ئه‌ڤرۆنيوز:
ل ساليادا وه‌غه‌ركرنا مسته‌فابارزانى، سه‌ركردێ شوره‌شا رزگاريخوازا گه‌لێ كوردستانێ، ئه‌ڤرۆ پێنجشه‌مبى 1/3/2018هزاران كه‌سان سه‌ره‌دانا مه‌زارێ نه‌مران ل بارزان كر.
وه‌لاتيێن كوردستانێ ب هه‌موو ته‌خ وچينێن خوه‌ڤه په‌يمانا وه‌فاداريێ بۆ ئاخ وگه‌لێ كوردستانێ ل به‌رامبه‌ر مه‌زارێ مسته‌فا بارزانى نوو دكه‌ن.
ئه‌ڤرۆنيوز:
ئه‌ندامه‌كێ لژنا قانوونى ل جڤاتا نوونه‌رين عيراقێ راگه‌هاند، وه‌زيرێ ناڤخوه‌يێ عيراقێ رازيبوويه ل سه‌ر خه‌رجكرنا مووچێن چه‌ندين رێڤه‌به‌ريێن ب سه‌ر وه‌زاره‌تا ناڤخوه‌يى ڤه ل هه‌رێما كوردستانێ.
ئه‌مين به‌كر ئه‌ندامێ جڤاتا نوونه‌رێن عيراقێ وئه‌ندامێ لژنا قانوونى دفه‌يسبووكى دا به‌لاڤكر” وه‌زيرێ ناڤخوه‌يێ عيراقێ رازيبوويه ل سه‌ر خه‌رجكرنا مووچێن گيرۆبووى يێن هه‌يڤێن 10 و11 و12 يێن سالا 2017 يێن فه‌رمانبه‌رێن رێڤه‌به‌ريێن ره‌گه‌زنامێ وپاسه‌پۆرتان ل هه‌رێما كوردستانێ كارتا نيشتمانى”.
ئه‌ڤرۆنيوز:
فراكسيۆنا پارتى ديموكراتى كوردستان ل په‌رله‌مانێ كوردستانێ دياركر، ل سه‌ر قانوونا چاكسازيێ دخانه‌نشينيێ ومووچه‌ى وده‌رمالان دا كو ل په‌رله‌مانێ هاتيه په‌سه‌ندكرن، جاره‌كا دى موزايه‌دچيان دڤێت رايا گشتى دسه‌ردا ببه‌ن.
ئه‌ڤرۆ چارشه‌مبى 28/2/2018، ئومێد خوشناو سه‌رۆكێ فراكسيۆنا پارتى ل په‌رله‌مانێ كوردستانێ به‌ياننامه‌ك به‌لاڤكر وراگه‌هاند، جاره‌كا دى موزايه‌دچيان وه‌كو كارێ وان يێ به‌رده‌وام دخوازن رايا گشتى سه‌ر دا ببه‌ن، له‌وما دخوازين هه‌ر چ زوويه سه‌رۆكايه‌تيا په‌رله‌مانى ولايه‌نێن په‌يوه‌نديدارێن حوكمه‌تێ، ئارمانج وراستيا پرۆ1ه‌ى بۆ رايا گشتى به‌رچاڤ ورۆهن بكه‌ن.
دوێ به‌ياننامێ دا هاتيه، هه‌كارێن ده‌ركرنا پرۆژه‌ى 70 ئه‌ندامێن په‌رله‌مانى ده‌نگ پێدا، هه‌روه‌سا 68 ئه‌ندامێن په‌رله‌مانى ده‌نگ ب پرۆ1ه دايه وچو ئه‌ندامه‌كێ په‌رله‌مانى يان فراكسيۆنه‌كێ دژى وى پرۆژه‌ى نه‌بوو.
دياركر ژى” خه‌لكێ كوردستانێ پشت راست دكه‌ين، چاكسازى پێدڤيه‌كا حه‌تمى يه وتا حوكمرانى هه‌بيت، چاكسازى ژى پرۆسه‌كا هه‌ڤشانا حوكمرانيێ دبيت وفراكسيۆنا پارتى دێ هه‌لگرا وێ مه‌شخه‌لێ بيت، ئه‌ڤه ژى پشته‌ڤانيا هه‌موو ئه‌ندام ولايه‌نگر وسه‌ركردايه‌تيا پارتى ل گه‌له، ئه‌م ده‌ستڤه‌كرى نه دچاڤ نه‌پۆشينێ ل سه‌ر كێماسيان وچاكسازيكرنێ وهه‌لگرتنا به‌رپرسياره‌تيێ ونه‌ره‌ڤينێ ونه‌كرنا دوكێلێ دچاڤێ وه‌لاتيان دا وه‌كو خه‌لكێ دى دكه‌ت”.
ئۆمێد خوشناو دبيژيت” پرۆژه قانوونا چاكسازيێ دمووچه‌ى وخانه‌نشينيێ دا ب هه‌ماهه‌نگى شه‌ش لژنێن دده‌مه‌كى دايه كو ئه‌ڤرۆ هژماره‌كا فراكسيۆنێن دناڤ په‌رله‌مانێ كوردستانێ دا رۆهنكرن دان كو ئه‌و ل گه‌ل په‌سه‌ندكرنا برگه‌كا تايبه‌ت ب خانه‌نشينيا په‌رله‌مانتار وپله تايبه‌تان نه‌بوون.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ راگه‌هاند، هه‌رێمێ ئه‌ركێن خوه يێن دستوورى يێن بجهئيناين ونوكه ده‌مێ وێ چه‌ندێ يه به‌غدا ئه‌ركێن خوه بجهبينيت، دياركر ژى هوكارێ بريارا داخستنا گه‌شتێن نێڤده‌وله‌تى ل فرۆكخانێن هه‌رێمێ سياسى يه نه‌كو ته‌كنيكى.
مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ، كو دسه‌ره‌دانه‌كا چه‌ند رۆژى ل ئه‌مريكايه زێده‌تر بۆ روداو خوياكر كو ل گه‌ل به‌رپرسێن كۆچكا سپى ووه‌زاره‌تا ده‌رڤه وسيناتۆران كۆمبوويه ودانوستاندن ل دۆر چه‌ندين پرسان هاتيه كرن.
ل دۆر كۆمبوونا شاندێ كوردستانێ وحوكمه‌تا عيراقێ ل ميونشن، مه‌سرور بارزانى گۆت” دشێم بێژم ئه‌م گه‌هشتينه رێككه‌فتنه‌كێ بۆ چاوانيا ڤه‌كرنا فرۆكخانان، به‌لێ هه‌موو رۆژه‌كێ يێ بيانويێن دى دئينن، وه‌سا دياره مه‌ره‌م سياسى يه ونه ته‌كنيكى، هه‌كه نه چو بيانويه‌ك نه‌مايه كو فرۆكخانه نه‌هێنه ڤه‌كرن”.
سه‌باره‌ت په‌يوه‌نديێن دناڤبه‌را هه‌رێما كوردستانێ وئه‌مريكا، گۆت” سه‌ره‌راي هه‌بوونا بۆچوونێن جودا ل سه‌ر هنده‌ك بابه‌تان، به‌لێ ئاستێ په‌يوه‌نديان گه‌له‌ك يێ باشه وكوردستان وئه‌مريكا دۆست وهه‌ڤپه‌يمانێن هه‌ڤدوونه”.
ئه‌ڤرۆنيوز:
پشتى چه‌ندين كۆمبوونان ل سه‌ر پرۆژه قانوونا چاكسازيێ دخانه‌نشينيێ ومووچه‌ى وده‌رماله وبه‌خشين وئيمتيازاتان، په‌رله‌مانێ كوردستانێ دروونشتنا خوه يا رۆژا سێشه‌مبى 27/2/2018
هه‌موو مادێن پرۆژه قانوونا ناڤبرى په‌سه‌ندكرن وب وى شێوه‌ى پێدڤيه حوكمه‌تا هه‌رێما كوردستانێ پرۆژه قانوونێ بجهبينيت.
پشتى په‌سه‌ندكرنا پرۆژه قانوونێ، سه‌رۆكايه‌تيا په‌رله‌مانێ كوردستانێ وشاندێ حوكمه‌تا هه‌رێمێ، كۆنگره‌كێ رۆژنامه‌ڤانى ئه‌نجامدا وجه‌عفه‌ر ئيبراهيم جێگرێ سه‌رۆكێ په‌رله‌مانى گۆت” پرۆژه قانوون ب تێكرايا ده‌نگان هاته په‌سه‌ندكرن وهه‌موو فراكسيۆن ب روحه‌كا نيشتمانپه‌روه‌رى مامه‌له ل گه‌ل كر ودوێ قانوونێ دا ره‌وشا دارايى يا هه‌رێما كوردستانێ ل به‌رچاڤ هاته وه‌رگرتن ب تايبه‌تى ئه‌وێن دنالن ژبه‌ركو وه‌كو پێدڤى دادپه‌روه‌رى نه‌هاتيه ل به‌رچاڤ وه‌رگرتن ددامه‌زراندنێ وده‌لماله وپله وپۆستان دا”.
بێگه‌رد تاله‌بانى، سكرتێرا په‌رله‌مانێ كوردستانێ گۆت” په‌سه‌ندكرنا قانونا چاكسازيێ پێنگاڤه‌كا مه‌زنبوو ل كوردستانێ ودبه‌رژه‌وه‌نديا خه‌لكێ كوردستانێ دايه”.
پانوونا چاكسازيێ دخانه‌نشينيێ ومووچه‌ى وده‌رماله وئيمتيازاتان دا ژ 24 مادان پێكهاتيه و ب په‌سه‌ندكرنا وێ، دێ گۆژمێ 150 مليار دينار بۆ حوكمه‌تێ زڤرن، دوێ قانوونێ دا خزمه‌تا سالانه يا فه‌رمانبه‌ران وده‌رمالێن وان هاتينه رێكخستن وكێمترين مووچێ خانه‌نشينيێ ژى 300 هزار ديناره ودو مووچه‌يى ژى نامينيت.
ئەڤرۆ نیوز ، زنار تۆڤی:
ب ئەگەرێ نە ئاماده‌نه‌بوونا رێژا یاسایى ئه‌ندامان،روونشتنا ئەڤرۆ یا په‌رله‌مانێ عێراقێ بۆ رۆژا پێنجشه‌مبی هاتە پاشخستن.
بریاربوو ئه‌ڤرۆ په‌رله‌مانێ عێراقێ روونشتنا خوە ل سه‌ر پڕۆژه قانوونا بودجەی ئه‌نجام بدەت، به‌لێ ب ئەگەرێ ته‌مام نه‌بوونا رێژه‌یا ئه‌ندامێن پەرلەمانی د ئاستێ قانوونی دا، ئه‌و روونشتنه بۆ سوبەهی پێنجشه‌مبی هاتە پاشخستن.
دوهی سێشه‌مبی سه‌لیم جبوورى سه‌رۆكێ په‌رله‌مانێ عێراقێ بێی ئاماده‌بوونا په‌رله‌مانتارێن كورد، ل گه‌ل لیژنا دارایى یا په‌رله‌مانێ عێراقێ كۆمبوون ئه‌نجام دایە، هەروەسا پشتی ته‌مامبوونا وێ كۆمبوونێ نڤێسینگه‌ها سه‌رۆكێ په‌رله‌مانى راگه‌هاندبوو،پشتی گوهۆرین د پرۆژه قانوونا بودجەی دا هاتینە کرن،ئەڤرۆ ئێخستبوو به‌رنامێ كارێ په‌رله‌مانی.
لێ ئه‌ڤرۆ ب ئەگەرێ ئاماده‌نه‌بوونا رێژا قانوونی ل په‌رله‌مانی ئەو كۆمبوون جارەکا دی هاتە پاشخستن.
ماوێ دو مانگانە په‌رله‌مانێ عێراقێ نەشێت پرۆژە قانوونا بودجەی په‌سه‌ند بكەت،ب ئەگەرێ وێ نەرازیبوونا ل سه‌ر وی بودجه‌ی هه‌ی،هەروەسا فراكسیۆنێن كوردستانی، ماوێ زێدەتر ژ مانگەکێیە هه‌لویستێ وان روونە و دبێژن پێدڤیە بودجێ هەرێمێ %17 بیت،لەورا وان بایکۆتا روونشتنێن پەرلەمانی کریه.
ئه‌ڤرۆ نيوز:
يه‌كينێن پاراستنا گه‌ل “يه‌په‌گه” ئاشكه‌را كر كو هێرشا سۆپايێ توركيا ل عه‌فرين هاتيه تێكشكاندن و چار له‌شكرێ توركى ژى هاتينه كوشتن.
ئاژانسا هاوار يا نێزيك ژ يه‌په‌گێ راگه‌هاند كو شه‌رڤانێن يه‌په‌گێ و يه‌په‌ژێ هێرشه‌كا توركيا بۆ سه‌ر گوندێ عه‌لى جه‌زاى سه‌ر ب باژێرێكێ بلبل تێكشكاند.
يه‌په‌گێ راگه‌هانديه ژى كو د وێ هێرشێ دا چار له‌شكرێن توركيا هاتينه كوشتن و شه‌ش ژى بريندار بووينه.
ئه‌ڤرۆ نیوز ، نه‌وزاد هلۆری:
ل سنوورێ دناڤبه‌را هه‌رێما كوردستان و باكوورێ كوردستانێ و ل سنوورێ قه‌زا مێرگه‌سوور هژماره‌كا وه‌لاتیان د سه‌رمان دا مرن كو بزاڤ دكر بچنه ده‌رڤه‌یێ كوردستانێ.
غه‌فور ئه‌حمه‌د قایمقامێ قه‌زا مێرگه‌سوور بو ئه‌ڤرۆ نیوز گۆت: (هنده‌ك وه‌لاتیان بزاڤ دكر دسنوورێ دناڤبه‌را هه‌رێما كوردستان و باكورێ كوردستانێ بگه‌هنه ده‌رڤه به‌لێ ل نێزیك روبارێ ماوان ل سنوورێ قه‌زا مێرگه‌سوور شه‌ش كه‌س ژ سه‌رمان دا مرن ، هنده‌كێن دن ژی هاتینه رزگاركرن و نها ل نه‌خوشخانێن توركیا چاره‌سه‌ری بو دهێته‌كرن).
زێده‌تر گۆت: (هه‌تا نها ناهێته زانین كا ئه‌و كه‌سێن گیانێ خوه ژ ده‌ستدایی كی نه ، به‌لێ بزاڤ دهێنه‌كرن بو وه‌رگرتنا ته‌رمێن وان).
رێڤه‌به‌رێ كارگێری و خۆیه‌تی ل زانكۆیا دهۆك دیاركر، پشتی بڕیارا حوكمه‌تا هه‌رێما كوردستانێ ل دۆر دامه‌زراندنا ئێكه‌مێن سه‌ر پشكا یێن سالا خواندنێ 2014-2015 هاتی، ل زانكۆیا دهۆك 129 پلێن دامه‌زراندنێ بۆ ئێكه‌م و دووه‌م و سێیه‌م سه‌ر پشكێن زانستی یێن كۆلیژێن سه‌ر ب زانكۆیا دهۆك ڤه هاتن.
ئه‌ڤرۆ، دووڤچوون:
به‌نگین ئیبراهیم، رێڤه‌به‌رێ كارگێری و خۆیه‌تی ل زانكۆیا دهۆك بۆ ئه‌ڤرۆ راگه‌هاند، پشتی بریارا دامه‌زراندنا 129 ده‌رچوویان هاتی، 18 ده‌رچوویان ده‌ست ب كاری نه‌كرن، ژ به‌ركو كاره‌كێ دی بۆ خۆ دیتیه و هنده‌ك ژی چووینه ژ ده‌رڤه‌ی وه‌لاتی. هه‌روه‌سا د ماوێ بۆری دا مه 10 فه‌رمانبه‌ر یێن ژ كاری لاداینه، ژ به‌ر نه‌پێگیریكرنا وان ب دوامێ و دیسا كۆمه‌كا دی مه هۆشداریا دایێ، ئه‌گه‌ر ئه‌و ژی پێگیر نه‌بوون دێ ئه‌و ژی ژ كاری هێنه لادان.
خویاژی كر، ل به‌راهیێ ئه‌م وان ئاگه‌هدار دكه‌ین، ئه‌گه‌ر ل ناڤ هه‌رێما كوردستانێ دا بن حه‌فت رۆژان مۆله‌تێ دده‌ینێ كو بهێن سه‌ره‌دانا رێڤه‌به‌ریێ بكه‌ن، ئه‌گه‌ر ل ده‌رڤه‌ی هه‌رێما كوردستانێ بن 30 رۆژان مۆله‌تێ دده‌ینێ كو بهێن ده‌ست ب كارێ خۆ بكه‌نه‌ڤه، ئه‌گه‌ر یێ پێگر نه‌بوو دێ فه‌رمانا لادانا وی هێته چێكرن، دیسا ل خواندنا بلند ئه‌ڤ حاله‌ته یێن هه‌ین د ماوێ بۆری دا مه 43 هۆشداری یێن چێكرین بۆ ئه‌وێن ژ ده‌رڤه‌ری وه‌لاتی و مۆله‌تا خواندنێ وه‌رگرتی و مۆله‌تا وان ب دووماهی هاتی، ئه‌گه‌ر نه‌زڤرن ئه‌و ژی دێ ژ سه‌ر كاری هێنه لادان چونكو مۆله‌تا وان یا خواندنێ ب دووماهی هاتیه.
رێڤه‌به‌رێ كارگێری و خۆیه‌تی هه‌روه‌سا گۆت ژی: 86 كه‌سان ل زانكۆیا دهۆك هنده‌كان ژ وان ده‌ست ژ كار به‌رداینه و هنده‌ك چووینه به‌ر دلۆڤانیا خودێ و هنده‌ك خانه‌نشین بووینه، مه ب نڤیساره‌كا فه‌رمی داخازا ژ ئه‌نجومه‌نێ وه‌زیران كری كو جهێ ڤان بۆ مه بهێته پڕكرن، چونكو مه پێدڤی پێ هه‌یه و هه‌تا نوكه چو به‌رسڤ نینن.
رێڤه‌به‌رێ كارگێری و خۆیه‌تی دیاركر كو ستافێ زانكۆیا دهۆك نوكه ژ 3898 كه‌سان پێك دهێت، وه‌كو فه‌رمانبه‌ر هه‌ر ژ مامۆستایان ب باوه‌رنامێن دكتۆرا و ماسته‌ر و به‌كالوریۆس و هه‌تا یێن بێ باوه‌رانامه ژی، نوكه 245 كه‌سان مۆله‌تا بێ مووچه وه‌رگرتینه، گۆت ژی یا سروشتیه بۆ هه‌ر فه‌رمانبه‌ره‌كی ژ ساله‌كێ هه‌تا پێنج سالان مۆله‌تا بێ مووچه وه‌ربگریت، ب مه‌رجه‌كی ئه‌گه‌ر ره‌سید هه‌بیت دشێت مۆله‌تێ وه‌ربگریت ئه‌گه‌ر ره‌سید نه‌بوو دڤێت داخازا مۆله‌تێ ژ رێڤه‌به‌ریا خۆ بكه‌ت و ئه‌گه‌ر پێدڤی ب كارێ وی هه‌بوو مۆله‌ت بۆ ناهیته دان، بۆ فه‌رمانبه‌ری سێ جه دپێدڤینه ره‌زامه‌ندیێ بده‌ن ل سه‌ر مۆله‌تا بێ مووچه، جهێ كارێ وی و سه‌رۆكاتیا زانكۆیێ و وه‌زاره‌تا خواندنا بلند.
مامۆستا به‌نگین ئیبراهیم ئه‌و ژی دیار كر كو بۆ مامۆستایێ زانكۆیێ ئه‌وێن ناسناڤێ زانستی هه‌ی دوو سالان ب تنێ مافێ هه‌ی موله‌تا بێ مووچه وه‌رگریت، مۆله‌ته‌كا دی یا هه‌ی بۆ وان كه‌سان ئه‌وێن دچنه ژ ده‌رڤه‌ی وه‌لاتی بۆ خواندنا بلند چو تواناسازی بیت یان هه‌ر به‌رنامه‌كێ دی بیت، ده‌مێ ده‌ستووریێ وه‌ردگریت ب تنێ بۆ ماوێ دو سالایه ب مه‌رجه‌كی ده‌مێ باوه‌رنامێ ب ده‌ست خۆڤه دئینیت و دزڤریته زانكۆیێ مه‌رجه دووجارا هندی مۆله‌تا وه‌رگرتی بۆ زانكۆیێ كار بكه‌ت پاشی داخوازا مۆله‌تا بێ مۆچه بكه‌ت، چو باوه‌رناما ماسته‌رێ بیت یان دكتۆرایێ.
ل دۆر فه‌رمانبه‌رێن ب كریا رۆژانه و خۆبه‌خش و گرێبه‌ست كار دكه‌ن گۆت: مه هژماره‌كا فه‌رمانبه‌ران یێن هه‌ین وه‌كو خۆبه‌خش كار دكه‌ن ب پاره‌كێ ره‌مزی ئانكو گه‌له‌كێ كێم، ب تایبه‌ت ل كۆلیژا په‌روه‌ردا بنیات ل ئامێدیێ و دیسا مه فه‌رمانبه‌رێ هه‌ی ب كریا رۆژانه ل ده‌ف مه كار دكه‌ن، ب ڤه‌بوونا دامه‌زراندنێ ئه‌م دێ ل به‌راهیێ ده‌ینه خۆبه‌خشی، چونكو بێ به‌رامبه‌ر خزمه‌تا زانكۆیێ دكه‌ت، دیار ژی كر كو زانكۆیا دهۆك ٣٧ گریبه‌ست دگه‌ل مامۆستا یێن هه‌ین ژ مامۆستایێ هاریكار و خودان ناسناڤێن زانستی.
نيشاندان