ئه‌ڤرۆ نيوز:
بڕياره سوبه‌هى فيستڤالا هه‌شتێ يا پشكا رۆژنامه‌ڤانيا ئه‌لكترۆنى يا كوليژا ته‌كنيكى كارگێرى يا سه‌ر ب زانكۆيا پۆليته‌كنيك – دهۆك ڤه ب چه‌ندين چالاكيان بهێته گێران و ئه‌ڤرۆ نيوز سپۆنسه‌را ديجيتال ميدياى يا وێ چالاكيێ يه.
نووترين نووچه
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
- مستەفا كازمی: پێدڤییە سیستەمێ كونفیدرالی ل ئیراقێ بهێتە پەیڕەوكرن
- میسال ئالۆسی: سیاسەتا برسیكرنێ سیاسەتەكا فاشییانەیە.
- د. ڤیان سەبری: وەزیرێن كورد بۆ چارەسەركرنا كێشەیا مووچەی دێ ل گەل سۆدانی كۆمبن
- سەروەر هاواری: دەستەکەک د حوكمەتا ئیراقێ دا ناخوازیت كوردستان ببیتە خودانا هیچ تشتەكی
- نێچیرڤان بارزانی و وەزیرێ دەرڤە یێ ئەمریكا پەیوەندیێن هەولێرێ و واشنتۆنێ گەنگەشەكرن
- مەسرور بارزانی و جاكی رۆزن، ل سەر رێزگرتن و پاراستنا قەوارەیێ هەرێما كوردستانێ د هەڤڕابوون
- سەرۆكێ حوكمەتا هەرێمێ دوپاتیێ ل هنارتنا شایستەیێن دارایی یێن خەلكێ كوردستانێ دكەت
- هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
- نەهنارتنا مووچەیێن فەرمانبەرێن كوردستانێ بڕیارەكا سیاسییە دژی ئیرادەیا گەلێ كوردستانێ و قەوارەیێ هەرێمێ
سه‌ره‌كى نوچێن گرنگ
داخواز دهێته كرن مامۆستايێن گرێبه‌ست بهێنه دامه‌زراندن
ئه‌ڤرۆنيوز:
سكرتێرێ ئێكه‌تيا مامۆستايێن كوردستانێ راگه‌هاند كو وان داخوازكريه مامۆستايێن گرێبه‌ست ل هه‌رێما كوردستانێ بهێنه دامه‌رزاندن ب تايبه‌ت ئه‌و گرێبه‌ستێن پێنج سال ب سه‌ر خزمه‌تێن وان ده‌رباز بووى.
عه‌بدولواحد محه‌مه‌د، سكرتێرێ ئێكه‌تيا مامۆستايێن كوردستانێ گۆت” مه داخواز كريه ئه‌و مامۆستايێن گرێبه‌ست ل سالا 2018 بهێنه دامه‌زراندن وئه‌و ڤالاتيا هه‌ى دناڤه‌ندێن خواندنێ دا، ب وان بهێته پركرن.
عه‌بدولواحدى دداخۆيانيه‌كا رۆژنامه‌ڤانى دا زيده‌تر گۆت”دچه‌ند رۆژێن بۆرى دا، دكۆمبوونه‌كێ دا ل گه‌ل لژنا په‌روه‌ردێ وخواندنا بلند ل په‌رله‌مانێ كوردستانێ مه دووپاتى ل سه‌ر وێ چه‌ندێ كر كو ئه‌و مامۆستايێن گرێبه‌ست ئه‌وێن پێنج سال خزمه‌ت ل ناڤه‌ندێن خواندنێ دا هه‌ى، بهێنه دامه‌زراندن كو ل دووڤ رێنمايان پشتى پێنج سالان دڤێت ببنه مامۆستايێن به‌رده‌وام”.
ئاماژه دا” په‌رله‌مانێ كوردستانێ سۆز دا مه وێ پرسێ بگه‌هينيته حوكمه‌تێ تاكو ژئاليێ حوكمه‌تێ ڤه بريار ل سه‌ر بهێته دان وپاشى به‌رسڤا مه بهێته دان”.
خوياكر ژى” ل هه‌رێما كوردستانێ نێزيكى هه‌شت هزار مامۆستايێن گرێبه‌ست يێن هه‌ين وگه‌له‌ك ژوان ده‌مێ پێنج سالايه خزمه‌تێ دناڤ ناڤه‌ندێن خواندنێ دا دكه‌ن”.
ئه‌ردوگان:بزاڤا پارچه‌كرنا عيراقێ وسووريێ دهێته كرن
ئه‌ڤرۆنيوز:
سه‌رۆكێ توركيا راگه‌هاند، بزاڤه‌ك بۆ پارچه‌كرنا عيراقێ وسووريێ يا دهێته كرن ودياركر كو توركيا يا هه‌ول دده‌ت وێ بزاڤا پارچه‌كرنا هه‌ردو وه‌لاتان ژناڤ ببه‌ت.
ره‌جه‌ب ته‌يب ئه‌ردۆگان، سه‌رۆكێ توركيا، دچارچۆڤێ گۆتاره‌كێ دا ل فيسته‌ڤالا زانكۆيا (بوغائيجى) ل ستانبۆلێ گۆت” بزاڤه‌كا مه‌زن يا هه‌ى بۆ پارچه‌كرنا عيراقێ وسووريێ وئارمانج ژ وێ چه‌ندێ توركيايه”.
ئه‌ردۆگانى زێده‌تر گۆت” توركيا هه‌ست ب به‌رپرسياره‌تيا مه‌زن دكه‌ت بۆ وێ مه‌ره‌مێ ودێ هه‌ول ژى ده‌ت وێ بزاڤا پارچه‌كرنێ ژناڤ ببه‌ت”.
شاندێن له‌شكرێن رووسيا وئيرانێ وسووريێ وعيراقێ كۆمبوون
ئه‌ڤرۆنيوز:
وه‌زاره‌تا به‌رگريا ئيرانى راگه‌هاند، شاندێن له‌شكرى يێن هه‌ر ئێك ژ وه‌لاتێن رووسيا، سووريا، عيراق وئيران ل به‌غدا كۆمبوون بۆ دانوستاندنێ ل دۆر گه‌فێن تيرۆرێ وكارێ هه‌ڤپشك بۆ شه‌رێ دژى تيرۆرێ.
وه‌زاره‌تا به‌رگريا ئيرانى ل دووڤ ئاژانسا ته‌سنيم يا ده‌نگوباسان يا ئيرانى، رۆهنكر” ئه‌و كۆمبوون ل سه‌نته‌رێ هه‌ماهه‌نگيا له‌شكرى يا هه‌ر چار وه‌لاتان هاته ئه‌نجامدان كو يا تايبه‌ت بوو ب پرسێن ئه‌منى يێن گرێداى تيرۆرێ ڤه”.
سه‌نته‌رێ هه‌ماهه‌نگيا له‌شكرى دناڤبه‌را وان هه‌رچار وه‌لاتان دا ل سالا 2015 هاتيه دامه‌زراندن كو ئه‌ركێ سه‌ره‌كى يێ وى به‌رهنگاريا تيرۆرێ يه.
به‌رپرسه‌كێ وه‌زاره‌تا بازرگانى به‌حسێ پرسا هنارتنا گه‌نمێ هه‌رێمێ بۆ به‌غدا دكه‌ت
ئه‌ڤرۆنيوز:
وه‌زاره‌تا بازرگانى ل هه‌رێما كوردستانێ سه‌باره‌ت راده‌ستكرن يان نه‌راده‌ستكرنا گه‌نمێ ئه‌ڤ ساله يێ هه‌رێمێ ب حوكمه‌تا عيراقێ، دێ كۆمبيت، به‌رپرسه‌كێ وێ وه‌زاره‌تێ ژى دبێژيت، به‌رى هاتنا هه‌يڤا گۆلانێ دێ كۆمبين ودووماهى بريار دێ ل دۆر وێ پرسێ وه‌رگرين.
هه‌رچه‌نده هه‌تا نوكه وه‌زاره‌تا بازرگانيا عيراقێ پشكه‌ك ژ شايستێ دارايى وپارێ گه‌نمێ جوتيارێن هه‌رێما كوردستانێ بۆ سالێن (2015،2016 و2017) نه هنارتيه، به‌لێ دبه‌ياننامه‌كێ دا ده‌ه‌پاتكريه كو ” ل هه‌ر پارێزگه‌هه‌كا عيراقێ وهه‌رێمێ چه‌ند سايلۆيه‌ك بۆ وه‌رگرتنا گه‌نمێ جوتياران دئه‌ڤ ساله دا دێ دياركه‌ين”.
سه‌باره‌ت وێ چه‌ندێ ئايا هه‌رێما كوردستانێ يا به‌رهه‌ڤه گه‌نمى راده‌ستى به‌غدا بكه‌ت، عه‌بدولره‌زاق ناوه‌نده‌يى، رێڤه‌به‌رێ گشتيێ ديوانا وه‌زاره‌تا بازرگانى ل هه‌رێما كوردستانێ راگه‌هاند” وه‌زاره‌تا بازرگانيا هه‌رێمێ هه‌تا نوكه چو برياره‌ك ل دۆر راده‌ستكرن يان نه‌راده‌ستكرنا گه‌نمى ب به‌غدا نه‌دايه”.
گۆت ژى”به‌رى هاتنا هه‌يڤا گولانێ، دێ كۆمبوونه‌كێ ل سه‌ر وى بابه‌تى كه‌ين وتێدا دێ بريارا دووماهيێ وه‌رگرين كا دێ ئه‌ڤ ساله گه‌نمى راده‌ستى به‌غدا كه‌ين، يان نه”.
هونه‌رمه‌نده‌كێ عه‌ره‌ب ژيانا هه‌ڤژينيێ ل گه‌ل كچه‌كا كورد پێكئينا
ئه‌ڤرۆنيوز:
هونه‌رمه‌نده‌كێ عه‌ره‌ب يێ كو پشكدارى د به‌رنامێ ئه‌ره‌ب يائدۆل دا كرى، ژيانا هه‌ڤژينيێ ل گه‌ل كچه‌كا كورد يا هه‌رێما كوردستانێ پێكئينا.
هونه‌رمه‌ند يوسف عه‌ره‌فات يێ ئوردونى كو ل سالا 2012 پشكدارى دبه‌رنامێ ئه‌ره‌ب ئايدۆل دا كربوو كو ل سه‌ر شاشا كه‌نالێ MBC دهێته به‌خشكرن وهه‌ر دوێ سالێ دا ناڤدار دبيت وگه‌له‌ك پشته‌ڤان يێن هه‌ين.
به‌رى چه‌ند رۆژان وى هورنه‌مه‌ندى ژيانا هه‌ڤژينيێ ل گه‌ل كچه‌كا كورد ب ناڤێ (تارا جاف) پێكئينايه ووێنه وڤديۆيه‌كا خوه ل تۆرێن جڤاكى به‌لاڤكرن.
كۆمسيۆن:دهه‌فتيه‌كێ دا 150 سه‌رپێچى هاتينه تۆماركرن
ئه‌ڤرۆنيوز:
ئه‌ندامه‌كێ كۆمسيۆنا بلند يا هه‌لبژارتنان ل عيراقێ ئاشكرا دكه‌ت كو دده‌مێ هه‌فتيه‌كێ دا 150 سه‌رپێچى ل سه‌ر بانگه‌شا هه‌لبژارتنان ل عيراقێ هاتينه كرن.
ئه‌حمه‌د مزبان عه‌زاوى، ئه‌ندامێ ده‌سته‌يا كۆمسياران ل كۆمسيۆنا بلند يا هه‌لبژارتنان ل عيراقێ گۆت”هه‌تا نوكه 150 سه‌رپێچى ل بانگه‌شا هه‌لبژارتنێن جڤاتا نوونه‌رێن عيراقێ يێن هاتينه تۆماركرن”.
گۆت ژى” تنێ ل رۆژا ئه‌ينيێ 20/4/2018 يازده سه‌رپێچى يێن هاتينه تۆماركرن وپشتى ئاگه‌هداركرنا به‌ربژاران، 9 سه‌رپێچى هاتنه چاره‌سه‌ركرن”.
ئه‌و ئه‌ندامه‌ى كۆمیسیۆن ده‌ڵێ، “ته‌نیا رۆژى هه‌ینى 11 سه‌رپێچى كراوه، داواى ئاگاداركردنه‌وه‌ى كاندیده‌كان، نۆ سه‌رپێچى چاره‌سه‌ر كراون”.
هه‌رچه‌نده پێشتر كۆمسيۆنا بلند يا هه‌لبژارتنان، رێنمايێن خوه بۆ بانگه‌شا هه‌لبژارتنان به‌لاڤكربوون، به‌لێ وى به‌رپرسێ كۆمسيۆنێ به‌حس ل سێ سه‌رپێچيێن گه‌له‌ك زيق دكه‌ت ژوان ژى بكارئينانا فه‌رمانگه‌هێن حوكمه‌تا عيراقێ وبكارئينانا جهێن په‌رستنێ وبكارئينانا مادێ چه‌سپيكه‌ر دريكلاما به‌ربژاران دا
ئێكەتی دژی وەرگرتنا پۆستێ سەرۆكێ پەرلەمانێ عێراقێ یە
ئەڤرۆ نیوز ، زنار تۆڤی :
پەرلەمانتارەکێ ئێکەتیێ ل پەرلەمانێ عێراقێ رەتکریە،کو ئەو ل گەل وەرگرتنا پۆستێ سەرۆكێ پەرلەمانێ عێراقێ بن ل جهێ سەرۆك کۆماری،پشتی هەلبژارتنێن پەرلەمانێ عێراقێ،کو بریارە ل 12 گۆلانێ بهێنە ئەنجامدان.
محەمەد ئۆسمان بۆ قودسا عەرەبی گوتیە، پرسا گوهۆرینا پشكا كوردان ژ پۆستێن سیادی و وەرگرتنا پۆستێ سەرۆک كۆماری ژ لایێ سونیان ڤە و سەرۆكێ پەرلەمانی بۆ كوردان،هەتا نوکە ب تنێ گوتنێن میدیایی نە و هیچ رێككەفتنەک ل سەر نەهاتیە كرن.
هەروەسا گوتیە،نە حزبێن كوردی و نه كوردان ل گەل لایەنێن عێراقی ب هیچ شێوەیەكێ گوتۆبێژ ل سەر ڤی بابەتی نەكرینە،چو سوننە بن یان شیعە،لەوما جارێ بریار لێ نەهاتیە دان و ئەوا ل میدیایێ دهێتە گوتن، نەچوویە وارێ جێبەجێكرنێ.
ئەڤ گوتنێن وی پەرلەمانتارێ ئێکەتیێ د دەمەکێ دانە،کو پێشتر میدیایان ژ زارێ بەرپرسێن كوردان ڤە بەلاڤە كریە،کو نوکە حزبێن كوردی ب سەر دوو بەرەیان دابەش بووینە،پشکەک ژ وان ژ هەڤپەیمانی و گۆران و كۆمەلێ پێكهاتینە،وان دڤێت پۆستێ سەرۆک كۆماری وەربگرن و بەرهەم سالح وی پۆستەی وەربگریت،پشکا دیتر،کو ژ پارتی و پشکەکا ئێکەتیێ و ئێكگرتوو و حزبێن دیتر یێن كوردستانێ ل گەل هندێ نە پشتی هەلبژارتنان پۆستێ سەرۆكێ پەرلەمانی بدەنە كوردان، چونكی ل چار سالێن بوری سەرۆک كۆماری چو بۆ كوردان دەستەبەر نەكریە و نەشیایە هیچ رێگریەكێ ل سزادانا ب كۆمەل یا خەلكێ كوردستانێ بكەت.
پێشتر دناڤبەرا پارتی دیموكراتی كوردستان و ئێکەتیا نیشتمانی یا كوردستانێ رێككەفتن ل سەر پۆستێن سیادی هاتبوو كرن.
ل حەفتیا بهێت تره‌مپ و ماكرۆن دێ كۆم بن
ئەڤرۆ نیوز ، زنار تۆڤی :
بڕیاره ل رۆژا سێشه‌مبیا بهێت هه‌ردوو سه‌رۆكێن ئەمریکا و فرنسا بۆ گوتۆبێژکرنێ دەرباره‌ی چه‌كێ ئه‌تۆمی یێ ئیرانێ ل كۆچكا سپی كۆم ببن.
ئاژانسا رۆیته‌رز دیارکریە،کو به‌رپرسەکێ كۆچکا سپی راگەهاندیە،کو دۆنالد تره‌مپێ سه‌رۆكێ ئه‌مریكا بریاره ل گه‌ل ئیمانوێل ماكرۆن سه‌رۆكێ فڕه‌نسا كۆمبوونه‌کێ ئه‌نجام بده‌ن بۆ بەحسكرنا چه‌كێ ئه‌تۆمی یێ ئیرانێ و هه‌روه‌سا هەڤپه‌یمانیا هێرشێن سه‌ربازی بۆ سه‌ر سووریێ.
ئه‌ڤە ژی پشتی وێ رێككه‌فتنا دناڤبەرا تەهرانێ و ئه‌مریكا و هەر پێنچ ژ وەلاتێن زلهێز دهێت بۆ دەستبەردانا ئیرانێ ژ به‌رنامێ ئەتۆمی،ب مەرەما كێمكرنا سزایێن ئه‌مریكا بۆ سه‌ر وی وەلاتی،کو دۆنالد تره‌مپی ب خراپترین رێككه‌فتن ددا‌نیت،هەروەسا ل هەیڤا ترەمپی ئاگاهداریەک بۆ وەلاتێن فرنسا و ئه‌لمانیا و بریتانیا هنارتیە بۆ چاكسازیكرنێ د وێ رێككه‌فتنێ دا و هێرشا هندێ كریە،کو سزایێن ل سه‌ر ئیرانێ لا نادەت.
محه‌مه‌د جه‌واد زه‌ریف وه‌زیرێ ده‌رڤە یێ ئیرانێ ل نیویۆرك راگه‌هاند،کو تەهرانێ چه‌ند بژارده‌یه‌ك داینه ئه‌مریكا بۆ ده‌رچوون ژ وێ رێككه‌فتنێ، هه‌روه‌سا كارڤەدانێن ئیرانێ به‌رامبه‌ر ده‌رچوونا واشنتۆنێ ژ رێككه‌فتنا به‌رنامێ وی یێ ئەتۆمی باش نابیت.
هەروەسا حوکمه‌تا ئیرانێ ئاشكرا كریە،کو هەتا هندەک لایەنێن دیتر هه‌بن رێزێ بگرن دەستا ژ وێ رێككه‌فتنێ بەرنادەت،ب تنێ د دەمەکێ دا ئەڤە دێ بیت،دەمێ کو ئه‌مریكا ژ وێ رێككه‌فتنێ ده‌ربچیت.
عێراق دێ 90 ملیۆن دۆلاران دەتە كوێتێ
ئەڤرۆ نیوز ، زنار تۆڤی :
وه‌كو پشکەک ژ قه‌ره‌بووكرنا داگیركرنا كوێتێ،دوهی عێراقێ بریار دا 90 ملیۆن دۆلاران بدەتە كوێتێ.
سایتێ به‌غداد توده‌ى یێ عێراقێ بەلاڤ كریە،کو دوهی میدیایێن فرنسا ئاشكرا كریه كو حوکمه‌تا عێراقێ بریار دایه کو 90 ملیۆن دۆلاران بدەتە كوێتێ.
ئه‌ڤ پارێ عێراق ددەتە كوێتێ،د چارچۆڤێ قه‌ره‌بووكرنا وێ داگیركرنێ یە،یا كو سه‌دام حوسێنی ل سالا 1990 ده‌رهه‌ق كوێتێ ئه‌نجام دای.
لیژنا قه‌ره‌بووكرنێ ل رێكخراوا نه‌ته‌وێن ئێکگرتی ل سالا 2014 بریارا قه‌ره‌بووكرنا كوێتێ ژ لایێ عێراقێ ڤە راگرتبوو،ئەڤە ژی پشتی هێرشێن داعشێ بوو بۆ سه‌ر عێراقێ.
لدووڤ بریارا نه‌ته‌وێن ئێكگرتی،دڤێت عێراق 52 ملیار دۆلار و 400 ملیۆن دۆلاران وه‌ك قه‌ره‌بوویا تاكه كه‌سی و كۆمپانیا و رێكخراوێن حکومی بدەتە كوێتێ،ل گه‌ل هه‌ر كارەکێ دیتر،کو ژ ئه‌نجامێ وێ داگیركرنێ ده‌ركه‌فتیه.
ل گه‌ل هژمارتنا وی گۆژمێ پاره‌ی،یێ کو عێراقێ دوماهی جار بریار ل سه‌ر دای کو بدەتە كوێتێ،هەتا نوکە عێراقێ 47 ملیار و نەه ملیۆن دۆلار یێن داینە كوێتێ.
نيشاندان
WP Facebook Auto Publish Powered By : XYZScripts.com