیوەندیێ ب بە رە ڤانیا باژێری بکە داکو هاریکاریا وە بکن ٠٦٢١١٥هەردەم د بەر هە ڤە.
٩- هه ول بده ن مه نهولين ئافي باقز بكه ن وه نه هينه قه بات كرن هه ر ل مالين خو و ه خودانين دوكانا باشمايا فرى نه ده نه سه ر جادا
ڤيديۆ: بارانێن ڤێ دووماهيێ گه‌نم ژه‌نگى كر
ئەڤرۆ نیوز، نەوزاد ھلۆری:
بارینا بارانێن بەردەوام ب تایبەتی د ھەیڤا ئایارێ دا بویە سەدەم کو بەھرا پتریا گەنم و جەھێ سنوورێ قەزا ئامێدیێ توشی ژەنگبونێ بیت و زیانێن زور ب جوتیاران بگەھینیت.
یوسف جوبرائیل جوتیارەکێ ناحیا شێلادزێ یە و رێژەیەکا باش یا گەنمی چاندیە بۆ ئەڤرۆ نیوز گۆت: (ئەڤ سالە رێژەیەکا باش یا گەنمی من چاندیە بەلێ باران د دەما خودا نەبارین و گیرو بو، نھا کو گەنم کەفتیە د بەری دا و دانێ خوە دایە باران دبارن ئەڤ یەک بویە سەدەم کو گەنمێ مە توشی ژەنگبوونێ بیت).
زێدەتر گۆت: (گەنمێ ژەنگبووی سایلو وەرناگرن و ناھێتە فروتن ، و نەچارین کو بتنێ بو گیانەوەران وەکو ئالیک بکاربینین ، و نوکە 5% ژ گەنمێ مە درۆست نینە و ئەڤێ دن ھەموو ژەنگی و زەربوویە).
ژلایەکێ دنڤە ستار خورشید، راوێژکار ل شیرەتکاریا چاندنا دێرەلوک بو ئەڤرۆ نیوز گۆت: (ل سنوورێ قەزا ئامێدیێ گەنم ب دوو شێوەیان ھاتیە چاندن، ئەو ژی گەنم بو مەرەما فروتنێ و گەنم بو مەرەما ئالیکێ ئاژەلان، و بارینا بارانان ل دنھا دبیتە سەدەم کو گەنم و جەھـ توشی ژەنگبوونێ بیت ، و نەک تنێ گەنم و جەھـ بەلکو داروبارێ فێقی ژی توشی ژەنگبوونێ بویە).
زێدەتر گۆت: (ھەر چەند بارانێ کارتێکرن لسەر ژەنگبوونا گەنم و جەھی کریە بەلێ نابیتە سەدەم کو ماندوبوونا جوتیاران بەرئاڤدا بچیت و کارتێکرنێن زور لسەر بەرھەمێ وان ناکەت).
نێچیرڤان بارزانی سه‌ره‌دانا مالێن وه‌لاتیێن زیانڤێكه‌فتیێن بارانان ل دهۆكێ كر
ئه‌ڤرۆنيوز:
ئه‌ڤرو ئێڤاری 6/5/2018 نێچیرڤان بارزانی سه‌رۆكێ حوكمه‌تا هه‌رێما كوردستانێ دگه‌لدا فه‌رهاد ئه‌مین پارێزگه‌رێ دهۆكێ و حه‌مید علی رێڤه‌به‌رێ كومه‌لگه‌ها ئیبراهیم خه‌لیل ل سه‌نته‌رێ باژێرێ دهوكێ سه‌ره‌دانا مالێن وه‌لاتيێن یێن زیان ڤێكه‌فتین ل باران بارینا شه‌ڤا بۆرى و بشتی سه‌روبه‌رێ وان دیتی و گوهداریا گازنده و پێدڤیێن وان كری بریار دا كو هه‌موو ئه‌و زیان ڤیكه‌فتی بهێنه قه‌ره‌بوو كرن هه‌روه‌سا چاره‌كرنا ئاریشا وان بۆ هه‌ر و هه‌ر.
نێچيرڤان بارزانى دداخویانیه‌كێ دا دیار كر كو ئه‌وا دشیانا حوكمه‌تا هه‌رێما كوردستانێ دا بیت دێ بۆ ڤان زیان ڤێكه‌فتیان كه‌ت و هه‌موو دێ هێنه قه‌ره‌بوو كرن و دیار كر وه‌ك حوكمه‌ت دێ چاره‌كا به‌رده‌وام بۆ ئاریشا وان بینن و گۆت ئه‌وا دشیان دا بیت دێ بۆ ڤان مالان هێته كرن، دیسان سه‌ره‌خوه‌شی ل مالباتێن وان كه‌سان كر یێن ل ڤێ ئاڤ رابوونێ گیانێ خوه ژده‌ست دای .
ل دۆر به‌رهه‌ڤيێن پارتی و لیستا 184 ، نێچيرڤان بارزانى كو دهه‌مان ده‌م دا جێگرێ سه‌روكێ پارتی دیموكراتی كوردستانه گۆت” چو مه‌ترسیه‌ك نینه ب پشته‌ڤانیا ملله‌تێ كورد و دلسوزو خوراگرێن ڤی ملله‌تی پارتی ب ئانه‌هیا خودێ دێ سه‌ركه‌ڤیت و ب هێزه‌كا مه‌زن ل به‌غدا پشكدار بیت ل په‌رله‌مانێ ئێراقێ”.
نێچیرڤان بارزانی داخواز ژ وه‌لاتیان كر كو هه‌موو قه‌ستا سندووقێن ده‌نگدانێ بكه‌ن و هێزه‌كا مه‌زن بده‌نه كوردان ل به‌غدا و هیڤى خواست كو كورد دئێك ده‌نگ و ئیكگرتی بن ل به‌غدا بۆ خزمه‌تا كوردستانێ و وه‌لاتیێن به‌رێز و دیار كر كو دڤیت پشتی هه‌لبژارتنان كورد ئێك ده‌نگیا خوه بپارێزن وگۆت ئه‌وا دشیانێن مه‌دا بیت وه‌كی پارتی بۆ ئێكرێزی و ئێك ده‌نگیا كوردان پشتی هه‌لبژارتنان ب ئانه‌هیا خودێ دێ كه‌ین وه‌كو پارتی.
نيشاندان
WP Facebook Auto Publish Powered By : XYZScripts.com